ಸೌತ್ ಇಂಡಿಯನ್ ಬ್ಯಾಂಕ್​ನಿಂದ ಮಹಿಳೆಯರಿಗೆ ವಿಶೇಷ ಅಕೌಂಟ್; ಭರ್ಜರಿ ಇನ್ಷೂರೆನ್ಸ್, ಎಟಿಎಂ ಇತ್ಯಾದಿ ಸೌಲಭ್ಯ

ಬೆಂಗಳೂರು, ನವೆಂಬರ್ 18: ಸೌತ್ ಇಂಡಿಯನ್ ಬ್ಯಾಂಕ್ ಇದೀಗ ಮಹಿಳೆಯರಿಗೆಂದು ವಿಶೇಷ ಸೇವಿಂಗ್ಸ್ ಅಕೌಂಟ್ ಯೋಜನೆ ಆರಂಭಿಸಿದೆ. ಈ ಎಸ್​ಐಬಿ ಹರ್ ಅಕೌಂಟ್​ನಲ್ಲಿ (SIB HER account) ಮಹಿಳೆಯರಿಗೆ ನಾನಾ ರೀತಿಯ ಸೌಲಭ್ಯಗಳು ಮತ್ತು ಅನುಕೂಲತೆಗಳನ್ನು ನೀಡಲಾಗುತ್ತಿದೆ. ಭರ್ಜರಿ ಇನ್ಷೂರೆನ್ಸ್​ನಿಂದ (Insurance) ಹಿಡಿದು ಅನ್​ಲಿಮಿಟೆಡ್ ಎಟಿಎಂ ವಿತ್​ಡ್ರಾವರೆಗೆ ಹಲವು ಫೀಚರ್​ಗಳು ಮಹಿಳೆಯರ ಎಸ್​ಐಬಿ HER ಅಕೌಂಟ್​ನಲ್ಲಿ ಇವೆ.

ಸೌತ್ ಇಂಡಿಯನ್ ಬ್ಯಾಂಕ್ HER ಅಕೌಂಟ್​ನಲ್ಲಿರುವ ಫೀಚರ್​ಗಳು

• ಅಕೌಂಟ್​ನಲ್ಲಿ ಒಂದು ಲಕ್ಷ ರೂ ಮೇಲ್ಪಟ್ಟ ಬ್ಯಾಲನ್ಸ್ ಇದ್ದರೆ ಆಟೊ ಸ್ವೀಪ್ ಸೌಲಭ್ಯ ಸಿಗುತ್ತದೆ.
• ಎಟಿಎಂಗಳಲ್ಲಿ ಶುಲ್ಕರಹಿತವಾಗಿ ಎಷ್ಟು ಬಾರಿ ಬೇಕಾದರೂ ಹಣ ವಿತ್​ಡ್ರಾ ಮಾಡಬಹುದು.
• ಒಂದು ಕೋಟಿ ರೂ ಮೊತ್ತದ ವಿಮಾನ ಅಪಘಾತ ವಿಮೆ
• ವೈಯಕ್ತಿಕ ಅಪಘಾತಕ್ಕೆ 1 ಲಕ್ಷ ರೂ ವಿಮೆ
• ಕಡಿಮೆ ಪ್ರೀಮಿಯಮ್​ಗೆ ಕ್ಯಾನ್ಸರ್ ಕೇರ್ ಇನ್ಷೂರೆನ್ಸ್
• ಕಡಿಮೆ ಬಡ್ಡಿದರದಲ್ಲಿ ಸಾಲ ಸೌಲಭ್ಯ
• ಉಚಿತವಾಗಿ ಮೂರು ಫ್ಯಾಮಿಲಿ ಅಕೌಂಟ್ ಸೇರಿಸುವ ಅವಕಾಶ
• ಲಾಕರ್ ರೆಂಟಲ್​ನಲ್ಲಿ ಶೇ. 50ರಷ್ಟು ರಿಯಾಯಿತಿ
• ಏರ್​ಪೋರ್ಟ್ ಲಾಂಜ್ ಸೌಲಭ್ಯ

ಇದನ್ನೂ ಓದಿ: ಕೈಯಲ್ಲಿ ಹಣ ನಿಲ್ಲುತ್ತಿಲ್ಲವಾ? ಮೊದಲು ಕೈಬಿಟ್ಟುಹೋಗೋದು ಹಣ ಅಲ್ಲ; ಇದು ತಿಳಿದಿರಿ…

ಏನಿದು ಆಟೊ ಸ್ವೀಪ್ ಫೆಸಿಲಿಟಿ?

ಬ್ಯಾಂಕ್​ನಲ್ಲಿ ಆಟೊ ಸ್ವೀಪ್ ಫೆಸಿಲಿಟಿಯಲ್ಲಿ (Auto Sweep facility) ಸೇವಿಂಗ್ಸ್ ಅಕೌಂಟ್ ಮತ್ತು ಎಫ್​ಡಿ ಹಣದ ತಾಳಮೇಳ ಇರುತ್ತದೆ. ಇದರಲ್ಲಿ ಸೇವಿಂಗ್ಸ್ ಅಕೌಂಟ್ ಅನ್ನು ಫಿಕ್ಸೆಡ್ ಡೆಪಾಸಿಟ್ ಅಕೌಂಟ್​ಗೆ ಲಿಂಕ್ ಮಾಡಲಾಗಿರುತ್ತದೆ. ನಿಗದಿತ ಮಿತಿಗಿಂತ ಹೆಚ್ಚಿನ ಹಣವು ಎಸ್​ಬಿ ಅಕೌಂಟ್​ನಲ್ಲಿ ಇದ್ದರೆ ಅದನ್ನು ಎಫ್​ಡಿಗೆ ಆಟೊಮ್ಯಾಟಿಕ್ ಆಗಿ ವರ್ಗಾಯಿಸಲಾಗುತ್ತದೆ.

ಹಾಗೆಯೆ, ಎಸ್​ಬಿ ಅಕೌಂಟ್​ನಲ್ಲಿ ಬ್ಯಾಲನ್ಸ್ ನಿಗದಿತ ಮಿತಿಗಿಂತ ಕಡಿಮೆಗೆ ಬಂದರೆ, ಅಷ್ಟು ಹಣವನ್ನು ಎಫ್​ಡಿಯಿಂದ ಇಲ್ಲಿಗೆ ಟ್ರಾನ್ಸ್​ಫರ್ ಮಾಡಲಾಗುತ್ತದೆ. ಈ ರೀತಿಯ ವ್ಯವಸ್ಥೆಯಿಂದ ಗ್ರಾಹಕರ ಹಣಕ್ಕೆ ಹೆಚ್ಚಿನ ಬಡ್ಡಿ ಸಿಗಲು ಸಾಧ್ಯವಾಗುತ್ತದೆ.

ಇದನ್ನೂ ಓದಿ: ಡಿಜಿಟಲ್ ಗೋಲ್ಡ್​ನಲ್ಲಿ ಹೂಡಿಕೆ ಸುರಕ್ಷಿತವಲ್ಲವಾ? ಸೆಬಿ ಹೇಳಿದ್ದೇನು? ಪರ್ಯಾಯಗಳೇನು?

ಸೌತ್ ಇಂಡಿಯನ್ ಬ್ಯಾಂಕ್​ನಲ್ಲಿ ಮಂತ್ಲಿ ಬ್ಯಾಲನ್ಸ್​ನಲ್ಲಿ ವಿನಾಯಿತಿ…

ಸೌತ್ ಇಂಡಿಯನ್ ಬ್ಯಾಂಕ್​ನ HER ಅಕೌಂಟ್​ನಲ್ಲಿ 50,000 ರೂ ಮಾಸಿಕ ಬ್ಯಾಲನ್ಸ್ ಇರಬೇಕೆಂಬ ನಿಯಮ ಇದೆ. ಆದರೆ, ಗ್ರಾಹಕರು ಒಂದು ಲಕ್ಷ ರೂ ಅನ್ನು ಫಿಕ್ಸೆಡ್ ಡೆಪಾಸಿಟ್​ಗೆ ಇಟ್ಟರೆ, ಮಂತ್ಲಿ ಬ್ಯಾಲನ್ಸ್ ಎಷ್ಟಿದ್ದರೂ ಚಿಂತೆ ಪಡಬೇಕಿಲ್ಲ. ಅಥವಾ ಹಿಂದಿನ ತಿಂಗಳಲ್ಲಿ ಈ ಅಕೌಂಟ್​ನ ಡೆಬಿಡ್ ಕಾರ್ಡ್​ನಿಂದ 50,000 ರೂ ವ್ಯಯಿಸಿದ್ದರೂ ಈ ತಿಂಗಳು 50,000 ರೂ ಮಾಸಿಕ ಬ್ಯಾಲನ್ಸ್ ಕಾಯ್ದುಕೊಳ್ಳುವ ಅಗತ್ಯ ಇರುವುದಿಲ್ಲ.

ಎಸ್​ಐಬಿಯ ಬೇರೆ ಸಾಮಾನ್ಯ ಅಕೌಂಟ್​ಗಳಲ್ಲಿ ಕನಿಷ್ಠ ಬ್ಯಾಲನ್ಸ್ 5,000 ರೂವರೆಗೂ ಇದೆ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Published On - 6:27 pm, Tue, 18 November 25