ಕಾಂಗ್ರೆಸ್ ಯಾವತ್ತೂ ಕಲಿಯುವುದಿಲ್ಲ: ಪಂಜಾಬ್ ಚುನಾವಣಾ ಫಲಿತಾಂಶ ನಂತರ ಅಮರಿಂದರ್ ಸಿಂಗ್​​ ಪ್ರತಿಕ್ರಿಯೆ

ಚಂಡೀಗಢ: 2022ರ ಪಂಜಾಬ್ ವಿಧಾನಸಭಾ ಚುನಾವಣೆಯಲ್ಲಿ(Punjab Assembly election) ಕಾಂಗ್ರೆಸ್ (Congress) ಪಕ್ಷದ ಭಾರಿ ಸೋಲಿಗೆ ಕಾರಣ ‘ಕ್ಯಾಪ್ಟನ್ ಅಡಿಯಲ್ಲಿ 4.5 ವರ್ಷಗಳ ಆಡಳಿತ ವಿರೋಧಿ ಕಾರ್ಯ…’ ಎಂದು ಕಾಂಗ್ರೆಸ್ ವಕ್ತಾರ ರಣದೀಪ್ ಸುರ್ಜೇವಾಲಾ (Randeep Surjewala) ಆರೋಪಿಸಿದ ನಂತರ ಪಂಜಾಬ್ ಮಾಜಿ ಮುಖ್ಯಮಂತ್ರಿ ಅಮರಿಂದರ್ ಸಿಂಗ್ ಇದಕ್ಕೆ ತಕ್ಕ ಉತ್ತರವನ್ನು ನೀಡಿದ್ದಾರೆ. ಕಾಂಗ್ರೆಸ್​​ನ್ನು ಟ್ಯಾಗ್ ಮಾಡಿ ಟ್ವೀಟ್ ಮಾಡಿದ ಸಿಂಗ್ ಕಾಂಗ್ರೆಸ್ ನಾಯಕತ್ವ ಎಂದಿಗೂ ಕಲಿಯುವುದಿಲ್ಲ ಎಂದು ಹೇಳಿದ್ದಾರೆ. ಅದೇ ವೇಳೆ ಪಂಜಾಬ್ ಮಾತ್ರವಲ್ಲ ಇತರ ರಾಜ್ಯಗಳಲ್ಲಿಯೂ ನೀವು ಹೀನಾಯವಾಗಿ ಸೋತಿದ್ದೀರಿ ಎಂದು ಸಿಂಗ್ ಕಾಂಗ್ರೆಸ್ ಗೆ ನೆನಪಿಸಿದ್ದಾರೆ. ಕಾಂಗ್ರೆಸ್ ನಾಯಕತ್ವ ಎಂದಿಗೂ ಕಲಿಯುವುದಿಲ್ಲ ಯುಪಿಯಲ್ಲಿ ಕಾಂಗ್ರೆಸ್ ಹೀನಾಯ ಸೋಲಿಗೆ ಯಾರು ಹೊಣೆ? ಮಣಿಪುರ, ಗೋವಾ, ಉತ್ತರಾಖಂಡದ ಬಗ್ಗೆ ಏನು? ಉತ್ತರವನ್ನು ಗೋಡೆಯ ಮೇಲೆ ದೊಡ್ಡ ಅಕ್ಷರಗಳಲ್ಲಿ ಬರೆಯಲಾಗಿದೆ ಆದರೆ ಅವರು ಅದನ್ನು ಓದುವುದನ್ನು ತಪ್ಪಿಸುತ್ತಾರೆ ಎಂದು ನಾನು ಭಾವಿಸುತ್ತೇನೆ ಎಂದು ಸಿಂಗ್ ಟ್ವೀಟ್ ಮಾಡಿದ್ದಾರೆ. ಪಂಜಾಬ್​​​ನಲ್ಲಿ 117 ಸ್ಥಾನಗಳಲ್ಲಿ 92 ಸ್ಥಾನಗಳನ್ನು ಗೆದ್ದುಕೊಂಡ ಅರವಿಂದ್ ಕೇಜ್ರಿವಾಲ್ ಅವರ ಎಎಪಿ ಪ್ರಚಂಡ ವಿಜಯವನ್ನು ದಾಖಲಿಸಿದ ಸ್ವಲ್ಪ ಸಮಯದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಸುರ್ಜೇವಾಲಾ ನವೆಂಬರ್‌ನಲ್ಲಿ ಕಾಂಗ್ರೆಸ್ ತೊರೆದ ಸಿಂಗ್ ವಿರುದ್ಧ ಮತದಾರರು ಕೆಟ್ಟ ಭಾವನೆಯಿಂದಾಗಿ ಹೊರಬರಲು ಸಾಧ್ಯವಾಗಿಲ್ಲ. ಆದ್ದರಿಂದ ಜನರು ಎಎಪಿಗೆ ಮತ ಹಾಕಿದ್ದಾರೆ ಎಂದು ಹೇಳಿದ್ದರು. ಪಂಜಾಬ್‌ನಲ್ಲಿ ಮಣ್ಣಿನ ಮಗ ಚರಣ್ ಜಿತ್ ಸಿಂಗ್ ಚನ್ನಿ ಮೂಲಕ ಕಾಂಗ್ರೆಸ್ ಹೊಸ ನಾಯಕತ್ವವನ್ನು ಪ್ರಸ್ತುತಪಡಿಸಿತು. ಆದರೆ ಕ್ಯಾಪ್ಟನ್ ಅಮರಿಂದರ್ ಸಿಂಗ್ ನೇತೃತ್ವದಲ್ಲಿ 4.5 ವರ್ಷಗಳ ಸಂಪೂರ್ಣ ಆಡಳಿತ ವಿರೋಧಿ ಆಡಳಿತವನ್ನು ಜಯಿಸಲು ಸಾಧ್ಯವಾಗಲಿಲ್ಲ ಮತ್ತು ಆದ್ದರಿಂದ ಜನರು ಬದಲಾವಣೆಗಾಗಿ ಎಎಪಿಗೆ ಮತ ಹಾಕಿದರು ಎಂದಿದ್ದಾರೆ ಸುರ್ಜೇವಾಲಾ.

The @INCIndia leadership will never learn!

Who is responsible for the humiliating defeat of Congress in UP? What about Manipur, Goa, Uttrakhand?

The answer is written in BOLD LETTERS on the wall but as always I presume they will avoid reading it. https://t.co/Dp646fwQgR

— Capt.Amarinder Singh (@capt_amarinder) March 11, 2022

ಪಂಜಾಬ್‌ನಲ್ಲಿ ಎಎಪಿಯಿಂದಾಗಿ ಕಾಂಗ್ರೆಸ್‌ ನೆಲಕಚ್ಚಿತು. 2017 ರ ಚುನಾವಣೆಯಲ್ಲಿ ಪಕ್ಷವು 77 ಸ್ಥಾನಗಳನ್ನು ಗೆದ್ದುಕೊಂಡಿತು ಆದರೆ ಈ ಬಾರಿ ಅಮರಿಂದರ್ ಸಿಂಗ್ ಮತ್ತು ರಾಜ್ಯ ಮುಖ್ಯಸ್ಥ ನವಜೋತ್ ಸಿಧು ಮತ್ತು ನಂತರ ಸಿಧು- ಚನ್ನಿ ನಡುವಿನ ಹಗೆತನ ಮತ್ತು ಕಿತ್ತಾಟದ ನಂತರ 18 ಸ್ಥಾನಗಳನ್ನು ಮಾತ್ರ ಗಳಿಸಲು ಸಾಧ್ಯವಾಯಿತು.

ಸಿಂಗ್, ಸಿಧು ಮತ್ತು ಚನ್ನಿ ಈ ಚುನಾವಣೆಯಲ್ಲಿ ಸೋಲುಂಡಿದ್ದಾರೆ. ಅಮರಿಂದರ್ ಸಿಂಗ್ ಅವರ ಪಟಿಯಾಲ (ನಗರ) ಸ್ಥಾನವನ್ನು ಕಳೆದುಕೊಂಡರು. ಸಿಧು ಅಮೃತಸರ (ಪೂರ್ವ) ನಿಂದ ಸೋತರು, ಮತ್ತು ಚನ್ನಿ ಚಮ್ಕೌರ್ ಸಾಹಿಬ್ ಮತ್ತು ಭದೌರ್ ಎರಡನ್ನೂ ಕಳೆದುಕೊಂಡರು.

ಕಾಂಗ್ರೆಸ್‌ನಿಂದ ಹೊರ ನಡೆದ ನಂತರ ಸಿಂಗ್ ತಮ್ಮದೇ ಆದ ಪಕ್ಷ ಪಂಜಾಬ್ ಲೋಕ ಕಾಂಗ್ರೆಸ್ ಅನ್ನು ಪ್ರಾರಂಭಿಸಿದರು ಮತ್ತು ಅದು ವಿಫಲವಾಯಿತು. ಈ ಪಕ್ಷ ಖಾತೆ ತೆರೆಯಲೇ ಇಲ್ಲ. ಮಾಜಿ ಮುಖ್ಯಮಂತ್ರಿ ಕೂಡ ಬಿಜೆಪಿಯೊಂದಿಗೆ ಮೈತ್ರಿ ಮಾಡಿಕೊಂಡಿದ್ದರು ಮತ್ತು ಅದು ಕೂಡ ಫಲ ನೀಡಲಿಲ್ಲ. 2017 ರಲ್ಲಿ ಕಾಂಗ್ರೆಸ್ ಅನ್ನು ಗೆಲ್ಲಲು ಸಿಂಗ್ ನೇತೃತ್ವ ವಹಿಸಿದ್ದರು. ಆ ಸಮಯದಲ್ಲಿ ಮೈತ್ರಿ ಮಾಡಿಕೊಂಡಿದ್ದ ಬಿಜೆಪಿ ಮತ್ತು ಶಿರೋಮಣಿ ಅಕಾಲಿದಳವನ್ನು ಸೋಲಿಸಲು 31 ಸ್ಥಾನಗಳನ್ನು ಗಳಿಸಿದರು.  ಧುರಿಯಿಂದ ಸುಮಾರು 60,000 ಅಂತರದ ಗೆಲುವು ದಾಖಲಿಸಿದ ಆಮ್ ಆದ್ಮಿ ಪಕ್ಷದ ಭಗವಂತ್ ಮಾನ್ ಅವರು ಪಂಜಾಬ್‌ನ ಮುಂದಿನ ಮುಖ್ಯಮಂತ್ರಿಯಾಗಲಿದ್ದಾರೆ.

ಇದನ್ನೂ ಓದಿ: ಪಂಜಾಬ್ ಸಿಎಂ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಿದ ಚರಣ್​​ಜಿತ್ ಸಿಂಗ್ ಚನ್ನಿ