ಈ ಫೋಟೋದಲ್ಲಿರೋರು ಯಾರೆಂದು ಗುರುತಿಸಿ; ಈಗ ಅವರು ಸ್ಟಾರ್ ನಟಿ

ಸ್ಟಾರ್ ಹೀರೋ ಅಥವಾ ಹೀರೋಯಿನ್ ಬಾಲ್ಯದಲ್ಲಿ ಯಾವ ರೀತಿ ಇದ್ದರು ಎಂದು ತಿಳಿದುಕೊಳ್ಳುವ ಕುತೂಹಲ ಪ್ರತಿ ಅಭಿಮಾನಿಗೂ ಇರುತ್ತದೆ. ಅಭಿಮಾನಿಗಳ ಮನದಾಳದ ಮಾತನ್ನು ಅರಿತುಕೊಳ್ಳೋ ಅನೇಕ ಸೆಲೆಬ್ರಿಟಿಗಳು ಆಗಾಗ ತಮ್ಮ ಬಾಲ್ಯದ ಫೋಟೋಗಳನ್ನು ಹಂಚಿಕೊಳ್ಳುತ್ತಾ ಇರುತ್ತಾರೆ. ಈಗ ಬಾಲಿವುಡ್ ಹಾಗೂ ಹಾಲಿವುಡ್ನಲ್ಲಿ ಮಿಂಚುತ್ತಿರುವ ಸ್ಟಾರ್ ನಟಿ ತಮ್ಮ 9 ವರ್ಷದ ಫೋಟೋ ಹಂಚಿಕೊಂಡಿದ್ದಾರೆ. ಈ ಫೋಟೋ ನೋಡಿದ ಬಳಿಕ ನೀವು ಅಚ್ಚರಿ ಹೊರಹಾಕೋದು ಗ್ಯಾರಂಟಿ. ಏಕೆ ಅಂತೀರಾ? ಇಲ್ಲಿದೆ ನೋಡಿ ಉತ್ತರ.

ಈ ರೀತಿಯಲ್ಲಿ ಫೋಟೋ ಹಂಚಿಕೊಂಡಿದ್ದು ಬೇರೆ ಯಾರೂ ಅಲ್ಲ ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ. ಅವರು 9 ವರ್ಷ ಇದ್ದಾಗ ಬಾಪ್ಕಟ್ ಮಾಡಿಸಿಕೊಂಡು ಹುಡುಗನ ರೀತಿ ಇದ್ದರು ಎಂಬುದು ಈ ಮೇಲಿನ ಫೋಟೋದ ಮೂಲಕ ಗೊತ್ತಾಗುತ್ತದೆ. ಈ ಫೋಟೋನ ಸ್ವತಃ ಅವರೇ ಪೋಸ್ಟ್ ಮಾಡಿದ್ದಾರೆ. ಅಷ್ಟೇ ಅಲ್ಲ, ಈ ಫೋಟೋ ಇಟ್ಟುಕೊಂಡು ಟ್ರೋಲ್ ಮಾಡಬೇಡಿ ಎಂದು ಕೋರಿದ್ದಾರೆ.

9 ವರ್ಷ ಇದ್ದಾಗ ಪ್ರಿಯಾಂಕಾ ಚೋಪ್ರಾ ಅವರು ಬಾಪ್ಕಟ್ ಮಾಡಿಸಿಕೊಂಡಿದ್ದರು. ಅವರು ನೋಡೋಕೆ ಹುಡುಗನ ರೀತಿಯೂ ಕಾಣಿಸುತ್ತಿದ್ದರು. ಆದರೆ, 17ನೇ ವಯಸ್ಸಿಗೆ ಅವರು ಸಂಪೂರ್ಣವಾಗಿ ಬದಲಾದರು. ಅವರು ಸಖತ್ ಗ್ಲಾಮರಸ್ ಆಗಿ ಕಾಣಿಸಿಕೊಂಡರು. ಆ ಸಮಯದಲ್ಲ (2000ನೇ ಇಸ್ವಿ) ಅವರು ‘ಮಿಸ್ ಇಂಡಿಯಾ’ ಆದರು. ಸಣ್ಣ ವಯಸ್ಸಿಗೆ ಅವರು ಗಮನ ಸೆಳೆದರು. 10 ವರ್ಷಗಳಲ್ಲಿ ಅವರು ಸಾಕಷ್ಟು ಬದಲಾಗಿದ್ದರು.

ಇದನ್ನೂ ಓದಿ:ಪ್ರಿಯಾಂಕಾ ಚೋಪ್ರಾ ಧರಿಸಿರುವ ಉಡುಪಿನ ಬೆಲೆ ಎಷ್ಟು?

ಈ ಫೋಟೋಗಳನ್ನು ಅವರು ಹಂಚಿಕೊಳ್ಳಲು ಒಂದು ಕಾರಣ ಇದೆ. ನಿಮ್ಮನ್ನು ನೀವು ಪ್ರೀತಿಸಿಕೊಳ್ಳಿ ಎಂದು ಪ್ರಿಯಾಂಕಾ ಚೋಪ್ರಾ ಅಭಿಮಾನಿಗಳಿಗೆ ಹೇಳುವ ಕೆಲಸವನ್ನು ಮಾಡಿದ್ದಾರೆ. ಇದರಿಂದ ನಾವು ಬೆಳೆಯಬಹುದು ಎನ್ನುವ ಸ್ಫೂರ್ತಿಯನ್ನು ಅವರು ನೀಡಿದ್ದಾರೆ. ಸಾಮಾನ್ಯವಾಗಿ ಈ ರೀತಿಯ ಫೋಟೋಗಳನ್ನು ಹಂಚಿಕೊಂಡಾಗ ಟ್ರೋಲ್ ಆಗುವ ಭಯ ಇರುತ್ತದೆ. ಆದರೆ, ಪ್ರಿಯಾಂಕಾ ಚೋಪ್ರಾ ಅವರನ್ನು ಇದನ್ನು ಗಮನಿಸಿಲ್ಲ. ಪ್ರಿಯಾಂಕಾ ಚೋಪ್ರಾ ಅವರಿಗೆ ಹಾಲಿವುಡ್ನಲ್ಲಿ ಬೇಡಿಕೆ ಸೃಷ್ಟಿ ಆಗಿದೆ. ಅವರು ಬಾಲಿವುಡ್ನತ್ತ ಮುಖ ಮಾಡದೇ ಸಾಕಷ್ಟು ಸಮಯ ಕಳೆದಿದೆ. ಇಂಗ್ಲಿಷ್ ಗಾಯಕ ನಿಕ್ ಜೋನಸ್ನ ಅವರು ವಿವಾಹ ಆಗಿದ್ದಾರೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ