ಕುಂಭಮೇಳ ಮೊನಲಿಸ ಬಳಿ ಇರುವ ಸಿನಿಮಾಗಳೆಷ್ಟು?

ಕುಂಭಮೇಳದಲ್ಲಿ ಮಣಿಗಳನ್ನು ಮಾರಾಟ ಮಾಡಲು ಬಂದು ಅನಿರೀಕ್ಷಿತವಾಗಿ ಪ್ರಸಿದ್ಧರಾದ ಹುಡುಗಿ ಮೊನಲಿಸ (Monalisa). ಅವರು ಇದ್ದಕ್ಕಿದ್ದಂತೆ ಸಂಚಲನ ಸೃಷ್ಟಿ ಮಾಡಿದರು. ನೆಟ್ಟಿಗರು ಅವರ ಸೌಂದರ್ಯಕ್ಕೆ ಆಕರ್ಷಿತರಾದರು. ಇದಲ್ಲದೆ, ಅವರು ಸಾಮಾಜಿಕ ಮಾಧ್ಯಮದಲ್ಲಿ ಸಂಚಲ ಸೃಷ್ಟಿ ಮಾಡಿದರು. ಅವರ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿ ಗಮನ ಸೆಳೆದಿವೆ. ಈಗ ಅವರಿಗೆ ಟಾಲಿವುಡ್​​ನಿಂದ ಆಫರ್ ಬಂದಿದೆ.  ಹಾಗಾದರೆ ಅವರ ಬಳಿ ಇರುವ ಸಿನಿಮಾಗಳು ಎಷ್ಟು? ಇಲ್ಲಿದೆ ವಿವರ.

ಮಹಾಕುಂಭಮೇಳದಲ್ಲಿ ಮಣಿಗಳು ಮತ್ತು ಹಾರಗಳನ್ನು ಮಾರಾಟ ಮಾಡಲು ಮೊನಲಿಸ ತಮ್ಮ ಕುಟುಂಬದೊಂದಿಗೆ ಮಧ್ಯಪ್ರದೇಶದಿಂದ ಬಂದಿದ್ದರು. ಆದರೆ, ಅಲ್ಲಿನ ಕೆಲವರು ಮೊನಾಲಿಸಾರನ್ನು ಗಮನಿಸಿ ವೀಡಿಯೊ ರೆಕಾರ್ಡ್ ಮಾಡಿದರು. ಅದು ಅವರನ್ನು ಜನಪ್ರಿಯಗೊಳಿಸಿತು. ತಮ್ಮ ಜೇನು ಕಣ್ಣುಗಳಿಂದ ನೆಟ್ಟಿಗರನ್ನು ಆಕರ್ಷಿಸಿದ ಹುಡುಗಿಗೆ ಬಾಲಿವುಡ್ ನಿರ್ದೇಶಕ ಸನೋಜ್ ಮಿಶ್ರಾ ನಾಯಕಿಯಾಗಿ ಅವಕಾಶ ನೀಡಿದರು. ಅವರು ತಮ್ಮ ಚಿತ್ರದಲ್ಲಿ ಅವರಿಗೆ ಒಂದು ಪಾತ್ರವನ್ನು ನೀಡುವುದಾಗಿ ಘೋಷಿಸಿದರು. ಮೊನಾಲಿಸಾ ‘ದಿ ಡೈರಿ ಆಫ್’ ಮಣಿಪುರ ಚಿತ್ರದಲ್ಲಿ ಕಾಣಿಸಿಕೊಂಡರು. ಈಗ ಈ ಮೊನಾಲಿಸಾ ತೆಲುಗಿನಲ್ಲಿ ನಟಿಸುತ್ತಿದ್ದಾರೆ. ಅವರ ಬಳಿ ಈಗ ಒಟ್ಟೂ ಎರಡು ಸಿನಿಮಾಗಳು ಇವೆ. ಈ ಮೊದಲು ಅವರು ವಿಡಿಯೋ ಸಾಂಗ್ ಒಂದರಲ್ಲೂ ಕಾಣಿಸಿಕೊಂಡಿದ್ದರು.

‘ಮೊನಾಲಿಸಾ ಲೈಫ್’ ಎಂಬ ತೆಲುಗು ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರ ಇತ್ತೀಚೆಗೆ ಪೂಜಾ ಕಾರ್ಯಕ್ರಮಗಳೊಂದಿಗೆ ಪ್ರಾರಂಭವಾಗಿದೆ. ಇದಕ್ಕೆ ಸಂಬಂಧಿಸಿದ ಫೋಟೋಗಳು ಮತ್ತು ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿವೆ. ಈ ಪ್ಯಾನ್ ಇಂಡಿಯಾ ಚಿತ್ರದಲ್ಲಿ, ‘ಕ್ರಷ್’ ಮತ್ತು ‘ಇಟ್ಸ್ ಓಕೆ ಗುರು’ ನಂತಹ ಚಿತ್ರಗಳಿಗೆ ಹೆಸರುವಾಸಿಯಾದ ನಾಯಕ ಚರಣ್ ಸಾಯಿ ಎದುರು ಮೊನಲಿಸ ನಟಿಸುತ್ತಿದ್ದಾರೆ. ಈ ಚಿತ್ರವನ್ನು ಶ್ರೀ ವೆಂಗಮಾಂಬ ಮೂವೀಸ್ ಬ್ಯಾನರ್ ಅಡಿಯಲ್ಲಿ ಅಂಜಯ್ಯ ಉಧಿನೇನೆ ಮತ್ತು ಉಷಾ ಉಧಿನೇನೆ ನಿರ್ಮಿಸುತ್ತಿದ್ದಾರೆ.

ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಖ್ಯಾತಿ ಪಡೆದವರು ಸಿನಿಮಾ ಆಫರ್​ಗಳನ್ನು ಪಡೆಯುತ್ತಿದ್ದಾರೆ. ಕೆಲವರು ಪಡೆದ ಜನಪ್ರಿಯತೆ ಅಲ್ಲೇ ನಾಶವಾದರೆ, ಇನ್ನೂ ಕೆಲವೇ ಕೆಲವರು ಈ ರೀತಿ ಸಿನಿಮಾ ಆಫರ್ ಪಡೆದು ಯಶಸ್ಸು ಕಾಣುತ್ತಿದ್ದಾರೆ. ಇದರಲ್ಲಿ ಮೊನಾಲಿಸಾ ಕೂಡ ಒಬ್ಬರು ಎಂದರೂ ತಪ್ಪಾಗಲಾರದು. ಈಗ ಅವರು ಸಾಕಷ್ಟು ಯಶಸ್ಸು ಕಂಡಿದ್ದಾರೆ. ಇದೇ ಜನಪ್ರಿಯತೆಯಲ್ಲಿ ಅವರು ಸಿನಿಮಾ ಮಾಡಿಕೊಂಡು ಹೋಗುತ್ತಾರಾ ಎಂಬ ಕುತೂಹಲ ಅಭಿಮಾನಿಗಳಿಗೆ ಮೂಡಿದೆ.

ಇದನ್ನೂ ಓದಿ: ಮಹಾಕುಂಭದ ಸುಂದರಿ ಮೊನಾಲಿಸಾ ತಿಂಗಳ ಆದಾಯ ಇಷ್ಟೊಂದಾ?

ರಾತ್ರೋರಾತ್ರಿ ಸೆಲೆಬ್ರಿಟಿ ಆದವರು ರಾನು ಮಂಡಲ್. ಈ ಹಿಂದೆ ಬೀದಿಯಲ್ಲಿ ಹಾಡು ಹಾಡುತ್ತಿದ್ದ ರಾನು ಮಂಡಲ್​ಗೆ ಬಾಲಿವುಡ್ ಸಿನಿಮಾ ಹಾಡು ಹಾಡುವ ಅವಕಾಶ ನೀಡಲಾಗಿತ್ತು. ಕೇರಳದಲ್ಲಿ ಮೀನು ಮಾರುತ್ತಿದ್ದ ಯುವತಿಗೆ ಫ್ಯಾಷನ್ ಶೋನಲ್ಲಿ ಶೋ ಸ್ಟಾಪರ್ ಮಾಡಲಾಗಿತ್ತು. ಮಲಯಾಳಿ ನಟಿ ಪ್ರಿಯಾ ವಾರಿಯರ್ ಸಹ ಸ್ಟಾರ್ ಆಗಿದ್ದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದ ಅವರ ಒಂದು ಸಣ್ಣ ಕ್ಲಿಪ್​ನಿಂದಲೇ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.