Sarkaru Vaari Paata Twitter review: ‘ಸರ್ಕಾರು ವಾರಿ ಪಾಟ’ ಚಿತ್ರ ನೋಡಿ ಮಹೇಶ್​ ಬಾಬು ಫ್ಯಾನ್ಸ್​ ಏನಂದ್ರು?

ಈ ವರ್ಷದ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾದ ‘ಸರ್ಕಾರು ವಾರಿ ಪಾಟ’ (Sarkaru Vaari Paata) ಚಿತ್ರ ಇಂದು (ಮೇ 12) ಬಿಡುಗಡೆ ಆಗಿದೆ. ಕಾರಣಾಂತರಗಳಿಂದ ಈ ಸಿನಿಮಾದ ರಿಲೀಸ್​ ದಿನಾಂಕ ಮುಂದೂಡಲ್ಪಡುತ್ತಲೇ ಇತ್ತು. ಅಂತಿಮವಾಗಿ ಈಗ ಬಿಡುಗಡೆ ಆಗಿದ್ದು ಫಸ್ಟ್​ ಡೇ ಫಸ್ಟ್​ ಶೋ ನೋಡಿ ಖುಷಿ ಪಟ್ಟಿದ್ದಾರೆ ಮಹೇಶ್​ ಬಾಬು (Mahesh Babu) ಅಭಿಮಾನಿಗಳು. ಅನೇಕ ಕಡೆಗಳಲ್ಲಿ ನಸುಕಿನಲ್ಲೇ ಶೋ ಆರಂಭ ಆಯಿತು. ಪರಶುರಾಮ್​ ನಿರ್ದೇಶನ ಮಾಡಿರುವ ಈ ಸಿನಿಮಾದಲ್ಲಿ ಮಹೇಶ್​ ಬಾಬು ಅವರು ಮಾಸ್​ ಗೆಟಪ್​ ಧರಿಸಿದ್ದಾರೆ. ಒಟ್ಟಾರೆ ಈ ಚಿತ್ರ ಒನ್​ ಮ್ಯಾನ್​ ಶೋ ರೀತಿ ಇದೆ ಎಂಬ ಅಭಿಪ್ರಾಯ ಕೂಡ ಕೇಳಿಬಂದಿದೆ. ಕೆಲವರು ಈ ಚಿತ್ರವನ್ನು ಸೂಪರ್​ ಎಂದಿದ್ದಾರೆ. ಮತ್ತೆ ಕೆಲವರು ನೆಗೆಟಿವ್​ ವಿಮರ್ಶೆ ನೀಡಿದ್ದಾರೆ. ಒಟ್ಟಿನಲ್ಲಿ ಮೊದಲ ದಿನವೇ ‘ಸರ್ಕಾರು ವಾರಿ ಪಾಟ’ ಚಿತ್ರ ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಈ ಸಿನಿಮಾದಲ್ಲಿ ಮಹೇಶ್​ ಬಾಬು ಅವರಿಗೆ ಜೋಡಿಯಾಗಿ ಕೀರ್ತಿ ಸುರೇಶ್​ ಅಭಿನಯಿಸಿದ್ದಾರೆ. ಈ ಚಿತ್ರದ ಟ್ವಿಟರ್​ ವಿಮರ್ಶೆ (Twitter Review) ಇಲ್ಲಿದೆ..

ಇದೊಂದು ಮಾಮೂಲಿ ಕಮರ್ಷಿಯಲ್ ಸಿನಿಮಾ ಎಂದು ಜನರು ಅಭಿಪ್ರಾಯ ಪಟ್ಟಿದ್ದಾರೆ. ಸರಳವಾದ ಕಥೆಯನ್ನು ಎಂದಿನ ಸಿದ್ಧಸೂತ್ರಗಳ ಶೈಲಿಯಲ್ಲಿ ಹೇಳಲಾಗಿದೆ. ಮೊದಲಾರ್ಧದಲ್ಲಿ ಕಾಮಿಡಿ ಮೂಲಕ ಹೆಚ್ಚು ಮನರಂಜನೆ ಸಿಗುತ್ತದೆ. ಮಹೇಶ್​ ಬಾಬು ಅವರು ಇಡೀ ಸಿನಿಮಾವನ್ನು ತಮ್ಮ ಹೆಗಲ ಮೇಲೆ ಹೊತ್ತುಕೊಂಡಿದ್ದಾರೆ ಎಂದು ನೆಟ್ಟಿಗರು ಹೇಳಿದ್ದಾರೆ.

ಈ ಸಿನಿಮಾದ ಸೆಕೆಂಡ್​ ಹಾಫ್​ ಚೆನ್ನಾಗಿಲ್ಲ. ತುಂಬ ನಿರಾಸೆ ಆಯಿತು ಎಂದು ಕೆಲವರು ಬರೆದುಕೊಂಡಿದ್ದಾರೆ. ಹೆಚ್ಚೇನೂ ಹೇಳಲು ಸಾಧ್ಯವಿಲ್ಲ. ಕೇವಲ ಮಹೇಶ್​ ಬಾಬು ಅವರಿಗೋಸ್ಕರ ಸಿನಿಮಾ ನೋಡಬೇಕು ಎಂದು ಜನರು ಟ್ವೀಟ್​ ಮಾಡಿದ್ದಾರೆ. ‘ಕಥೆಯಲ್ಲಿ ಸ್ವಲ್ಪವೂ ಲಾಜಿಕ್​ ಇಲ್ಲ. ಕೆಲವು ದೃಶ್ಯಗಳು ರೋಮಾಂಚನಕಾರಿ ಆಗಿವೆ ಅಷ್ಟೇ. ಕಾಮಿಡಿ ದೃಶ್ಯಗಳು ಕಥೆಯನ್ನು ಮೀರಿ ಹೋಗಿವೆ’ ಎಂಬ ಅಭಿಪ್ರಾಯ ಕೂಡ ವ್ಯಕ್ತವಾಗಿದೆ.

ಮಹೇಶ್​ ಬಾಬು ಅವರ ಅಪ್ಪಟ ಅಭಿಮಾನಿಗಳಿಗೆ ‘ಸರ್ಕಾರು ವಾರಿ ಪಾಟ’ ಸಿನಿಮಾ ಹೆಚ್ಚು ಇಷ್ಟ ಆಗಿದೆ. ಸೋಶಿಯಲ್​ ಮೀಡಿಯಾದಲ್ಲಿ ಬರುತ್ತಿರುವ ನೆಗೆಟಿವ್​ ವಿಮರ್ಶೆಗಳನ್ನು ನಂಬಬೇಡಿ. ನೇರವಾಗಿ ಚಿತ್ರಮಂದಿರಕ್ಕೆ ಹೋಗಿ ಸಿನಿಮಾ ನೋಡಿ ಎಂದು ಫ್ಯಾನ್ಸ್​ ಮನವಿ ಮಾಡಿಕೊಂಡಿದ್ದಾರೆ.

ಅದ್ದೂರಿ ಮೇಕಿಂಗ್​ ನೋಡಿ ಫ್ಯಾನ್ಸ್​ ಖುಷಿ ಆಗಿದ್ದಾರೆ. ಆ್ಯಕ್ಷನ್​ ದೃಶ್ಯಗಳು ಕೂಡ ಕಿಕ್​ ನೋಡಿವೆ. ಆದರೆ ಲಾಜಿಕ್​ ಇಲ್ಲ ಎಂದು ಅನೇಕರು ಟೀಕೆ ಮಾಡಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.