Sunny Leone: ಕಾಲ ಬುಡದಲ್ಲೇ ಶಾರ್ಕ್​ಗಳಿದ್ದರೂ ಸನ್ನಿ ಡೋಂಟ್ ಕೇರ್! ವೈರಲ್ ಆಯ್ತು ವಿಡಿಯೋ

ಬಾಲಿವುಡ್ ನಟಿ ಸನ್ನಿ ಲಿಯೋನ್ (Sunny Leone) ಸದ್ಯ ಮಾಲ್ಡೀವ್ಸ್​ನಲ್ಲಿದ್ದಾರೆ. ಚಿತ್ರೀಕರಣದಿಂದ ತುಸು ಬ್ರೇಕ್ ತೆಗೆದುಕೊಂಡಿರುವ ಅವರು, ಕುಟುಂಬದೊಂದಿಗೆ ರಜಾ ದಿನಗಳನ್ನು ಸಖತ್ ಎಂಜಾಯ್ ಮಾಡುತ್ತಿದ್ದಾರೆ. ತಮ್ಮ ಮಾಲ್ಡೀವ್ಸ್​ (Maldives) ಡೈರಿಯ ಚಿತ್ರಗಳನ್ನು, ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಅವರು ಹಂಚಿಕೊಳ್ಳುತ್ತಿದ್ದಾರೆ. ಇತ್ತೀಚೆಗೆ ಅವರು ಶಾರ್ಕ್​ಗಳೊಂದಿಗೆ (Shark) ಕಾಣಿಸಿಕೊಂಡಿದ್ದು, ವಿಡಿಯೋ ವೈರಲ್ ಆಗಿದೆ. ದಡದಲ್ಲಿ ಕುಳಿತಿರುವ ಸನ್ನಿಯ ಕಾಲ ಬುಡದಲ್ಲಿ ಶಾರ್ಕ್​ಗಳಿವೆ. ಆ ವಿಡಿಯೋ ಹಂಚಿಕೊಂಡಿರುವ ನಟಿ, ‘‘ಈ ಜಾಗದ ಮೇಲೆ ಪ್ರೀತಿಯಾಗಿದೆ. ಸ್ವಚ್ಛಂದವಾಗಿ ವನ್ಯ ಜೀವಿಗಳು ಓಡಾಡಿಕೊಂಡಿವೆ’’ ಎಂದು ಬರೆದುಕೊಂಡಿದ್ದಾರೆ. ಅಲ್ಲದೇ ಈ ಅನುಭವವನ್ನು ‘ರಾಯಲ್’ ಎಂದೂ ಸನ್ನಿ ಹೇಳಿಕೊಂಡಿದ್ದಾರೆ.

ಸನ್ನಿ ಇನ್ಸ್ಟಾಗ್ರಾಂನಲ್ಲಿ ರೀಲ್ಸ್ ಹಂಚಿಕೊಂಡಿದ್ದು, ಅದು ಈಗ ವೈರಲ್ ಆಗಿದೆ. ಸುಮಾರು 15 ಲಕ್ಷಕ್ಕೂ ಅಧಿಕ ಜನರು ಅದನ್ನು ವೀಕ್ಷಿಸಿದ್ದು, ವಿಧವಿಧವಾಗಿ ಕಾಮೆಂಟ್ ಮಾಡುತ್ತಿದ್ದಾರೆ. ಹಲವರು ‘ವಾವ್’ ಎಂದಿದ್ದರು, ಮತ್ತೆ ಕೆಲವರು ’ನೋಡಿದರೆ ಭಯವಾಗುತ್ತದೆ’ ಎಂದಿದ್ದಾರೆ.

ಸನ್ನಿ ಹಂಚಿಕೊಂಡಿರುವ ವಿಡಿಯೋ ಇಲ್ಲಿದೆ:

ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಬಿಕಿನಿ ಉಡುಗೆಯೊಂದಿಗೆ ಮಸ್ತ್ ಪೋಸ್ ನೀಡಿರುವ ಚಿತ್ರಗಳನ್ನೂ ಸನ್ನಿ ಲಿಯೋನ್ ಹಂಚಿಕೊಂಡಿದ್ದಾರೆ. ಸಮುದ್ರ ಕಿನಾರೆಯಲ್ಲಿ ಮಲಗಿರುವ ಚಿತ್ರ, ಮರಳಿನ ಓಡುತ್ತಿರುವ ವಿಡಿಯೋ ಮೊದಲಾದವುಗಳನ್ನು ಅವರು ಹಂಚಿಕೊಂಡಿದ್ದಾರೆ. ಇದಲ್ಲದೇ ವಾಟರ್ ಸ್ಕೂಟರ್​ನಲ್ಲಿ ಸಮುದ್ರದಲ್ಲಿ ಪಯಣಿಸುತ್ತಿರುವ ರೀಲ್ ಕೂಡ ಶೇರ್ ಮಾಡಿದ್ದಾರೆ.

ಇತ್ತೀಚೆಗೆ ಸನ್ನಿ ಲಿಯೋನ್ ‘ಮಧುಬನ್’ ಆಲ್ಬಂ ಸಾಂಗ್​ನಲ್ಲಿ ಕಾಣಿಸಿಕೊಂಡಿದ್ದರು. ಆದರೆ ಧಾರ್ಮಿಕ ಭಾವನೆಗಳಿಗೆ ನೋವುಂಟು ಮಾಡಲಾಗಿದೆ ಎಂಬ ಕಾರಣದಿಂದ ಹಾಡಿಗೆ ಅಪಾರ ವಿರೋಧ ವ್ಯಕ್ತವಾಗಿತ್ತು. ಇದೀಗ ಹಾಡಿನ ಆ ಅವತರಣಿಕೆಯನ್ನು ಎಲ್ಲೆಡೆಯಿಂದ ತೆಗೆಯಲಾಗಿದ್ದು, ತಂಡ ಕ್ಷಮೆ ಕೇಳಿದೆ. ಇದಲ್ಲದೇ ಹಲವಾರು ಚಿತ್ರಗಳಲ್ಲಿ ಸನ್ನಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ:

Prabhas: ಪ್ರಭಾಸ್ ಫ್ಯಾನ್ಸ್​​ಗೆ ಸಖತ್ ಸುದ್ದಿ; ಇಲ್ಲಿದೆ ‘ಪ್ರಾಜೆಕ್ಟ್ ಕೆ’ ಕುರಿತ ಹೊಸ ಅಪ್ಡೇಟ್

Reba Monica John: ಬೆಂಗಳೂರಿನಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟ ‘ರತ್ನನ್ ಪ್ರಪಂಚ’ ಬೆಡಗಿ ರೆಬಾ ಮೋನಿಕಾ ಜಾನ್