Hollywood: ನೂರು ಕೋಟಿಗೆ ಮನೆ ಮಾರಿದರೂ ನಷ್ಟ ಅನುಭವಿಸಿದ ಹಾಲಿವುಡ್ ಹಾಟ್ ಬ್ಯೂಟಿ
ಒಂದು ಎಕರೆ ಪ್ರದೇಶದಲ್ಲಿ ನಿರ್ಮಿಸಿದ್ದ ಐಶಾರಾಮಿ ಮನೆಯನ್ನು ಹಾಲಿವುಡ್ ನಟಿ ದುಬಾರಿ ಬೆಲೆಗೆ ಮಾರಾಟ ಮಾಡಿದ್ದಾರೆ. ಹಾಗಿದ್ದರೂ ನಷ್ಟ ಅನುಭವಿಸಿದ್ದಾರೆ!
Updated on:Mar 05, 2023 | 5:21 PM
ಹಾಲಿವುಡ್ (Hollywood) ನಟ-ನಟಿಯರು, ಗಾಯಕರಿಗೆ ಭಾರಿ ಮೊತ್ತದ ಸಂಭಾವನೆ ಸಿಗುತ್ತದೆ. ಸಂಭಾವನೆಗೆ ತಕ್ಕಂತೆ ಐಶಾರಾಮಿ ಜೀವನವನ್ನೇ ಅವರು ನಡೆಸುತ್ತಾರೆ. ಎಕರೆ ಗಟ್ಟಲೆ ಪ್ರದೇಶದಲ್ಲಿ ಮನೆ ಕಟ್ಟಿ, ವಿಶ್ವದ ದುಬಾರಿ ವಾಹನಗಳನ್ನು ಬಳಸುತ್ತಾರೆ. ಹಾಲಿವುಡ್ ಜನಪ್ರಿಯ ಸೆಲೆಬ್ರಿಟಿ ಆಗಿರುವ ಬ್ರಿಟ್ನಿ ಸ್ಪಿಯರ್ಸ್ (Britney Spears) ಸಹ ವಿಶಾಲವಾದ ಮನೆ ಹೊಂದಿದ್ದರು. ಆದರೆ ಅದನ್ನು ಬಹುದೊಡ್ಡ ಮೊತ್ತಕ್ಕೆ ಮಾರಾಟ ಮಾಡಿದ್ದಾರೆ. ಹಾಗಿದ್ದಾಗಿಯೂ ನಷ್ಟ ಅನುಭವಿಸಿದ್ದಾರೆ ಬ್ರಿಟ್ನಿ!
ನಟಿ, ಗಾಯಕಿ ಬ್ರಿಟ್ನಿ ಸ್ಪಿಯರ್ಸ್ 2008 ರಲ್ಲಿ ಕ್ಯಾಲಿಫೋರ್ನಿಯಾದ ಕ್ಯಾಲಾಬ್ಯಾಸಸ್ನಲ್ಲಿ ಐಶಾರಾಮಿ ಮನೆಯೊಂದನ್ನು ಕಟ್ಟಿಸಿದ್ದರು. ಸುಮಾರು ಏಳು ಎಕರೆ ಪ್ರದೇಶದಲ್ಲಿ ಒಂದು ಎಕರೆ ಜಾಗದಲ್ಲಿ ವಿಶಾಲವಾದ ಮನೆಯನ್ನು ನಿರ್ಮಿಸಲಾಗಿತ್ತು. ಸುಮಾರು 11 ಸಾವಿರ ಚದರ ಅಡಿ ಅಳತೆಯ ಲಿವಿಂಗ್ ಏರಿಯಾ ಒಳಗೊಂಡಿದ್ದ ಈ ಮನೆಯಲ್ಲಿ 12 ಬೆಡ್ರೂಂಗಳಿದ್ದವು. ಒಂದು ದೊಡ್ಡ ಚಿತ್ರಮಂದಿರ, ಒಂದು ಸ್ವಿಮ್ಮಿಂಗ್ ಪೂಲ್ ಮತ್ತು ಒಂದು ವಾಟರ್ ಸ್ಪೋರ್ಟ್ ಏರಿಯಾ. ಒಂದು ದೊಡ್ಡ ಬಾರ್, ಒಂದು ಫೈರ್ ರೂಂ, ಗೆಸ್ಟ್ ಹೌಸ್, ವಿಶಾಲವಾದ ಕಾರು ಪಾರ್ಕಿಂಗ್ ಹಾಗೂ ಗ್ಯಾರೇಜ್ ಸೇರಿದಂತೆ ಹಲವು ಅನುಕೂಲಗಳು ಈ ಮನೆಯಲ್ಲಿದ್ದವು.
ಆದರೆ ಈ ಐಶಾರಾಮಿ ಮನೆಯನ್ನು ಬ್ರಿಟ್ನಿ ಸ್ಪಿಯರ್ಸ್ ಇತ್ತೀಚೆಗಷ್ಟೆ ಮಾರಾಟ ಮಾಡಿದ್ದಾರೆ. ಈ ಮನೆ ಅವರಿಗೆ ಖಾಸಗಿ ಎನಿಸುತ್ತಿಲ್ಲವಂತೆ. ಈ ಮನೆ ಸಾರ್ವಜನಿಕ ವೀಕ್ಷಣೆಗೆ ಸುಲಭಕ್ಕೆ ಲಭ್ಯವಿದೆ. ಇಲ್ಲಿ ಏಕಾಂತ ಪ್ರಾಪ್ತವಾಗುವುದಿಲ್ಲ ಎಂಬ ಕಾರಣಕ್ಕೆ ಈ ಮನೆಯನ್ನು ಬ್ರಿಟ್ನಿ ಕಳೆದ ವರ್ಷಾರಂಭದಲ್ಲಿಯೇ ತ್ಯಜಿಸಿದ್ದರು. ಮನೆಯನ್ನು ಇದೀಗ ಜನಪ್ರಿಯ ವಕೀಲರೊಬ್ಬರಿಗೆ ಮಾರಾಟ ಮಾಡಿದ್ದಾರೆ.
13 ಮಿಲಿಯನ್ ಮಿಲಿಯನ್ ಡಾಲರ್ಗೆ ಮನೆಯನ್ನು ಮಾರಾಟಕ್ಕಿದ್ದರು ನಟಿ. ಅಮೆರಿಕದಲ್ಲಿ ಆರ್ಥಿಕ ಹಿಂಜರಿತದಿಂದಾಗಿ ಹೌಸಿಂಗ್ ಮಾರುಕಟ್ಟೆ ಮೌಲ್ಯ ಕುಸಿದಿದ್ದು ಗಾಯಕಿಯ ನಿರೀಕ್ಷಿತ ಬೆಲೆಗಿಂತಲೂ 1.70 ಮಿಲಿಯನ್ ಡಾಲರ್ ಕಡಿಮೆ ಮೊತ್ತಕ್ಕೆ ಮಾರಾಟವಾಗಿದೆ. ಹತ್ತಿರ-ಹತ್ತಿರ ನೂರು ಕೋಟಿಗೆ ಮನೆ ಮಾರಾಟವಾಗಿದೆಯಾದರೂ ಹೌಸಿಂಗ್ ಮಾರುಕಟ್ಟೆ ಕುಸಿದಿರುವ ಕಾರಣ ನಟಿಗೆ ನಷ್ಟವಾಗಿದೆ.
ಆದರೆ ಬ್ರಿಟ್ನಿಗೆ ಆ ಮನೆಯಲ್ಲಿ ಇರಲು ತುಸುವೂ ಇಷ್ಟವಿರಲಿಲ್ಲವಾಗಿದ್ದ ಕಾರಣ ನಷ್ಟದ ಮೊತ್ತಕ್ಕೆ ಟೆಕ್ಸಸ್ನ ವಕೀಲನೊಬ್ಬನಿಗೆ ಮಾರಾಟ ಮಾಡಿದ್ದಾರೆ. ಬ್ರಿಟ್ನಿ ಸ್ಪಿಯರ್ಸ್ ತನ್ನ ಬಾಯ್ಫ್ರೆಂಡ್ ಜೊತೆಗೆ ಥೌಸಂಡ್ಸ್ ಓಕ್ಸ್ ಎಂಬಲ್ಲಿಗೆ ಶಿಫ್ಟ್ ಆಗಿದ್ದಾರೆ.
ನಟಿ ಬ್ರಿಟ್ನಿ ಸ್ಪಿಯರ್ಸ್, ದೀರ್ಘ ಕಾನೂನು ಹೋರಾಟದ ಬಳಿಕ ತಮ್ಮ ತಂದೆಯ ನಿಗಾವಣೆಯಿಂದ ಹೊರಗೆ ಬಂದಿದ್ದಾರೆ. ಹಲವು ವರ್ಷಗಳಿಂದಲೂ ಬ್ರಿಟ್ನಿ ಸ್ಪಿಯರ್ಸ್ ಕಾನೂನಾತ್ಮಕವಾಗಿ ತಂದೆಯ ಹಿಡಿತದಲ್ಲಿದ್ದರು. ಬ್ರಿಟ್ನಿಯ ಎಲ್ಲ ಆರ್ಥಿಕ, ಸಾಮಾಜಿಕ ವಿಷಯಗಳಲ್ಲಿ ಅವರ ತಂದೆಯದ್ದೇ ನಿರ್ಣಯವಾಗಿತ್ತು. ಇದರ ವಿರುದ್ಧ ಕಾನೂನು ಹೋರಾಟ ಮಾಡಿದ ಬ್ರಿಟ್ನಿ ಸ್ಪಿಯರ್ಸ್ ಕಳೆದ ವರ್ಷವಷ್ಟೆ ಜಯ ಗಳಿಸಿ, ತಂದೆಯ ಬಿಗಿಮುಷ್ಠಿಯಿಂದ ಪಾರಾದರು.
ಸ್ವತಂತ್ರ್ಯರಾಗಿರುವ ಬ್ರಟ್ನಿ ಸ್ಪಿಯರ್ಸ್ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಸಕ್ರಿಯರಾಗಿದ್ದಾರೆ. ಇನ್ಸ್ಟಾಗ್ರಾಂನಲ್ಲಿ ಕೆಲವು ಅರೆ ಬೆತ್ತಲೆ ಚಿತ್ರಗಳು, ತನ್ನ ಬಾಯ್ಫ್ರೆಂಡ್ ಜೊತೆಗೆ ತೀರ ಖಾಸಗಿ ಚಿತ್ರಗಳನ್ನು ಸಹ ಹಂಚಿಕೊಳ್ಳುತ್ತಿರುತ್ತಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 5:13 pm, Sun, 5 March 23
