ಮತ್ತೆ ಖಾಕಿ ತೊಟ್ಟು ಅಬ್ಬರಿಸ್ತಿದ್ದಾರೆ ಸೂಪರ್ಸ್ಟಾರ್, ವಿಮಾನದಲ್ಲೂ ಅಬ್ಬರಿಸಿದ ತಲೈವಾ ಪೋಸ್ಟರ್
ತಲೈವಾ ಸೂಪರ್ ಸ್ಟಾರ್ ರಜನಿಕಾಂತ್ ಅಂದ್ರೇನೆ ಒಂದು ಕ್ರೇಜ್. ಅದ್ರಲ್ಲೂ ತಲೈವಾನ ಸಿನಿಮಾ ಬರ್ತಿದೆ ಅಂದ್ರೆ ಅಭಿಮಾನಿಗಳ ಕ್ರೇಜ್ಗೆ ಎಲ್ಲೆ ಇರೋದೇ ಇಲ್ಲ. ಅಷ್ಟರ ಮಟ್ಟಿಗೆ ರಜನಿ ಫ್ಯಾನ್ಸ್ ಸಂಭ್ರಮ ಪಡ್ತಾರೆ. ಅದು ರಜನಿಯ ದರ್ಬಾರ್ ಸಿನಿಮಾ ವಿಚಾರದಲ್ಲೂ ನಿಜ ಆಗಿದೆ. ಸ್ಟೈಲ್ ಕಿಂಗ್, ಸೂಪರ್ಸ್ಟಾರ್ ರಜನಿಕಾಂತ್ ಸಿನಿಮಾ ಅಂದ್ರೆ ಅಭಿಮಾನಿಗಳ ಪಾಲಿಗೆ ಹಬ್ಬವೋ ಹಬ್ಬ. ಅದ್ರಲ್ಲೂ ಖಾಕಿ ಪಾತ್ರದಲ್ಲಿ ಖಡಕ್ ಲುಕ್ನಲ್ಲಿ ಕಾಣಿಸಿಕೊಂಡ್ರೆ ಅದರ ಖದರ್ ಬೇರೆಯೇ ಇರುತ್ತೆ. ಸದ್ಯ ಹಲವು ವರ್ಷಗಳ ಬಳಿಕ ಖಾಕಿ […]
Updated on:Jan 03, 2020 | 4:32 PM
ತಲೈವಾ ಸೂಪರ್ ಸ್ಟಾರ್ ರಜನಿಕಾಂತ್ ಅಂದ್ರೇನೆ ಒಂದು ಕ್ರೇಜ್. ಅದ್ರಲ್ಲೂ ತಲೈವಾನ ಸಿನಿಮಾ ಬರ್ತಿದೆ ಅಂದ್ರೆ ಅಭಿಮಾನಿಗಳ ಕ್ರೇಜ್ಗೆ ಎಲ್ಲೆ ಇರೋದೇ ಇಲ್ಲ. ಅಷ್ಟರ ಮಟ್ಟಿಗೆ ರಜನಿ ಫ್ಯಾನ್ಸ್ ಸಂಭ್ರಮ ಪಡ್ತಾರೆ. ಅದು ರಜನಿಯ ದರ್ಬಾರ್ ಸಿನಿಮಾ ವಿಚಾರದಲ್ಲೂ ನಿಜ ಆಗಿದೆ.
ಸ್ಟೈಲ್ ಕಿಂಗ್, ಸೂಪರ್ಸ್ಟಾರ್ ರಜನಿಕಾಂತ್ ಸಿನಿಮಾ ಅಂದ್ರೆ ಅಭಿಮಾನಿಗಳ ಪಾಲಿಗೆ ಹಬ್ಬವೋ ಹಬ್ಬ. ಅದ್ರಲ್ಲೂ ಖಾಕಿ ಪಾತ್ರದಲ್ಲಿ ಖಡಕ್ ಲುಕ್ನಲ್ಲಿ ಕಾಣಿಸಿಕೊಂಡ್ರೆ ಅದರ ಖದರ್ ಬೇರೆಯೇ ಇರುತ್ತೆ. ಸದ್ಯ ಹಲವು ವರ್ಷಗಳ ಬಳಿಕ ಖಾಕಿ ತೊಟ್ಟು ದರ್ಬಾರ್ ನಡೆಸೋಕೆ ತಲೈವಾ ಸಜ್ಜಾಗಿದ್ದಾರೆ. ಈಗಾಗಲೇ ಚಿತ್ರದ ಫಸ್ಟ್ ಲುಕ್ ಮತ್ತು ಟ್ರೇಲರ್ ಹಾಗೂ ಟೀಸರ್ನಿಂದಲೇ ರಜನಿಯ ಹವಾ ಜೋರಾಗಿದೆ.
ರಜನಿಯ ದರ್ಬಾರ್ ಪ್ರಚಾರದ ಅಬ್ಬರ ಯಾವ ಮಟ್ಟಿಗೆ ಇದೆ ಅಂದ್ರೆ, ತಲೈವಾ ಕಲರವ ಆಗಸಕ್ಕೂ ಮುಟ್ಟಿದೆ. ಹೌದು, ದರ್ಬಾರ್ ಸಿನಿಮಾದ ಪೋಸ್ಟರ್ಗಳು ಆಕಾಶದಲ್ಲಿ ತೇಲಾಡ್ತಿವೆ. ವಿಮಾನದ ಮೇಲೆ ದರ್ಬಾರ್ ಸಿನಿಮಾ ಪೋಸ್ಟರ್ಗಳನ್ನ ಹಾಕಲಾಗಿದೆ. ಈ ಮೂಲಕ ರಜನಿಕಾಂತ್ ಸಿನಿಮಾದ ಪ್ರಮೋಷನ್ನ ಒಂದು ಹಂತ ಮೇಲೆ ಕೊಂಡೊಯ್ದಿದೆ ಚಿತ್ರತಂಡ.
ಈ ಹಿಂದೆ ಕಬಾಲಿ ಸಿನಿಮಾ ತೆರೆಗೆ ಬಂದಾಗಲೂ ಹೀಗೆ ಆಗಿತ್ತು. ಕಾರು, ಬೈಕ್, ಆಟೋರಿಕ್ಷಾದಿಂದ ಹಿಡಿದು, ವಿಮಾನದ ಮೇಲೂ ಹವಾ ಎಬ್ಬಿಸಿತ್ತು. ಈಗ ಮತ್ತದೇ ಕ್ರೇಜ್ ಮರುಕಳಿಸಿದೆ. ಸದ್ಯ ಈ ಪೊಸ್ಟರ್ಗಳನ್ನ ಸಂಗೀತ ನಿರ್ದೇಶಕ ಅನಿರುದ್ಧ್ ಸೋಷಿಯಲ್ ಮೀಡಿಯಾಗಳಲ್ಲಿ ಹಂಚಿಕೊಂಡಿದ್ದಾರೆ. ದರ್ಬಾರ್ ಪೋಸ್ಟರ್ ಇರೋ ವಿಮಾನಗಳ ಫೊಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ. ರಜನಿ ದರ್ಬಾರ್ ಕಂಡು ಅಭಿಮಾನಿಗಳು ದಂಗಾಗಿ ಹೋಗಿದ್ದಾರೆ.
ಎ.ಆರ್. ಮುರುಗದಾಸ್ ನಿರ್ದೇಶನದಲ್ಲಿ ರಜನಿ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ತಿದ್ದಾರೆ. ಸಂಕ್ರಾಂತಿ ಹಬ್ಬದ ಪ್ರಯುಕ್ತ, ಜನವರಿ 9ರಂದು ವಿಶ್ವಾದ್ಯಂತ ರಜನಿಕಾಂತ್ ದರ್ಬಾರ್ ತೆರೆ ಮೇಲೆ ಶುರುವಾಗಲಿದೆ. ನಯನತಾರಾ ಮತ್ತು ರಜನಿಕಾಂತ್ ಜೋಡಿ ಹೇಗಿರಲಿದೆ ಅನ್ನೋ ಕುತೂಹಲಕ್ಕೂ ಅಂದೇ ತೆರೆಬೀಳಲಿದೆ.
Published On - 4:11 pm, Fri, 3 January 20
