Samantha Akkineni Birthday: ಸಮಂತಾ ಅಕ್ಕಿನೇನಿ ನಟನೆಯ ಈ ಐದು ಚಿತ್ರಗಳನ್ನು ಮಿಸ್​ ಮಾಡಿಕೊಳ್ಳದೇ ನೋಡಿ

ನಟಿ ಸಮಂತಾ ಅಕ್ಕಿನೇನಿಗೆ ಇಂದು ಜನ್ಮದಿನದ ಸಂಭ್ರಮ. ಅವರ ಹುಟ್ಟುಹಬ್ಬಕ್ಕೆ ಅಭಿಮಾನಿಗಳು ಹಾಗೂ ಸಾಕಷ್ಟು ಸೆಲೆಬ್ರಿಟಿಗಳು ಶುಭಾಶಯಗಳ ಸುರಿಮಳೆ ಸುರಿಸಿದ್ದಾರೆ. 2010ರಲ್ಲಿ ತೆರೆಕಂಡ ‘ಯೇ  ಮಾಯ ಚೇಸಾವೆ’ ಸಿನಿಮಾ ಮೂಲಕ ಬಣ್ಣದ ಬದುಕು ಆರಂಭಿಸಿದ ಸಮಂತಾ ಈಗ ಟಾಲಿವುಡ್​ ಹಾಗೂ ಕಾಲಿವುಡ್​ನಲ್ಲಿ ಬಹುಬೇಡಿಕೆಯ ನಟಿ ಆಗಿದ್ದಾರೆ. ಅವರ ಕೆಲವು ಅದ್ಭುತ ಸಿನಿಮಾಗಳ ಬಗ್ಗೆ ಇಲ್ಲಿವೆ ಮಾಹಿತಿ.

ಈಗ 2012ರಲ್ಲಿ ತೆರೆಗೆ ಬಂದ ‘ಈಗ ಸಿನಿಮಾ ಸೂಪರ್ ಹಿಟ್​ ಆಗಿತ್ತು. ಎಸ್.​ಎಸ್.​ ರಾಜಮೌಳಿ ನಿರ್ದೇಶನದ ಈ ಸಿನಿಮಾದಲ್ಲಿ ಸುದೀಪ್​, ನಾನಿ ಹಾಗೂ ಸಮಂತಾ ಮುಖ್ಯಭೂಮಿಕೆ ನಿರ್ವಹಿಸಿದ್ದರು. ಸುದೀಪ್​ ವಿಲನ್​ ರೋಲ್​ನಲ್ಲಿ ಕಾಣಿಸಿಕೊಂಡಿದ್ದರು. ರಾಜಮೌಳಿ ಸಿನಿಮಾಗಳಲ್ಲಿ ಮಹಿಳಾ ಪಾತ್ರಕ್ಕೂ ತುಂಬಾನೇ ಪ್ರಾಮುಖ್ಯತೆ ಇರುತ್ತದೆ. ಈಗ ಸಿನಿಮಾದಲ್ಲೂ ಸಮಂತಾ ಪಾತ್ರ ತೂಕದ್ದಾಗಿತ್ತು. ಈ ಸಿನಿಮಾ ಬಹುತೇಕರಿಗೆ ಇಷ್ಟವಾಗಿತ್ತು.

 ತೇರಿ 2016ರಲ್ಲಿ ರಿಲೀಸ್​ ಆ್ಯಕ್ಷನ್​ ಡ್ರಾಮಾ ಸಿನಿಮಾ ತೇರಿ. ದಳಪತಿ ವಿಜಯ್​, ಆ್ಯಮಿ ಜಾಕ್ಸನ್​ ಹಾಗೂ ಸಮಂತಾ ಸಿನಿಮಾದಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಅಟ್ಲೀ ಕುಮಾರ್​ ಸಿನಿಮಾಗೆ ಆ್ಯಕ್ಷನ್​ ಕಟ್​ ಹೇಳಿದ್ದರು. ಈ ಸಿನಿಮಾ ಕಾಲಿವುಡ್​ನಲ್ಲಿ ದೊಡ್ಡ ಮಟ್ಟದಲ್ಲಿ ಹಿಟ್​ ಆಗಿತ್ತು.

 ಮೆರ್ಸಲ್​ 2017ರಲ್ಲಿ ತೆರೆಗೆ ಬಂದಿದ್ದ ಮೆರ್ಸಲ್​ ಸಿನಿಮಾದಲ್ಲಿ ಸಮಂತಾ ನಟಿಸಿದ್ದರು.  ದಳಪತಿ ವಿಜಯ್​ ದ್ವಿಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.  ಮಾಸ್​ ಆ್ಯಕ್ಷನ್​ನಿಂದ ಕೂಡಿದ್ದ ಮೆರ್ಸಲ್ ಬಾಕ್ಸ್​ ಆಫೀಸ್​ನಲ್ಲಿ ದೊಡ್ಡ ಮಟ್ಟದ ಗಳಿಕೆ ಮಾಡಿತ್ತು. ಈ ಮೂಲಕ ಸಮಂತಾ ಹಿಟ್​ ಲಿಸ್ಟ್​ನಲ್ಲಿ ಈ ಚಿತ್ರ ಕೂಡ ಸೇರಿಕೊಂಡಿದೆ.

ರಂಗಸ್ಥಳಂ ಸುಕುಮಾರ್​ ನಿರ್ದೇಶನ ರಂಗಸ್ಥಳಂ 2018ರಲ್ಲಿ ದೊಡ್ಡ ಮಟ್ಟದಲ್ಲಿ ಹಿಟ್​ ಆಗಿತ್ತು. ಬಾಕ್ಸ್​ ಆಫೀಸ್​ನಲ್ಲೂ ಸಿನಿಮಾ ಒಳ್ಳೆಯ ಕಮಾಯಿ ಮಾಡಿತ್ತು. ರಾಮ್​ ಚರಣ್​ ಹಾಗೂ ಸಮಂತಾ ಸಿನಿಮಾದಲ್ಲಿ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದರು. ಈ ಚಿತ್ರದ ಕತೆ ಹಳ್ಳಿ ಹಿನ್ನೆಲೆಯಲ್ಲಿ ಸಾಗುತ್ತದೆ. ಹೀಗಾಗಿ, ಈ ಸಿನಿಮಾದಲ್ಲಿ ಸಮಂತಾ ಡಿಗ್ಲಾಮ್​ ಲುಕ್​ನಲ್ಲಿ ಮಿಂಚಿದ್ದರು.

 ಸೂಪರ್​ ಡಿಲಕ್ಸ್​ ಸೂಪರ್​ ಡಿಲಕ್ಸ್​ ತುಂಬಾನೇ ಭಿನ್ನವಾಗಿ ಮೂಡಿ ಬಂದಿದ್ದ ಚಿತ್ರ. 2019ರಲ್ಲಿ ತೆರೆಗೆ ಬಂದ ಕಾಮಿಡಿ ಕ್ರೈಂ ಥ್ರಿಲ್ಲರ್​ ಚಿತ್ರದಲ್ಲಿ ಸಮಂತಾ, ವಿಜಯ್​ ಸೇತುಪತಿ ಹಾಗೂ ಫಹಾದ್​ ಫಾಸಿಲ್​ ಮುಖ್ಯಭೂಮಿಕೆಯಲ್ಲಿ ಮಿಂಚಿದ್ದರು. ನಾಲ್ಕು ಭಿನ್ನ ಕಥೆಗಳು ಕ್ಲೈಮ್ಯಾಕ್ಸ್​ನಲ್ಲಿ ಒಂದು ಕಡೆ ಬಂದು ಸೇರುತ್ತವೆ.

ಇದನ್ನೂ ಓದಿ: Samantha Akkineni : ಆಟೋ ಚಾಲಕಿ ಕವಿತಾ ಗೆ 12 ಲಕ್ಷ ರೂ. ಕಾರು ಕೊಡಿಸಿದ ನಟಿ ಸಮಂತಾ