12 ವರ್ಷ ವಯಸ್ಸಿನ ಅಂತರ ಇರುವ ಅರ್ಜುನ್ ಕಪೂರ್-ಮಲೈಕಾ ಅರೋರಾ ಮದುವೆ ಆಗ್ತಾರಾ?
‘ಕಾಫಿ ವಿತ್ ಕರಣ್’ ಕಾರ್ಯಕ್ರಮದ ಹೊಸ ಎಪಿಸೋಡ್ನಲ್ಲಿ ಅರ್ಜುನ್ ಕಪೂರ್ ಅವರು ಅತಿಥಿಯಾಗಿ ಭಾಗವಹಿಸಿದ್ದಾರೆ. ಈ ವೇಳೆ ಕರಣ್ ಜೋಹರ್ ಅವರು ಮದುವೆ ಬಗ್ಗೆ ಪ್ರಶ್ನೆ ಮಾಡಿದ್ದಾರೆ. ಮಲೈಕಾ ಅರೋರಾ ಜೊತೆಗಿನ ಮದುವೆಯ ಪ್ಲ್ಯಾನ್, ಜನರಿಂದ ಎದುರಾಗುವ ಟ್ರೋಲ್ ಮುಂತಾದ ವಿಚಾರಗಳ ಬಗ್ಗೆ ಅರ್ಜುನ್ ಮಾತಾಡಿದ್ದಾರೆ.
ನಟ ಅರ್ಜುನ್ ಕಪೂರ್ (Arjun Kapoor) ಅವರು ಸಿನಿಮಾಗಳ ಕಾರಣದಿಂದ ಸುದ್ದಿ ಆಗಿದ್ದಕ್ಕಿಂತಲೂ ವೈಯಕ್ತಿಕ ಕಾರಣಕ್ಕೆ ಸುದ್ದಿ ಆಗಿದ್ದೇ ಹೆಚ್ಚು. ಮಲೈಕಾ ಅರೋರಾ (Malaika Arora) ಜೊತೆಗಿನ ಅವರ ರಿಲೇಷನ್ಶಿಪ್ ಎಲ್ಲರ ಕಣ್ಣು ಕುಕ್ಕುತ್ತಿದೆ. ಇಬ್ಬರ ನಡುವೆ 12 ವರ್ಷಗಳ ವಯಸ್ಸಿನ ಅಂತರ ಇದೆ. ಇವರಿಬ್ಬರು ಮದುವೆ ಆಗುತ್ತಾರೋ ಇಲ್ಲವೋ ಎಂಬುದು ಅನೇಕರ ಪ್ರಶ್ನೆ. ಯಾಕೆಂದರೆ, ಒಂದಷ್ಟು ವರ್ಷಗಳಿಂದ ಮಲೈಕಾ ಅರೋರಾ ಮತ್ತು ಅರ್ಜುನ್ ಕಪೂರ್ ಅವರು ಸುತ್ತಾಡುತ್ತಿದ್ದಾರೆಯೇ ಹೊರತು ಮದುವೆ ಬಗ್ಗೆ ಪ್ರಸ್ತಾಪ ಮಾಡಿಲ್ಲ. ಈಗ ಕರಣ್ ಜೋಹರ್ (Karan Johar) ಅವರು ಆ ವಿಚಾರದ ಬಗ್ಗೆ ಪ್ರಶ್ನೆ ಎತ್ತಿದ್ದಾರೆ. ಅದಕ್ಕೆ ಅರ್ಜುನ್ ಕಪೂರ್ ಉತ್ತರ ನೀಡಿದ್ದಾರೆ.
‘ಕಾಫಿ ವಿತ್ ಕರಣ್’ ಕಾರ್ಯಕ್ರಮದ ಹೊಸ ಎಪಿಸೋಡ್ನಲ್ಲಿ ಅರ್ಜುನ್ ಕಪೂರ್ ಅವರು ಅತಿಥಿಯಾಗಿ ಭಾಗವಹಿಸಿದ್ದಾರೆ. ಈ ವೇಳೆ ಕರಣ್ ಜೋಹರ್ ಅವರು ಮದುವೆ ಬಗ್ಗೆ ಪ್ರಶ್ನೆ ಮಾಡಿದ್ದಾರೆ. ‘ನಮ್ಮ ರಿಲೇಷನ್ಶಿಪ್ ಆ ಹಂತಕ್ಕೆ ಬಂದಾಗ ನಾವು ಒಟ್ಟಿಗೆ ಆ ಬಗ್ಗೆ ಮಾತನಾಡುತ್ತೇವೆ. ಸದ್ಯಕ್ಕೆ ನಾನು ಖುಷಿಯಾಗಿದ್ದೇನೆ. ಮದುವೆ ಬಗ್ಗೆ ಮಾತನಾಡಲು ನನಗೆ ಈಗ ಇಷ್ಟ ಇಲ್ಲ. ಅದರ ಬಗ್ಗೆ ನಾನೊಬ್ಬನೇ ಮಾತನಾಡುವುದು ನ್ಯಾಯವಲ್ಲ’ ಎಂದು ಅವರು ಹೇಳಿದ್ದಾರೆ.
ಇದನ್ನೂ ಓದಿ: ಬೋಲ್ಡ್ ಫೋಟ್ ಮೂಲಕ ಗಮನ ಸೆಳೆವ ಮಲೈಕಾ ನಡೆ ಈಗ ನಿಗೂಢ
ಮಲೈಕಾ ಅರೋರಾ ಅವರಿಗೆ 50 ವರ್ಷ ವಯಸ್ಸು. ಅರ್ಜುನ್ ಕಪೂರ್ ವಯಸ್ಸು 38 ವರ್ಷ. ಇಬ್ಬರ ನಡುವೆ ಇರುವ ವಯಸ್ಸಿನ ಅಂತರದ ಬಗ್ಗೆ ಆಗಾಗ ಟ್ರೋಲ್ ಮಾಡಲಾಗುತ್ತದೆ. ಆ ಬಗ್ಗೆಯೂ ಅರ್ಜುನ್ ಕಪೂರ್ ಮಾತನಾಡಿದ್ದಾರೆ. ಮೊದಲೆಲ್ಲ ಅವರಿಗೆ ಇದರಿಂದ ಕಿರಿಕಿರಿ ಆಗುತ್ತಿತ್ತು. ಟ್ರೋಲ್ಗಳಿಗೆ ಅವರು ಪ್ರತಿಕ್ರಿಯಿಸುತ್ತಿದ್ದರು. ಆದರೆ ಈಗ ಪ್ರತಿಕ್ರಿಯಿಸುವುದನ್ನು ಅವರು ನಿಲ್ಲಿಸಿದ್ದಾರಂತೆ.
ಇದನ್ನೂ ಓದಿ: ಮಲೈಕಾ ಅರೋರಾಗೆ 50 ವರ್ಷ; ಅರ್ಧ ಶತಕ ಕಳೆದರೂ ಮಾಸದ ಬ್ಯೂಟಿ
ಮಲೈಕಾ ಅರೋರಾ ಅವರು ಫಿಟ್ನೆಸ್ಗೆ ಹೆಚ್ಚು ಮಹತ್ವ ನೀಡುತ್ತಾರೆ. 50ನೇ ವಯಸ್ಸಿನಲ್ಲಿ ಕೂಡ ಅವರು ಹದಿಹರೆಯದವರೂ ನಾಚುವಂತೆ ಫಿಟ್ನೆಸ್ ಕಾಪಾಡಿಕೊಂಡಿದ್ದಾರೆ. ಅನೇಕ ಬ್ರ್ಯಾಂಡ್ಗಳಿಗೆ ಅವರು ರಾಯಭಾರಿ ಆಗಿದ್ದಾರೆ. ಅವುಗಳ ಪ್ರಚಾರದಿಂದ ಅವರಿಗೆ ಕೈ ತುಂಬ ಸಂಭಾವನೆ ಸಿಗುತ್ತದೆ. ಆಗಾಗ ಹೊಸ ಫೋಟೋಶೂಟ್ ಮಾಡಿಸಿ ಅವರು ಹಂಚಿಕೊಳ್ಳುತ್ತಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.