Cyber Security Expert: ಭಾರತದಲ್ಲಿ ವೃತ್ತಿಪರ ಸೈಬರ್ ಭದ್ರತಾ ತಜ್ಞರಾಗುವುದು ಹೇಗೆ? ಕೋರ್ಸ್, ಅರ್ಹತೆ, ಉದ್ಯೋಗ ಅವಕಾಶಗಳು ಹೇಗಿವೆ?

ಇತ್ತೀಚಿನ ದಿನಗಳಲ್ಲಿ, ಭಾರತದಲ್ಲಿ ಕಂಪ್ಯೂಟರ್ ನೆಟ್‌ವರ್ಕ್ ಭದ್ರತೆಗೆ ತೊಡರುಗಾಲು ಹಾಕುವಂತೆ ಸಾಕಷ್ಟು ಸೈಬರ್ ದಾಳಿಗಳು ಮತ್ತು ಡೇಟಾ ದುರುಪಯೋಗ ಪ್ರಕರಣಗಳು ಆಗಾಗ್ಗೆ ವರದಿಯಾಗುತ್ತಿವೆ. ಇದರಿಂದಾಗಿ ಸೈಬರ್ ಭದ್ರತಾ ತಜ್ಞರಿಗೆ (Cyber Expert) ದಿನೇ ದಿನೆ ಬೇಡಿಕೆ ಹೆಚ್ಚುತ್ತಿದೆ ಎನ್ನಬಹುದು. ಆದ್ದರಿಂದ, ವೈಯಕ್ತಿಕವಾಗಿ ಮತ್ತು ದೇಶದ ಉತ್ತಮ ಭವಿಷ್ಯಕ್ಕಾಗಿ ಸೈಬರ್ ಭದ್ರತಾ ಕೋರ್ಸ್‌ಗಳನ್ನು ಮುಂದುವರಿಸಲು ಬಯಸುವ ವಿದ್ಯಾರ್ಥಿಗಳಿಗೆ ಇದು ಸರಿಯಾದ ಸಮಯ. ಭಾರತದಲ್ಲಿ ಸೈಬರ್ ಭದ್ರತಾ ತಜ್ಞರಾಗುವುದು ಹೇಗೆ (Cyber Career) ಎಂದು ತಿಳಿಯಲು ನೀವು ಬಯಸುವಿರಾದರೆ, ಭಾರತದಲ್ಲಿ ಸೈಬರ್ ಭದ್ರತಾ ತಜ್ಞರಾಗಲು ಸಂಪೂರ್ಣ ಮಾಹಿತಿ ತಿಳಿಯಲು ಈ ಲೇಖನವು ನಿಮಗೆ ಸಹಾಯ ಮಾಡುತ್ತದೆ.

ಹ್ಯಾಕರ್‌ಗಳು ಅಥವಾ ಸೈಬರ್-ದಾಳಿಗಳಿಂದ ನೆಟ್‌ವರ್ಕ್ ವ್ಯವಸ್ಥೆಗಳು ಮತ್ತು ಡೇಟಾವನ್ನು ರಕ್ಷಿಸುವುದು ಸೈಬರ್ ಭದ್ರತಾ ತಜ್ಞರ ಜವಾಬ್ದಾರಿಯಾಗಿದೆ. ಇದು ಡೇಟಾವನ್ನು ರಕ್ಷಿಸಲು ಫೈರ್‌ವಾಲ್‌ಗಳು, ಆಂಟಿವೈರಸ್ ಸಾಫ್ಟ್‌ವೇರ್‌ನಂತಹ ಸಾಧನಗಳನ್ನು ಬಳಸಿಕೊಂಡು ಪ್ರೋಗ್ರಾಂಗಳು ಮತ್ತು ನೆಟ್‌ವರ್ಕ್‌ಗಳನ್ನು ಕಾರ್ಯಗತಗೊಳಿಸುವುದನ್ನು ಒಳಗೊಂಡಿರುತ್ತದೆ. ತಂತ್ರಜ್ಞಾನ ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವಂತೆ ಸೈಬರ್ ಭದ್ರತಾ ತಜ್ಞರಿಗೆ ಬೇಡಿಕೆಯೂ ಹೆಚ್ಚುತ್ತಿದೆ.

ಸೈಬರ್ ಭದ್ರತಾ ತಜ್ಞರಾಗಲು ಅರ್ಹತೆಯ ಮಾನದಂಡಗಳು, ವಯಸ್ಸಿನ ಮಿತಿಯಿಲ್ಲ!

ಸೈಬರ್ ಭದ್ರತಾ ತಜ್ಞರಾಗಲು ಅಗತ್ಯವಿರುವ ಅರ್ಹತಾ ಮಾನದಂಡಗಳು ಇಲ್ಲಿವೆ. ಉತ್ತಮ ಸಂಬಳ ತಂದುಕೊಡುವ ಸೈಬರ್ ಭದ್ರತಾ ತಜ್ಞರ ವೃತ್ತಿ ಅವಕಾಶಗಳ ವಿವರಗಳನ್ನೂ ಇಲ್ಲಿ ಸ್ಥೂಲವಾಗಿ ನೀಡಲಾಗಿದೆ.

ಶೈಕ್ಷಣಿಕ ಅರ್ಹತೆಗಳು: ಅರ್ಜಿದಾರರು ಕನಿಷ್ಟ ಅರ್ಹತಾ ಅಂಕಗಳೊಂದಿಗೆ 10+2 ಅನ್ನು ಪೂರ್ಣಗೊಳಿಸಿರಬೇಕು. ಸೈಬರ್ ಸೆಕ್ಯುರಿಟಿ ಕೋರ್ಸ್‌ನಲ್ಲಿ B.Sc/ B.Tech/ B.E ಪದವಿಯಂತಹ UG ಕೋರ್ಸ್‌ಗಳು ಮತ್ತು ಸೈಬರ್‌ಸೆಕ್ಯುರಿಟಿ ಕೋರ್ಸ್‌ನಲ್ಲಿ M.sc/ M.tech ನಂತಹ PG ಕೋರ್ಸ್‌ಗಳನ್ನು ಒಟ್ಟಾರೆಯಾಗಿ ಪೂರ್ಣಗೊಳಿಸಿರಬೇಕು. ಸೈಬರ್‌ ಸೆಕ್ಯುರಿಟಿ ಉದ್ಯೋಗಕ್ಕೆ ಅರ್ಜಿ ಸಲ್ಲಿಸಲು ಯಾವುದೇ ವಯಸ್ಸಿನ ಮಿತಿಯಿಲ್ಲ. ಸೈಬರ್ ಸೆಕ್ಯುರಿಟಿ ಕೋರ್ಸ್‌ಗಳನ್ನು ಅನುಸರಿಸುವ ಅಭ್ಯರ್ಥಿಗಳಿಗೆ ಸಾಕಷ್ಟು ಉದ್ಯೋಗಾವಕಾಶಗಳಿವೆ. ಸೈಬರ್ ಭದ್ರತಾ ತಜ್ಞರಾಗಲು ಆಕಾಂಕ್ಷಿಗಳು ಸಂಬಂಧಿತ ಕೋರ್ಸ್‌ಗಳನ್ನು ಅಧ್ಯಯನ ಮಾಡುವುದು ಅವಶ್ಯಕ.

ಇದಕ್ಕೆ ಪೂರಕವಾದ ವ್ಯಾಸಂಗಗಳು ಯಾವುವೆಂದರೆ ಸೈಬರ್ ಭದ್ರತಾ ತಜ್ಞರಾಗಲು ನಿಮಗೆ ಸಹಾಯ ಮಾಡುವ ಇನ್ನಷ್ಟು ಕೋರ್ಸ್​ಗಳೆಂದರೆ ಐಟಿ, ಬಿಇ, ಎಂಬಿಎ, ಎಂಇ, ಎಂಸಿಎ, ಮಾಹಿತಿ ತಂತ್ರಜ್ಞಾನ, ಡಿಪ್ಲೊಮಾ, ಬಿಎಸ್‌ಸಿ, ಬಿ.ಟೆಕ್, ಸೈಬರ್ ಸೆಕ್ಯುರಿಟಿ ಮತ್ತು ಫೋರೆನ್ಸಿಕ್ಸ್‌ನಲ್ಲಿ ಬಿ.ಟೆಕ್. ಡಿಪ್ಲೊಮಾ ಕೋರ್ಸ್‌ನಲ್ಲಿ ಕಲಿಸಲಾಗುವ ಮಾಡ್ಯೂಲ್‌ಗಳು ಸೈಬರ್ ಭದ್ರತೆಯ ಮೂಲಭೂತ ಅಂಶಗಳಾಗಿವೆ.

ಸೈಬರ್ ಸೆಕ್ಯುರಿಟಿ ತಜ್ಞರಾಗಲು ಉತ್ಸುಕರಾಗಿರುವ ವಿದ್ಯಾರ್ಥಿಗಳು ಉತ್ತಮ ಭವಿಷ್ಯಕ್ಕಾಗಿ ಉನ್ನತ ಕಾಲೇಜುಗಳಲ್ಲಿ ಡಿಪ್ಲೊಮಾ ಅಥವಾ ಪದವಿಪೂರ್ವ ಕೋರ್ಸ್‌ಗಳನ್ನು ಅಧ್ಯಯನ ಮಾಡಬೇಕು. ಉತ್ತಮ ಸಂಸ್ಥೆಯಲ್ಲಿ ಸ್ಥಾನ ಪಡೆಯಲು ನೀವು ಉತ್ತಮ ಕಾಲೇಜಿನಲ್ಲಿ ಅಧ್ಯಯನ ಮಾಡಬೇಕಾಗುತ್ತದೆ. ಸೈಬರ್ ಸೆಕ್ಯುರಿಟಿ ಉದ್ಯೋಗಗಳು ಇತರ ತಾಂತ್ರಿಕ ಉದ್ಯೋಗಗಳಿಗಿಂತ ಭಿನ್ನವಾಗಿವೆ. ಪಿಯುಸಿ ವ್ಯಾಸಂಗದ ನಂತರ ಭಾರತದಲ್ಲಿ ಸೈಬರ್ ಭದ್ರತಾ ತಜ್ಞರಾಗಲು ಕೆಳಗೆ ನೀಡಲಾದ ಕೆಲವು ಹಂತಗಳನ್ನು ಅನುಸರಿಸಬೇಕು.

ಯಾವುದೇ ಪ್ರಸಿದ್ಧ ವಿಶ್ವವಿದ್ಯಾಲಯದಿಂದ ಕನಿಷ್ಠ ಅಂಕಗಳೊಂದಿಗೆ ಸಂಬಂಧಿತ ಸೈಬರ್ ಭದ್ರತಾ ಕೋರ್ಸ್‌ನಲ್ಲಿ ಸ್ನಾತಕೋತ್ತರ ಪದವಿಯನ್ನು ಪೂರ್ಣಗೊಳಿಸುವುದು ಮೊದಲ ಹಂತವಾಗಿದೆ. ಸೈಬರ್ ಸೆಕ್ಯುರಿಟಿ ವಿಶ್ಲೇಷಕರಾಗಲು ನಿಮಗೆ ಸಹಾಯ ಮಾಡುವ ಸೈಬರ್ ಭದ್ರತಾ ಮೂಲಭೂತ ಅಂಶಗಳನ್ನು ತಿಳಿಯಿರಿ. ಸೈಬರ್ ಭದ್ರತೆಯ ಮೂಲಭೂತ ಅಂಶಗಳನ್ನು ಕಲಿತ ನಂತರ ನೀವು ಆಡಿಟ್‌ಗಳು, ನೆಟ್‌ವರ್ಕ್ ಟ್ರಾಫಿಕ್ ಅನ್ನು ವಿಶ್ಲೇಷಿಸುವುದು ಮುಂತಾದ ಅಗತ್ಯ ಕೌಶಲ್ಯಗಳನ್ನು ಅಭ್ಯಾಸ ಮಾಡಬೇಕಾಗುತ್ತದೆ. ಸೈಬರ್ ಭದ್ರತಾ ತಜ್ಞರ ಪಾತ್ರಗಳು ಮತ್ತು ಜವಾಬ್ದಾರಿಗಳನ್ನು ಇಲ್ಲಿ ತಿಳಿಯೋಣ.

ಡೇಟಾ ಬೆದರಿಕೆಗಳನ್ನು ಪರಿಶೀಲಿಸಲು ಮತ್ತು ಭದ್ರತಾ ಕಾರ್ಯಕ್ರಮಗಳನ್ನು ಕಾರ್ಯಗತಗೊಳಿಸುವ ಜವಾಬ್ದಾರಿ ಹೊತ್ತಿರುತ್ತಾರೆ. ಸೈಬರ್ ಭದ್ರತಾ ತಜ್ಞರ ಮುಖ್ಯ ಪಾತ್ರವು ಹ್ಯಾಕರ್‌ಗಳು ಅಥವಾ ಮೂರನೆಯವರಿಂದ ಡೇಟಾವನ್ನು ರಕ್ಷಿಸುವುದು. ಫೈರ್‌ವಾಲ್ ವ್ಯವಸ್ಥೆಗಳನ್ನು ವಿನ್ಯಾಸಗೊಳಿಸಲು, ಡೇಟಾ ಫೈಲ್‌ಗಳು, ನೆಟ್‌ವರ್ಕ್ ವ್ಯವಸ್ಥೆಗಳು ಇತ್ಯಾದಿಗಳನ್ನು ಮೇಲ್ವಿಚಾರಣೆ ಮಾಡಿ. ಸೈಬರ್ ಭದ್ರತಾ ತಜ್ಞರಾಗಲು ಅಗತ್ಯವಿರುವ ಕೌಶಲ್ಯಗಳು.

ಅಭ್ಯರ್ಥಿಗಳು ಶೈಕ್ಷಣಿಕ ಅರ್ಹತೆಗಳ ಜೊತೆಗೆ ಸೈಬರ್ ಭದ್ರತಾ ತಜ್ಞರಾಗಲು ಕೆಲವು ಹೆಚ್ಚುವರಿ ಗುಣಗಳನ್ನು ಹೊಂದಿರಬೇಕು:

ಅತ್ಯುತ್ತಮ ಸಮಯ ನಿರ್ವಹಣೆ ಕೌಶಲ್ಯಗಳು, ಸಂವಹನ ಕೌಶಲ್ಯಗಳು, ವಿಶ್ಲೇಷಣಾ ಕೌಶಲ್ಯಗಳು, ನಿರ್ಧಾರ ತೆಗೆದುಕೊಳ್ಳುವುದು ಮತ್ತು ಸಮಸ್ಯೆಯನ್ನು ಪರಿಹರಿಸುವ ಕೌಶಲ್ಯಗಳು, ಕಾರ್ಯತಂತ್ರದ ಕೌಶಲ್ಯಗಳು, ಕಂಪ್ಯೂಟರ್ ನೆಟ್ವರ್ಕ್​​ ಜ್ಞಾನ ಅತ್ಯಗತ್ಯ.

ಕನಿಷ್ಠ ಅಂಕಗಳೊಂದಿಗೆ ಸೈಬರ್ ಭದ್ರತಾ ಕೋರ್ಸ್‌ಗಳನ್ನು ಪೂರ್ಣಗೊಳಿಸಿದ ನಂತರ ಅಭ್ಯರ್ಥಿಗಳು ಯಾವುದೇ ಸಂಸ್ಥೆಯಲ್ಲಿ ಕೆಲಸ ಮಾಡಲು ಅವಕಾಶಗಳನ್ನು ಹೊಂದಿರುತ್ತಾರೆ. ಸೈಬರ್ ಭದ್ರತೆಯ ನಂತರದ ಕೆಲಸದ ಪಾತ್ರಗಳ ಬಗ್ಗೆ ಮಾಹಿತಿ ಹೀಗಿದೆ.

ನೆಟ್‌ವರ್ಕ್ ಸೆಕ್ಯುರಿಟಿ ಇಂಜಿನಿಯರ್: ನೆಟ್‌ವರ್ಕ್ ಸೆಕ್ಯುರಿಟಿ ಎಂಜಿನಿಯರ್‌ಗಳ ಪಾತ್ರವು ಮುಖ್ಯ. ಫೈರ್‌ವಾಲ್‌ಗಳು, ವಿಪಿಎನ್‌ಗಳು, ರೂಟರ್‌ಗಳು ಮುಂತಾದವುಗಳನ್ನು ನೋಡಿಕೊಳ್ಳುವ ಭದ್ರತಾ ವಾಸ್ತುಶಿಲ್ಪಿ. ನೆಟ್‌ವರ್ಕ್ ಸಿಸ್ಟಮ್‌ಗಳನ್ನು ವಿನ್ಯಾಸಗೊಳಿಸುವುದು ಮತ್ತು ಡೇಟಾ ದುರುಪಯೋಗ ಮತ್ತು ಸೈಬರ್ ದಾಳಿಯ ಯಾವುದೇ ಸಾಧ್ಯತೆಗಳಿವೆಯೇ ಎಂದು ಪರಿಶೀಲಿಸುವುದು ಭದ್ರತಾ ವಾಸ್ತುಶಿಲ್ಪಿಯ ಜವಾಬ್ದಾರಿಯಾಗಿದೆ.

ಸೈಬರ್‌ ಸೆಕ್ಯುರಿಟಿ ವಿಶ್ಲೇಷಕ: ನೆಟ್‌ವರ್ಕ್ ವ್ಯವಸ್ಥೆಗಳು ಮತ್ತು ಇತರ ಭದ್ರತಾ ಪ್ರೋಟೋಕಾಲ್‌ಗಳಲ್ಲಿನ ಅಪಾಯಕಾರಿ ಅಂಶಗಳನ್ನು ವಿಶ್ಲೇಷಿಸುವುದು ಸೈಬರ್‌ ಸೆಕ್ಯುರಿಟಿ ವಿಶ್ಲೇಷಕರ ಜವಾಬ್ದಾರಿಯಾಗಿದೆ.

ಇನ್ನು ಸೈಬರ್ ಸೆಕ್ಯುರಿಟಿ ಮ್ಯಾನೇಜರ್ ಆದವರು ತಂಡಕ್ಕೆ ಸೂಚನೆ ಮತ್ತು ಮಾರ್ಗಸೂಚಿಗಳನ್ನು ನೀಡುವ ಪಾತ್ರಧಾರಿಯಾಗಿರುತ್ತಾರೆ. ಮತ್ತು ಸಿಸ್ಟಂ ವಿಶ್ಲೇಷಕ, ಸೈಬರ್ ಭದ್ರತಾ ಇಂಜಿನಿಯರ್, ಸಿಸ್ಟಮ್ಸ್ ಅಡ್ಮಿನಿಸ್ಟ್ರೇಟರ್, ಸೈಬರ್ ಸೆಕ್ಯುರಿಟಿ ಕನ್ಸಲ್ಟೆಂಟ್, ಮುಖ್ಯ ಮಾಹಿತಿ ಭದ್ರತಾ ಅಧಿಕಾರಿ. ಫೋರೆನ್ಸಿಕ್ ಕಂಪ್ಯೂಟರ್ ವಿಶ್ಲೇಷಕ, ದುರ್ಬಲತೆ ವಿಶ್ಲೇಷಕ, ಇತ್ಯಾದಿ. ಇಂತಹ ವಿಫುಲ ಅವಕಾಶಗಳ ಹಿನ್ನೆಲೆಯಲ್ಲಿ ಅನೇಕ ವಿಭಿನ್ನ ಉದ್ಯೋಗದ ಪಾತ್ರಗಳೊಂದಿಗೆ ಸೈಬರ್ ಭದ್ರತಾ ತಜ್ಞರಾಗಿ ತಮ್ಮ ವೃತ್ತಿಜೀವನವನ್ನು ನಿರ್ಮಿಸಲು ಬಯಸುವ ಎಲ್ಲಾ ಅಭ್ಯರ್ಥಿಗಳಿಗೆ ಇಲ್ಲಿ ನೀಡಿರುವ ಮಾಹಿತಿಯು ತೃಪ್ತಿಕರವಾಗಿದೆ ಎಂದು ಭಾವಿಸುತ್ತೇವೆ.