ಮದುವೆ ಕಾರ್ಡ್ ಪ್ರಿಂಟ್ ಆದ್ಮೇಲೆ ಪ್ರೇಯಸಿ ಕೈಯಲ್ಲಿ ಸಿಕ್ಕಿಬಿದ್ದಿದ್ದ ಸಲ್ಮಾನ್ ಖಾನ್; ಮುರಿದು ಬಿದ್ದಿತ್ತು ಶಾದಿ
ಸಲ್ಮಾನ್ ಖಾನ್ ಮತ್ತು ಸಂಗೀತಾ ಬಿಜಲಾನಿ ಹಲವು ವರ್ಷಗಳ ಕಾಲ ಡೇಟಿಂಗ್ ಮಾಡುತ್ತಿದ್ದರು. ಮದುವೆಯ ಆಹ್ವಾನ ಪತ್ರಿಕೆಗಳು ಕೂಡ ಪ್ರಿಂಟ್ ಆಗಿದ್ದವು! ಆದರೆ ಕೊನೇ ಕ್ಷಣದಲ್ಲಿ ಆ ಮದುವೆ ಕ್ಯಾನ್ಸಲ್ ಆಯಿತು.
ಸಲ್ಮಾನ್ ಖಾನ್ ಅವರ ಸಿನಿಮಾಗಳ ಬಗ್ಗೆ ಎಷ್ಟು ಚರ್ಚೆ ಆಗುತ್ತದೆಯೋ ಅದಕ್ಕಿಂತಲೂ ಹೆಚ್ಚು ಚರ್ಚೆ ಆಗುವುದು ಅವರ ಖಾಸಗಿ ಜೀವನದ ವಿಚಾರಗಳು. ಈವರೆಗೂ ಸಲ್ಮಾನ್ ಖಾನ್ ಮದುವೆ ಆಗಿಲ್ಲ. ತಮ್ಮನ್ನು ತಾವು ವರ್ಜಿನ್ ಎಂದು ಅವರು ಹೇಳಿಕೊಳ್ಳುತ್ತಾರೆ. ಕೆಲವರಿಗೆ ಗೊತ್ತಿಲ್ಲದ ಸಂಗತಿ ಏನೆಂದರೆ, ನಟಿ ಸಂಗೀತಾ ಬಿಜಲಾನಿ ಜೊತೆ ಸಲ್ಮಾನ್ ಖಾನ್ ಮದುವೆ ಆಗುವ ನಿರ್ಧಾರಕ್ಕೆ ಬಂದಿದ್ದರು. ಎಲ್ಲವೂ ಸಿದ್ಧಗೊಂಡಿತ್ತು. ಆದರೆ ಕೊನೇ ಕ್ಷಣದಲ್ಲಿ ಆ ಮದುವೆ ಮುರಿದುಬಿತ್ತು! ಹಾಗಂತ ಇದು ಯಾವುದೂ ಗಾಸಿಪ್ ಅಲ್ಲವೇ ಅಲ್ಲ. ಸ್ವತಃ ಸಲ್ಮಾನ್ ಖಾನ್ ಅವರು ಬಾಯಿಬಿಟ್ಟ ಸತ್ಯಗಳು.
ಸಲ್ಮಾನ್ ಖಾನ್ ಮತ್ತು ಸಂಗೀತಾ ಬಿಜಲಾನಿ ಹಲವು ವರ್ಷಗಳ ಕಾಲ ಡೇಟಿಂಗ್ ಮಾಡುತ್ತಿದ್ದರು. ಪರಸ್ಪರ ಪ್ರೀತಿಸುತ್ತಿದ್ದ ಅವರು ಇನ್ನೇನು ಮದುವೆ ಮಾಡಿಕೊಳ್ಳಬೇಕು ಎಂಬ ತೀರ್ಮಾನಕ್ಕೂ ಬಂದಿದ್ದರು. ಅಷ್ಟೇ ಅಲ್ಲ, ಅವರ ಮದುವೆಯ ಆಹ್ವಾನ ಪತ್ರಿಕೆಗಳು ಕೂಡ ಪ್ರಿಂಟ್ ಆಗಿದ್ದವು! ಆದರೆ ಕೊನೇ ಕ್ಷಣದಲ್ಲಿ ಆ ಮದುವೆ ಕ್ಯಾನ್ಸಲ್ ಆಯಿತು. ಈ ವಿಚಾರದ ಬಗ್ಗೆ ಬಹಳ ವರ್ಷಗಳ ಹಿಂದೆಯೇ ‘ಕಾಫಿ ವಿತ್ ಕರಣ್’ ಶೋನಲ್ಲಿ ಸಲ್ಮಾನ್ ಖಾನ್ ಹೇಳಿಕೊಂಡಿದ್ದರು.
‘ಹಾಗೆ ಮದುವೆ ಕ್ಯಾನ್ಸಲ್ ಆಗಿದ್ದಕ್ಕೆ ಕಾರಣ ಏನು? ನೀವು ಅವರ ಕೈಯಲ್ಲಿ ಸಿಕ್ಕಿ ಬಿದ್ರಾ’ ಎಂದು ಕರಣ್ ಪ್ರಶ್ನಿಸಿದ್ದರು. ‘ಒಂಥರಾ ಹಾಗೆಯೇ. ನಾನು ಮೂರ್ಖ. ಸಿಕ್ಕಿ ಬಿದ್ದೆ’ ಎಂದು ಸಲ್ಮಾನ್ ಉತ್ತರಿಸಿದ್ದರು. ಆದರೆ ಆ ಘಟನೆ ಯಾವುದು? ಯಾರು ಜೊತೆ ಇರುವಾಗ ತಾವು ಸಿಕ್ಕಿಬಿದ್ದಿದ್ದು ಎಂಬಿತ್ಯಾದಿ ವಿವರಗಳನ್ನು ಸಲ್ಲು ಹಂಚಿಕೊಳ್ಳಲಿಲ್ಲ.
ಆ ಬಳಿಕ ಅನೇಕ ನಟಿಯರ ಜೊತೆ ಸಲ್ಮಾನ್ ಖಾನ್ ಹೆಸರು ತಳುಕು ಹಾಕಿಕೊಂಡಿತು. ಐಶ್ವರ್ಯಾ ರೈ, ಯುಲಿಯಾ ವಂಟೂರ್, ಕತ್ರಿನಾ ಕೈಫ್ ಮುಂತಾದ ಬೆಡಗಿಯರ ಜೊತೆ ಸಲ್ಲು ಡೇಟಿಂಗ್ ಮಾಡಿದ್ದರು. ಆದರೆ ಯಾರೂ ಕೂಡ ಬಾಳಸಂಗಾತಿ ಆಗಲೇ ಇಲ್ಲ. ‘ಎಲ್ಲರೂ ನನ್ನನ್ನು ಒಳ್ಳೆಯ ಬಾಯ್ ಫ್ರೆಂಡ್ ಎಂದು ಭಾವಿಸುತ್ತಾರೆ ನಿಜ. ಆದರೆ ಜೀವನ ಪರ್ಯಂತ ನನ್ನನ್ನು ಸಹಿಸಿಕೊಳ್ಳುವುದು ಕಷ್ಟ ಅಂತ ಅಂದುಕೊಳ್ಳುತ್ತಾರೆ’ ಎಂದು ಸಲ್ಲು ಹೇಳಿದ್ದರು. ಸದ್ಯಕ್ಕಂತೂ ಮದುವೆ ಆಗುವ ಬಗ್ಗೆ ಅವರು ಯಾವುದೇ ಆಸಕ್ತಿ ತೋರಿಸುತ್ತಿಲ್ಲ.
ಇದನ್ನೂ ಓದಿ:
ಸಲ್ಮಾನ್ ಖಾನ್ನನ್ನು ವಿಮಾನ ನಿಲ್ದಾಣದಲ್ಲಿ ತಡೆದು ವೃತ್ತಿಪರತೆ ಮೆರೆದ ಅಧಿಕಾರಿಯನ್ನು ಪುರುಸ್ಕರಿಸಿದ ಸಿಐಎಸ್ಎಫ್
‘ಅಶ್ಲೀಲ ಸಿನಿಮಾದಲ್ಲಿ ನಟಿಸೋದು ತಪ್ಪು ಎಂದಿದ್ದು ಯಾರು?’ ಸಲ್ಮಾನ್ ಖಾನ್ ಮಾಜಿ ಪ್ರೇಯಸಿಯ ಖಡಕ್ ಪ್ರಶ್ನೆ