KGF Chapter 2: ಯಶ್ ನಟನೆಯ ‘ಕೆಜಿಎಫ್ 2’ ರಿಲೀಸ್ ಡೇಟ್ ಘೋಷಣೆಗೂ ಮುನ್ನವೇ ಆರ್ಆರ್ಆರ್ ತಂಡದಿಂದ ಬಿಗ್ ನ್ಯೂಸ್?
KGF Chapter 2 Release Date: ‘ಕೆಜಿಎಫ್ 2’ ಪ್ಯಾನ್ ಇಂಡಿಯಾ ಸಿನಿಮಾ. ಕೆಜಿಎಫ್ ಸಿನಿಮಾ ಬಾಲಿವುಡ್ ಹಾಗೂ ಟಾಲಿವುಡ್ನಲ್ಲೂ ದೊಡ್ಡ ಮಟ್ಟದ ಹವಾ ಮಾಡಿತ್ತು. ಈ ಕಾರಣಕ್ಕೆ ‘ಕೆಜಿಎಫ್ 2’ ಸಿನಿಮಾ ಮೇಲೆ ದೊಡ್ಡ ಮಟ್ಟದ ನಿರೀಕ್ಷೆ ಇದೆ.
ನಟ ಯಶ್ (Yash) ಹಾಗೂ ನಿರ್ದೇಶಕ ಪ್ರಶಾಂತ್ ನೀಲ್ (Prashanth Neel) ಅವರ ಕಾಂಬಿನೇಷನ್ನಲ್ಲಿ ಮೂಡಿಬರುತ್ತಿರುವ ‘ಕೆಜಿಎಫ್ 2’ (KGF Chapter 2) ಸಿನಿಮಾಗಾಗಿ ದೊಡ್ಡ ಪ್ರೇಕ್ಷಕ ವರ್ಗ ಕಾದು ಕೂತಿದೆ. ಸಿನಿಮಾ ರಿಲೀಸ್ ವಿಚಾರದಲ್ಲಿ ಅಭಿಮಾನಿಗಳಿಗೆ ಪದೇಪದೇ ನಿರಾಸೆ ಆಗುತ್ತಲೇ ಇದೆ. ಇದಕ್ಕೆ ನೇರ ಕಾರಣ ಕೊರೊನಾ ವೈರಸ್. ಈಗ ಕೊವಿಡ್ ಎರಡನೇ ಅಲೆ ನಿಧಾನವಾಗಿ ಕಡಿಮೆ ಆಗುತ್ತಿದೆ. ಹೀಗಾಗಿ ಶೀಘ್ರವೇ ಸಿನಿಮಾ ರಿಲೀಸ್ ಡೇಟ್ ಅನೌನ್ಸ್ ಆಗಬಹುದು ಎನ್ನುವ ಆಲೋಚನೆಯಲ್ಲಿ ಅಭಿಮಾನಿಗಳಿದ್ದಾರೆ. ಇದಕ್ಕೂ ಮೊದಲೇ ಆರ್ಆರ್ಆರ್ ತಂಡದಿಂದ ದೊಡ್ಡ ನ್ಯೂಸ್ ಸಿಗೋ ಸಾಧ್ಯತೆ ಗೋಚರವಾಗಿದೆ.
‘ಕೆಜಿಎಫ್ 2’ ಪ್ಯಾನ್ ಇಂಡಿಯಾ ಸಿನಿಮಾ. ಕೆಜಿಎಫ್ ಸಿನಿಮಾ ಬಾಲಿವುಡ್ ಹಾಗೂ ಟಾಲಿವುಡ್ನಲ್ಲೂ ದೊಡ್ಡ ಮಟ್ಟದ ಹವಾ ಮಾಡಿತ್ತು. ಈ ಕಾರಣಕ್ಕೆ ‘ಕೆಜಿಎಫ್ 2’ ಸಿನಿಮಾ ಮೇಲೆ ದೊಡ್ಡ ಮಟ್ಟದ ನಿರೀಕ್ಷೆ ಇದೆ. ಇನ್ನು, ಪಾತ್ರವರ್ಗದಲ್ಲಿ ಬಾಲಿವುಡ್ನ ಖ್ಯಾತ ನಟರು ಕೂಡ ಇದ್ದಾರೆ. ಈ ಎಲ್ಲಾ ಕಾರಣಕ್ಕೆ ಸಿನಿಮಾ ತೂಕ ಹೆಚ್ಚಿದೆ. ಎಲ್ಲವೂ ಅಂದುಕೊಂಡಂತೆ ನಡೆದಿದ್ದರೆ ಜುಲೈ ತಿಂಗಳಲ್ಲೇ ಸಿನಿಮಾ ತೆರೆಗೆ ಬಂದು ಧೂಳೆಬ್ಬಿಸಬೇಕಿತ್ತು. ಆದರೆ, ಕೊವಿಡ್ ಎರಡನೇ ಅಲೆಯಿಂದ ಸಿನಿಮಾ ರಿಲೀಸ್ ಆಗಿಲ್ಲ. ಸದ್ಯ, ಹೊಸ ರಿಲೀಸ್ ಡೇಟ್ ಅನೌನ್ಸ್ಮೆಂಟ್ಗೆ ಅಭಿಮಾನಿಗಳು ಕಾದು ಕೂತಿದ್ದಾರೆ.
ಈ ಮಧ್ಯೆ ಆರ್ಆರ್ಆರ್ ತಂಡದಿಂದ ಬಿಗ್ ಅಪ್ಡೇಟ್ ಕೇಳಿಬರಲಿದೆ ಎನ್ನುವ ಮಾತು ಜೋರಾಗಿದೆ. ರಾಜಮೌಳಿ ನಿರ್ದೇಶನ ಹಾಗೂ ರಾಮ್ಚರಣ್-ಜ್ಯೂ.ಎನ್ಟಿಆರ್ ಕಾಂಬಿನೇಷನ್ ಇರುವ ಕಾರಣ ಸಿನಿಮಾ ಬಗ್ಗೆ ನಿರೀಕ್ಷೆ ಅಧಿಕವಾಗಿದೆ. ಸಾಂಗ್ ಶೂಟಿಂಗ್ಗಾಗಿ ಈ ಸಿನಿಮಾ ತಂಡ ವಿದೇಶಕ್ಕೆ ತೆರಳಿತ್ತು. ಈಗ ಅಲ್ಲಿ ಶೂಟಿಂಗ್ ಪೂರ್ಣಗೊಂಡಿದೆ. ಶೀಘ್ರವೇ ಭಾರತದಲ್ಲಿ ಚಿತ್ರತಂಡ ಪ್ರೆಸ್ಮೀಟ್ ನಡೆಸುವ ಸಾಧ್ಯತೆ ಇದೆ. ಈ ವೇಳೆ ರಿಲೀಸ್ ದಿನಾಂಕ ಘೋಷಣೆ ಆಗುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.
‘ಆರ್ಆರ್ಆರ್’ ಹಾಗೂ ‘ಕೆಜಿಎಫ್ 2’ ಎರಡೂ ದೊಡ್ಡ ಬಜೆಟ್ ಚಿತ್ರಗಳೇ. ಈ ಕಾರಣಕ್ಕೆ ಒಟ್ಟಿಗೆ ಈ ಸಿನಿಮಾಗಳು ರಿಲೀಸ್ ಆಗುವ ಸಾಧ್ಯತೆ ಕಡಿಮೆ. ಒಂದೊಮ್ಮೆ ಆರ್ಆರ್ಆರ್ ಚಿತ್ರತಂಡ ಹತ್ತಿರದ ರಿಲೀಸ್ ಡೇಟ್ ಘೋಷಿಸಿದರೆ ‘ಕೆಜಿಎಫ್ 2’ ತಂಡ ಸಿನಿಮಾ ರಿಲೀಸ್ಗೆ ಮತ್ತೊಂದಷ್ಟು ದಿನ ಕಾಯಬೇಕಾಗುವುದು ಅನಿವಾರ್ಯ ಆಗಲಿದೆ.
ಇದನ್ನೂ ಓದಿ: ಮಹೇಶ್ ಬಾಬು ಸಿನಿಮಾಗೆ ಕೆಜಿಎಫ್ ವಿಲನ್; ಟಾಲಿವುಡ್ ಅಂಗಳದಿಂದ ಹೊಸ ಅಪ್ಡೇಟ್
ಕೆಜಿಎಫ್ 2ಗೆ ಬಂತು 255 ಕೋಟಿ ಆಫರ್? ದಯವಿಟ್ಟು ಒಪ್ಪಬೇಡಿ ಎಂದ ಫ್ಯಾನ್ಸ್
Published On - 2:18 pm, Thu, 19 August 21