Sania Chondhok: ಸಚಿನ್ ತೆಂಡೂಲ್ಕರ್ ಪುತ್ರನನ್ನು ವರಿಸಲಿರುವ ಸಾನಿಯಾ ಚಂದೋಕ್ ಯಾರು? ಆಕೆಯ ವಿದ್ಯಾರ್ಹತೆ ಏನು?

ಭಾರತದ ಮಾಜಿ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಅವರ ಪುತ್ರ ಅರ್ಜುನ್ ತೆಂಡೂಲ್ಕರ್ ಅವರು ಸಾನಿಯಾ ಚಂದೋಕ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಅರ್ಜುನ್ ತೆಂಡೂಲ್ಕರ್ ತಮ್ಮ ಬಾಲ್ಯದ ಗೆಳತಿ ಸಾನಿಯಾ ಅವರನ್ನು ವರಿಸಲಿದ್ದು, ಸದ್ಯ ಆಕೆಯ ಫೋಟೋಗಳ ಸೋಶಿಯಲ್​​ ಮೀಡಿಯಾಗಳಲ್ಲಿ ವೈರಲ್​​ ಆಗುತ್ತಿದೆ. ಹಾಗಾದರೆ ಸಾನಿಯಾ ಚಂದೋಕ್ ಯಾರು ಮತ್ತು ಆಕೆಯ ವಿದ್ಯಾರ್ಹತೆ ಏನು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.

ಸಾನಿಯಾ ಚಾಂದೋಕ್ ಎಷ್ಟು ಓದಿದ್ದಾರೆ?

ವರದಿಗಳ ಪ್ರಕಾರ, ಸನ್ಯಾ ಚಾಂದೋಕ್ ತನ್ನ ಶಾಲಾ ಶಿಕ್ಷಣವನ್ನು ಮುಂಬೈನಲ್ಲಿ ಪೂರ್ಣಗೊಳಿಸಿದ್ದಾರೆ. ಬಳಿಕ ಲಂಡನ್ ಸ್ಕೂಲ್ ಆಫ್ ಎಕನಾಮಿಕ್ಸ್‌ನಿಂದ ಪದವಿ ಪಡೆದಿದ್ದಾರೆ. ತಮ್ಮ ಅಧ್ಯಯನವನ್ನು ಪೂರ್ಣಗೊಳಿಸಿದ ನಂತರ, ಮುಂಬೈನಲ್ಲಿ ಮಿಸ್ಟರ್ ಪಾವ್ಸ್ ಎಂಬ ಹೆಸರಿನ ಸಾಕುಪ್ರಾಣಿ ಸಲೂನ್, ಸ್ಪಾ ಪ್ರಾರಂಭಿಸಿದರು, ಇದು ಸಾಕುಪ್ರಾಣಿಗಳನ್ನು ನೋಡಿಕೊಳ್ಳಲು ಮತ್ತು ಅವುಗಳಿಗೆ ಐಷಾರಾಮಿ ಸೇವೆಗಳನ್ನು ಒದಗಿಸಲು ಹೆಸರುವಾಸಿಯಾಗಿದೆ. ಅವರು ನಾಯಿ ಪ್ರಿಯರೂ ಆಗಿದ್ದು, ಸಾಕುಪ್ರಾಣಿಗಳ ಆರೈಕೆದಾರರಾಗಿ ಕೆಲಸ ಮಾಡುತ್ತಾರೆ.

ಅರ್ಜುನ್ ತೆಂಡೂಲ್ಕರ್ ಶಿಕ್ಷಣ:

ಅರ್ಜುನ್ ತೆಂಡೂಲ್ಕರ್ ಮುಂಬೈನ ಧೀರೂಭಾಯಿ ಅಂಬಾನಿ ಅಂತರರಾಷ್ಟ್ರೀಯ ಶಾಲೆಯಲ್ಲಿ ಅಧ್ಯಯನ ಮಾಡಿ ಮುಂಬೈ ವಿಶ್ವವಿದ್ಯಾಲಯದಿಂದ ಪದವಿ ಪಡೆದಿದ್ದಾರೆ. ಅರ್ಜುನ್ ತೆಂಡೂಲ್ಕರ್ ಎಡಗೈ ವೇಗದ ಬೌಲರ್ ಮತ್ತು ಆಲ್ ರೌಂಡರ್. ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನಲ್ಲಿ ಗೋವಾ ಪರ ಆಡಿದ್ದಾರೆ. ಐಪಿಎಲ್ ನಲ್ಲಿ ಮುಂಬೈ ಇಂಡಿಯನ್ಸ್ ಪರ ಆಡಿದ್ದಾರೆ. ಇಲ್ಲಿಯವರೆಗೆ ಐಪಿಎಲ್ ನಲ್ಲಿ ಅವರು 5 ಪಂದ್ಯಗಳಲ್ಲಿ 114 ರನ್ ಗಳಿಸಿದ್ದಾರೆ ಮತ್ತು 3 ವಿಕೆಟ್ ಪಡೆದಿದ್ದಾರೆ.

ಇದನ್ನೂ ಓದಿ: ವಿಶ್ವದ ಅತ್ಯುತ್ತಮ ಶಾಲೆಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿರುವ ಭಾರತದ ಏಕೈಕ ಶಿಕ್ಷಣ ಸಂಸ್ಥೆ ಯಾವುದು ಗೊತ್ತಾ?

ಸಾನಿಯಾ ಚಾಂದೋಕ್ ಯಾರು?

ಸನ್ಯಾ ಚಾಂದೋಕ್ ಮುಂಬೈನ ಪ್ರಸಿದ್ಧ ಬಿಸಿನೆಸ್​ ಕುಟುಂಬಕ್ಕೆ ಸೇರಿದವರು. ಅವರು ರವಿ ಘಾಯ್ ಅವರ ಮೊಮ್ಮಗಳು, ಅವರ ಕುಟುಂಬವು ಇಂಟರ್ ಕಾಂಟಿನೆಂಟಲ್ ಮೆರೈನ್ ಡ್ರೈವ್ ಹೋಟೆಲ್ ಅನ್ನು ಹೊಂದಿದೆ. ಘಾಯ್ ಕುಟುಂಬದ ವ್ಯವಹಾರವು ಹೋಟೆಲ್‌ಗಳಿಗೆ ಮಾತ್ರ ಸೀಮಿತವಾಗಿಲ್ಲ, ಆದರೆ ಅವರು ಪ್ರಸಿದ್ಧ ಐಸ್ ಕ್ರೀಮ್ ಬ್ರ್ಯಾಂಡ್ ಅನ್ನು ಸಹ ಹೊಂದಿದ್ದಾರೆ. ಅವರು ಗ್ರಾವಿಸ್ ಗೂಡ್ಸ್ ಫುಡ್‌ನಂತಹ ಇತರ ಅನೇಕ ಕಂಪನಿಗಳನ್ನು ಸಹ ಹೊಂದಿದ್ದಾರೆ.

ಶಿಕ್ಷಣಕ್ಕೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ

Published On - 4:59 pm, Thu, 14 August 25