Sunny Leone Birthday: ಮಾದಕ ತಾರೆ ಸನ್ನಿ ಲಿಯೋನ್ ಜನ್ಮದಿನ: ಪಡ್ಡೆಗಳ ಫೇವರಿಟ್ ನಟಿ ಬಗ್ಗೆ ಇಲ್ಲಿದೆ ಕೆಲವು ಇಂಟರೆಸ್ಟಿಂಗ್ ವಿಷಯ
Sunny Leone: ಖ್ಯಾತ ನಟಿ ಸನ್ನಿ ಲಿಯೋನ್ ಅವರಿಗೆ ಮೇ 13ರಂದು ಹುಟ್ಟುಹಬ್ಬದ ಸಡಗರ. ಜನ್ಮದಿನದ ಪ್ರಯುಕ್ತ ಅವರಿಗೆ ಅಭಿಮಾನಿಗಳು ಶುಭ ಕೋರುತ್ತಿದ್ದಾರೆ.
ಒಂದು ಕಾಲದಲ್ಲಿ ಅಶ್ಲೀಲ ಸಿನಿಮಾ ಜಗತ್ತಿನಲ್ಲಿ ಬಹುಬೇಡಿಕೆಯ ನಟಿಯಾಗಿದ್ದವರು ಸನ್ನಿ ಲಿಯೋನ್ (Sunny Leone). ನಂತರ ಅವರು ಬಾಲಿವುಡ್ಗೆ ಕಾಲಿಟ್ಟು ಬೇರೆ ಇಮೇಜ್ ಪಡೆದುಕೊಂಡರು. ಸ್ಟಾರ್ ಹೀರೋಗಳ ಸಿನಿಮಾಗಳಲ್ಲಿ ಐಟಂ ಡ್ಯಾನ್ಸ್ ಮಾಡಿ ಫೇಮಸ್ ಆದರು. ಅನೇಕ ಚಿತ್ರಗಳಿಗೆ (Sunny Leone Movies) ಅವರು ಹೀರೋಯಿನ್ ಆಗಿಯೂ ನಟಿಸಿದರು. ನೀಲಿ ಚಿತ್ರಗಳಿಗೆ ಸಂಪೂರ್ಣ ವಿದಾಯ ಹೇಳಿದ ಅವರು ಮತ್ತೆ ಆ ಕಡೆ ತಲೆ ಹಾಕಿಲ್ಲ. ಮಾಜಿ ನೀಲಿ ತಾರೆ ಎಂಬ ಕಾರಣಕ್ಕೆ ಅವರನ್ನು ಆಗಾಗ ಜನರು ಟೀಕಿಸುತ್ತಾರೆ. ಅವರ ಜೊತೆ ಸಿನಿಮಾ ಮಾಡಲು ಕೆಲವು ಕಲಾವಿದರು ಹಿಂದೇಟು ಹಾಕುತ್ತಾರೆ. ಆ ಎಲ್ಲ ಸವಾಲುಗಳನ್ನು ಎದುರಿಸಿ ಸನ್ನಿ ಲಿಯೋನ್ ಅವರು ಈಗ ಬಾಲಿವುಡ್ನಲ್ಲಿ ಯಶಸ್ವಿ ನಟಿ ಆಗಿದ್ದಾರೆ. ಇಂದು (ಮೇ 13) ಅವರಿಗೆ ಜನ್ಮದಿನದ (Sunny Leone Birthday) ಸಂಭ್ರಮ. ಆ ಪ್ರಯುಕ್ತ ಎಲ್ಲರೂ ಅವರಿಗೆ ಶುಭ ಕೋರುತ್ತಿದ್ದಾರೆ. ಸನ್ನಿ ಲಿಯೋನ್ ಜೀವನದ ಕುರಿತು ಇಂಟರೆಸ್ಟಿಂಗ್ ಮಾಹಿತಿಗಳನ್ನು ಫ್ಯಾನ್ಸ್ ಮೆಲುಕು ಹಾಕುತ್ತಿದ್ದಾರೆ.
ಪಡ್ಡೆ ಹುಡುಗರಿಗೆ ಸನ್ನಿ ಲಿಯೋನ್ ಅಚ್ಚುಮೆಚ್ಚು. ಸನ್ನಿಯ ಮಾದಕ ನೋಟಕ್ಕೆ ಫಿದಾ ಆದ ಎಷ್ಟೋ ಹುಡುಗರು ತಮ್ಮ ಊರುಗಳಲ್ಲಿ ಬ್ಯಾನರ್, ಫ್ಲೆಕ್ಸ್ ಹಾಕಿ ಅವರ ಹುಟ್ಟುಹಬ್ಬ ಆಚರಿಸಿದ ಉದಾಹರಣೆ ಕೂಡ ಇದೆ. ಈ ಹಿಂದೆ ಸನ್ನಿ ಲಿಯೋನ್ ಅವರು ಕೇರಳಕ್ಕೆ ಭೇಟಿ ನೀಡಿದಾಗ ಅವರನ್ನು ನೋಡಲು ಜನಸಾಗರವೇ ಸೇರಿದ್ದು ಸುದ್ದಿ ಆಗಿತ್ತು. ಈ ಪರಿ ಸ್ಟಾರ್ ಮೆರುಗು ಹೊಂದಿರುವ ಸನ್ನಿ ಬಗ್ಗೆ ಇಲ್ಲಿದೆ ಕೆಲವು ಮಾಹಿತಿ..
- ಸನ್ನಿ ಲಿಯೋನ್ ಜನಿಸಿದ್ದು ಕೆನಡಾದಲ್ಲಿ. ಅವರದ್ದು ಮೂಲತಃ ಪಂಜಾಬಿ ಕುಟುಂಬ. ಸನ್ನಿ ಲಿಯೋನ್ ಮೊದಲ ಹೆಸರು ಕರೆಂಜಿತ್ ಕೌರ್ ವೋಹ್ರಾ.
- ಚಿಕ್ಕ ವಯಸ್ಸಿನಲ್ಲೇ ಸನ್ನಿ ಲಿಯೋನ್ ಕೆಲಸ ಮಾಡಲು ಆರಂಭಿಸಿದರು. 15ರ ಪ್ರಾಯದಲ್ಲಿ ಅವರು ಜರ್ಮನ್ ಬೇಕರಿಯಲ್ಲಿ ಕೆಲಸ ಮಾಡುತ್ತಿದ್ದರು.
- ನರ್ಸಿಂಗ್ ಕಲಿಯಲು ಸನ್ನಿ ಲಿಯೋನ್ ಆಸಕ್ತಿ ಹೊಂದಿದ್ದರು. ಖಾಸಗಿ ಮ್ಯಾಗಜಿಗ್ಗಾಗಿ ಕೆಲಸ ಮಾಡುವಾಗ ತಮ್ಮ ಹೆಸರನ್ನು ಸನ್ನಿ ಲಿಯೋನ್ ಎಂದು ಬದಲಾಯಿಸಿಕೊಂಡರು.
- ಸನ್ನಿ ಲಿಯೋನ್ ಶಾಲೆಯಲ್ಲಿ ಓದುತ್ತಿದ್ದಾಗ ಅವರನ್ನು ಎಲ್ಲರೂ ಗೇಲಿ ಮಾಡುತ್ತಿದ್ದರು. ಅವರ ಲುಕ್ ಚೆನ್ನಾಗಿಲ್ಲ ಎಂದು ಅವಮಾನ ಮಾಡುತ್ತಿದ್ದರು. ಆದರೆ ಸನ್ನಿ ಸ್ಟಾರ್ ಆಗಿ ಮೆರೆಯುತ್ತಾರೆ ಎಂಬುದು ಯಾರಿಗೂ ತಿಳಿದಿರಲಿಲ್ಲ.
- 2011ರಲ್ಲಿ ಸನ್ನಿ ಲಿಯೋನ್ ಅವರು ಬಿಗ್ ಬಾಸ್ ರಿಯಾಲಿಟಿ ಶೋನಲ್ಲಿ ಸ್ಪರ್ಧಿ ಖ್ಯಾತಿ ಗಿಟ್ಟಿಸಿದರು. ನಂತರ ಅವರಿಗೆ ಹಲವು ಅವಕಾಶಗಳು ಬರಲು ಆರಂಭಿಸಿದವು.
- ಸನ್ನಿ ಲಿಯೋನ್ ನಟಿಸಿದ ಮೊದಲ ಬಾಲಿವುಡ್ ಸಿನಿಮಾ ‘ಜಿಸ್ಮ್ 2’ 2012ರಲ್ಲಿ ತೆರೆಕಂಡಿತು. ನಂತರ ಅವರು ಅನೇಕ ಸಿನಿಮಾಗಳಲ್ಲಿ ಹೀರೋಯಿನ್ ಆಗಿ ನಟಿಸಿ ಜನಪ್ರಿಯತೆ ಪಡೆದುಕೊಂಡರು.
- ಬಿಬಿಸಿ ಬಿಡುಗಡೆ ಮಾಡಿದ 100 ಪ್ರಭಾವಿ ಮಹಿಳೆಯರ ಪಟ್ಟಿಯಲ್ಲಿ ಸನ್ನಿ ಲಿಯೋನ್ ಕೂಡ ಸ್ಥಾನ ಪಡೆದುಕೊಂಡಿದ್ದರು. ಸಿನಿಮಾ ಜೊತೆಗೆ ಅನೇಕ ಜಾಹೀರಾತುಗಳಲ್ಲಿ ನಟಿಸಿ ಅವರು ಫೇಮಸ್ ಆಗಿದ್ದಾರೆ.
- ಸನ್ನಿ ಲಿಯೋನ್ ಮತ್ತು ಅವರ ಪತಿ ಡೇನಿಯಲ್ ವೆಬರ್ ಅವರು ಹೆಣ್ಣು ಮಗುವನ್ನು ದತ್ತು ಪಡೆದುಕೊಂಡಿದ್ದಾರೆ. ಆ ಮಗುವಿಗೆ ನಿಶಾ ಕೌರ್ ಎಂದು ಹೆಸರು ಇಟ್ಟಿದ್ದಾರೆ. ಈ ಜೋಡಿಗೆ ಇಬ್ಬರು ಗಂಡು ಮಕ್ಕಳು ಕೂಡ ಇದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.