‘ನಿವೇದಿತಾಳನ್ನು ಈಗಲೂ ಮಿಸ್ ಮಾಡಿ ಕೊಳ್ತೀನಿ’; ಚಂದನ್ ಶೆಟ್ಟಿ

ಚಂದನ್ ಶೆಟ್ಟಿ ಹಾಗೂ ನಿವೇದಿತಾ ಗೌಡ (Niveditha Gowda) ಅವರದ್ದು ಈಗ ಮುಗಿದು ಹೋದ ಅಧ್ಯಾಯ. ಇವರು ಮತ್ತೆ ಎಂದಿಗೂ ಒಂದಾಗುವುದೇ ಇಲ್ಲ. ಇದನ್ನು ಅವರು ಕೂಡ ಸ್ಪಷ್ಟ ಮಾತುಗಳಲ್ಲಿ ಹೇಳಿಯಾಗಿದೆ. ಆದರೆ, ಇಬ್ಬರ ಮಧ್ಯೆ ಮೂಡಿದ್ದ ಭಾವನೆ ಹಾಗೂ ಸಂಬಂಧ ಅಷ್ಟು ಬೇಗ ಕಡಿದು ಹೋಗುವುದು ಅಲ್ಲವೇ ಅಲ್ಲ. ಈ ಬಗ್ಗೆ ಚಂದನ್ ಶೆಟ್ಟಿ ಅವರು ಇತ್ತೀಚೆಗೆ ಹೇಳಿಕೊಂಡಿದ್ದಾರೆ. ಆಗಾಗ ನಿವೇದಿತಾ ನೆನಪಾಗುತ್ತಾರೆ ಎಂದು ಅವರು ಹೇಳಿದ್ದಾರೆ. ಆ ಬಗ್ಗೆ ಇಲ್ಲಿದೆ ವಿವರ.

ಚಂದನ್ ಶೆಟ್ಟಿ ಹಾಗೂ ನಿವೇದಿತಾ ಗೌಡ ಪ್ರೀತಿಸಿ ಮದುವೆ ಆದರು. ಆದರೆ, ಇವರ ಸಂಬಂಧ ಹೆಚ್ಚು ವರ್ಷ ಬರಲೇ ಇಲ್ಲ. ಇವರು ಒಟ್ಟಾಗಬೇಕು ಎಂದು ಸಾಕಷ್ಟು ಪ್ರಯತ್ನಿಸಿದರೂ ಅದು ಯಶಸ್ಸು ಕಾಣಲಿಲ್ಲ. ಆದರೆ, ಬೇರೆ ದಾರಿ ಕಾಣದೆ ಇವರು ಡಿವೋರ್ಸ್ ಪಡೆದು ಬೇರೆ ಆಗಬೇಕಾಯಿತು. ಅವರು ಈ ನಿರ್ಧಾರದ ಬಗ್ಗೆ ಎಂದಿಗೂ ಬೇಸರ ಮಾಡಿಕೊಂಡಿಲ್ಲ.

‘ನಮ್ಮ ಮಧ್ಯೆ ಚೀಟಿಂಗ್ ಆಗಿಲ್ಲ, ಅದು ಪ್ಲಸ್. ಇಬ್ಬರ ಜೀವನ ಹೊಂದಾಣಿಕೆ ಆಗುತ್ತಿರಲಿಲ್ಲ. ನಾನು ಸಿಂಪಲ್ ಮ್ಯಾನ್. ಅವಳು ಪಾಶ್. ನಾನು ರೋಡ್ ಸೈಡ್​ ಅಲ್ಲಿ ಬೇಕಾದರೂ ಊಟ ಮಾಡ್ತೀನಿ. ನಾನು ಆ ರೀತಿಯವನು’ ಎಂದು ವಿಚ್ಛೇದನಕ್ಕೆ ಕಾರಣ ಎಂದು ಸಂದರ್ಶನ ಒಂದರಲ್ಲಿ ಹೇಳಿದ್ದಾರೆ.

‘ವಿಚ್ಛೇದನ ಪಡೆಯೋದು ಅಷ್ಟು ಸುಲಭವಲ್ಲ. ತುಂಬಾ ಸಲ ಬೇಸರ ಮಾಡಿಕೊಂಡಿದ್ದೇವೆ. ನನಗೆ ಈಗಲೂ ಹಳೆಯ ದಿನಗಳು ನೆನಪಾಗುತ್ತದೆ. ನಾವು ವಿದೇಶ ಟ್ರಿಪ್ ಮಾಡಿದ್ದೇವೆ. ಅವಳನ್ನು ನಯಾಗಾರಾ ಫಾಲ್ಸ್​ಗೆ ಕರೆದುಕೊಂಡು ಹೋಗಿದ್ದೆ. ಕೆಲವೊಮ್ಮೆ ನಾನು ಅವಳನ್ನು ಮಿಸ್ ಮಾಡಿಕೊಳ್ಳುತ್ತೇನೆ. ಅವಳು ಹ್ಯಾಪಿ ಆಗಿದ್ರೆ, ನಾನು ಹ್ಯಾಪಿ’ ಎಂದಿದ್ದಾರೆ ಚಂದನ್.

ಹಾಗಾದರೆ ಇವರ ಮಧ್ಯೆ ಡಿವೋರ್ಸ್ ಆಗಿದ್ದಕ್ಕೆ ಬೇಸರ ಇದೆಯೇ? ಈ ನಿರ್ಧಾರ ತೆಗೆದುಕೊಳ್ಳಬಾರದು ಎಂದು ಚಂದನ್​ಗೆ ಎಂದಾದರೂ ಅನಿಸಿದೆಯೇ ಎನ್ನುವ ಪ್ರಶ್ನೆಗೆ ಇವರು ಇಲ್ಲ ಎನ್ನುವ ಉತ್ತರವನ್ನು ನೀಡಿದ್ದಾರೆ.

ಇದನ್ನೂ ಓದಿ: ಆರ್​ಸಿಬಿ ಫ್ಯಾನ್ಸ್ ಕಾಲ್ತುಳಿತ: ಚಂದನ್​ ಶೆಟ್ಟಿಗೂ ಪೊಲೀಸರ ಲಾಠಿ ಏಟು

ಚಂದನ್ ಹಾಗೂ ನಿವೇದಿತಾ ಒಟ್ಟಾಗಿ ಸಿನಿಮಾ ಕೂಡ ಮಾಡಿದ್ದಾರೆ. ಈಗ ಅವರು ತಮ್ಮದೇ ಕೆಲಸಗಳಲ್ಲಿ ತೊಡಗಿಕೊಂಡಿದ್ದಾರೆ. ಈಗ ಅವರು ಎಲ್ಲವನ್ನೂ ಮರೆಯುವ ಪ್ರಯತ್ನದಲ್ಲಿ ಇದ್ದಾರೆ. ಆ ನಿಟ್ಟಿನಲ್ಲಿ ಪ್ರಯತ್ನಗಳು ನಡೆದಿವೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.