Ranbir Kapoor: ಆಲಿಯಾ ಭಟ್ ಜತೆ ಮದುವೆ ಆದ ಬಳಿಕ ರಣಬೀರ್ ಕಪೂರ್ಗೆ ಮೊದಲ ಸೋಲು; ಫ್ಯಾನ್ಸ್ಗೆ ನಿರಾಸೆ
Shamshera Box Office Collection: ರಣಬೀರ್ ಕಪೂರ್ ಅವರು ನಟಿಸಿದ ‘ಸಂಜು’ ಚಿತ್ರ 2018ರಲ್ಲಿ ತೆರೆಕಂಡು ಭರ್ಜರಿ ಗೆಲುವು ಪಡೆದಿತ್ತು. ಈಗ ದೊಡ್ಡ ಗ್ಯಾಪ್ ಬಳಿಕ ‘ಶಂಷೇರಾ’ ಮೂಲಕ ಅಭಿಮಾನಿಗಳ ಎದುರು ಬಂದ ಅವರು ಸೋಲು ಕಾಣುವಂತಾಗಿದೆ.
ನಟ ರಣಬೀರ್ ಕಪೂರ್ (Ranbir Kapoor) ಅವರ ಅಭಿಮಾನಿಗಳು ‘ಶಂಷೇರಾ’ (Shamshera) ಸಿನಿಮಾ ಮೇಲೆ ಭಾರಿ ನಿರೀಕ್ಷೆ ಇಟ್ಟುಕೊಂಡಿದ್ದರು. ಅದ್ದೂರಿ ವೆಚ್ಚದಲ್ಲಿ ಈ ಚಿತ್ರ ಮೂಡಿಬಂದಿದೆ. ಇದರಲ್ಲಿ ಸಂಜಯ್ ದತ್, ವಾಣಿ ಕಪೂರ್ ಅವರಂತಹ ಸ್ಟಾರ್ ಕಲಾವಿದರ ಜತೆ ರಣಬೀರ್ ಕಪೂರ್ ತೆರೆಹಂಚಿಕೊಂಡಿದ್ದಾರೆ. ಇಷ್ಟೆಲ್ಲ ಇದ್ದರೂ ಕೂಡ ಶಂಷೇರಾ’ ಸಿನಿಮಾ ಬಾಕ್ಸ್ ಆಫೀಸ್ (Shamshera Box Office Collection) ಗಳಿಕೆಯಲ್ಲಿ ನಿರೀಕ್ಷಿತ ಮಟ್ಟದ ಸಾಧನೆ ಮಾಡಿಲ್ಲ. ರಣಬೀರ್ ಕಪೂರ್ ಅಭಿಮಾನಿಗಳಿಗೆ ಈ ಚಿತ್ರ ಇಷ್ಟ ಆಗಿಲ್ಲ. ವೀಕೆಂಡ್ನಲ್ಲೂ ಸಹ ಪ್ರೇಕ್ಷಕರು ಹೆಚ್ಚಿನ ಸಂಖ್ಯೆಯಲ್ಲಿ ಚಿತ್ರಮಂದಿರದತ್ತ ಮುಖ ಮಾಡಿಲ್ಲ. ಮುಂದಿನ ದಿನಗಳಲ್ಲಿ ಈ ಚಿತ್ರ ಇನ್ನಷ್ಟು ಸೊರಗುವುದು ಖಚಿತ ಎನ್ನಲಾಗುತ್ತಿದೆ.
ಏಪ್ರಿಲ್ 14ರಂದು ಆಲಿಯಾ ಭಟ್ ಜೊತೆ ರಣಬೀರ್ ಕಪೂರ್ ಮದುವೆ ನೆರವೇರಿತು. ವಿವಾಹದ ನಂತರ ಬಿಡುಗಡೆ ಆದ ಮೊದಲ ಸಿನಿಮಾ ‘ಶಂಷೇರಾ’. ಹಾಗಾಗಿ ರಣಬೀರ್ ಕಪೂರ್ ಅವರಿಗೆ ಈ ಚಿತ್ರದ ಮೇಲೆ ನಿರೀಕ್ಷೆ ಇತ್ತು. ಆದರೆ ಅಂದುಕೊಂಡ ರೀತಿಯಲ್ಲಿ ಕಲೆಕ್ಷನ್ ಆಗುತ್ತಿಲ್ಲ. ಯಶ್ ರಾಜ್ ಫಿಲ್ಮ್ಸ್ ಮೂಲಕ ನಿರ್ಮಾಣ ಆದ ಈ ಚಿತ್ರಕ್ಕೆ ಬಹುಕೋಟಿ ರೂಪಾಯಿ ಬಂಡವಾಳ ಹೂಡಲಾಗಿದೆ. ಆದರೆ ಮೊದಲ ವಾರಾಂತ್ಯ ಕಳೆದರೂ ಹಾಕಿದ ಬಂಡವಾಳ ವಾಪಸ್ ಬಂದಿಲ್ಲ.
ಮೊದಲ ದಿನ ‘ಶಂಷೇರಾ’ ಭರ್ಜರಿ ಓಪನಿಂಗ್ ಪಡೆದುಕೊಳ್ಳಬಹುದು ಎಂಬ ನಿರೀಕ್ಷೆ ಇತ್ತು. ಆದರೆ ಫಸ್ಟ್ ಡೇ ಆಗಿದ್ದು 10.25 ಕೋಟಿ ರೂಪಾಯಿ ಮಾತ್ರ. ಎರಡನೇ ದಿನವಾದ ಶನಿವಾರ 10.50 ಕೋಟಿ ರೂಪಾಯಿ ಕಲೆಕ್ಷನ್ ಆಯಿತು. ಭಾನುವಾರ 11 ಕೋಟಿ ರೂಪಾಯಿ ಸಂಗ್ರಹ ಆಗಿದೆ. ರಣಬೀರ್ ಕಪೂರ್ ಅವರಂತಹ ಸ್ಟಾರ್ ನಟನ ಚಿತ್ರಕ್ಕೆ ಈ ಮೊತ್ತ ಸಮಾಧಾನಕರವಲ್ಲ.
ರಣಬೀರ್ ಕಪೂರ್ ಅವರು ನಟಿಸಿದ ‘ಸಂಜು’ ಚಿತ್ರ 2018ರಲ್ಲಿ ತೆರೆಕಂಡು ಭರ್ಜರಿ ಗೆಲುವು ಪಡೆದಿತ್ತು. ಈಗ ದೊಡ್ಡ ಗ್ಯಾಪ್ ಬಳಿಕ ‘ಶಂಷೇರಾ’ ಮೂಲಕ ಅಭಿಮಾನಿಗಳ ಎದುರು ಬಂದ ರಣಬೀರ್ ಕಪೂರ್ ಸೋಲು ಕಾಣುವಂತಾಗಿದೆ. ಸದ್ಯ ಅವರ ಕೈಯಲ್ಲಿ ‘ಬ್ರಹ್ಮಾಸ್ತ್ರ’ ಸಿನಿಮಾ ಇದೆ. ಆ ಚಿತ್ರ ಮೂರು ಪಾರ್ಟ್ನಲ್ಲಿ ಮೂಡಿಬರುತ್ತಿದೆ. ಮೊದಲ ಪಾರ್ಟ್ ಸೆಪ್ಟೆಂಬರ್ 9ರಂದು ರಿಲೀಸ್ ಆಗಲಿದೆ. ಅದರಲ್ಲಿ ರಣಬೀರ್ ಕಪೂರ್ಗೆ ಜೋಡಿಯಾಗಿ ಆಲಿಯಾ ಭಟ್ ನಟಿಸಿದ್ದಾರೆ.