ಆಟೋಚಾಲಕ ಮನೋಜ್ ಕೊಲೆ ಪ್ರಕರಣ ತೃತೀಯಲಿಂಗಿ ಸೇರಿ ಮೂವರು ಅರೆಸ್ಟ್

ಬೆಂಗಳೂರು: ಕಾಮಾಕ್ಷಿಪಾಳ್ಯದಲ್ಲಿ ಆಟೋ ಚಾಲಕ ಮನೋಜ್ ಕುಮಾರ್​ ಕೊಲೆ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ರೋಜಿ, ಶಿವು ಸೇರಿದಂತೆ 6 ಆರೋಪಿಗಳನ್ನು ಬೆಂಗಳೂರಿನ ಕಾಮಾಕ್ಷಿಪಾಳ್ಯ ಠಾಣೆ ಪೊಲೀಸರು ಸೆರೆ ಹಿಡಿದಿದ್ದಾರೆ. ಶಿವು ಅಲಿಯಸ್ ಶಿವರಾಜ್, ರೋಜಿ@ ರವಿ, ಸತ್ಯ ಮಣಿಕಂಠ, ಪ್ರತಾಪ್ ಹಾಗೂ ಇಬ್ಬರು ಕಾನೂನು ಸಂಘರ್ಷಕ್ಕೆ ಒಳಪಟ್ಟವರನ್ನ ಕಾಮಾಕ್ಷಿಪಾಳ್ಯ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ.

ಹತ್ಯೆಯ ವೃತ್ತಾಂತ:
ಕೊಲೆಯಾದ ಆಟೋ ಚಾಲಕ ಮನೋಜ್ ತೃತೀಯ ಲಿಂಗಿ ರೋಜಿಯನ್ನ ಪ್ರೀತಿಸುತ್ತಿದ್ದ. ಆದರೆ ಕೆಲ ಕಾಲ ಮನೋಜ್ ಊರಿಗೆ ಹೋದಾಗ ಆರೋಪಿ ಶಿವು, ರೋಜಿ ಲವ್ ನಲ್ಲಿ ಬಿದ್ದರು. ಇಬ್ಬರೂ ಒಬ್ಬರನ್ನೊಬ್ಬರು ಪ್ರೀತಿಸಲು ಶುರು ಮಾಡಿದ್ರು. ಈ ಮಧ್ಯೆ ಊರಿಂದ ವಾಪಸ್ಸು ಬಂದ ಮನೋಜ್, ರೋಜಿಯನ್ನ ಪ್ರೀತಿಸದಂತೆ ಶಿವುಗೆ ಬೆದರಿಸಿದ್ದ. ಹೀಗಾಗಿ ಶಿವು, ರೋಜಿ ಹಾಗೂ ಸಹಚರರು ಮನೋಜ್ ನನ್ನು ಕೊಲೆ ಮಾಡಿರುವುದು ಬೆಳಕಿಗೆ ಬಂದಿದೆ. ಸದ್ಯ ಆರೋಪಿಗಳನ್ನು ಬಂಧಿಸಿ, ಪೊಲೀಸ್ರು ತನಿಖೆ ಮುಂದುವರೆಸಿದ್ದಾರೆ.