Murder: ಮೊಹಾಲಿಯಲ್ಲಿ ಹಾಡಹಗಲೇ ಯುವ ಅಕಾಲಿದಳದ ನಾಯಕನ ಬರ್ಬರ ಹತ್ಯೆ
Vicky Middukhera Murder | ಇಂದು ಬೆಳಗ್ಗೆ 10.30ರ ವೇಳೆಗೆ ಮೊಹಾಲಿ ಬಳಿಯ ಮತೌರ್ ಮಾರ್ಕೆಟ್ನಲ್ಲಿ ಯುವ ಅಕಾಲಿದಳದ ನಾಯಕ ವಿಕ್ಕಿ ಮೇಲೆ ದಾಳಿ ನಡೆದಿದೆ. ದುಷ್ಕರ್ಮಿಗಳು 10 ಬಾರಿ ಗುಂಡು ಹಾರಿಸಿ ಅಲ್ಲಿಂದ ಪರಾರಿಯಾಗಿದ್ದಾರೆ.
Updated on:Aug 07, 2021 | 3:48 PM
ಮೊಹಾಲಿ: ಪಂಜಾಬ್ನ ಯುವ ಅಕಾಲಿದಳದ ನಾಯಕ ವಿಕ್ಕಿ ಮಿದ್ದುಖೇರ ಅವರನ್ನು ಇಂದು ಹಾಡಹಗಲೇ ಮೊಹಾಲಿಯಲ್ಲಿ ಗುಂಡು ಹಾರಿಸಿ ಹತ್ಯೆ ಮಾಡಲಾಗಿದೆ. ವಿಕ್ಕಿ ಅವರ ಮೇಲೆ ಇದ್ದಕ್ಕಿದ್ದಂತೆ ದಾಳಿ ಡನೆಸಿದ ನಾಲ್ವರು ಸಶಸ್ತ್ರಧಾರಿಗಳು ಗುಂಡು ಹಾರಿಸಿದ್ದು, ಸುಮಾರು 10 ಗುಂಡುಗಳು ವಿಕ್ಕಿ ಅವರ ದೇಹವನ್ನು ಹೊಕ್ಕಿವೆ.
ಇಂದು ಬೆಳಗ್ಗೆ 10.30ರ ವೇಳೆಗೆ ಮೊಹಾಲಿ ಬಳಿಯ ಮತೌರ್ ಮಾರ್ಕೆಟ್ನಲ್ಲಿ ಯುವ ಅಕಾಲಿದಳದ ನಾಯಕ ವಿಕ್ಕಿ ಮೇಲೆ ದಾಳಿ ನಡೆದಿದೆ. ಏಕಾಏಕಿ ಗುಂಡಿನ ದಾಳಿ ನಡೆಸಿದ ದುಷ್ಕರ್ಮಿಗಳು 10 ಬಾರಿ ಗುಂಡು ಹಾರಿಸಿ ಅಲ್ಲಿಂದ ಪರಾರಿಯಾಗಿದ್ದಾರೆ. ತನ್ನ ಮೇಲೆ ಗುಂಡು ಹಾರಿಸಿದಾಗ ಅಲ್ಲಿಂದ ಓಡಿಹೋಗಲು ವಿಕ್ಕಿ ಪ್ರಯತ್ನಿಸಿದರು. ಆದರೆ, 10ಕ್ಕೂ ಹೆಚ್ಚು ಬಾರಿ ಶೂಟ್ ಮಾಡಿದ್ದರಿಂದ ಗಂಭೀರವಾಗಿ ಗಾಯಗೊಂಡ ವಿಕ್ಕಿ ಸ್ಥಳದಲ್ಲೇ ಕುಸಿದು ಬಿದ್ದಿದ್ದಾರೆ ಎಂದು ಪ್ರತ್ಯಕ್ಷದರ್ಶಿಗಳು ಮಾಹಿತಿ ನೀಡಿದ್ದಾರೆ.
Punjab | Youth Akali Dal leader Vicky Middukhera shot dead by unidentified people in Mohali. Details awaited.
— ANI (@ANI) August 7, 2021
ತನ್ನ ಸ್ನೇಹಿತನನ್ನು ಭೇಟಿಯಾಗಲು ವಿಕ್ಕಿ ಎಸ್ಯುವಿ ಕಾರಿನಲ್ಲಿ ಮಾರ್ಕೆಟ್ ಬಳಿ ಬಂದಿದ್ದರು. ಆಗ ಈ ಹಲ್ಲೆ ನಡೆದಿದೆ. ಗುಂಡೇಟಿನಿಂದ ಕುಸಿದುಬಿದ್ದಿದ್ದ ವಿಕ್ಕಿ ಅವರನ್ನು ಅಲ್ಲಿದ್ದವರು ಆಸ್ಪತ್ರೆಗೆ ಸೇರಿಸಿದ್ದಾರೆ. ಆದರೆ, ಸುಮಾರು 10 ಬುಲೆಟ್ಗಳು ಅವರ ದೇಹವನ್ನು ಹೊಕ್ಕಿದ್ದರಿಂದ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದಾರೆ. ಘಟನೆ ನಡೆದ ಸ್ಥಳದಿಂದ ಖಾಲಿಯಾಗಿದ್ದ ಶೆಲ್ಗಳನ್ನು ವಶಕ್ಕೆ ಪಡೆಯಲಾಗಿದೆ. ಘಟನೆಯ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿಯಲು ಸುತ್ತಲಿನ ಸಿಸಿಟಿವಿ ದೃಶ್ಯಾವಳಿಗಳನ್ನು ಪೊಲೀಸರು ಪರಿಶೀಲಿಸುತ್ತಿದ್ದಾರೆ.
2 ವರ್ಷಗಳ ಹಿಂದಷ್ಟೇ ಮದುವೆಯಾಗಿದ್ದ ವಿಕ್ಕಿ ಪಂಜಾಬ್ ಹಾಗೂ ಹರಿಯಾಣದ ಅನೇಕ ಶಾಸಕರಿಗೆ ಬಹಳ ಆತ್ಮೀಯರಾಗಿದ್ದರು. ಹಾಗೇ, ಪಂಜಾಬಿ ಗಾಯಕರೊಂದಿಗೂ ವಿಕ್ಕಿ ಉತ್ತಮ ಸ್ನೇಹ ಸಂಬಂಧ ಹೊಂದಿದ್ದರು. ಕಾಲೇಜು ದಿನಗಳಿಂದಲೂ ವಿದ್ಯಾರ್ಥಿ ನಾಯಕರಾಗಿದ್ದ ವಿಕ್ಕಿ ಯುವ ಅಕಾಲಿದಳದ ನಾಯಕರಾಗಿದ್ದರು.
ಇದನ್ನೂ ಓದಿ: Murder: ದಾವಣಗೆರೆ; ಅಕ್ರಮ ಸಂಬಂಧ ಮುಚ್ಚಿಡಲು ಪ್ರಿಯಕರನ ಜೊತೆ ಸೇರಿ ಹೆಂಡತಿಯಿಂದಲೇ ಗಂಡನ ಕೊಲೆ
(Crime News: Youth Akali Dal leader Vicky Middukhera shot dead in Mohali Murder News Today)
Published On - 3:47 pm, Sat, 7 August 21
