ಭಾರತದಲ್ಲಿರೋ ಮನೆಗಳನ್ನು ಮಾರಾಟ ಮಾಡುತ್ತಿದ್ದಾರೆ ಪ್ರಿಯಾಂಕಾ ಚೋಪ್ರಾ; ಹರಿದು ಬರುತ್ತಿದೆ ದೊಡ್ಡ ಮೊತ್ತದ ಹಣ

ನಟಿ ಪ್ರಿಯಾಂಕಾ ಚೋಪ್ರಾ ಅವರು ಅಮೆರಿಕದ ಪಾಪ್​ ಸಿಂಗರ್​ ನಿಕ್​ ಜೋನಸ್​ ಅವರನ್ನು ಮದುವೆ ಆಗಿ ಅಮೆರಿಕದಲ್ಲಿ ಸೆಟಲ್​ ಆಗಿದ್ದಾರೆ. ಅಷ್ಟೇ ಅಲ್ಲ, ಪ್ರಿಯಾಂಕಾ ಅಮೆರಿಕದಲ್ಲಿ ಹೋಟೆಲ್​ ಉದ್ಯಮ ಕೂಡ ಆರಂಭಿಸಿದ್ದಾರೆ. ಈ ಮಧ್ಯೆ ಪ್ರಿಯಾಂಕಾ ಅವರು ಭಾರತದಲ್ಲಿ ತಾವು ಹೊಂದಿರುವ ಮನೆಗಳನ್ನು ಮಾರಾಟ ಮಾಡುವ ಕಾರ್ಯದಲ್ಲಿ ತೊಡಗಿದ್ದಾರೆ.

ಪ್ರಿಯಾಂಕಾ ಬಾಲಿವುಡ್​ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟವರು. ಅವರು ಮುಂಬೈನಲ್ಲೇ ಸೆಟಲ್​ ಆಗಿದ್ದರು. ಈ ಸಂದರ್ಭದಲ್ಲಿ ಸಾಕಷ್ಟು ಮನೆಗಳನ್ನು ಪ್ರಿಯಾಂಕಾ ಹೊಂದಿದ್ದರು. ಈಗ ಅವರು ತಮ್ಮ ಒಡೆತನದ ಎರಡು ಮನೆ ಮಾರಾಟ ಮಾಡಿರುವ ವಿಚಾರ ಬೆಳಕಿಗೆ ಬಂದಿದೆ. ಮುಂಬೈನ ಪಶ್ಚಿಮ ಅಂಧೇರಿಯ ವರ್ಸೋವಾದಲ್ಲಿರುವ ಅಪಾರ್ಟ್​ಮೆಂಟ್​ನ ಎರಡು ಫ್ಲಾಟ್​ಗಳನ್ನು ಅವರು ಮಾರಿದ್ದಾರೆ.

ವರ್ಸೋವಾದಲ್ಲಿರುವ ಅಪಾರ್ಟ್​ಮೆಂಟ್​ನ ಏಳನೇ ಫ್ಲೋರ್​ನಲ್ಲಿರುವ 888 ಚದರ ಅಡಿ ಫ್ಲಾಟ್​ಅನ್ನು ಮೂರು ಕೋಟಿ ರೂಪಾಯಿಗೆ ಹಾಗೂ ಅದೇ ಫ್ಲೋರ್​ನಲ್ಲಿರುವ 1219 ಚದರ ಅಡಿ ಫ್ಲಾಟ್​ ಅನ್ನು 4 ಕೋಟಿ ರೂಪಾಯಿಗೆ ಮಾರಲಾಗಿದೆ. ಇದಕ್ಕೆ ಅವರು ಅನುಕ್ರಮವಾಗಿ 9 ಲಕ್ಷ ಹಾಗೂ 12 ಲಕ್ಷ ರೂಪಾಯಿ ಸ್ಟಾಂಪ್​ ಡ್ಯೂಟಿ ಕಟ್ಟಿದ್ದಾರೆ.

ಇನ್ನು, ಪಶ್ಚಿಮ ಅಂಧೇರಿಯ ಓಶಿವರಾದಲ್ಲಿರುವ ಕಟ್ಟಡವನ್ನು ಬಾಡಿಗೆಗೆ ನೀಡಿದ್ದಾರೆ. ಈ ಕಟ್ಟಡದಿಂದ ಅವರಿಗೆ ಪ್ರತಿ ತಿಂಗಳು 2.11 ಲಕ್ಷ ರೂಪಾಯಿ ಬಾಡಿಗೆ ಬರುತ್ತಿದೆ. ಈ ವರ್ಷದ ಆರಂಭದಲ್ಲಿ ಮುಂಬೈನ ಲೋಂಖಂಡ್​ವಾಲಾದ ಕಾಂಪ್ಲೆಕ್ಸ್​ನಲ್ಲಿರುವ ಮನೆಯನ್ನು 2 ಕೋಟಿ ರೂಪಾಯಿಗೆ ಪ್ರಿಯಾಂಕಾ ಮಾರಾಟ ಮಾಡಿದ್ದರು.

ಪ್ರಿಯಾಂಕಾ ಚೋಪ್ರಾ ಜುಲೈ 18ರಂದು 39ನೇ ವಯಸ್ಸಿಗೆ ಕಾಲಿಟ್ಟಿದ್ದಾರೆ. ಈ ವಿಶೇಷ ದಿನದಂದು ಅವರ ಕುಟುಂಬದವರು, ಗೆಳೆಯರಿಂದ ಸಾಕಷ್ಟು ಗಿಫ್ಟ್​ ಸಿಕ್ಕಿದೆ. ಇದರಲ್ಲಿ ಅವರ ಪತಿ ನೀಡಿದ ವೈನ್​ ಬಾಟಲಿ ವಿಶೇಷವಾಗಿತ್ತು. ನಿಕ್​ 1982 ಶಟೊ ಮೂಟೌನ್​ ರೋಥ್‌ಚೈಲ್ಡ್ ವೈನ್​ ಬಾಟಲಿಯನ್ನು ಪ್ರಿಯಾಂಕಾಗೆ ನೀಡಿದ್ದರು. ಈ ಫೋಟೋವನ್ನು ಪ್ರಿಯಾಂಕಾ ಚೋಪ್ರಾ ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ಹಾಕಿ ಸಂಭ್ರಮಿಸಿದ್ದರು. 750 ಎಂಎಲ್​ ಬಾಟಲಿಯ ಈ ವೈನ್​ಗೆ 1,31,375 ರೂಪಾಯಿ ಎನ್ನಲಾಗಿದೆ.

ಇದನ್ನೂ ಓದಿ: 750 ಎಂಎಲ್​ ವೈನ್​ಗೆ 1.31 ಲಕ್ಷ ರೂಪಾಯಿ; ಪ್ರಿಯಾಂಕಾಗೆ ಪತಿಯಿಂದ ಸಿಕ್ಕ ಈ ವಿಶೇಷ ಗಿಫ್ಟ್​ ಏಕಿಷ್ಟು ದುಬಾರಿ?

‘ಪ್ರಿಯಾಂಕಾ ಚೋಪ್ರಾ ದಾಂಪತ್ಯ ಜೀವನ ಹತ್ತು ವರ್ಷಗಳಲ್ಲಿ ಕೊನೆಯಾಗಲಿದೆ’; ಭವಿಷ್ಯ ನುಡಿದ ವಿವಾದಿತ ನಟ