ಜೀ5 ಆ್ಯನಿವರ್ಸರಿ; 72 ಗಂಟೆ ಉಚಿತ ಸಿನಿಮಾ ವೀಕ್ಷಣೆಗೆ ಇಲ್ಲಿದೆ ಅವಕಾಶ
ಒಟಿಟಿ ಪ್ಲಾಟ್ಫಾರ್ಮ್ ರೇಸ್ನಲ್ಲಿ ಜೀ5 ಕೂಡ ಮುಂದಿದೆ. ಸಾಕಷ್ಟು ಕನ್ನಡ ಸಿನಿಮಾಗಳು ಇದರಲ್ಲಿ ಲಭ್ಯವಿದೆ. ಕೇವಲ ಸಿನಿಮಾ ಮಾತ್ರವಲ್ಲದೆ ಹಲವು ವೆಬ್ ಸೀರೀಸ್ಗಳನ್ನು ಪ್ರೇಕ್ಷಕರ ಮುಂದೆ ಇಡುತ್ತಿದೆ. ಈಗ ಜೀ5 ಒಟಿಟಿ ಈಗ ಬಂಪರ್ ಆಫರ್ ಒಂದನ್ನು ನೀಡಿದೆ.
ಒಟಿಟಿ ವ್ಯಾಪ್ತಿ (OTT Platform) ಹಿರಿದಾಗುತ್ತಿದೆ. ಎಲ್ಲಾ ಒಟಿಟಿ ಪ್ಲಾಟ್ಫಾರ್ಮ್ಗಳ ನಡುವೆ ದೊಡ್ಡ ಪೈಪೋಟಿ ಇದೆ. ಸ್ಟಾರ್ ನಟರ ಸಿನಿಮಾಗಳನ್ನು ತಮ್ಮ ತೆಕ್ಕೆಗೆ ತೆಗೆದುಕೊಳ್ಳಲು ದೊಡ್ಡ ಮಟ್ಟದಲ್ಲಿ ಸ್ಪರ್ಧೆ ಏರ್ಪಡುತ್ತಿದೆ. ಇನ್ನು, ವೀಕ್ಷಕರನ್ನು ಸೆಳೆಯಲು ಈ ಪ್ಲಾಟ್ಫಾರ್ಮ್ಗಳು ಹಲವು ಆಫರ್ಗಳನ್ನು ನೀಡುತ್ತಾ ಬಂದಿವೆ. ಈಗ ಜೀ5 (Zee5) ಕಡೆಯಿಂದ ಬಂಪರ್ ಆಫರ್ ಒಂದು ಸಿಕ್ಕಿದೆ. ನಾಲ್ಕನೇ ವರ್ಷದ ಆ್ಯನಿವರ್ಸರಿ ಹಿನ್ನೆಲೆಯೆಲ್ಲಿ ಉಚಿತವಾಗಿ ಸಿನಿಮಾ ನೋಡುವ ಆಫರ್ ನೀಡಲಾಗಿದೆ. ಇದನ್ನು ಕೇಳಿ ಸಿನಿಪ್ರಿಯರು ಸಖತ್ ಖುಷಿಪಟ್ಟಿದ್ದಾರೆ. ಹಾಗಾದರೆ, ಯಾವೆಲ್ಲ ಚಿತ್ರಗಳನ್ನು ಫ್ರೀ ಆಗಿ ನೋಡಬಹುದು? ಯಾವೆಲ್ಲ ವೆಬ್ ಸೀರಿಸ್ಗಳು ಉಚಿತ ವೀಕ್ಷಣೆಗೆ ಲಭ್ಯವಿದೆ ಎಂಬ ಬಗ್ಗೆ ಇಲ್ಲಿದೆ ಮಾಹಿತಿ.
ಒಟಿಟಿ ಪ್ಲಾಟ್ಫಾರ್ಮ್ ರೇಸ್ನಲ್ಲಿ ಜೀ5 ಕೂಡ ಮುಂದಿದೆ. ಸಾಕಷ್ಟು ಕನ್ನಡ ಸಿನಿಮಾಗಳು ಇದರಲ್ಲಿ ಲಭ್ಯವಿದೆ. ಕೇವಲ ಸಿನಿಮಾ ಮಾತ್ರವಲ್ಲದೆ ಹಲವು ವೆಬ್ ಸೀರೀಸ್ಗಳನ್ನು ಪ್ರೇಕ್ಷಕರ ಮುಂದೆ ಇಡುತ್ತಿದೆ. ಈಗ ಜೀ5 ಒಟಿಟಿ ಈಗ ಬಂಪರ್ ಆಫರ್ ಒಂದನ್ನು ನೀಡಿದೆ. ಇದನ್ನು ಕೇಳಿ ಸಿನಿಪ್ರಿಯರು ಸಖತ್ ಖುಷಿಪಟ್ಟಿದ್ದಾರೆ. ಕನ್ನಡದ ಕೆಲವು ಸಿನಿಮಾಗಳನ್ನು ಕೂಡ ನೀವು ಉಚಿತವಾಗಿ ನೋಡಬಹುದಾಗಿದೆ.
ಜೀ5 ಒಟಿಟಿ ವೇದಿಕೆ ಶುರುವಾಗಿ ಫೆ.14ಕ್ಕೆ ನಾಲ್ಕು ವರ್ಷಗಳಾಗುತ್ತವೆ. ನಾಲ್ಕನೇ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ವೀಕ್ಷಕರಿಗೆ ಆಫರ್ ನೀಡಲಾಗುತ್ತಿದೆ. ಹೀಗಾಗಿ ಫೆ.12 ರಿಂದ 14ರವರೆಗೆ ಜೀ5ನಲ್ಲಿ ಉಚಿತವಾಗಿ ಹಲವು ಸಿನಿಮಾ ನೋಡುವ ಅವಕಾಶ ಇದೆ. ಹಣ ಪಾವತಿಸದೆ, ಯಾವುದೇ ಸಬ್ಸ್ಕ್ರಿಪ್ಶನ್ ಇಲ್ಲದೆ ಸುಮಾರು 72 ಗಂಟೆಗಳ ಕಾಲ ನೀವು ಜೀ5ನಲ್ಲಿ ಸಿನಿಮಾ ವೀಕ್ಷಣೆ ಮಾಡಬಹುದು. ಇದಕ್ಕಾಗಿ ಜೀ5 ಅಭಿಯಾನವನ್ನೇ ಹಮ್ಮಿಕೊಂಡಿದೆ.
ಜೀ5 ಒಟಿಟಿಯಲ್ಲಿರುವ ವಿವಿಧ ಭಾಷೆಯ 60ಕ್ಕೂ ಹೆಚ್ಚು ಸಿನಿಮಾಗಳ ಜತೆಗೆ ಕೆಲ ವೆಬ್ ಸೀರೀಸ್ಗಳನ್ನು ನೀವು ಯಾವುದೇ ಹಣ ಪಾವತಿ ಮಾಡದೆ ವೀಕ್ಷಿಸಬಹುದು. ಕನ್ನಡದ ಚಿತ್ರಗಳಾದ ‘ಹೀರೋ’, ‘ಕಾಳಿದಾಸ ಕನ್ನಡ ಮೇಷ್ಟ್ರು’, ‘ದಿ ವಿಲನ್’, ‘ಕೆಮಿಸ್ಟ್ರಿ ಆಫ್ ಕರಿಯಪ್ಪ’ ಈ ಸಿನಿಮಾಗಳನ್ನು ಉಚಿತವಾಗಿ ವೀಕ್ಷಿಸಬಹುದು. ಇದರ ಜತೆಗೆ ವೆಬ್ ಸೀರೀಸ್ ಪಟ್ಟಿಯಲ್ಲಿ ‘ಕೈಲಾಸಪುರ’, ‘ಹೈ ಪ್ರಿಸ್ಟ್’ ಅನ್ನು ನೋಡಬಹುದು.
ಇದನ್ನೂ ಓದಿ: Radhe Movie: ಜೀ5ನಲ್ಲಿ ರಾಧೆ ಹವಾ; ಸಲ್ಮಾನ್ ಖಾನ್ ಅಬ್ಬರಕ್ಕೆ ಸರ್ವರ್ ಕ್ರ್ಯಾಶ್
ಜೀ5 ಒಟಿಟಿಗೆ ‘ಗರುಡ ಗಮನ ವೃಷಭ ವಾಹನ’; ಕನ್ನಡ ಚಿತ್ರಗಳಿಗೆ ಹೆಚ್ಚುತ್ತಿದೆ ಆನ್ಲೈನ್ ಮನ್ನಣೆ