ಶಾರುಖ್, ಆಮಿರ್, ಸಲ್ಲು ಬಗ್ಗೆ ಪಾಕ್ ನಟಿಯ ಹೇಳಿಕೆ ವೈರಲ್; ಏನಿದೆ ಈ ವಿಡಿಯೋದಲ್ಲಿ?
‘ಪಾಕಿಸ್ತಾನದ ನಟರು ಕೇವಲ ಭಾರತದ ಸಿನಿಮಾದಲ್ಲಿ ಅವಕಾಶ ಪಡೆಯುತ್ತಾರೆ ಎಂಬುದಷ್ಟೇ ವಿಷಯವಲ್ಲ. ಭಾರತೀಯರು ಪಾಕ್ ನಟರನ್ನು ಇಷ್ಟಪಡಲು ಆರಂಭಿಸುತ್ತಾರೆ. ಈ ನಟರು ಬಾಲಿವುಡ್ಗೆ ಬಂದರೆ ಏನು ಗತಿ ಅಂತ ಆಮಿರ್ ಖಾನ್, ಶಾರುಖ್ ಖಾನ್, ಸಲ್ಮಾನ್ ಖಾನ್ ಭಯಗೊಂಡಿದ್ದಾರೆ’ ಎಂದು ಪಾಕ್ ನಟಿ ಮಾತನಾಡಿದ ವಿಡಿಯೋ ವೈರಲ್ ಆಗಿದೆ.
ಬಾಲಿವುಡ್ನ ಸ್ಟಾರ್ ನಟರಾದ ಆಮಿರ್ ಖಾನ್, ಶಾರುಖ್ ಖಾನ್, ಸಲ್ಮಾನ್ ಖಾನ್ (Salman Khan) ಅವರಿಗೆ ವಿಶ್ವಾದ್ಯಂತ ಅಭಿಮಾನಿಗಳು ಇದ್ದಾರೆ. ಪಾಕಿಸ್ತಾನದಲ್ಲೂ ಅವರನ್ನು ಇಷ್ಟಪಡುವ ಜನರು ಇದ್ದಾರೆ. ಈ ನಡುವೆ ಪಾಕ್ ನಟಿಯೊಬ್ಬರು ಸಲ್ಮಾನ್ ಖಾನ್, ಶಾರುಖ್ ಖಾನ್ ಹಾಗೂ ಆಮಿರ್ ಖಾನ್ (Aamir Khan) ಬಗ್ಗೆ ನೀಡಿದ ಒಂದು ಹೇಳಿಕೆ ವೈರಲ್ ಆಗುತ್ತಿದೆ. ಟಿವಿ ಕಾರ್ಯಕ್ರಮವೊಂದರಲ್ಲಿ ನಟಿ ನದಿಯಾ ಖಾನ್ ಅವರು ಈ ಹೇಳಿಕೆ ನೀಡಿದ್ದಾರೆ. ಪಾಕ್ ನಟರಿಂದಾಗಿ ಶಾರುಖ್ ಖಾನ್ (Shah Rukh Khan), ಸಲ್ಮಾನ್ ಖಾನ್, ಹಾಗೂ ಆಮಿರ್ ಖಾನ್ ಅವರಿಗೆ ಅಭದ್ರತೆ ಕಾಡುತ್ತಿದೆ ಎಂದು ಅವರು ಹೇಳಿದ್ದಾರೆ. ವೈರಲ್ ಆಗಿರುವ ಈ ವಿಡಿಯೋಗೆ ಭಾರತದ ಮಂದಿ ಕಮೆಂಟ್ ಮಾಡುತ್ತಿದ್ದಾರೆ. ಆ ಮೂಲಕ ನಟಿಯ ಹೇಳಿಕೆಗೆ ತಿರುಗೇಟು ನೀಡಲಾಗುತ್ತಿದೆ.
‘ಭಾರತದ ಸಿನಿಮಾಗಳಲ್ಲಿ ಪಾಕ್ ನಟರಾದ ಫವಾದ್ ಖಾನ್ ಮುಂತಾದವರು ನಟಿಸಿದ ಬಳಿಕ ಭಾರತದ ಟಾಪ್ ಹೀರೋಗಳಿಗೆ ಅಭದ್ರತೆ ಕಾಡಲು ಆರಂಭಿಸಿದೆ. ರಾಜಕೀಯದ ವಿಷಯ ಇಟ್ಟುಕೊಂಡು ಎರಡು ದೇಶಗಳ ನಡುವೆ ಬ್ಯಾನ್ ಹೇರುವ ಮೂಲಕ ನಮ್ಮ ದೇಶದ ನಟರು ಭಾರತದ ಸಿನಿಮಾಗಳಲ್ಲಿ ಕೆಲಸ ಮಾಡದಂತೆ ಬಾಲಿವುಡ್ ಮಂದಿ ನೋಡಿಕೊಂಡಿದ್ದಾರೆ. ಕೇವಲ ಭಾರತದ ರಾಜಕಾರಣಿಗಳಿಗೆ ಮಾತ್ರ ನಾವು ಸಮಸ್ಯೆ ಅಲ್ಲ. ಅಲ್ಲಿನ ಟಾಪ್ ನಟರಿಗೂ ನಮ್ಮ ಬಗ್ಗೆ ಭಯ ಇದೆ’ ಎಂದು ನದಿಯಾ ಖಾನ್ ಹೇಳಿದ್ದಾರೆ.
ಪಾಕಿಸ್ತಾನಿ ನಟಿಯ ವೈರಲ್ ವಿಡಿಯೋ:
I need her delusion pic.twitter.com/TVDBuP754j
— Ash (@ashilikeit) April 3, 2024
‘ಪಾಕ್ ನಟರು ಕೇವಲ ಸಿನಿಮಾದಲ್ಲಿ ಅವಕಾಶ ಪಡೆಯುತ್ತಾರೆ ಎಂಬುದು ಮಾತ್ರ ವಿಷಯವಲ್ಲ. ಭಾರತದವರು ಪಾಕಿಸ್ತಾನದ ನಟರನ್ನು ಇಷ್ಟಪಡಲು ಆರಂಭಿಸುತ್ತಾರೆ. ನಮ್ಮ ನಟರಾದ ವಹಾಜ್ ಅಲಿ ಮತ್ತು ಬಿಲಾಲ್ ಅಬ್ಬಾಸ್ ಖಾನ್ ಅವರು ಭಾರತದಲ್ಲಿ ವೈರಲ್ ಆಗಿದ್ದಾರೆ. ಅಲ್ಲಿ ಅವರಿಗೆ ದೊಡ್ಡ ಫ್ಯಾನ್ ಫಾಲೋಯಿಂಗ್ ಇದೆ. ಈ ನಟರು ಬಾಲಿವುಡ್ಗೆ ಬಂದರೆ ಏನು ಗತಿ ಅಂತ ಆಮಿರ್ ಖಾನ್, ಸಲ್ಮಾನ್ ಖಾನ್, ಶಾರುಖ್ ಖಾನ್ ಕೂಡ ಭಯಗೊಂಡಿದ್ದಾರೆ’ ಎಂದು ನದಿಯಾ ಖಾನ್ ಮಾತನಾಡಿದ ವಿಡಿಯೋ ವೈರಲ್ ಆಗಿದೆ.
ಇದನ್ನೂ ಓದಿ: ಮೋದಿ ವಿರುದ್ಧ ದೂರು ನೀಡಲು ಮುಂದಾದ ಪಾಕ್ ನಟಿ; ಖಡಕ್ ಪ್ರತಿಕ್ರಿಯೆ ನೀಡಿದ ದೆಹಲಿ ಪೊಲೀಸರು
ಈ ವಿಡಿಯೋಗೆ ನೆಟ್ಟಿಗರು ಬಗೆಬಗೆಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ. ‘ಈಕೆ ನೆಟ್ಟಗಿದ್ದಾರೆ ತಾನೆ?’ ಎಂದು ‘ಎಕ್ಸ್’ (ಟ್ವಿಟರ್) ಬಳಕೆದಾರರೊಬ್ಬರು ಪ್ರಶ್ನೆ ಮಾಡಿದ್ದಾರೆ. ‘ಈ ನಟಿ ಸಿಕ್ಕಾಪಟ್ಟೆ ಭ್ರಮೆಯಲ್ಲಿ ಇದ್ದಾರೆ’ ಎಂದು ಮತ್ತೊಬ್ಬರು ಕಮೆಂಟ್ ಮಾಡಿದ್ದಾರೆ. ‘ಭ್ರಮೆಗೂ ಒಂದು ಮಿತಿ ಇರಬೇಕು’ ಎಂದು ನೆಟ್ಟಿಗರು ಕಾಲೆಳೆಯುತ್ತಿದ್ದಾರೆ. ಉರಿ ದಾಳಿ ಮತ್ತು ಪುಲ್ವಾಮಾ ದಾಳಿ ಬಳಿಕ ಪಾಕಿಸ್ತಾನದ ಕಲಾವಿದರನ್ನು ಭಾರತದಲ್ಲಿ ಬ್ಯಾನ್ ಮಾಡಲಾಯಿತು. ಅದೇ ರೀತಿ, ಭಾರತೀಯ ಸಿನಿಮಾಗಳ ಪ್ರದರ್ಶನವನ್ನು ಪಾಕಿಸ್ತಾನದಲ್ಲಿ ನಿಷೇಧಿಸಲಾಗಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.