ಸಾವಿರ ಕೋಟಿ ರೂ. ಸಮೀಪಿಸಿದ ‘ಆರ್​ಆರ್​ಆರ್​’ ಕಲೆಕ್ಷನ್​; ‘ಬಜರಂಗಿ ಭಾಯಿಜಾನ್​’ ಹಿಂದಿಕ್ಕಿದ ರಾಜಮೌಳಿ ಸಿನಿಮಾ

ಎಸ್​​.ಎಸ್​. ರಾಜಮೌಳಿ (SS Rajamouli) ನಿರ್ದೇಶನದ ‘ಆರ್​ಆರ್​ಆರ್​’ ಸಿನಿಮಾ (RRR Movie) ತೆರೆಗೆ ಬಂದು ಹಲವು ದಿನಗಳು ಕಳೆದಿವೆ. ಈ ಸಿನಿಮಾ ಹೊಸಹೊಸ ದಾಖಲೆಗಳನ್ನು ಬರೆಯುತ್ತಿದೆ. ರಾಜಮೌಳಿ ಸಿನಿಮಾದ ಮೇಕಿಂಗ್​ಗೆ ಫ್ಯಾನ್ಸ್ ಫಿದಾ ಆಗಿದ್ದಾರೆ. ಜ್ಯೂ.ಎನ್​ಟಿಆರ್​ ಹಾಗೂ ರಾಮ್​ ಚರಣ್​ (Ram Charan) ಅಭಿನಯದ ಈ ಚಿತ್ರ ಬಾಲಿವುಡ್​ ಅಂಗಳದಲ್ಲಿ, ವಿದೇಶದಲ್ಲಿ ಒಳ್ಳೆಯ ಕಮಾಯಿ ಮಾಡುತ್ತಿದೆ. ಈ ಚಿತ್ರದ ಕಲೆಕ್ಷನ್​ ಈಗ 1,000 ಕೋಟಿ ರೂಪಾಯಿ ಸಮೀಪಿಸಿದೆ. ಅಷ್ಟೇ ಅಲ್ಲ, ಭಾರತದ ಹಲವು ಸಿನಿಮಾಗಳು ಮಾಡಿದ ದಾಖಲೆಗಳನ್ನು ಈ ಚಿತ್ರ ಪುಡಿಪುಡಿ ಮಾಡಿದೆ.

ನೈಜ ಪಾತ್ರಗಳನ್ನು ಇಟ್ಟುಕೊಂಡು, ಅದಕ್ಕೆ ಕಾಲ್ಪನಿಕ ಕಥೆ ಬರೆದು ‘ಆರ್​​ಆರ್​ಆರ್​’ ಮಾಡಿದ್ದಾರೆ ರಾಜಮೌಳಿ. ‘ಬಾಹುಬಲಿ’ ರೀತಿಯಲ್ಲೇ ಈ ಚಿತ್ರದಲ್ಲೂ ಸಾಹಸ ದೃಶ್ಯಗಳನ್ನು ಕೊಂಚ ಹೆಚ್ಚೇ ತೋರಿಸಲಾಗಿದೆ. ಇದು ಅನೇಕರಿಗೆ ಇಷ್ಟವಾಗಿದೆ. ಸಿನಿಮಾ ಅದ್ದೂರಿತನ ಕಂಡು ಅನೇಕರು ಮರಳಿಮರಳಿ ಚಿತ್ರಮಂದಿರಕ್ಕೆ ತೆರಳುತ್ತಿದ್ದಾರೆ. ಪರಿಣಾಮ ಈ ಸಿನಿಮಾ ವಿಶ್ವ ಮಟ್ಟದಲ್ಲಿ 969.2 ಕೋಟಿ ಬಾಚಿಕೊಂಡಿದೆ. ಈ ಮೂಲಕ ಹಲವು ಸಿನಿಮಾಗಳ ದಾಖಲೆಯನ್ನು ಇದು ಪುಡಿ ಮಾಡಿದೆ.

ಆಮಿರ್​ ನಟನೆಯ ‘ಪಿಕೆ’ ಚಿತ್ರದ ಲೈಫ್​ಟೈಮ್​ ಕಲೆಕ್ಷನ್​ 854 ಕೋಟಿ ರೂಪಾಯಿ. ಈ ಚಿತ್ರವನ್ನು ಕೆಲ ದಿನಗಳ ಹಿಂದೆಯೇ ಹಿಂದಿಕ್ಕಿತ್ತು ‘ಆರ್​ಆರ್​ಆರ್​’ ಚಿತ್ರ. ಆಮಿರ್ ಖಾನ್​ ಅಭಿನಯದ ‘ಸೀಕ್ರೆಟ್​ ಸೂಪರ್​ ಸ್ಟಾರ್​’ (966 ಕೋಟಿ ರೂಪಾಯಿ) ಹಾಗೂ ‘ಬಜರಂಗಿ ಭಾಯಿಜಾನ್’ (969 ಕೋಟಿ ರೂಪಾಯಿ) ಚಿತ್ರಗಳ ಲೈಫ್​ಟೈಮ್​ ಕಲೆಕ್ಷನ್​ ದಾಖಲೆಗಳನ್ನು ‘ಆರ್​ಆರ್​ಆರ್​’ ಬ್ರೇಕ್ ಮಾಡಿದೆ. ಈ ಮೂಲಕ ಅತಿ ಹೆಚ್ಚು ಗಳಿಕೆ ಮಾಡಿದ ಸಿನಿಮಾಗಳ ಪೈಕಿ ಮೂರನೇ ಸ್ಥಾನವನ್ನು ಭದ್ರಪಡಿಸಿಕೊಂಡಿದೆ ‘ಆರ್​ಆರ್​ಆರ್​’.

ಕಲೆಕ್ಷನ್​ ವಿಚಾರದಲ್ಲಿ ‘ಆರ್​ಆರ್​ಆರ್’ಗಿಂತ ಮುಂದೆ ಇನ್ನೂ ಎರಡು ಚಿತ್ರಗಳಿವೆ. ಇವುಗಳನ್ನು ಹಿಂದಿಕ್ಕೋದು ಅಷ್ಟು ಸುಲಭದ ಮಾತಲ್ಲ. ರಾಜಮೌಳಿ ಅವರೇ ನಿರ್ದೇಶಿಸಿರುವ ‘ಬಾಹುಬಲಿ 2’ 1,810 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿ ಎರಡನೇ ಸ್ಥಾನದಲ್ಲಿದ್ದರೆ, ಆಮಿರ್ ಖಾನ್​ ಅಭಿನಯದ ‘ದಂಗಲ್​’ 2,024 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿ ಮೊದಲ ಸ್ಥಾನದಲ್ಲಿದೆ. ‘ದಂಗಲ್​’ ಚಿತ್ರ ಚೀನಾ ಮೊದಲಾದ ದೇಶಗಳಲ್ಲಿ ಒಳ್ಳೆಯ ಕಲೆಕ್ಷನ್​ ಮಾಡಿದೆ. ಈ ಕಾರಣಕ್ಕೆ ಚಿತ್ರದ ಒಟ್ಟೂ ಗಳಿಕೆ 2,000 ಕೋಟಿ ರೂಪಾಯಿ ದಾಟಿತ್ತು.

ಇದನ್ನೂ ಓದಿ: ‘ಕೆಜಿಎಫ್​ 2’ ಟಿಕೆಟ್ ಬುಕಿಂಗ್ ಓಪನ್​ ಆದ 12 ಗಂಟೆಯಲ್ಲಿ 1 ಲಕ್ಷ ಟಿಕೆಟ್​ ಸೋಲ್ಡ್​ಔಟ್​; ಉತ್ತರ ಭಾರತದಲ್ಲಿ ಯಶ್ ಹವಾ

‘ಕೆಜಿಎಫ್​ 2’ ಹಾಗೂ ‘ಬೀಸ್ಟ್​’ ಚಿತ್ರಗಳಿಗೆ ತಮಿಳುನಾಡಿನಲ್ಲಿ ಸಿಗುತ್ತಿರುವ ಚಿತ್ರಮಂದಿರಗಳೆಷ್ಟು? ಇಲ್ಲಿದೆ ವಿವರ