ಒಂದು ಡೋಸ್ ರೆಮ್ಡೆಸಿವಿರ್ಗೆ 15 ಸಾವಿರ; ಅರೆಸ್ಟ್ ಡೋಸ್ ಕೊಟ್ಟ ಬೆಂಗಳೂರು ಪೊಲೀಸರು, ಆರು ಮಂದಿ ಸೆರೆ
Remdesivir Black Marketing: ಈ ಮಧ್ಯೆ, ಸುಬ್ರಮಣ್ಯ ನಗರ ಪೊಲೀಸರಿಂದಲೂ ಕಾಳಸಂತೆಯಲ್ಲಿ ರೆಮ್ಡೆಸಿವಿರ್ ಇಂಜಕ್ಷನ್ ಮಾರಾಟ ಮಾಡ್ತಿದ್ದ ಅರೋಪಿಗಳ ಅರೆಸ್ಟ್ ಆಗಿದೆ. ಸುಬ್ರಮಣ್ಯನಗರ ಪೊಲೀಸರು ಒಟ್ಟು ಮೂವರು ಅರೋಪಿಗಳನ್ನು ಅರೆಸ್ಟ್ ಮಾಡಿದ್ದಾರೆ.
ಬೆಂಗಳೂರು: ಕೊರೊನಾ ಮಾಹಾಮಾರಿ ನಡುವೆ ಧನಪಿಶಾಚಿಗಳ ಕಾಟ ಮುಂದುವರಿದಿದೆ. ಬೆಡ್, ಆಕ್ಸಿಜನ್, ಆಂಬುಲೆನ್ಸ್, ರೆಮ್ಡೆಸಿವಿರ್ ಇಂಜಕ್ಷನ್ ಕಾಳಸಂತೆ ಮಾರಾಟ ಯಾವುದೇ ಎಗ್ಗಿಲ್ಲದೆ ಜೋರಾಗಿದೆ. ಆದರೆ ಬೆಂಗಳೂರು ಪೊಲೀಸರೂ ಸಹ ಫೀಲ್ಡ್ಗೆ ಇಳಿದು ಇಂತಹ ರಕ್ಕಸರ ರಣಬೇಟೆಯಾಡುತ್ತಿದ್ದಾರೆ. ರಾಜಧಾನಿಯ ನಾನಾ ಭಾಗಗಳಲ್ಲಿ ಪೊಲೀಸ್ ಉಪ ಆಯುಕ್ತರ ನೇತೃತ್ವದಲ್ಲಿ ದಾಳಿಗಳು ನಡೆದಿದ್ದು, ಸದ್ಯಕ್ಕೆ ಆರು ಮಂದಿಯನ್ನು ಸರಳುಗಳ ಹಿಂದೆ ಕಳಿಸಿದ್ದಾರೆ. ಜೆ.ಪಿ.ನಗರ, ನಾಗವಾರ, ಸುಬ್ರಮಣ್ಯ ನಗರ ಮತ್ತು ಯಲಹಂಕ ಭಾಗಗಳಲ್ಲಿ ಪೊಲೀಸರು ಈ ಕಾರ್ಯಾಚರಣೆ ನಡೆಸಿದ್ದಾರೆ.
ಕಾಳಸಂತೆಯಲ್ಲಿ ರೆಮ್ಡೆಸಿವಿರ್ ಮಾರುತ್ತಿದ್ದ ಸುಳಿವು ಪಡೆದು ಬೆಂಗಳೂರಿನ ಜೆ.ಸಿ.ನಗರದ ಎಸಿಪಿ ನೇತೃತ್ವದಲ್ಲಿ ರೇಡ್ ಮಾಡಲಾಗಿದೆ. ಜೆ.ಪಿ. ನಗರದ ಮೆಡಿಕಲ್ ರೆಪ್ ಜನಾರ್ದನ್ ಬಳಿ 3 ರೆಮ್ಡೆಸಿವಿರ್ ಇಂಜಕ್ಷನ್, ನಾಗವಾರದ ಮೆಡಿಕಲ್ ರೆಪ್ ದೀಪಕ್ ಬಳಿ 3 ವಯಲ್, ಯಲಹಂಕ ಆಸ್ಪತ್ರೆ ರಿಸೆಪ್ಷನಿಸ್ಟ್ ಲೋಕೇಶ್ ಬಳಿ 4 ವಶ ಪಡೆಯಲಾಗಿದೆ.
ಮೂವರು ವಿರುದ್ದ ಜೆಸಿ ನಗರ ಪೊಲೀಸ್ ಠಾಣೆ ಯಲ್ಲಿ ಪ್ರತ್ಯೇಕ ಕೇಸ್ ದಾಖಲು ಮಾಡಿಕೊಳ್ಳಲಾಗಿದೆ. ಜೆ ಸಿ ನಗರ ಎಸಿಪಿ ರೀನಾ ಸುರ್ವ ನೇತ್ರತ್ವದಲ್ಲಿ ಕಾರ್ಯಚರಣೆ ನಡೆದಿದೆ.
ಸುಬ್ರಮಣ್ಯ ನಗರ ಪೊಲೀಸರಿಂದಲೂ ರೇಡ್:
ಈ ಮಧ್ಯೆ, ಸುಬ್ರಮಣ್ಯ ನಗರ ಪೊಲೀಸರಿಂದಲೂ ಕಾಳಸಂತೆಯಲ್ಲಿ ರೆಮ್ಡೆಸಿವಿರ್ ಇಂಜಕ್ಷನ್ ಮಾರಾಟ ಮಾಡ್ತಿದ್ದ ಅರೋಪಿಗಳ ಅರೆಸ್ಟ್ ಆಗಿದೆ. ಸುಬ್ರಮಣ್ಯನಗರ ಪೊಲೀಸರು ಒಟ್ಟು ಮೂವರು ಅರೋಪಿಗಳನ್ನು ಅರೆಸ್ಟ್ ಮಾಡಿದ್ದಾರೆ.ಅರೋಪಿ ನಂಬರ್ 1: ಜಾನಿ, ಎಸ್ಎಲ್ವಿ ಮೆಡಿಕಲ್ ಸ್ಟೋರ್, ಹೆಸರಘಟ್ಟ ರೋಡ್. ಇವನ ಬಳಿ ಒಟ್ಟು ಮೂರು ರೆಮ್ಡೆಸಿವಿರ್ ಇಂಜಕ್ಷನ್ ಗಳು ಇದ್ದವು. ಅರೋಪಿ ನಂಬರ್ 2: ದಿನೇಶ್, ಲಿಟಲ್ ಪ್ಲವರ್ ನರ್ಸಿಂಗ್ ಕಾಲೇಜು. ಮಾರತ್ ಹಳ್ಳಿ ಬಳಿ. ಮತ್ತು ಅರೋಪಿ ನಂಬರ್ 3 ಶಂಕರ್ ಅಂತಾ, ಗಾಯತ್ರಿ ಡಯಗ್ನಾಸಿಸ್ಟ್ ಸೆಂಟರ್ ನಾಗರ ಬಾವಿ. ಈ ಎಲ್ಲಾ ಅರೋಪಿಗಳು ಒಂದು ಡೋಸ್ ಅನ್ನು ಹದಿನೈದು ಸಾವಿರಕ್ಕಿಂತ ಹೆಚ್ಚಿನ ಹಣಕ್ಕೆ ಮಾರಾಟ ಮಾಡ್ತಿದ್ದರು ಎನ್ನಲಾಗಿದೆ.
(remdesivir injection in black market bengaluru police arrested six persons)