‘ನನಗೆ ಎಲ್ಲವೂ ಗೊತ್ತಿದೆ’ ಎಂದು ಮೆರೆಯುತ್ತಿದ್ದ ರಣವೀರ್ ಸಿಂಗ್; ನಟನ ಸೊಕ್ಕು ಮುರಿದ ನಿರ್ದೇಶಕ
ಸಂಜಯ್ ಲೀಲಾ ಬನ್ಸಾಲಿ ಮೊದಲ ಬಾರಿಗೆ ಒಟ್ಟಾಗಿ ಕೆಲಸ ಮಾಡುವುದಕ್ಕೂ ಮೊದಲು ಮೂರು ಸಿನಿಮಾಗಳಲ್ಲಿ ರಣವೀರ್ ನಟಿಸಿದ್ದರು. ತಮಗೆ ಎಲ್ಲವೂ ಗೊತ್ತಿದೆ ಎಂಬ ರೀತಿಯಲ್ಲಿ ರಣವೀರ್ ಇದ್ದರು.
ಒಂದೆರಡು ಸಿನಿಮಾ ಮಾಡಿದ ಬಳಿಕ ಕೆಲ ನಟ/ನಟಿಯರಿಗೆ ಸೊಕ್ಕು ಬಂದು ಬಿಡುತ್ತದೆ. ನನಗೆ ಎಲ್ಲವೂ ಗೊತ್ತಿದೆ ಎಂಬ ಗುಂಗನ್ನು ತಲೆಗೆ ಹತ್ತಿಸಿಕೊಂಡು ತಿರುಗಾಡುತ್ತಾರೆ. ಧಿಮಾಕಿನ ಮಾತುಗಳನ್ನು ಆಡುತ್ತಾರೆ. ಇದಕ್ಕೆ ರಣವೀರ್ ಸಿಂಗ್ (Ranveer Singh) ಕೂಡ ಹೊರತಾಗಿರಲಿಲ್ಲ. ಈ ವಿಚಾರವನ್ನು ನಾವು ಹೇಳುತ್ತಿಲ್ಲ. ಸ್ವತಃ ರಣವೀರ್ ಸಿಂಗ್ ಅವರೇ ಹೇಳಿಕೊಂಡಿದ್ದಾರೆ. ಖ್ಯಾತ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ (Sanjay Leela Bhansali) ಅವರು ರಣವೀರ್ ಅವರ ಸೊಕ್ಕನ್ನು ಮುರಿದಿದ್ದರು. ಈ ಬಗ್ಗೆ ರಣವೀರ್ ಅವರು ಹೇಳಿಕೊಂಡಿದ್ದಾರೆ. ರಣವೀರ್ ಸಿಂಗ್ ಹಾಗೂ ಸಂಜಯ್ ಲೀಲಾ ಬನ್ಸಾಲಿ ಮೂರು ಸಿನಿಮಾದಲ್ಲಿ ಒಟ್ಟಾಗಿ ಕೆಲಸ ಮಾಡಿದ್ದಾರೆ. ಬನ್ಸಾಲಿ ನಿರ್ದೇಶನದ ‘ರಾಮ್ ಲೀಲಾ’, ‘ಬಾಜಿರಾವ್ ಮಸ್ತಾನಿ’ ಹಾಗೂ ‘ಪದ್ಮಾವತ್’ ಸಿನಿಮಾಗಳಲ್ಲಿ (Padmavat Movie) ಮುಖ್ಯಭೂಮಿಕೆ ನಿರ್ವಹಿಸಿದ್ದರು ರಣವೀರ್. ಈ ಚಿತ್ರಗಳಲ್ಲಿ ಅವರು ಅದ್ಭುತ ನಟನೆ ಮಾಡಿದ್ದಾರೆ. ಈ ಮೂರು ಸಿನಿಮಾಗಳು ಸೂಪರ್ ಹಿಟ್ ಆಗಿವೆ. ಬನ್ಸಾಲಿ ಸಿಗುವುದಕ್ಕೂ ಮೊದಲು ರಣವೀರ್ ಸಿಂಗ್ ಬೇರೆಯದೇ ಲೋಕದಲ್ಲಿದ್ದರು.
ಸಂಜಯ್ ಲೀಲಾ ಬನ್ಸಾಲಿ ಮೊದಲ ಬಾರಿಗೆ ಒಟ್ಟಾಗಿ ಕೆಲಸ ಮಾಡುವುದಕ್ಕೂ ಮೊದಲು ಮೂರು ಸಿನಿಮಾಗಳಲ್ಲಿ ರಣವೀರ್ ನಟಿಸಿದ್ದರು. ತಮಗೆ ಎಲ್ಲವೂ ಗೊತ್ತಿದೆ ಎಂಬ ರೀತಿಯಲ್ಲಿ ರಣವೀರ್ ಇದ್ದರು. ರಣವೀರ್ ಅವರನ್ನು ಓರ್ವ ಕಲಾವಿದನನ್ನಾಗಿ ಮಾಡಿದ್ದು ಬನ್ಸಾಲಿ ಎಂದು ಹೆಮ್ಮೆಯಿಂದ ಅವರು ಹೇಳಿಕೊಳ್ಳುತ್ತಾರೆ.
‘ನನಗೆ ಎಲ್ಲವೂ ಗೊತ್ತಿದೆ ಎನ್ನುವ ಭಾವನೆಯಲ್ಲೇ ನಾನು ಇರುತ್ತಿದೆ. ಆದರೆ, ಇದನ್ನು ಬನ್ಸಾಲಿ ಹುಸಿ ಮಾಡಿದರು. ನನ್ನನ್ನು ಹಿಂಡಿ ತೊಪ್ಪೆ ಮಾಡಿದರು. ನಾನು ಅದರಿಂದ ಕಲಾವಿದನಾಗಿ ಬದಲಾದೆ. ಈ ವಿಚಾರದಲ್ಲಿ ನಾನು ಅವರಿಗೆ ಸದಾ ಋಣಿಯಾಗಿರುತ್ತೇನೆ’ ಎಂದಿದ್ದಾರೆ ರಣವೀರ್ ಸಿಂಗ್.
‘ಕಲಾವಿದನಾಗಿ ನನ್ನ ವ್ಯಾಪ್ತಿ ನಿಜವಾಗಿಯೂ ವಿಸ್ತರಿಸಿದೆ. ನನ್ನಲ್ಲಿರುವ ನಟನಾ ಕಲೆಗೆ ಒಂದು ರೂಪ ನೀಡುವಲ್ಲಿ ಅವರ ಪಾತ್ರ ದೊಡ್ಡದಿದೆ. ಅದಕ್ಕೆ ನಾನು ಅವರಿಗೆ ಕೃತಜ್ಞನಾಗಿದ್ದೇನೆ. ನಿರ್ದೇಶಕರಾಗಿ ಅವರು ಅದ್ಭುತ ಆಲೋಚನೆಗಳನ್ನು ಹೊಂದಿದ್ದಾರೆ’ ಎಂಬುದು ರಣವೀರ್ ಸಿಂಗ್ ಅಭಿಪ್ರಾಯ.
ಗಂಗೂಬಾಯಿ ಕಾಠಿಯಾವಾಡಿಗೆ ಮೆಚ್ಚುಗೆ:
ಬಾಲಿವುಡ್ ಸೆಲೆಬ್ರಿಟಿಗಳಾದ ರಿತೇಶ್ ದೇಶಮುಖ್, ವಿಕ್ಕಿ ಕೌಶಲ್, ಶಶಾಂತ್ ಕೈತಾನ್, ರಿದ್ಧಿಮಾ ಕಪೂರ್ ಮುಂತಾದವರು ‘ಗಂಗೂಬಾಯಿ ಕಾಠಿಯಾವಾಡಿ’ ಸಿನಿಮಾ ವೀಕ್ಷಿಸಿದ್ದಾರೆ. ಎಲ್ಲರಿಗೂ ಈ ಚಿತ್ರ ಇಷ್ಟ ಆಗಿದೆ. ‘ಈ ಸಿನಿಮಾವನ್ನು ಕಟ್ಟಿಕೊಡುವಲ್ಲಿ ತೋರಿದ ಬುದ್ಧಿವಂತಿಕೆ ಕಂಡು ನಾನು ಬೆರಗಾದೆ. ಸಂಜಯ್ ಲೀನಾ ಬನ್ಸಾಲಿ ಸರ್.. ನೀವು ಮಾಸ್ಟರ್! ಆಲಿಯಾ ಭಟ್ ಬಗ್ಗೆ ಏನು ಹೇಳಬೇಕು ಎಂಬುದೇ ತಿಳಿಯುತ್ತಿಲ್ಲ. ಗಂಗೂಬಾಯಿ ಪಾತ್ರದಲ್ಲಿ ಆಲಿಯಾ ನಟನೆ ಅಮೇಜಿಂಗ್. ನಿಮಗೆ ಹ್ಯಾಟ್ಸ್ಆಫ್. ದೊಡ್ಡ ಪರದೆಯ ಮ್ಯಾಜಿಕ್ ಇದು. ಈ ಸಿನಿಮಾವನ್ನು ಯಾರೂ ಮಿಸ್ ಮಾಡಿಕೊಳ್ಳಬೇಡಿ’ ಎಂದು ವಿಕ್ಕಿ ಕೌಶಲ್ ಅವರು ತಮ್ಮ ವಿಮರ್ಶೆ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಇನ್ನೂ ಐದು ಬಯೋಪಿಕ್ನಲ್ಲಿ ನಟಿಸಲಿದ್ದಾರೆ ರಣವೀರ್ ಸಿಂಗ್? ‘83’ ಚಿತ್ರದಿಂದ ಬದಲಾಯ್ತು ಅದೃಷ್ಟ
‘ಇದು ರಣವೀರ್ ಸಿಂಗ್ ಡ್ರೆಸ್’; ಬಟ್ಟೆ ವಿಚಾರದಲ್ಲಿ ಟ್ರೋಲ್ ಆದ ದೀಪಿಕಾ ಪಡುಕೋಣೆ
Published On - 6:00 am, Sat, 26 February 22