Amala Paul: ‘ಅಗತ್ಯ ಇದ್ದಿದ್ದಕ್ಕೆ ಲಿಪ್​ ಕಿಸ್​ ಮಾಡಿದೆ’: ಪೃಥ್ವಿರಾಜ್​​ ಜತೆಗಿನ ದೃಶ್ಯದ ಬಗ್ಗೆ ಅಮಲಾ ಪೌಲ್​ ಪ್ರತಿಕ್ರಿಯೆ

ನಟಿ ಅಮಲಾ ಪೌಲ್​ (Amala Paul) ಅವರು ಆಗಾಗ ಸುದ್ದಿ ಆಗುತ್ತಲೇ ಇರುತ್ತಾರೆ. ಬೋಲ್ಡ್​ ಪಾತ್ರಗಳ ಮೂಲಕ ಅವರು ಗಮನ ಸೆಳೆದಿದ್ದಾರೆ. ರಿಯಲ್​ ಲೈಫ್​ನಲ್ಲಿಯೂ ಅವರದ್ದು ನೇರ ನಿಷ್ಠುರವಾದಂತಹ ವ್ಯಕ್ತಿತ್ವ. ತಮಗೆ ಅನಿಸಿದ್ದನ್ನು ಅವರು ನೇರವಾಗಿ ಹೇಳುತ್ತಾರೆ. ಇನ್ನು, ಗ್ಲಾಮರಸ್​ ಆದಂತಹ ಪಾತ್ರಗಳ ಆಯ್ಕೆಯಲ್ಲಿ ಅವರು ಎಂದಿಗೂ ಮುಜುಗರಪಟ್ಟುಕೊಂಡಿಲ್ಲ. ಅಮಲಾ ಪೌಲ್​ ಅವರು ಮೂಲತಃ ಕೇರಳದವರು. ಬಹುಭಾಷೆಯಲ್ಲಿ ಫೇಮಸ್​ ಆಗಿದ್ದಾರೆ. ಹಾಗಾಗಿ ದೇಶಾದ್ಯಂತ ಅವರಿಗೆ ಅಭಿಮಾನಿಗಳು ಇದ್ದಾರೆ. ಈಗ ಅವರೊಂದು ಕಿಸ್ಸಿಂಗ್​ ದೃಶ್ಯದ ಮೂಲಕ ಗಮನ ಸೆಳೆಯುತ್ತಿದ್ದಾರೆ. ‘ಆಡು ಜೀವಿತಂ’ (Aadujeevitham) ಸಿನಿಮಾದಲ್ಲಿ ಪೃಥ್ವಿರಾಜ್​ ಸುಕುಮಾರನ್​ (Prithviraj Sukumaran​) ಜೊತೆಗೆ ಅಮಲಾ ಪೌಲ್​ ನಟಿಸಿದ್ದಾರೆ. ಈ ಚಿತ್ರದ ಟ್ರೇಲರ್​ನಲ್ಲಿರುವ ಚುಂಬನದ ದೃಶ್ಯದ ಬಗ್ಗೆ ಅವರೀಗ ಪ್ರತಿಕ್ರಿಯೆ ನೀಡಿದ್ದಾರೆ.

ಬ್ಲೆಸ್ಸಿ ಅವರು ‘ಆಡು ಜೀವಿತಂ’ ಸಿನಿಮಾಗೆ ನಿರ್ದೇಶನ ಮಾಡಿದ್ದಾರೆ. ಒಂದಷ್ಟು ದಿನಗಳ ಹಿಂದೆ ಈ ಚಿತ್ರದ ಟ್ರೇಲರ್​ ಲೀಕ್​ ಆಯಿತು. ಸಿನಿಮೋತ್ಸವದ ಸಲುವಾಗಿ ಸಿದ್ಧಪಡಿಸಿದ್ದ ಟ್ರೇಲರ್​ ಸೋರಿಕೆ ಆಗಿದ್ದರಿಂದ ಚಿತ್ರತಂಡಕ್ಕೆ ಬೇಸರ ಆಯಿತು. ಟ್ರೇಲರ್​ ನೋಡಿದ ಬಹುತೇಕರು ಚರ್ಚೆ ಮಾಡಿದ್ದು ಅಮಲಾ ಪೌಲ್​ ಮತ್ತು ಪೃಥ್ವಿರಾಜ್​ ಸುಕುಮಾರನ್​ ನಡುವಿನ ಕಿಸ್ಸಿಂಗ್​ ದೃಶ್ಯದ ಬಗ್ಗೆ.

View this post on Instagram

A post shared by Amala Paul (@amalapaul)

ಮಲಯಾಳಂನ ‘ಆಡು ಜೀವಿತಂ’ ಕಾದಂಬರಿ ಆಧರಿಸಿ ಈ ಸಿನಿಮಾ ಸಿದ್ಧವಾಗಿದೆ. ಮರಳುಭೂಮಿಯಲ್ಲಿ ಕಷ್ಟಪಡುವ ವ್ಯಕ್ತಿಯ ಕುರಿತಾದ ಕಥೆಯನ್ನು ಈ ಚಿತ್ರ ಒಳಗೊಂಡಿದೆ. ಪೃಥ್ವಿರಾಜ್​ ಸುಕುಮಾರನ್​​ ಅವರು ಡಿಫರೆಂಟ್​ ಗೆಟಪ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರ ಪತ್ನಿಯ ಪಾತ್ರದಲ್ಲಿ ಅಮಲಾ ಪೌಲ್​ ನಟಿಸಿದ್ದಾರೆ. ಒಂದು ಇಂಟಿಮೇಟ್​ ದೃಶ್ಯದಲ್ಲಿ ಇಬ್ಬರೂ ಲಿಪ್​ ಲಾಕ್​ ಮಾಡಿದ್ದಾರೆ.

ಇದನ್ನೂ ಓದಿ: Amala Paul: ‘ಹೆಬ್ಬುಲಿ’ ನಟಿಯ ಹಾಟ್​ ಅವತಾರ; ಪಡ್ಡೆಗಳ ನಿದ್ದೆ ಕೆಡಿಸಿದ ಅಮಲಾ ಪೌಲ್​ ಫೋಟೋಸ್​

‘ಸಿನಿಮಾದ ಕಥೆಗೆ ಈ ದೃಶ್ಯ ಅವಶ್ಯಕವಾಗಿತ್ತು. ಅದಕ್ಕೆ ಅನುಗುಣವಾಗಿ ನಾನು ನಟಿಸಿದ್ದೇನೆ’ ಅಂತ ಅಮಲಾ ಪೌಲ್​ ಹೇಳಿದ್ದಾರೆ ಎಂದು ಕೆಲವು ಮಾಧ್ಯಮಗಳು ವರದಿ ಮಾಡಿವೆ. ಈ ಸಿನಿಮಾಗೆ ಎ.ಆರ್​. ರೆಹಮಾನ್​ ಅವರು ಸಂಗೀತ ನಿರ್ದೇಶನ ಮಾಡಿದ್ದಾರೆ. ಆಸ್ಕರ್​ ಪ್ರಶಸ್ತಿ ಪುರಸ್ಕೃತ ರಸೂಲ್​ ಪೂಕುಟ್ಟಿ ಅವರು ಸೌಂಡ್​ ಡಿಸೈನ್​ ಮಾಡಿದ್ದಾರೆ.

ಇದನ್ನೂ ಓದಿ: Amala Paul: ದೇವರ ಮೊರೆ ಹೋದ ಅಮಲಾ ಪೌಲ್​; ಪವಿತ್ರ ನೀರಲ್ಲಿ ಮಿಂದೆದ್ದ ನಟಿ

‘ಆಡು ಜೀವಿತಂ’ ಸಿನಿಮಾದ ಬಹುತೇಕ ದೃಶ್ಯಗಳ ಶೂಟಿಂಗ್​ ಮರುಭೂಮಿಯಲ್ಲಿ ನಡೆದಿದೆ. ಅದಕ್ಕಾಗಿ ಚಿತ್ರತಂಡ ಬಹಳ ಕಷ್ಟಪಟ್ಟಿದೆ. ಪೃಥ್ವಿರಾಜ್​ ಸುಕುಮಾರನ್​ ಅವರು ಸುಡುವ ಬಿಸಿಲಿನಲ್ಲಿ ನಟಿಸಿದ್ದಾರೆ. ಕೊವಿಡ್​ ಸಂದರ್ಭದಲ್ಲಿ ಈ ಚಿತ್ರತಂಡದವರು 70 ದಿನಗಳ ಕಾಲ ಜೋರ್ಡನ್​ನಲ್ಲಿ ಸಿಕ್ಕಿ ಹಾಕಿಕೊಂಡಿದ್ದರು. ಇಷ್ಟೆಲ್ಲ ಕಷ್ಟಪಟ್ಟು ಮಾಡಿದ ಸಿನಿಮಾದ ಟ್ರೇಲರ್​ ಗಮನ ಸೆಳೆಯುತ್ತಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 4:54 pm, Tue, 25 April 23