‘ಕಲ್ಕಿ 2898 ಎಡಿ’ ಸೀಕ್ವೆಲ್ ಶೂಟಿಂಗ್ ಶುರು; ಪ್ರಭಾಸ್ ಜನ್ಮದಿನಕ್ಕೆ ಹೊಸ ಪೋಸ್ಟ್
ಪ್ರಭಾಸ್ ಹುಟ್ಟುಹಬ್ಬದ ಸಂಭ್ರಮದಲ್ಲಿ ‘ಕಲ್ಕಿ 2’ ಚಿತ್ರದ ಹೊಸ ವಿಡಿಯೋ ರಿಲೀಸ್ ಆಗಿದೆ. ಮೊದಲ ಭಾಗದ ಭರ್ಜರಿ ಯಶಸ್ಸಿನ ಬಳಿಕ ಬರುತ್ತಿರುವ ಈ ಸೀಕ್ವೆಲ್‌ನಿಂದ ದೀಪಿಕಾ ಹೊರನಡೆದಿದ್ದು, ಅವರ ಜಾಗಕ್ಕೆ ಹೊಸ ನಾಯಕಿಯನ್ನು ಕರೆತರುವ ಪ್ರಯತ್ನಗಳನ್ನು ಚಿತ್ರತಂಡ ಈಗ ಚುರುಕುಗೊಳಿಸಿದೆ. ಈ ಸಿನಿಮಾ 2028ರಲ್ಲಿ ರಿಲೀಸ್ ಆಗುವ ಸಾಧ್ಯತೆ ಇದೆ.
ಮುಖ್ಯಾಂಶಗಳು
- ಕಲ್ಕಿ 2 ಶೂಟಿಂಗ್ ಶುರು
- ಭೈರವನಾಗಿ ಮತ್ತೆ ಕಣಕ್ಕಿಳಿದ ರೆಬೆಲ್ ಸ್ಟಾರ್ ಪ್ರಭಾಸ್
- ಹೊಸ ನಾಯಕಿಗಾಗಿ ಹುಡುಕಾಟ
ಪ್ರಭಾಸ್ ಅಭಿನಯದ ‘ಕಲ್ಕಿ 2898 ಎಡಿ’ ಸಿನಿಮಾ ಸಾಕಷ್ಟು ಸದ್ದು ಮಾಡಿತ್ತು. ಈ ಚಿತ್ರಕ್ಕೆ ಆಗಲೇ ಸೀಕ್ವೆಲ್ ಘೋಷಣೆ ಆಗಿತ್ತು. ಆದರೆ, ಹಲವು ಅಡೆತಡೆಗಳಿಂದ ಸಿನಿಮಾ ರಿಲೀಸ್ ವಿಳಂಬ ಆಗಿದೆ. ಈಗ ‘ಕಲ್ಕಿ 2’ ಚಿತ್ರದ ಶೂಟಿಂಗ್ ಆರಂಭವಾಗಿದ್ದು, ನಟನ ಜನ್ಮದಿನದ ಸಂದರ್ಭದಲ್ಲಿ ಚಿತ್ರತಂಡ ಹೊಸ ವಿಡಿಯೋವನ್ನು ಬಿಡುಗಡೆ ಮಾಡಿದೆ.ವೈಜಯಂತಿ ಮೂವೀಸ್ ನಿರ್ಮಾಣದ ಈ ಚಿತ್ರವು 2028ರಲ್ಲಿ ತೆರೆಕಾಣುವ ಸಾಧ್ಯತೆಯಿದೆ.
ಇಂದು (ಅಕ್ಟೋಬರ್ 23) ಪ್ರಭಾಸ್ ಜನ್ಮದಿನ. ಈ ವಿಶೇಷ ದಿನದಂದು ಅವರ ನಟಮೆಯ ಸಿನಿಮಾ ಕಡೆಯಿಂದ ಭರ್ಜರಿ ಅಪ್ಡೇಟ್ಗಳು ಬರುತ್ತಿವೆ. ಅದೇ ರೀತಿ ‘ಕಲ್ಕಿ 2898 ಎಡಿ’ ಸೀಕ್ವೆಲ್ ವಿಡಿಯೋ ಕೂಡ ಹೊರ ಬಂದಿದೆ. ತಂಡದವರಿಗೆ ವಿಶೇಷ ಊಟವನ್ನು ಹಾಕಲಾಗಿದೆ. ಪ್ರಭಾಸ್ ಅವರ ವಿಶೇಷ ಪೋಸ್ಟರ್ ಕೂಡ ರಿಲೀಸ್ ಮಾಡಲಾಗಿದೆ.
‘ಕಲ್ಕಿ 2898 ಎಡಿ’ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಸೃಷ್ಟಿಸಿದ ಭರ್ಜರಿ ಯಶಸ್ಸು ಹಾಗೂ ಅತಿ ದೊಡ್ಡ ಕಲೆಕ್ಷನ್ ಸೀಕ್ವೆಲ್ ಮೇಲಿನ ನಿರೀಕ್ಷೆಯನ್ನು ದುಪ್ಪಟ್ಟು ಮಾಡಿದೆ. ಮೊದಲ ಭಾಗದ ಪ್ರಚಂಡ ವಿಜಯದ ಬಳಿಕ ಈಗ ನಿರ್ಮಾಪಕರು ಸೀಕ್ವೆಲ್ ಅನ್ನು ಅತ್ಯಂತ ಅದ್ಧೂರಿಯಾಗಿ ತರಲು ಸಜ್ಜಾಗಿದ್ದಾರೆ.
ಆದರೆ, ಮೊದಲ ಭಾಗದಲ್ಲಿ ನಾಯಕಿಯಾಗಿ ನಟಿಸಿದ್ದ ದೀಪಿಕಾ ಪಡುಕೋಣೆ ಅವರು ಈ ಮುಂದುವರಿದ ಭಾಗದಿಂದ ಹೊರನಡೆದಿದ್ದಾರೆ. ವೈಯಕ್ತಿಕ ಕಾರಣಗಳಿಂದ ಅವರು ಸೀಕ್ವೆಲ್‌ನಲ್ಲಿ ಮುಂದುವರಿಯುತ್ತಿಲ್ಲ. ಈ ವಿಷಯವನ್ನು ತಂಡದವರೇ ಅಧಿಕೃತ ಮಾಡಿದ್ದಾರೆ.
ಇದನ್ನೂ ಓದಿ: ‘ಫೌಜಿ’ ನಟಿ ಇಮಾನ್ವಿ ಜನ್ಮದಿನಕ್ಕೆ ಪ್ರಭಾಸ್ ಕಡೆಯಿಂದ ಭೋಜನ ಸತ್ಕಾರ
ಹೀಗಾಗಿ ಚಿತ್ರತಂಡವು ಪ್ರಮುಖ ಪಾತ್ರಕ್ಕಾಗಿ ಹೊಸ ನಾಯಕಿಯನ್ನು ಕರೆತರುವ ಪ್ರಯತ್ನಗಳನ್ನು ನಡೆದಿವೆ. ಈ ಪಾತ್ರಕ್ಕೆ ಜೀವ ತುಂಬಲು ಬೇರೆ ಸ್ಟಾರ್ ನಾಯಕಿಯನ್ನು ತರುವ ಕುರಿತು ಚಿತ್ರತಂಡ ಶೀಘ್ರದಲ್ಲೇ ಅಧಿಕೃತ ಘೋಷಣೆ ಮಾಡಲಿದೆ. ಪ್ರಭಾಸ್ ಜತೆ ತೆರೆ ಹಂಚಿಕೊಳ್ಳಲಿರುವ ಆ ಹೊಸ ನಾಯಕಿ ಯಾರೆಂಬ ಕುತೂಹಲ ಸದ್ಯ ಸಿನಿಪ್ರಿಯರಲ್ಲಿ ಮನೆ ಮಾಡಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.