Katrina Kaif: ನಟಿ ಕತ್ರಿನಾ ಕೈಫ್ ಜೊತೆ 20 ವರ್ಷಗಳಿಂದ ಅತಿ ಹೆಚ್ಚು ಸಮಯ ಕಳೆದ ವ್ಯಕ್ತಿ ಇವರೇ
Katrina Kaif Personal Assistant: ಚಿತ್ರರಂಗದಲ್ಲಿ 20 ವರ್ಷಗಳನ್ನು ಪೂರೈಸುವುದು ಎಂದರೆ ಸಣ್ಣ ಮಾತಲ್ಲ. ಆ ಸುದೀರ್ಘ ಪಯಣದಲ್ಲಿ ಕತ್ರಿನಾ ಕೈಫ್ ಅವರಿಗೆ ಅಶೋಕ್ ಶರ್ಮಾ ಜೊತೆಯಾಗಿದ್ದಾರೆ.
ಬಾಲಿವುಡ್ನ ಖ್ಯಾತ ನಟಿ ಕತ್ರಿನಾ ಕೈಫ್ ಅವರು ವಿಕ್ಕಿ ಕೌಶಲ್ (Vicky Kaushal) ಜೊತೆ ಮದುವೆಯಾಗಿ ಖುಷಿಯಾಗಿದ್ದಾರೆ. ಖಾಸಗಿ ಜೀವನ ಮತ್ತು ವೃತ್ತಿ ಬದುಕನ್ನು ಅವರು ಬ್ಯಾಲೆನ್ಸ್ ಮಾಡಿಕೊಂಡು ಸಾಗುತ್ತಿದ್ದಾರೆ. ಇತ್ತೀಚೆಗೆ ಸಿನಿಮಾಗಳ ಆಯ್ಕೆಯಲ್ಲಿ ಅವರು ಅವಸರ ತೋರುತ್ತಿಲ್ಲ. 2003ರಿಂದಲೂ ಅವರು ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದಾರೆ. ಅವರು ಬಣ್ಣದ ಲೋಕಕ್ಕೆ ಕಾಲಿಟ್ಟು 20 ವರ್ಷ ಕಳೆದಿದೆ. ಈ 20 ವರ್ಷಗಳಲ್ಲಿ ತಮ್ಮ ಜೊತೆ ಅತಿ ಹೆಚ್ಚು ಸಮಯ ಕಳೆದ ವ್ಯಕ್ತಿ ಯಾರು ಎಂಬುದನ್ನು ಕತ್ರಿನಾ ಕೈಫ್ (Katrina Kaif) ಅವರು ಬಹಿರಂಗಪಡಿಸಿದ್ದಾರೆ. ಆ ಸ್ಪೆಷಲ್ ವ್ಯಕ್ತಿಯ ಜೊತೆಗಿರುವ ಫೋಟೋವನ್ನು ಅವರು ಹಂಚಿಕೊಂಡಿದ್ದಾರೆ. ಅಂದಹಾಗೆ ಅವರ ಹೆಸರು ಅಶೋಕ್ ಶರ್ಮಾ. ಅವರ ಬಗ್ಗೆ ಇಲ್ಲಿದೆ ಮಾಹಿತಿ..
ಸೆಲೆಬ್ರಿಟಿಗಳಿಗೆ ಆಪ್ತ ಸಹಾಯಕರು ಇರುತ್ತಾರೆ. ಅಗ್ರಿಮೆಂಟ್ ಪರಿಶೀಲಿಸುವುದು, ಸಂಭಾವನೆಯ ಲೆಕ್ಕ ನೋಡಿಕೊಳ್ಳುವುದು, ಡೇಟ್ಸ್ ಹೊಂದಾಣಿಕೆ ಮಾಡುವುದು ಸೇರಿದಂತೆ ಅನೇಕ ಕೆಲಸಗಳನ್ನು ಆಪ್ತ ಸಹಾಯಕರು ಮಾಡುತ್ತಾರೆ. ಅದರು ತುಂಬ ನಂಬಿಕಸ್ಥ ವ್ಯಕ್ತಿ ಆಗಿರಬೇಕು. ಯಾಕೆಂದರೆ ಸೆಲೆಬ್ರಿಟಿಗಳ ಬಹುತೇಕ ಎಲ್ಲ ಖಾಸಗಿ ವಿಷಯಗಳು ಅವರಿಗೆ ತಿಳಿದಿರುತ್ತವೆ. ಅಂಥ ಮಾಹಿತಿ ಹೊರಗಡೆ ಲೀಕ್ ಆಗದಂತೆ ನೋಡಿಕೊಳ್ಳುವ ಜವಾಬ್ದಾರಿ ಅವರಿಗೆ ಇರಬೇಕಾಗುತ್ತದೆ. ಕತ್ರಿನಾ ಕೈಫ್ ಅವರ ವೃತ್ತಿಬದುಕಿನಲ್ಲಿ ಕಳೆದ 20 ವರ್ಷಗಳಿಂದ ಆಪ್ತ ಸಹಾಯಕನಾಗಿ ಕೆಲಸ ಮಾಡುತ್ತಿರುವುದು ಇದೇ ಅಶೋಕ್ ಶರ್ಮಾ.
ಇದನ್ನೂ ಓದಿ: ಫ್ಯಾನ್ಸ್ ಆಸೆಗೆ ತಣ್ಣೀರು ಎರೆಚಿದ ಪ್ರಿಯಾಂಕಾ ಚೋಪ್ರಾ; ಕತ್ರಿನಾ ಕೈಫ್ಗೂ ಇದರಿಂದ ತೊಂದರೆ
ಚಿತ್ರರಂಗದಲ್ಲಿ 20 ವರ್ಷಗಳನ್ನು ಪೂರೈಸುವುದು ಎಂದರೆ ಸಣ್ಣ ಮಾತಲ್ಲ. ಆ ಸುದೀರ್ಘ ಪಯಣದಲ್ಲಿ ಕತ್ರಿನಾ ಕೈಫ್ ಅವರಿಗೆ ಅಶೋಕ್ ಶರ್ಮಾ ಜೊತೆಯಾಗಿದ್ದಾರೆ. ಕತ್ರಿನಾ ಕೈಫ್ ಅವರ ಎಲ್ಲ ಏಳು-ಬೀಳು, ನೋವು-ನಲಿವು, ಸೋಲು-ಗೆಲುವುಗಳಿಗೆ ಅಶೋಕ್ ಶರ್ಮಾ ಸಾಕ್ಷಿ ಆಗಿದ್ದಾರೆ. ಅವರ ಬಗ್ಗೆ ಕತ್ರಿನಾ ಕೈಫ್ಗೆ ವಿಶೇಷವಾದ ಗೌರವ ಇದೆ. ಎರಡು ದಶಕಗಳ ಕಾಲ ತಮ್ಮೊಂದಿಗೆ ಕೆಲಸ ಮಾಡುತ್ತಿರುವ ಅವರ ಫೋಟೋವನ್ನು ಹಂಚಿಕೊಂಡಿದ್ದಾರೆ ಕತ್ರಿನಾ ಕೈಫ್.
ಇದನ್ನೂ ಓದಿ: Vicky Kaushal: ಕತ್ರಿನಾ ಕೈಫ್-ವಿಕ್ಕಿ ಕೌಶಲ್ ವಿಚ್ಛೇದನದ ಬಗ್ಗೆ ನೇರ ಪ್ರಶ್ನೆ; ಎಲ್ಲರ ಎದುರು ನಟ ನೀಡಿದ ಉತ್ತರ ಏನು?
ಇನ್ನೂ 20 ವರ್ಷಗಳ ಕಾಲ ಅಶೋಕ್ ಶರ್ಮಾ ಅವರೇ ತಮ್ಮ ಆಪ್ತ ಸಹಾಯಕರಾಗಿ ಇರಲಿ ಎಂದು ಕತ್ರಿನಾ ಕೈಫ್ ಬಯಸಿದ್ದಾರೆ. ಅವರ ಬಗ್ಗೆ ಇಷ್ಟು ಪ್ರೀತಿಯಿಂದ ಪೋಸ್ಟ್ ಮಾಡಿದ್ದಕ್ಕೆ ನೆಟ್ಟಿಗರು ಶಹಭಾಷ್ ಎಂದಿದ್ದಾರೆ. ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ತಮ್ಮ ಸಹಾಯಕರನ್ನು ಜಗತ್ತಿಗೆ ಪರಿಚಯಿಸುವುದಿಲ್ಲ. ಆದರೆ ಕತ್ರಿನಾ ಅವರು ಈ ವಿಚಾರದಲ್ಲಿ ಭಿನ್ನ. ಚಿತ್ರರಂದಲ್ಲಿ 2 ದಶಕ ಪೂರೈಸಿದ್ದಕ್ಕೆ ಎಲ್ಲರೂ ಅವರಿಗೆ ಅಭಿನಂದನೆ ತಿಳಿಸುತ್ತಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.