‘ಏಜೆಂಟ್’ ಚಿತ್ರದಲ್ಲಿ ದಿನೋ ಮೋರಿಯಾ ಖಡಕ್​ ಲುಕ್​; ಅಖಿಲ್ ಜತೆ ಬಾಲಿವುಡ್ ಸ್ಟಾರ್​ ನಟನ ಅಬ್ಬರ​

ತೆಲುಗು ಚಿತ್ರರಂಗದ ಯುವ ನಟ ಅಖಿಲ್​ ಅಕ್ಕಿನೇನಿ (Akhil Akkineni) ಅವರ ಮುಂದಿನ ಸಿನಿಮಾ ಬಗ್ಗೆ ಹೈಪ್​ ಸೃಷ್ಟಿ ಆಗಿದೆ. ಅವರು ನಟಿಸಿರುವ ‘ಏಜೆಂಟ್​’ ಸಿನಿಮಾ ಬಗ್ಗೆ ಅಭಿಮಾನಿಗಳಿಗೆ ಬಹಳ ನಿರೀಕ್ಷೆ ಇದೆ. ಇತ್ತೀಚೆಗೆ ಅವರ ಹುಟ್ಟುಹಬ್ಬದ ಪ್ರಯುಕ್ತ ಖಡಕ್​ ಆದಂತಹ ಪೋಸ್ಟರ್​ ಅನಾವರಣ ಆಗಿತ್ತು. ಅದರ ಬೆನ್ನಲ್ಲೇ ಹೊಸ ಹೊಸ ಅಪ್​ಡೇಟ್​ಗಳನ್ನು ಈ ಚಿತ್ರತಂಡ ನೀಡುತ್ತಿದೆ. ‘ಏಜೆಂಟ್’ (Agent Movie) ಸಿನಿಮಾದಲ್ಲಿ ಮಾಲಿವುಡ್​ನ ಸ್ಟಾರ್​ ಕಲಾವಿದರ ಮಮ್ಮೂಟಿ ನಟಿಸಿರುವುದು ಗೊತ್ತೇ ಇದೆ. ನಾಯಕಿಯಾಗಿ ಸಾಕ್ಷಿ ವೈದ್ಯ ಅಭಿನಯಿಸಿದ್ದಾರೆ. ಈಗ ‘ಏಜೆಂಟ್’ ಅಂಗಳದಿಂದ ಹೊಸದೊಂದು ಪೋಸ್ಟರ್​ ಅನಾವರಣ ಆಗಿದೆ. ಈ ಚಿತ್ರತಂಡಕ್ಕೆ ಈಗ ಮತ್ತೋರ್ವ ಸ್ಟಾರ್​ ನಟನ ಎಂಟ್ರಿ ಆಗಿದೆ. ಬಾಲಿವುಡ್​ ನಟ ದಿನೋ ಮೋರಿಯಾ (Dino Morea) ಅವರು ಒಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ದಿನೋ ಮೋರಿಯಾ ಅವರು ‘ಏಜೆಂಟ್​ ಸಿನಿಮಾದಲ್ಲಿ ದಿ ಗಾಡ್​ ಎಂಬ ಮಾತ್ರ ಮಾಡಿದ್ದಾರೆ. ಬಾಲಿವುಡ್​ನಲ್ಲಿ ‘ರಾಝ್’, ‘ಅಕ್ಸರ್’, ‘ಜೂಲಿ’ ಮುಂತಾದ ಸಿನಿಮಾಗಳಲ್ಲಿ ನಟಿಸಿ ಫೇಮಸ್​ ಆಗಿರುವ ಅವರು ಸಾಕಷ್ಟು ಬೇಡಿಕೆ ಹೊಂದಿದ್ದಾರೆ. ಈಗ ಅವರು ‘ಏಜೆಂಟ್​’ ತಂಡಕ್ಕೆ ಸೇರ್ಪಡೆ ಆಗಿದ್ದಾರೆ. ಅವರ ಫಸ್ಟ್​ ಲುಕ್​ ಪೋಸ್ಟರ್​ ಗಮನ ಸೆಳೆಯುತ್ತಿದೆ. ಉದ್ದ ಕೂದಲು, ಮುಖದ‌ ಮೇಲೆ ಗಾಯದ ಗುರುತು, ಕೈಯಲ್ಲಿ ಗನ್ ಹಿಡಿದು ಅವರು ರಗಡ್ ಆಗಿ ಪೋಸ್​ ನೀಡಿದ್ದಾರೆ. ಆ ಮೂಲಕ ಚಿತ್ರದ ಬಗೆಗಿನ ಕೌತುಕ ಹೆಚ್ಚಿಸಿದ್ದಾರೆ. ಈ ಎಲ್ಲ ಕಾರಣಗಳಿಂದಾಗಿ ‘ಏಜೆಂಟ್’ ಸಿನಿಮಾ ಸಾಕಷ್ಟು ನಿರೀಕ್ಷೆ ಮೂಡಿಸಿದೆ. ಏಪ್ರಿಲ್ 28ರಂದು ಈ ಚಿತ್ರ ತೆರೆಕಾಣಲಿದೆ.

‘ಏಜೆಂಟ್’ ಸಿನಿಮಾದ ಕಂಟೆಂಟ್​ಗಳು ಈಗಾಗಲೇ ಜನರಿಗೆ ಇಷ್ಟ ಆಗಿವೆ. ಎರಡು ಹಾಡುಗಳ ಜನಮೆಚ್ಚುಗೆ ಗಳಿಸಿವೆ. ‘ರಾಮ ಶ್ರೀಕೃಷ್ಣ..’ ಹಾಡು ಅಖಿಲ್​ ಅಭಿಮಾನಿಗಳನ್ನು ರಂಜಿಸುತ್ತಿದೆ. ಅದ್ದೂರಿಯಾಗಿ ನಿರ್ಮಾಣ ಆಗಿರುವ ಈ ಸಾಹಸ ಪ್ರಧಾನ ಸಿನಿಮಾವನ್ನು ರಾಮಬ್ರಹ್ಮಂ ಸುಂಕರ ‘ಎಕೆ ಎಂಟರ್ಟೈನ್ಮೆಂಟ್ಸ್’ ಬ್ಯಾನರ್ ಮೂಲಕ ನಿರ್ಮಾಣ ಮಾಡಿದ್ದಾರೆ.

ಇದನ್ನೂ ಓದಿ: ‘ಪ್ರೀತಿಸುವ ಮುನ್ನ ಯೋಚಿಸಿ’; ಅಕ್ಕಿನೇನಿ ಕುಟುಂಬದ ಕಡೆಯಿಂದ ರಿಲೇಶನ್​ಶಿಪ್ ಟಿಪ್ಸ್​

‘ಏಜೆಂಟ್’  ಚಿತ್ರಕ್ಕೆ ವಕ್ಕನಾಥಂ ವಂಶಿ ಕಥೆ ಬರೆದಿದ್ದಾರೆ. ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ನವೀನ್ ನೂಲಿ ಸಂಕಲನ, ಅವಿನಾಶ ಕೊಲ್ಲ ಕಲಾ ನಿರ್ದೇಶನ, ಅಜೇಯ್ ಸುಂಕರ, ಪಾತಿ ದೀಪ ರೆಡ್ಡಿ ಸಹ ನಿರ್ಮಾಣ ಈ ಚಿತ್ರಕ್ಕಿದೆ. ಹಿಪ್ ಹಾಪ್ ಥಮೀಜಾ ಸಂಗೀತ ನಿರ್ದೇಶನ ಮಾಡಿದ್ದಾರೆ. ರಸೂಲ್ ಎಲ್ಲೋರೆ ಛಾಯಾಗ್ರಹಣದ ಜವಾಬ್ದಾರಿ ನಿಭಾಯಿಸಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.