ತೆರೆ ಮೇಲೆ, ಬಾಕ್ಸ್ ಆಫೀಸ್​ನಲ್ಲಿ ಎರಡೂ ಕಡೆ ಯಶ್-ರಣ್​ಬೀರ್ ಮುಖಾ-ಮುಖಿ

ನಟ ಯಶ್ (Yash) ಈಗ ಪ್ಯಾನ್ ಇಂಡಿಯಾ (Pan India) ಸ್ಟಾರ್, ನಟ ರಣ್​ಬೀರ್ ಕಪೂರ್ ಸಹ ದೇಶದ ಯುವ ಸೂಪರ್ ಸ್ಟಾರ್. ಈ ಇಬ್ಬರು ನಟರು ಪರಸ್ಪರ ಎದುರಾಳಿ ಆಗುತ್ತಿದ್ದಾರೆ. ವಿಶೇಷವೆಂದರೆ ಸಿನಿಮಾದ ಒಳಗೆ ಹಾಗೂ ಬಾಕ್ಸ್ ಆಫೀಸ್​ನಲ್ಲೂ ಸಹ ಈ ಇಬ್ಬರು ಪರಸ್ಪರ ಮುಖಾ-ಮುಖಿ ಆಗಲಿದ್ದಾರೆ. ಇಬ್ಬರಲ್ಲಿ ಗೆಲುವು ಯಾರಿಗೆ ಧಕ್ಕಲಿದೆ ಎಂಬುದು ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.

ಅಂದಹಾಗೆ ನಟ ಯಶ್ ‘ಟಾಕ್ಸಿಕ್’ ಸಿನಿಮಾದ ಚಿತ್ರೀಕರಣದಲ್ಲಿ ತೊಡಗಿಕೊಂಡಿರುವುದು ಗೊತ್ತಿರುವ ಸಂಗತಿಯೇ ಈ ಸಿನಿಮಾ ಮುಂದಿನ ವರ್ಷ ಮಾರ್ಚ್ 19ರಂದು ಬಿಡುಗಡೆ ಆಗಲಿದೆಯೆಂದು ಘೋಷಣೆ ಆಗಿದೆ. ‘ಟಾಕ್ಸಿಕ್’ ಜೊತೆಗೆ ಯಶ್ ‘ರಾಮಾಯಣ’ ಸಿನಿಮಾದಲ್ಲಿಯೂ ನಟಿಸುತ್ತಿದ್ದಾರೆ. ಇದು ಭಾರತದ ಈ ವರೆಗೆ ಬಲು ದೊಡ್ಡ ಬಜೆಟ್​ನ ಸಿನಿಮಾ ಆಗಿದೆ. ಸಿನಿಮಾನಲ್ಲಿ ರಣ್​ಬೀರ್ ಕಪೂರ್ ಶ್ರೀರಾಮನ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.

‘ರಾಮಾಯಣ’ ಕತೆ ಆಧರಿಸಿದ ಸಿನಿಮಾದಲ್ಲಿ ಯಶ್, ರಾವಣನ ಪಾತ್ರದಲ್ಲಿ ನಟಿಸುತ್ತಿದ್ದು, ರಣ್​ಬೀರ್ ಕಪೂರ್ ರಾಮನ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಇಬ್ಬರು ಪರಸ್ಪರ ಎದುರಾಳಿಯಾಗಿದ್ದಾರೆ. ಸಿನಿಮಾನಲ್ಲಿ ಅಂತಿಮ ಗೆಲುವು ರಣ್​ಬೀರ್ ಕಪೂರ್ ಅವರದ್ದೇ ಆಗಲಿದೆ. ವಿಶೇಷವೆಂದರೆ ಈ ಇಬ್ಬರು ಬಾಕ್ಸ್ ಆಫೀಸ್​ನಲ್ಲೂ ಸಹ ಎದುರು-ಬದುರಾಗಲಿದ್ದಾರೆ. ಯಶ್ ನಟನೆಯ ‘ಟಾಕ್ಸಿಕ್’ ಸಿನಿಮಾ ಬಿಡುಗಡೆ ಆಗುವ ದಿನದಂದೇ ರಣ್​ಬೀರ್ ಕಪೂರ್ ನಟಿಸಲಿರುವ ‘ಲವ್ ಆಂಡ್ ವಾರ್’ ಸಿನಿಮಾ ಸಹ ಬಿಡುಗಡೆ ಆಗಲಿದೆ.

ಇದನ್ನೂ ಓದಿ:ಯಶ್ ಬಾಲಿವುಡ್ ಸಿನಿಮಾಕ್ಕೆ ಮಹಾರಾಷ್ಟ್ರ ಸಿಎಂ ಮೆಚ್ಚುಗೆ

ರಣ್​ಬೀರ್ ಕಪೂರ್, ಆಲಿಯಾ ಭಟ್ ಮತ್ತು ವಿಕ್ಕಿ ಕೌಶಲ್ ನಟಿಸಿ ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶಿಸಲಿರುವ ‘ಲವ್ ಆಂಡ್ ವಾರ್’ ಸಿನಿಮಾ ಕೆಲವೇ ದಿನಗಳಲ್ಲಿ ಸೆಟ್ಟೇರಲಿದ್ದು, ಈ ಸಿನಿಮಾ ಮುಂದಿನ ವರ್ಷ ಮಾರ್ಚ್ 19ಕ್ಕೆ ಬಿಡುಗಡೆ ಆಗಲಿದೆ. ಯಶ್ ನಟನೆಯ ‘ಟಾಕ್ಸಿಕ್’ ಸಿನಿಮಾ ಸಹ ಅದೇ ದಿನ ಬಿಡುಗಡೆ ಆಗಲಿದೆ. ಆ ಮೂಲಕ ರಣ್​ಬೀರ್ ಕಪೂರ್ ಮತ್ತು ಯಶ್ ಪರಸ್ಪರ ಬಾಕ್ಸ್ ಆಫೀಸ್​ನಲ್ಲಿ ಎದುರು-ಬದುರಾಗಲಿದ್ದಾರೆ.

ಈ ಹಿಂದೆ ‘ಕೆಜಿಎಫ್’ ಸಿನಿಮಾಕ್ಕೆ ಶಾರುಖ್ ಖಾನ್ ಸಿನಿಮಾ ಎದುರಾಳಿಯಾಗಿತ್ತು. ಆ ಸಿನಿಮಾ ಆಗ ತೋಪಾಯ್ತು. ಆ ಬಳಿಕ ‘ಲಾಲ್ ಸಿಂಗ್ ಚಡ್ಡಾ’ ಸಿನಿಮಾ ಸಹ ‘ಕೆಜಿಎಫ್ 2’ ಎದುರಾಗಲಿತ್ತು ಆದರೆ ಆ ಬಳಿಕ ಸಿನಿಮಾದ ಬಿಡುಗಡೆ ಮುಂದೂಡಲಾಯ್ತು. ಹಾಗಿದ್ದರೂ ಸಹ ‘ಲಾಲ್ ಸಿಂಗ್ ಚಡ್ಡಾ’ ಫ್ಲಾಪ್ ಆಯ್ತು. ಈಗ ರಣ್​ಬೀರ್ ಕಪೂರ್, ಯಶ್​ಗೆ ಎದುರಾಳಿಯಾಗಿ ಬರಲಿದ್ದಾರೆ. ಅವರಿಗೂ ಸೋಲು ಕಟ್ಟಿಟ್ಟ ಬುತ್ತಿ ಎಂಬುದು ಯಶ್​ ಅಭಿಮಾನಿಗಳ ನಂಬಿಕೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ