‘ಟಾಕ್ಸಿಕ್’ ಸಿನಿಮಾ ಮೂಲಕ ರಾಧಿಕಾ ಪಂಡಿತ್ ಆಸೆ ಈಡೇರಿಸಿದ ಯಶ್

ರಾಕಿಂಗ್ ಸ್ಟಾರ್ ಯಶ್ ಅವರ ಬಹುನಿರೀಕ್ಷಿತ ‘ಟಾಕ್ಸಿಕ್’ ಸಿನಿಮಾ (Toxic Movie) ರಿಲೀಸ್​ಗೆ ಬಾಕಿ ಇರುವುದು ಇನ್ನು ಕೆಲವೇ ದಿನಗಳು ಮಾತ್ರ. ಈ ಚಿತ್ರದ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆ ನಡೆಯುತ್ತಿದೆ. ಸಿನಿಮಾದ ಅಡ್ವಾನ್ಸ್ ಬುಕಿಂಗ್ ಕೂಡ ಜೋರಾಗಿಯೇ ನಡೆದಿದೆ. ಈ ನಡುವೆ, ಹಲವು ವರ್ಷಗಳ ಹಿಂದೆ ಯಶ್ ಅವರ ಪತ್ನಿ ಹಾಗೂ ನಟಿ ರಾಧಿಕಾ ಪಂಡಿತ್ ಅವರು ನೀಡಿದ್ದ ಹಳೆಯ ಸಂದರ್ಶನವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಸಂದರ್ಶನದಲ್ಲೇನಿತ್ತು?

‘ಟಿವಿ9 ಕನ್ನಡ’ ಸಂದರ್ಶನದಲ್ಲಿ ‘ಯಶ್ ಅವರನ್ನು ಯಾವ ರೀತಿಯ ಪಾತ್ರದಲ್ಲಿ ನೋಡಲು ಬಯಸುತ್ತೀರ?’ ಎಂದು ರಾಧಿಕಾ ಪಂಡಿತ್ ಅವರಿಗೆ ಕೇಳಲಾಗಿತ್ತು. ಅದಕ್ಕೆ ಉತ್ತರಿಸಿದ್ದ ರಾಧಿಕಾ, ಯಶ್ ಅವರನ್ನು ಐತಿಹಾಸಿಕ ಪಾತ್ರದಲ್ಲಿ ಅಥವಾ ದ್ವಿಪಾತ್ರದಲ್ಲಿ ನೋಡಲು ಆಸೆ ಇದೆ ಎಂದು ಹೇಳಿದ್ದರು.

So Radhika manifested 10 years ago and Yash delivered it now.#ramayana #Toxic #yash #ToxicTheMovie pic.twitter.com/7ER7V4uPTn

— Jvalath Gowda (@jvalath_) August 12, 2026

ಈಗ ನಿಜವಾದ ರಾಧಿಕಾ ಮಾತು

ಗೀತು ಮೋಹನ್‌ದಾಸ್ ನಿರ್ದೇಶನದ ‘ಟಾಕ್ಸಿಕ್’ ಸಿನಿಮಾದಲ್ಲಿ ಯಶ್ ಅವರು ‘ರಾಯ’ ಹಾಗೂ ‘ಟಿಕೆಟ್’ (ರಾಯನ ಮಗ) ಹೆಸರಿನ ಎರಡು ವಿಭಿನ್ನ ಪಾತ್ರಗಳಲ್ಲಿ (ಅಪ್ಪ-ಮಗನಾಗಿ) ನಟಿಸುತ್ತಿದ್ದಾರೆ ಎಂಬುದು ಅಧಿಕೃತವಾಗಿ ಹೊರಬಿದ್ದಿದೆ. ರಾಧಿಕಾ ಪಂಡಿತ್ ವರ್ಷಗಳ ಹಿಂದೆ ಆಸೆಪಟ್ಟಿದ್ದ ದ್ವಿಪಾತ್ರದ ಕನಸು ಈಗ ‘ಟಾಕ್ಸಿಕ್’ ಮೂಲಕ ನನಸಾಗಿದೆ.

ಇದನ್ನೂ ಓದಿ: ವರಮಹಾಲಕ್ಷ್ಮಿ ಹಬ್ಬ ಆಚರಿಸಿದ ರಾಧಿಕಾ ಪಂಡಿತ್; ‘ಟಾಕ್ಸಿಕ್’ ಪ್ರಚಾರದಲ್ಲಿ ಯಶ್ ಬ್ಯುಸಿ

ಆಗಸ್ಟ್ 26ರಂದು ಬಿಡುಗಡೆಯಾಗಲಿರುವ ‘ಟಾಕ್ಸಿಕ್’ ಸಿನಿಮಾದಲ್ಲಿ ಯಶ್ ಅವರ ಈ ದ್ವಿಪಾತ್ರದ ಅವತಾರವನ್ನು ಕಣ್ತುಂಬಿಕೊಳ್ಳಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಈ ಮೊದಲು ರಿಲೀಸ್ ಆಗಿದ್ದ ಪೋಸ್ಟರ್​​ನಲ್ಲಿ ಹಾಗೂ ಟ್ರೇಲರ್​​ನಲ್ಲಿ ಬರೋ ಒಂದು ಡೈಲಾಗ್​ನಿಂದ ಯಶ್ ಅವರು ಮೂರು ಪಾತ್ರಗಳನ್ನು ನಿರ್ವಹಿಸಿದ್ದಾರೆ ಎಂಬ ಅನುಮಾನ ಮೂಡಿಸಿತ್ತು. ಆದರೆ, ಸದ್ಯದ ಮಟ್ಟಿಗೆ ಅದು ನಿಜವಲ್ಲ. ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಸ್ಪಷ್ಟತೆ ಸಿಗಲಿದೆ.

ಪ್ರಶ್ನೆ: ಟಾಕ್ಸಿಕ್ ಸಿನಿಮಾದಲ್ಲಿ ಯಶ್ ಅವರ ಪಾತ್ರದ ಹೆಸರೇನು?
ಉತ್ತರ: ರಾಯ ಹಾಗೂ ಟಿಕೆಟ್

ಪ್ರಶ್ನೆ: ಟಾಕ್ಸಿಕ್ ಚಿತ್ರದ ನಿರ್ದೇಶನ ಯಾರದ್ದು?
ಉತ್ತರ: ಗೀತು ಮೋಹನ್​ದಾಸ್

ಪ್ರಶ್ನೆ: ಟಾಕ್ಸಿಕ್ ರಿಲೀಸ್ ಯಾವಾಗ?
ಉತ್ತರ: ಆಗಸ್ಟ್​ 26