‘ಸಿಂಗಂ ಅಗೇನ್’ ಚಿತ್ರಕ್ಕೆ ಮತ್ತೆ ಒಂದಾಗಲಿದ್ದಾರೆ ನಟ ಅಜಯ್​ ದೇವಗನ್ ಮತ್ತು ರೋಹಿತ್ ಶೆಟ್ಟಿ 

ನಟ ಅಜಯ್​ ದೇವಗನ್​ (Ajay Devgn) ಸದ್ಯ ‘ದೃಶ್ಯಂ 2’ ಚಿತ್ರದ ಸಕ್ಸಸ್​​ನಲ್ಲಿದ್ದಾರೆ. ಅಜಯ್​ ದೇವಗನ್ ಫ್ಯಾನ್ಸ್​​ ಚಿತ್ರವನ್ನು ನೋಡಿ ಮೆಚ್ಚಿಕೊಂಡಿದ್ದಾರೆ. ಈಗ ಅವರ ಅಭಿಮಾನಿಗಳಿಗೆ ಮತ್ತೊಂದು ಸಂತೋಷದ ಸುದ್ದಿ ಹೊರಬಿದ್ದಿದೆ. ನಟ ಅಜಯ್ ದೇವಗನ್ ತಮ್ಮ ‘ಸಿಂಗಂ’ ಸಿನಿಮಾ ಸರಣಿಯ ಮೂರನೇ ಭಾಗವಾದ ‘ಸಿಂಗಂ ಅಗೇನ್’ (Singham Again) ಚಿತ್ರಕ್ಕಾಗಿ ನಿರ್ದೇಶಕ ರೋಹಿತ್​ ಶೆಟ್ಟಿ ಅವರೊಂದಿಗೆ ಮತ್ತೆ ಒಂದಾಗುತ್ತಿದ್ದಾರೆ. ಸದ್ಯ ಈ ಹೊಸ ಬೆಳವಣಿಗೆಯನ್ನು ಸಿನಿಮಾ ವಿಶ್ಲೇಷಕ ತರಣ್ ಆದರ್ಶ್ ಅವರು ಖಚಿತಪಡಿಸಿದ್ದಾರೆ. ಅಜಯ್ ದೇವಗನ್ ಅವರು ತಮ್ಮ ಮುಂದಿನ ಚಿತ್ರವಾದ ‘ಭೋಲಾ’ ಪೂರ್ಣಗೊಂಡ ನಂತರ ಮತ್ತೆ ಪೊಲೀಸ್​ ಸಮವಸ್ತ್ರ ಧರಿಸಲಿಸದ್ದಾರೆ ಎಂದು ವರದಿಯಾಗಿದೆ.

ರೋಹಿತ್ ಶೆಟ್ಟಿ ಅವರು ಅಜಯ್ ದೇವಗನ್ ಅವರ ಈ ಹಿಂದಿನ ‘ಸಿಂಗಂ’​​, ‘ಸಿಂಗಂ ರಿಟರ್ನ್ಸ್‌’ ಸಿನಿಮಾದಲ್ಲಿ ನಿರ್ದೇಶಕ ರೋಹಿತ್​ ಶೆಟ್ಟಿ ಮತ್ತು ಅಜಯ್ ದೇವಗನ್ ಅವರು ಜೊತೆಗೆ ಕೆಲಸ ಮಾಡಿದ್ದರು. 2010 ರಲ್ಲಿ ಹರಿಗೋಪಾಲಕೃಷ್ಣನ್ ನಿರ್ದೇಶಿಸಿದ ಅದೇ ಹೆಸರಿನ ತಮಿಳು ಚಿತ್ರದ ರೀಮೇಕ್ ಆಗಿದೆ. ಈಗ ಈ ಚಿತ್ರ  11 ವರ್ಷ ಪೂರೈಸಿದೆ.

ಇದನ್ನೂ ಓದಿ: Drishyam 2 Collection: ಸೋತಿದ್ದ ಬಾಲಿವುಡ್​ಗೆ ‘ದೃಶ್ಯಂ 2’ ಚಿತ್ರದಿಂದ ಹೊಸ ಚೈತನ್ಯ; ಮೂರೇ ದಿನಕ್ಕೆ 64 ಕೋಟಿ ರೂ. ಕಮಾಯಿ

‘ಸಿಂಗಂ ಅಗೇನ್’ ಚಿತ್ರದ ಕುರಿತು ಸಿನಿಮಾ ವಿಶ್ಲೇಷಕ ತರಣ್ ಆದರ್ಶ್ ಅವರು ಮಾಹಿತಿ ಬಿಚ್ಚಿಟ್ಟಿದ್ದಾರೆ. ‘ಅಜಯ್​ ದೇವಗನ್​ ಮತ್ತು ರೋಹಿತ್​​ ಶೆಟ್ಟಿ ಸಿಂಗಂ ಅಗೇನ್ ಚಿತ್ರಕ್ಕೆ ಮತ್ತೆ ಒಂದಾಗುತ್ತಿದ್ದಾರೆ. ಇಲ್ಲಿಯವರೆಗೂ ಅತ್ಯಂತ ಯಶಸ್ವಿ ಜೋಡಿಗಳಲ್ಲಿ ಇವರು ಕೂಡ. ಅಜಯ್ ದೇವಗನ್ ಅವರ ಮುಂದಿನ ಚಿತ್ರ ಭೋಲಾದ ನಂತರ ಈ ಜೋಡಿ ಒಂದಾಗಲಿದೆ’ ಎಂದು ತರಣ್ ಆದರ್ಶ್ ಅವರು ಮಾಹಿತಿ ಹಂಚಿಕೊಂಡಿದ್ದಾರೆ. ಹೊಸ ವಿಚಾರ ತಿಳಿಯುತ್ತಿದ್ದಂತೆ ಅಜಯ್ ದೇವಗನ್ ಫ್ಯಾನ್ಸ್​ ಕುಣಿದು ಕುಪ್ಪಳಿಸಿದ್ದಾರೆ.

ಇದನ್ನೂ ಓದಿ: Ajay Devgn: 175 ಕೋಟಿ ರೂ. ಗಡಿಯತ್ತ ‘ದೃಶ್ಯಂ 2’ ಸಿನಿಮಾ; ವರ್ಷಾಂತ್ಯಕ್ಕೆ ಅಜಯ್​ ದೇವಗನ್​ ಹ್ಯಾಪಿ

ಅಜಯ್ ಇತ್ತೀಚೆಗಷ್ಟೇ ‘ಭೋಲಾ’ ಚಿತ್ರದ ಮೊದಲ ಟೀಸರ್​ನ್ನು ಬಿಡುಗಡೆ ಮಾಡಿದ್ದರು. ಇದು ಅಜಯ್ ದೇವಗನ್​ ಅವರು ನಟಿಸಿ, ನಿರ್ದೇಶನ ಕೂಡ ಮಾಡಿದ್ದಾರೆ. ‘ಭೋಲಾ’ ಚಿತ್ರವು 2019ರಲ್ಲಿ ತೆರೆಕಂಡ ತಮಿಳು ಸೂಪರ್‌ಹಿಟ್ ‘ಕೈದಿ’ ಚಿತ್ರದ ರಿಮೇಕ್ ಆಗಿದೆ. ಈ ಚಿತ್ರದಲ್ಲಿ ಅಜಯ್ ದೇವಗನ್ ಜೊತೆಗೆ ಟಬು ಕಾಣಿಸಿಕೊಳ್ಳಲಿದ್ದಾರೆ.

ಮತ್ತಷ್ಟು ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.