Abhishek Ambareesh Engagement: ಅವಿವಾಗೆ ಪುಣೆಯಲ್ಲಿ ಸ್ಪೆಷಲ್ ಉಂಗುರ ರೆಡಿ ಮಾಡಿಸಿದ ಅಭಿ, ಇದರ ಬೆಲೆ ಅಬ್ಬಬ್ಬಾ…!

ನಟ ಅಭಿಷೇಕ್​ ಅಂಬರೀಷ್​ (Abhishek Ambareesh) ಹಾಗೂ ಮಾಡೆಲ್​ ಅವಿವಾ ಬಿದ್ದಪ್ಪ (Aviva Bidapa) ಅವರ ನಿಶ್ಚಿತಾರ್ಥ ಇಂದು (ಡಿ.11) ನೆರವೇರಿದೆ. ಬೆಂಗಳೂರಿನ ಖಾಸಗಿ ಹೋಟೆಲ್​ನಲ್ಲಿ ಈ ಶುಭ ಕಾರ್ಯ ನಡೆದಿದೆ. ಎರಡೂ ಕುಟುಂಬದ ಸದಸ್ಯರು ಹಾಗೂ ಕೆಲವೇ ಕೆಲವು ಮಂದಿ ಆಪ್ತರು ಮಾತ್ರ ಈ ಸಮಾರಂಭಕ್ಕೆ ಸಾಕ್ಷಿ ಆಗಿದ್ದಾರೆ. ಅಭಿಷೇಕ್​ ಅಂಬರೀಷ್ ಮತ್ತು ಅವಿವಾ ಬಿದ್ದಪ್ಪ ಅವರ ಎಲ್ಲರ ಸಮ್ಮುಖದಲ್ಲಿ ಪರಸ್ಪರ ರಿಂಗ್​ ತೊಡಿಸುವ ಮೂಲಕ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಸದ್ಯ ಅವಿವಾ ಬಿದ್ದಪ್ಪ ಅವರಿಗೆ ಅಭಿಷೇಕ್​ ಅವರು ತೊಡಿಸಿದ ರಿಂಗ್​ ಬಗ್ಗೆ ಚರ್ಚೆ ನಡೆಯುತ್ತಿದೆ. ತಮ್ಮ ಭಾವಿಪತ್ನಿಗೆ ಅಭಿಷೇಕ್​ ಅಂಬರೀಷ್​ ಅವರು ರಿಂಗ್​ ಎಲ್ಲಿಂದ ತಂದರು ಮತ್ತು ಅದರ ಬೆಲೆ ಎಷ್ಟಾಗಿರಬಹುದು ಎಂಬ ಹಲವು ಕುತೂಹಲ ಅವರ ಅಭಿಮಾನಿಗಳಲ್ಲಿ ಕಾಡಿದೆ.

ಖ್ಯಾತ ಫ್ಯಾಷನ್​ ಡಿಸೈನರ್​ ಪ್ರಸಾದ್​ ಬಿದ್ದಪ್ಪ ಅವರ ಪುತ್ರಿ ಆಗಿರುವ ಅವಿವಾ ಬಿದ್ದಪ್ಪ ಹಾಗೂ ಅಭಿಷೇಕ್​ ಅಂಬರೀಷ್​ ನಡುವೆ ಇತ್ತೀಚಿನ ವರ್ಷಗಳಲ್ಲಿ ಪರಿಚಯ ಬೆಳೆದಿತ್ತು. ಇಬ್ಬರ ನಡುವೆ ಆಪ್ತತೆ ಬೆಳೆದು ಈಗ ನಿಶ್ಚಿತಾರ್ಥದ ಹಂತಕ್ಕೆ ಬಂದಿದೆ. ಎರಡೂ ಕುಟುಂಬದ ಪ್ರಮುಖರ ಸಮ್ಮುಖದಲ್ಲಿ ಅದ್ದೂರಿಯಾಗಿ ಎಂಗೇಜ್​ಮೆಂಟ್​ ನಡೆದಿದೆ.

ಈ ಎಂಗೇಜ್​ಮೆಂಟ್​ಗೆ ತರಿಸಿದ್ದ ರಿಂಗ್ ಸಖತ್ ಸ್ಪೇಷಲ್ ಆಗಿದೆ. ತಮ್ಮ ಪ್ರೀತಿಯ ಒಡತಿಗೆ ಅಂಬರೀಷ್​ ಮಗ ರಿಂಗ್​ ರೂಪದಲ್ಲಿ  ಒಲವಿನ ಉಡುಗೊರೆ ನೀಡಿದ್ದಾರೆ. ಅಭಿಷೇಕ್ ಅವರು ಅವಿವಾಗೊಸ್ಕರ ಪೂಣೆಯಿಂದ ಸ್ಪೆಷಲ್ ರಿಂಗ್​ ರೆಡಿ ಮಾಡಿಸಿದ್ದಾರೆ. ಈ ರಿಂಗ್​ನ ಬೆಲೆ ಕೇಳಿದರೆ ಶಾಕ್​ ಆಗುವುದಂತು ಗ್ಯಾರಂಟಿ. ಅಭಿಷೇಕ್​ ಅವರು ತಮ್ಮ ಭಾವಿಪತ್ನಿಗೆ ಬರೋಬ್ಬರಿ 37 ಲಕ್ಷದ ಡೈಮಂಡ್ ರಿಂಗ್​ ತೊಡಿಸಿದ್ದಾರೆ.

ಅಭಿಷೇಕ್ ಮತ್ತು ಅವಿವಾ ಕ್ಯೂಟ್​ ಲವ್​ ಸ್ಟೋರಿ 

ನಟ ಅಂಬರೀಷ್​ ಸಾಯುವ ಒಂದು ವರ್ಷ ಮುಂಚೆಯೇ ಮಗನ ಲವ್ ಸ್ಟೋರಿ ಬಗ್ಗೆ ತಿಳಿಕೊಂಡಿದ್ದರು. ತಮ್ಮ ಲವ್ ವಿಚಾರವನ್ನು ಅಭಿಷೇಕ್ ತಂದೆಗೆ ಹೇಳಿ ಒಪ್ಪಿಸಿದ್ದರು. ಅಭಿಷೇಕ್ ಮತ್ತು ಅವಿವಾ ಇಬ್ಬರದು ಐದು ವರ್ಷದ ಪ್ರೀತಿ. ಫಾರಿನ್​ ನಲ್ಲಿ ಇಬ್ಬರಿಗೂ ಪರಿಚಯವಾಗಿದೆ. ಪರಿಚಯ ನಂತರ ಪ್ರೀತಿಗೆ ತಿರುಗಿದೆ. ಇವರಿಬ್ಬರ ಪ್ರೀತಿಯನ್ನು ಅಂಬರೀಷ್ ಕೂಡ ಒಪ್ಪಿದ್ದರು. ಸುಮಲತಾ ಕೂಡ ಒಪ್ಪಿ ಹಾರೈಸಿದ್ದರು. ಇಬ್ಬರೂ ಡೈಮಂಡ್ ಉಂಗುರವನ್ನು ಹಾಕಿಕೊಂಡಿದ್ದಾರೆ. ಇಬ್ಬರ ಕುಟುಂಬಕ್ಕೂ ಪ್ರೀತಿ ವಿಷಯ ಮೊದಲನಿಂದಲೂ ಗೊತ್ತಿತ್ತು. ಜೂನ್​ನಲ್ಲಿ ಮದುವೆ ಮಾಡೋದಕ್ಕೆ ಭರ್ಜರಿ ಪ್ಲಾನ್ ನಡೆದಿದ್ದು, ಜೊತೆಗೆ ಮಂಡ್ಯದಲ್ಲಿಯೂ ಮದುವೆ ಆರತಕ್ಷತೆ ನಡೆಯಲಿದೆ ಎನ್ನಲಾಗುತ್ತಿದೆ.

ಮತ್ತಷ್ಟು ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.