Shamshera Twitter Review: ‘ಶಂಷೇರಾ’ ಟ್ವಿಟರ್ ವಿಮರ್ಶೆ; ರಣಬೀರ್ ಕಪೂರ್ ಚಿತ್ರ ನೋಡಿ ಭೇಷ್ ಎಂದ ಪ್ರೇಕ್ಷಕರು
Shamshera | Ranbir Kapoor: ‘ರಣಬೀರ್ ಕಪೂರ್ ಎಂಟ್ರಿ ಸೀನ್ ತುಂಬ ಚೆನ್ನಾಗಿದೆ. ಪ್ರತಿ ದೃಶ್ಯದಲ್ಲೂ ನಿರೀಕ್ಷೆ ಹೆಚ್ಚುತ್ತದೆ. ಹಿನ್ನೆಲೆ ಸಂಗೀತ ಮತ್ತು ಛಾಯಾಗ್ರಹಣ ಸೂಪರ್’ ಎಂದು ಪ್ರೇಕ್ಷಕರು ಅನಿಸಿಕೆ ಹಂಚಿಕೊಳ್ಳುತ್ತಿದ್ದಾರೆ.
Updated on:Jul 22, 2022 | 11:02 AM
ನಟ ರಣಬೀರ್ ಕಪೂರ್ (Ranbir Kapoor) ಅವರು ಭರ್ಜರಿ ಗೆಲುವು ಪಡೆಯುವುದು ಖಚಿತ ಆಗಿದೆ. ಬರೋಬ್ಬರಿ ನಾಲ್ಕು ವರ್ಷಗಳ ಬಳಿಕ ಅವರು ದೊಡ್ಡ ಪರದೆ ಮೇಲೆ ಕಾಣಿಸಿಕೊಂಡಿದ್ದಾರೆ. ಅವರು ನಟಿಸಿರುವ ‘ಶಂಷೇರಾ’ ಸಿನಿಮಾ (Shamshera) ಇಂದು (ಜುಲೈ 22) ಬಿಡುಗಡೆ ಆಗಿದೆ. ಈ ಚಿತ್ರಕ್ಕೆ ಅಭಿಮಾನಿಗಳಿಂದ ಉತ್ತಮ ಸ್ಪಂದನೆ ವ್ಯಕ್ತವಾಗಿದೆ. ಮೊದಲ ದಿನ ಮೊದಲ ಶೋ ನೋಡಿದ ಅಭಿಮಾನಿಗಳು ಭೇಷ್ ಎನ್ನುತ್ತಿದ್ದಾರೆ. ತುಂಬ ಅದ್ದೂರಿಯಾಗಿ ಈ ಚಿತ್ರ ಮೂಡಿಬಂದಿದ್ದು, ಟ್ವಿಟರ್ ವಿಮರ್ಶೆಯಲ್ಲಿ (Shamshera Twitter Review) ಮೆಚ್ಚುಗೆ ಮಾತುಗಳನ್ನು ಹಂಚಿಕೊಳ್ಳಲಾಗುತ್ತಿದೆ. ಎರಡು ಶೇಡ್ನಲ್ಲಿ ರಣಬೀರ್ ಕಪೂರ್ ಅವರು ಕಾಣಿಸಿಕೊಂಡಿದ್ದಾರೆ. ‘ಶಂಷೇರಾ’ ಚಿತ್ರಕ್ಕೆ ವಾಣಿ ಕಪೂರ್ ನಾಯಕಿ. ಕರಣ್ ಮಲ್ಹೋತ್ರಾ ಅವರು ಈ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದಾರೆ.
ರಣಬೀರ್ ಕಪೂರ್ ಅವರು ಈ ಹಿಂದೆ ಕಾಣಿಸಿಕೊಂಡಿದ್ದು ‘ಸಂಜು’ ಚಿತ್ರದಲ್ಲಿ. ಆ ಸಿನಿಮಾ 2018ರಲ್ಲಿ ತೆರೆಕಂಡಿತ್ತು. ಆ ಚಿತ್ರದ ಬಿಗ್ ಸಕ್ಸಸ್ ಬಳಿಕ ಬಹಳ ಸಮಯ ತೆಗೆದುಕೊಂಡು ಮಾಡಿದ ಚಿತ್ರವೇ ‘ಶಂಷೇರಾ’. ಅವರ ಪರಿಶ್ರಮಕ್ಕೆ ಈಗ ಸೂಕ್ತ ಪ್ರತಿಫಲ ಸಿಗುತ್ತಿದೆ. ಟ್ರೇಲರ್ ನೋಡಿ ಮೆಚ್ಚಿಕೊಂಡಿದ್ದ ಪ್ರೇಕ್ಷಕರು ಮೊದಲ ದಿನವೇ ಮುಗಿಬಿದ್ದು ಈ ಚಿತ್ರವನ್ನು ನೋಡುತ್ತಿದ್ದಾರೆ. ಎಲ್ಲರಿಗೂ ಸಿನಿಮಾ ಇಷ್ಟ ಆಗುತ್ತಿದೆ. ಚಿತ್ರದಲ್ಲಿ ಏನೆಲ್ಲ ಚೆನ್ನಾಗಿದೆ ಎಂಬುದನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳಲಾಗುತ್ತಿದೆ.
#RanbirKapoor‘s Entry Scene is sooo good man ?
In addition to this, seeing him after 4 years feels refreshing ?
Mithoon’s BGM & Cinematography ?
Expectations Increasing Scene to scene ?
Let’s See #Shamshera #ShamsheraReview
— Kumar Swayam (@RahatJugunu) July 22, 2022
‘ರಣಬೀರ್ ಕಪೂರ್ ಅವರ ಎಂಟ್ರಿ ಸೀನ್ ತುಂಬ ಚೆನ್ನಾಗಿದೆ. ನಾಲ್ಕು ವರ್ಷಗಳ ಬಳಿಕ ಅವರನ್ನು ನೋಡುತ್ತಿರುವುದು ತುಂಬ ರಿಫ್ರೆಶಿಂಗ್ ಎನಿಸುತ್ತಿದೆ. ಪ್ರತಿ ದೃಶ್ಯದಲ್ಲೂ ನಿರೀಕ್ಷೆ ಹೆಚ್ಚುತ್ತದೆ. ಹಿನ್ನೆಲೆ ಸಂಗೀತ ಮತ್ತು ಛಾಯಾಗ್ರಹಣ ಸೂಪರ್’ ಎಂದು ಪ್ರೇಕ್ಷಕರೊಬ್ಬರು ಟ್ವೀಟ್ ಮಾಡಿದ್ದಾರೆ.
#Shamshera FINALLY A DECENT MOVIE FROM BOLLYWOOD!! The best movie so far to have released out of Bollywood this year. Ranbir performance as his dual character was a treat. Story was decent, action was top notch. I definitely recommend watching this with family in theatres!
— Harsh Jansali (@iamhjansali) July 22, 2022
‘ಒಂದೇ ಮಾತಲ್ಲಿ ಹೇಳಬೇಕು ಎಂದರೆ ಶಂಷೇರಾ ಬ್ಲಾಕ್ ಬಸ್ಟರ್ ಆಗಲಿದೆ. ಇಡೀ ಸಿನಿಮಾದಲ್ಲಿ ಯಾವುದೇ ಬೋರಿಂಗ್ ದೃಶ್ಯಗಳು ಇಲ್ಲ. ಇಡೀ ತಂಡಕ್ಕೆ ಶುಭವಾಗಲಿ. ಎಲ್ಲವೂ ಪರ್ಫೆಕ್ಟ್ ಆಗಿದೆ’ ಎಂದು ವೀಕ್ಷಕರೊಬ್ಬರು ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಸಿನಿಮಾಗೆ ಸಿಗುತ್ತಿರುವ ಪಾಸಿಟಿವ್ ಪ್ರತಿಕ್ರಿಯೆ ಕಂಡು ‘ಶಂಷೇರಾ’ ಚಿತ್ರತಂಡ ಖುಷಿಯಾಗಿದೆ.
Is there anything RanbirKapoor can’t do. What an man. #Shamshera
— Irvin (@Lonewolf_Raj) July 22, 2022
#Shamshera.one word block buster.. No boring or dull moments. Kudos to all the cast. Everyone is perfect.
— Aloopie (@aliaajisoo) July 22, 2022
#Shamshera FINALLY A DECENT MOVIE FROM BOLLYWOOD!! The best movie so far to have released out of Bollywood this year. Ranbir performance as his dual character was a treat. Story was decent, action was top notch. I definitely recommend watching this with family in theatres!
— Harsh Jansali (@iamhjansali) July 22, 2022
‘ರಣಬೀರ್ ಕಪೂರ್ ಅವರ ಕಮ್ಬ್ಯಾಕ್ಗೆ ಇದು ಅತ್ಯುತ್ತಮ ಸಿನಿಮಾ. ಅವರಿಂದ ಮಾಡಲು ಆಗದೇ ಇರುವುದು ಏನೂ ಇಲ್ಲ’ ಎಂದು ಅಭಿಮಾನಿಗಳು ಅನಿಸಿಕೆ ತಿಳಿಸಿದ್ದಾರೆ. ‘ಈ ವರ್ಷ ಬಾಲಿವುಡ್ನಲ್ಲಿ ಬಿಡುಗಡೆಯಾದ ಚಿತ್ರಗಳ ಪೈಕಿ ಇದು ದಿ ಬೆಸ್ಟ್. ದ್ವಿಪಾತ್ರದಲ್ಲಿ ರಣಬೀರ್ ಕಪೂರ್ ನಟನೆ ಸೂಪರ್. ಸಾಹಸ ದೃಶ್ಯಗಳು ಅದ್ಭುತವಾಗಿವೆ. ಕುಟುಂಬದ ಸದಸ್ಯರ ಜೊತೆ ಈ ಚಿತ್ರವನ್ನು ನೋಡಿ ಎಂದು ನಾನು ಶಿಫಾರಸ್ಸು ಮಡುತ್ತೇನೆ’ ಎಂದು ಪ್ರೇಕ್ಷಕರೊಬ್ಬರು ಟ್ವೀಟ್ ಮಾಡಿದ್ದಾರೆ.
Published On - 11:02 am, Fri, 22 July 22
