ಜೂನಿಯರ್ ಎನ್ಟಿಆರ್ಗೆ ‘9999’ ಸಂಖ್ಯೆ ಮೇಲೆ ಇದೆ ವಿಶೇಷ ಪ್ರೀತಿ; ಕಾರಣ ಏನು?
JR NTR Birthday: ಜೂನಿಯರ್ NTR ಅವರಿಗೆ ಇಂದು ಜನ್ಮದಿನ. ಅವರ ಅಪರೂಪದ ವಾಹನ ಸಂಖ್ಯೆ 9999, ಅವರ ಐಷಾರಾಮಿ ಕಾರುಗಳ ಸಂಗ್ರಹ, ಮತ್ತು ಅವರ ಕುಟುಂಬದ ಪರಂಪರೆಯ ಬಗ್ಗೆ ಇಲ್ಲಿ ನಾವು ಹೇಳುತ್ತಿದ್ದೇವೆ. ಜೂನಿಯರ್ ಎನ್ಟಿಆರ್ ಒಡೆತನದ ಎಲ್ಲಾ ಕಾರುಗಳ ಮೇಲೆ 9999 ಸಂಖ್ಯೆಯನ್ನು ನೀವು ಕಾಣಬಹುದು.
ನಟ ಜೂನಿಯರ್ ಎನ್ಟಿಆರ್ (JR NTR) ಅವರಿಗೆ ಇಂದು (ಮೇ 20) ಜನ್ಮದಿನದ ಸಂಭ್ರಮ. ಅವರಿಗೆ ಟಾಲಿವುಡ್ ರಂಗದಲ್ಲಿ ಎಲ್ಲ ಕಡೆಗಳಿಂದ ಶುಭಾಶಯ ಬರುತ್ತಿದೆ. ಅವರ ಮುಂದಿನ ಸಿನಿಮಾಗಳ ಅಪ್ಡೇಟ್ ಕೂಡ ಸಿಗುತ್ತಿದೆ. ಈ ಮಧ್ಯೆ ಜೂನಿಯರ್ ಎನ್ಟಿಆರ್ ಅವರ ಬಗೆಗಿನ ಅಪರೂಪದ ವಿಚಾರಗಳ ಬಗ್ಗೆಯೂ ಚರ್ಚೆ ಆಗುತ್ತಿದೆ. ಜೂನಿಯರ್ ಎನ್ಟಿಆರ್ ಒಡೆತನದ ಎಲ್ಲಾ ಕಾರುಗಳ ಮೇಲೆ 9999 ಸಂಖ್ಯೆಯನ್ನು ನೀವು ಕಾಣಬಹುದು. ಅಷ್ಟೇ ಏಕೆ ಟ್ವಿಟರ್ ಹ್ಯಾಂಡಲ್ನಲ್ಲಿಯೂ ಇದೆ ಸಂಖ್ಯೆಯನ್ನು ಅವರು ಹಾಕಿಕೊಂಡಿದ್ದಾರೆ. ಇದಕ್ಕೆ ಕಾರಣ ಇಲ್ಲಿದೆ.
ಜೂನಿಯರ್ ಎನ್ಟಿಆರ್ ಬಳಿ ಬಿಎಂಡಬ್ಲ್ಯೂ ರೀತಿಯ ದುಬಾರಿ ಕಾರುಗಳು ಇವೆ. ರೇಂಜ್ ರೋವರ್ ಆಟೋಬಯೋಗ್ರಫಿ, ಲ್ಯಾಂಬೋರ್ಗಿನಿ ಉರುಸ್ ಕಾರು ಕೂಡ ಅವರ ಗ್ಯಾರೇಜ್ನಲ್ಲಿ ಇದೆ. ಇದಕ್ಕೆ ಒಂದೇ ರೀತಿಯ ರಿಜಿಸ್ಟರ್ ಸಂಖ್ಯೆಯನ್ನು ನೀವು ಕಾಣಬಹುದು. ಅದುವೇ 9999.
ಈ ರೀತಿಯ ಫ್ಯಾನ್ಸಿ ಸಂಖ್ಯೆಯ ಹಾಗೆಯೇ ಸಿಕ್ಕಿ ಬಿಡುವುದಿಲ್ಲ. ಇದಕ್ಕಾಗಿ ಸಾಕಷ್ಟು ದೊಡ್ಡ ಮೊತ್ತದ ಹಣ ಪಾವತಿ ಮಾಡಬೇಕಾಗುತ್ತದೆ. ಜೂನಿಯರ್ ಎನ್ಟಿಆರ್ ಅವರು ಪ್ರತಿ ಬಾರಿಯೂ ದೊಡ್ಡ ಮೊತ್ತವನ್ನು ಪಾವತಿಸಿ ಈ ಸಂಖ್ಯೆಯನ್ನು ಪಡೆಯುತ್ತಾರೆ. ಅಂದಹಾಗೆ ಈ ಸಂಖ್ಯೆಯನ್ನು ಅವರು ಕಾರಿಗೆ ಇಟ್ಟುಕೊಳ್ಳೋಕೂ ಒಂದು ಕಾರಣ ಇದೆ.
9 ಸಂಖ್ಯೆ ಮೇಲೆ ಅವರಿಗೆ ಸೆಂಟಿಮೆಂಟ್. ಅವರ ತಾತ ಎನ್ಟಿ ರಾಮ್ ರಾವ್ ಅವರ ಕಾರಿನ ಸಂಖ್ಯೆ 9999 ಎಂದಿತ್ತು. ಜೂ. ಎನ್ಟಿಆರ್ ಅವರ ತಂದೆ ನಂದಮೂರಿ ಹರಿಕೃಷ್ಣ ಅವರು ಇದನ್ನೇ ಫಾಲೋ ಮಾಡಿಕೊಂಡು ಬಂದರು. ಈಗ ಜೂನಿಯರ್ ಎನ್ಟಿಆರ್ ಕೂಡ ಇದನ್ನೇ ಫಾಲೋ ಮಾಡುತ್ತಿದ್ದಾರೆ.
ಇದನ್ನೂ ಓದಿ: ಜೂನಿಯರ್ ಎನ್ಟಿಆರ್ ಬರ್ತ್ಡೇಗೆ ಸರ್ಪ್ರೈಸ್ ಗಿಫ್ಟ್ ಹಿಡಿದು ಬಂದ ಹೃತಿಕ್ ರೋಷನ್
ಜೂನಿಯರ್ ಎನ್ಟಿಆರ್ ಅವರು ‘ಆರ್ಆರ್’ ರೀತಿಯ ಸೂಪರ್ ಹಿಟ್ ಚಿತ್ರಗಳನ್ನು ನೀಡಿದ್ದಾರೆ. ಅವರ ಗ್ಯಾರೇಜ್ನಲ್ಲಿ ಜಾಗ್ವಾರ್, ಆಡಿ ರೀತಿಯ ಕಾರುಗಳು ಇವೆ. ಅವರಿಗೆ ಕಾರಿನ ಬಗ್ಗೆ ಸಖತ್ ಕ್ರೇಜ್ ಇದೆ. ಈಗ ಅವರು ‘ವಾರ್ 2’ ಚಿತ್ರದ ಮೂಲಕ ಬಾಲಿವುಡ್ಗೆ ಹಾರಲು ರೆಡಿ ಆಗಿದ್ದಾರೆ. ಅವರಿಗೆ ಅಲ್ಲಿ ಅದ್ದೂರಿ ಸ್ವಾಗತ ಸಿಗುತ್ತಾ ಇದೆ. ‘ದೇವರ 2’ ಹಾಗೂ ಪ್ರಶಾಂತ್ ನೀಲ್ ಜೊತೆಗಿನ ಸಿನಿಮಾಗಳೂ ಅವರ ಬಳಿ ಇವೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.