Indian Army Recruitment 2021: ಉದ್ಯೋಗಾಕಾಂಕ್ಷಿಗಳಿಗೆ ಸುವರ್ಣಾವಕಾಶ ನೀಡಿದ ಭಾರತೀಯ ಸೇನೆ; 1 ಲಕ್ಷ ರೂ.ವರೆಗೂ ವೇತನ ಪಡೆಯಬಹುದು

ಅರ್ಜಿ ತುಂಬಿದವರಿಗೆ ಲಿಖಿತ ಪರೀಕ್ಷೆ ಇರುತ್ತದೆ..ಸಂದರ್ಶನವನ್ನೂ ಮಾಡಲಾಗುವುದು. ಲಿಖಿತ ಪರೀಕ್ಷೆಯಲ್ಲಿ ಎರಡು ಪೇಪರ್​ಗಳಿದ್ದು, ಒಟ್ಟಾರೆ 200 ಅಂಕ ಇರುತ್ತದೆ. ಎರಡೂ ಪೇಪರ್​ಗಳಿಗೆ ತಲಾ 2 ತಾಸು ಸಮಯ ಇರುತ್ತದೆ.

Indian Army Recruitment 2021: ಉದ್ಯೋಗಾಕಾಂಕ್ಷಿಗಳಿಗೆ ಸುವರ್ಣಾವಕಾಶ ನೀಡಿದ ಭಾರತೀಯ ಸೇನೆ; 1 ಲಕ್ಷ ರೂ.ವರೆಗೂ ವೇತನ ಪಡೆಯಬಹುದು
ಪ್ರಾತಿನಿಧಿಕ ಚಿತ್ರ
TV9kannada Web Team

| Edited By: Lakshmi Hegde

Jul 22, 2021 | 10:39 PM

ಭಾರತೀಯ ಟೆರಿಟೋರಿಯಲ್​ ಆರ್ಮಿ (The Territorial Army)  ವಿಭಾಗ ರಹಿತ ಅಧಿಕಾರಿಗಳ ಹುದ್ದೆಗಾಗಿ ಆನ್​ಲೈನ್​ (Online) ಮೂಲಕ ಅರ್ಜಿ ಆಹ್ವಾನ ಮಾಡಿವೆ. ಆಸಕ್ತರು ಇಂದಿನಿಂದಲೇ ಅರ್ಜಿ ಸಲ್ಲಿಸಬಹುದಾಗಿದ್ದು, ಆಗಸ್ಟ್​ 20ರವರೆಗೆ ಅವಕಾಶವಿದೆ. ಆಯ್ಕೆಯಾದ ಅಭ್ಯರ್ಥಿಗಳನ್ನು ಲೆಫ್ಟಿನೆಂಟ್​ ಶ್ರೇಣಿ (Lieutenant Rank)ಯಲ್ಲಿ ನೇಮಕ ಮಾಡಲಾಗುತ್ತದೆ ಮತ್ತು ಇವರಿಗೆ ನೀಡಲಾಗುವ ವೇತನ, ಭತ್ಯೆಗಳು, ಸವಲತ್ತುಗಳೆಲ್ಲ ಸಾಮಾನ್ಯ ಸೇನಾ ಅಧಿಕಾರಿಗಳಿಗೆ ಇರುವಂತೆ ಇರುತ್ತದೆ. ಹಾಗಿದ್ದಾಗ್ಯೂ ಟೆರಿಟೋರಿಯಲ್​ ಆರ್ಮಿಯ ವಿಭಾಗ ರಹಿತ ಅಧಿಕಾರಿಗಳು ಯಾವುದೇ ಒಂದು ಕೆಲಸಕ್ಕೆ ಸೀಮಿತರಾಗಿರುವುದಿಲ್ಲ.   

ಹುದ್ದೆ ನೇಮಕಾತಿಗೆ ಆಯ್ಕೆ ಆಗಬೇಕಾದರೆ ಪರೀಕ್ಷೆ ಲಿಖಿತವಾಗಿ ಬರೆಯಬೇಕು. ಸೆಪ್ಟೆಂಬರ್​ 26ರಂದು ಆಫ್​ಲೈನ್​ ಪರೀಕ್ಷೆ ನಡೆಯಲಿದ್ದು, ಕೊನೆಯಲ್ಲಿ ನೇಮಕಗೊಂಡ ಅಭ್ಯರ್ಥಿಗಳಿಗೆ 56, 100 ರಿಂದ 1,77,500 ರೂ .ನೀಡಲಾಗುತ್ತದೆ.

ಅರ್ಹತೆ ಏನಿರಬೇಕು? ಟೆರಿಟೋರಿಯಲ್​ ಆರ್ಮಿ ಕರೆದಿರುವ ವಿಭಾಗ ರಹಿತ ಅಧಿಕಾರಿಗಳ ಹುದ್ದೆಗೆ ಅರ್ಜಿ ಸಲ್ಲಿಸುವವರು ಯಾವುದೇ ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಲ್ಲಿ ಪದವಿ ಪಡೆದಿರಬೇಕು. 18-42ರವರೆಗಿನ ವಯಸ್ಸಿನವರಿಗಷ್ಟೇ ಅವಕಾಶ. ಅರ್ಜಿ ತುಂಬಲು ಕೊನೇ ದಿನ 2021ರ ಆಗಸ್ಟ್​ 19.

ನೋಂದಣಿ ಪ್ರಕ್ರಿಯೆ ಹೀಗೆ.. 1. ಟೆರಿಟೋರಿಯಲ್​ ಆರ್ಮಿ ಅಧಿಕೃತ ವೆಬ್​ಸೈಟ್​ಗೆ ಭೇಟಿ ನೀಡಿ. 2. ಹೋಂ ಪೇಜ್​​ನಲ್ಲಿ ಕಾಣಿಸುವ ಭೂ ಸೇನಾ ಅಧಿಕಾರಿ ನೇಮಕ ಸಂಬಂಧ ಲಿಂಕ್​ ಮೇಲೆ ಕ್ಲಿಕ್​ ಮಾಡಿ. 3. ನಿಮ್ಮ ಇ-ಮೇಲ್ ಐಡಿ, ಮೊಬೈಲ್​ ನಂಬರ್​ ಮತ್ತು ಅಲ್ಲಿ ಕೇಳುವ ಇತರ ಮಾಹಿತಿಯನ್ನು ನೀಡಿ ನೋಂದಣಿ ಮಾಡಿಕೊಳ್ಳಿ 4. ನೋಂದಣಿ ಸಂಖ್ಯೆ ಮತ್ತು ಪಾಸ್​ವರ್ಡ್​ ಜನರೇಟ್ ಆದ ಬಳಿಕ ನೀವು ನಿಮ್ಮ ಅರ್ಜಿ ತುಂಬುವ ಪ್ರಕ್ರಿಯೆ ಮುಂದುವರಿಸಿ. 5. ನಂತರ ಅದಕ್ಕೆ ಫೋಟೋ ಅಂಟಿಸಿ, ಸಹಿ ಮಾಡಿ. ಈ ಸ್ಕ್ಯಾನ್​ ಮಾಡಿದ ಕಾಪಿಯನ್ನು ಅಪ್​ಲೋಡ್ ಮಾಡಿ. 6. ಅರ್ಜಿಯೊಂದಿಗೆ 200 ರೂಪಾಯಿ ಕೂಡ ತುಂಬಬೇಕು. ದೃಢೀಕರಣ ಪುಟದ ಕಾಪಿಯನ್ನು ಡೌನ್​ಲೋಡ್ ಮಾಡಿಟ್ಟುಕೊಳ್ಳಿ.

ಅಭ್ಯರ್ಥಿಗಳ ಆಯ್ಕೆ ಪ್ರಕ್ರಿಯೆ ಹೇಗಿರುತ್ತದೆ? ಇನ್ನು ಅರ್ಜಿ ತುಂಬಿದವರಿಗೆ ಲಿಖಿತ ಪರೀಕ್ಷೆ ಇರುತ್ತದೆ..ಸಂದರ್ಶನವನ್ನೂ ಮಾಡಲಾಗುವುದು. ಲಿಖಿತ ಪರೀಕ್ಷೆಯಲ್ಲಿ ಎರಡು ಪೇಪರ್​ಗಳಿದ್ದು, ಒಟ್ಟಾರೆ 200 ಅಂಕ ಇರುತ್ತದೆ. ಎರಡೂ ಪೇಪರ್​ಗಳಿಗೆ ತಲಾ 2 ತಾಸು ಸಮಯ ಇರುತ್ತದೆ. ಅಭ್ಯರ್ಥಿಗಳು ಆಯ್ಕೆಯಾಗಬೇಕು ಎಂದರೆ ಪ್ರತಿ ಪೇಪರ್​ನಲ್ಲೂ ಶೇ.40ರಷ್ಟು ಅಂಕ ಗಳಿಸಬೇಕು.

ಇದನ್ನೂ ಓದಿ: ಸಂಸತ್ ಭವನದಲ್ಲಿ ವಾಜಪೇಯಿ, ಅಡ್ವಾಣಿ ಕಾರ್ಯನಿರ್ವಹಿಸುತ್ತಿದ್ದ ಕೊಠಡಿ ಈಗ ಜೆ.ಪಿ.ನಡ್ಡಾ ಕಚೇರಿ

Indian Territorial army invited online applications for the recruitment of non departmental officers

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada