ಲತಾ ಮಂಗೇಶ್ಕರ್​ ಬಿಟ್ಟು ಹೋದ ನೂರಾರು ಕೋಟಿ ಆಸ್ತಿ ಸೇರೋದು ಯಾರಿಗೆ? ಇಲ್ಲಿದೆ ಮಾಹಿತಿ

ಲತಾ ಮಂಗೇಶ್ಕರ್ (Lata Mangeshkar)​ ಅವರು ಭಾನುವಾರ (ಫೆಬ್ರವರಿ 6) ಮುಂಜಾನೆ ಮೃತಪಟ್ಟರು. ಅವರಿಗೆ 92 ವರ್ಷ ವಯಸ್ಸಾಗಿತ್ತು. ಲತಾ ಮಂಗೇಶ್ಕರ್ ನಿಧನ ವಾರ್ತೆ ಸಾಕಷ್ಟು ಜನರಿಗೆ ದುಃಖ ತಂದಿದೆ. 75 ವರ್ಷಗಳ ವೃತ್ತಿ ಜೀವನದಲ್ಲಿ ಅವರು 60 ಸಾವಿರಕ್ಕೂ ಅಧಿಕ ಹಾಡುಗಳನ್ನು ಹಾಡಿದ್ದಾರೆ. ಇಷ್ಟು ಗೀತೆಗಳನ್ನು ಹಾಡುವುದು ಅಷ್ಟು ಸುಲಭದ ಮಾತಲ್ಲ. ಅವರು ಕನ್ನಡ, ಹಿಂದಿ ಸೇರಿ ಸುಮಾರು 36 ಭಾಷೆಗಳಲ್ಲಿ ಹಾಡಿದ್ದಾರೆ. ಅವರ ಕಂಠವನ್ನು ಇಷ್ಟಪಡದವರೇ ಇಲ್ಲ ಎಂದರೂ ತಪ್ಪಾಗಲಾರದು. ಲತಾ ಅವರು ಮದುವೆ ಆಗಿರಲಿಲ್ಲ. ಅವಿವಾಹಿತೆಯಾಗಿಯೇ ಅವರು ನಿಧನ ಹೊಂದಿದರು. ಈ ಕಾರಣಕ್ಕೆ ಅವರು ಬಿಟ್ಟು ಹೋದ ನೂರಾರು ಕೋಟಿ ಆಸ್ತಿ ಬಗ್ಗೆ ಎಲ್ಲ ಕಡೆಗಳಲ್ಲೂ ಚರ್ಚೆ ನಡೆಯುತ್ತಿದೆ. ಈ ಆಸ್ತಿ (Lata Mangeshkar Net worth) ಯಾರ ಪಾಲಾಗಲಿದೆ ಎನ್ನುವ ಕುತೂಹಲ ಅನೇಕರಲ್ಲಿದೆ.

ಲತಾ ಅವರು ಮುಂಬೈನಲ್ಲಿ ವಾಸವಾಗಿದ್ದರು. ಸಹೋದರಿಯರ ಜತೆ ಲತಾ ಮಂಗೇಶ್ಕರ್​​ಗೆ ಒಳ್ಳೆಯ ಒಡನಾಟ ಇತ್ತು. ಲತಾ ಅವರ ಇಡೀ ಕುಟುಂಬವೇ ಸಂಗೀತ ಕ್ಷೇತ್ರದಲ್ಲಿ ತೊಡಗಿಕೊಂಡಿದೆ. ಸಾಮಾನ್ಯವಾಗಿ ಸಾಯುವುದಕ್ಕೂ ಮೊದಲು ತಮ್ಮ ಆಸ್ತಿ ಯಾರಿಗೆ ಸೇರಬೇಕು ಎನ್ನುವ ಬಗ್ಗೆ ಬರೆದಿಟ್ಟು ಸಾಯುತ್ತಾರೆ. ಲತಾ ಕೂಡ ಹಾಗೆ ಮಾಡಿದ್ದಾರೆ ಎನ್ನಲಾಗುತ್ತಿದೆ.

ಲತಾ ಅವರು ಸಂಗೀತ ಕ್ಷೇತ್ರ ಹಾಗೂ ಚಿತ್ರರಂಗದ ಮೂಲಕ ಅಪಾರ ಆಸ್ತಿ ಗಳಿಸಿದ್ದಾರೆ. ಮುಂಬೈನಲ್ಲಿ ಅವರು ಮನೆ ಹೊಂದಿದ್ದಾರೆ. ಹಲವು ಕಡೆಗಳಲ್ಲಿ ಜಾಗ ಖರೀದಿಸಿದ್ದಾರೆ. ಅವರ ಬಳಿ ಹಲವು ಕಾರುಗಳು ಇವೆ ಎನ್ನಲಾಗಿದೆ. ಒಂದು ಲೆಕ್ಕಾಚಾರದ ಪ್ರಕಾರ ಅವರ ಆಸ್ತಿ ಮೌಲ್ಯ 200 ಕೋಟಿ ರೂಪಾಯಿ ಎನ್ನಲಾಗಿದೆ.  ಪ್ರತಿ ವರ್ಷ ಅವರಿಗೆ ರಾಯಲ್ಟಿ ರೂಪದಲ್ಲಿ 5 ಕೋಟಿ ರೂಪಾಯಿ ಬರುತ್ತಿದೆ. ಅವರ ನಿಧನದ ನಂತರವೂ ಈ ಹಣ ಬರುತ್ತಲೇ ಇರುತ್ತದೆ. ಇವೆಲ್ಲವೂ ಈಗ ಯಾರಿಗೆ ಸೇರಲಿದೆ ಎಂಬ ಕುತೂಹಲ ಮೂಡಿದೆ.

ಆಶಾ ಭೋಸ್ಲೆ, ಮೀನಾ, ಉಷಾ ಮಂಗೇಶ್ಕರ್​ ಹಾಗೂ ಹೃದಯನಾಥ್​ ಮಂಗೇಶ್ಕರ್​ ಕೂಡ ಹಾಡುಗಾರರು. ಅವರೆಲ್ಲರ ಸೆಟ್ಲ್​ ಆಗಿದ್ದಾರೆ. ಇವರಿಗೆ ಲತಾ ಆಸ್ತಿ ಹಂಚಿಕೆ ಆಗಲಿದೆ ಎನ್ನುವ ಒಂದು ಮಾತಿದೆ. ಆದರೆ, ಕೆಲವು ವರದಿಗಳ ಪ್ರಕಾರ ಲತಾ ಆಸ್ತಿ ಮನೆಯವರಿಗೆ ಯಾರಿಗೂ ಸೇರುವುದಿಲ್ಲವಂತೆ. ಹಾಗಾದರೆ ಅವೆಲ್ಲ ಎಲ್ಲಿ ಹೋಗುತ್ತದೆ? ಆ ಪ್ರಶ್ನೆಗೆ ಇಲ್ಲಿದೆ ಉತ್ತರ.

ಲತಾ ಮಂಗೇಶ್ಕರ್​ ಅವರು ತುಂಬಾನೇ ಹೃದಯವಂತೆ ಆಗಿದ್ದರು. ಸಾಕಷ್ಟು ಸಾಮಾಜಿಕ ಕೆಲಸಗಳನ್ನು ಮಾಡುತ್ತಿದ್ದರು. ಹೀಗಾಗಿ ಅವರು ತಂದೆ ಹೆಸರಲ್ಲಿ ಒಂದು ಟ್ರಸ್ಟ್​ ಸ್ಥಾಪನೆ ಮಾಡಿದ್ದರು. ಈ ಟ್ರಸ್ಟ್​ನಿಂದ ಹಲವು ಸಾಮಾಜಿಕ ಕೆಲಸಗಳು ಆಗುತ್ತಿವೆ. ಈ ಟ್ರಸ್ಟ್​ಗೆ ಲತಾ ಆಸ್ತಿ ವರ್ಗಾವಣೆ ಆಗುತ್ತದೆ ಎನ್ನುವ ಮಾತೂ ಇದೆ. ಲತಾ ಮಂಗೇಶ್ಕರ್​ ಅವರ ವಕೀಲರು ಈ ಬಗ್ಗೆ ಇನ್ನಷ್ಟೇ ಮಾಹಿತಿ ನೀಡಬೇಕಿದೆ.

ಇದನ್ನೂ ಓದಿ: ಲತಾಜೀ ಮೃತದೇಹಕ್ಕೆ ಶಾರುಖ್​ ಉಗಿದರು ಎಂಬ ಆರೋಪ; ವೈರಲ್​ ವಿಡಿಯೋದಲ್ಲಿ ನಿಜಕ್ಕೂ ಇರೋದೇನು?

Lata Mangeshkar: ಶೀಘ್ರದಲ್ಲೇ ಲತಾ ಮಂಗೇಶ್ಕರ್ ಚಿತ್ರವಿರುವ ಅಂಚಿ ಚೀಟಿ ಬಿಡುಗಡೆ; ಸಚಿವ ಅಶ್ವಿನಿ ವೈಷ್ಣವ್ ಮಾಹಿತಿ