ಸಂಜನಾಗೆ ಮತ್ತೆ ಮೋಸ ಮಾಡಿದ ಸಹ ಸ್ಪರ್ಧಿಗಳು, ಬಿಗ್​​ಬಾಸ್ ಮನೆಯಿಂದಲೇ ಹೊರಕ್ಕೆ

ನಟಿ ಸಂಜನಾ ಗಲ್ರಾನಿ ತೆಲುಗು ಬಿಗ್​​ಬಾಸ್ ಸೀಸನ್ 09ರಲ್ಲಿ ಸ್ಪರ್ಧಿಯಾಗಿ ಭಾಗಿ ಆಗಿದ್ದಾರೆ. ಶೋ ಪ್ರಾರಂಭವಾಗಿ ನಾಳೆಗೆ ಮೂರು ವಾರಗಳಾಗುತ್ತವೆ. ಸಂಜನಾ ಗಲ್ರಾನಿ ಆರಂಭದಿಂದಲೂ ಬಿಗ್​​ಬಾಸ್ ಮನೆಯಲ್ಲಿ ಇತರೆ ಸ್ಪರ್ಧಿಗಳಿಗಿಂತಲೂ ಭಿನ್ನವಾಗಿ ಗಮನ ಸೆಳೆಯುತ್ತಲೇ ಬಂದಿದ್ದಾರೆ. ಫಿಲ್ಟರ್ ಇಲ್ಲದೆ, ನೇರಾ-ನೇರ ಮಾತಿನ ಸಂಜನಾ ಗಲ್ರಾನಿ ಮನೆಯಲ್ಲಿ ಹಲವರ ವಿರೋಧವನ್ನೂ ಸಹ ಕಟ್ಟಿಕೊಂಡಿದ್ದಾರೆ. ಆದರೆ ಇದೇ ಕಾರಣಕ್ಕೆ ಈಗ ಮನೆಯ ಕೆಲ ಸದಸ್ಯರು ಸೇರಿಕೊಂಡು ಸಂಜನಾರನ್ನು ನೇರವಾಗಿ ಮನೆಯಿಂದಲೇ ಹೊರಗೆ ಹಾಕಿದ್ದಾರೆ.

ಶುಕ್ರವಾರದ ಎಪಿಸೋಡ್​​​ನಲ್ಲಿ ಕ್ಯಾಪ್ಟನ್ಸಿ ಟಾಸ್ಕ್ ನಡೆಯಿತು, ಇಮಾನ್ಯುಯೆಲ್ ಮನೆಯ ಮೂರನೇ ಕ್ಯಾಪ್ಟನ್ ಆದರು. ಕ್ಯಾಪ್ಟೆನ್ಸಿ ಟಾಸ್ಕ್ ಬಳಿಕ ಮನೆಗೆ ವೈಲ್ಡ್ ಕಾರ್ಡ್ ಎಂಟ್ರಿಯಾಗಿ ದಿವ್ಯಾ ನಿಖಿತ ಕಾಲಿಟ್ಟರು. ಮನೆಗೆ ಬಂದವರೇ ಕಾಮನರ್ಸ್ ಮೇಲೆ ಹರಿಹಾಯ್ದರು. ಅವರ ತಪ್ಪುಗಳನ್ನು ಎತ್ತಿ ತೋರಿಸಿದರು. ಆ ಬಳಿಕ ಎಲ್ಲರೂ ದಿನದ ಟಾಸ್ಕ್​​ಗಳನ್ನು ಮುಗಿಸಿ ಮಲಗಿರುವಾಗ ಬಿಗ್​​ಬಾಸ್ ಸೈರನ್ ಭಾರಿಸಿದರು. ನಿದ್ದೆಯಿಂದ ಎದ್ದ ಸ್ಪರ್ಧಿಗಳಿಗೆ ಮಿಡ್ ವೀಕ್ ಎಲಿಮಿನೇಷನ್ ಎಂಬ ಶಾಕ್ ನೀಡಿದರು.

ಇದನ್ನೂ ಓದಿ:ಬಿಗ್​​ಬಾಸ್ ಮನೆಯಲ್ಲಿ ಖುಷಿಯಾಗಿದ್ದಾರೆ ಸಂಜನಾ ಗಲ್ರಾನಿ, ವಿಡಿಯೋ ನೋಡಿ

ಸಮಾನ್ಯವಾಗಿ ಸೀಸನ್​​ನ ಕೊನೆಯ ವಾರಗಳಲ್ಲಿ ಮಿಡ್ ವೀಕ್ ಎಲಿಮಿನೇಷನ್ ಮಾಡಲಾಗುತ್ತದೆ. ಆದರೆ ಈ ಬಾರಿ ಮೊದಲಲ್ಲೇ ಮಿಡ್ ವೀಕ್ ಎಲಿಮಿನೇಷನ್ ಮಾಡಲಾಗಿದೆ. ಸ್ಪರ್ಧಿಗಳಲ್ಲಿ ಯಾರಿಗೆ ರೆಡ್ ಸೀಡ್ಸ್ ಸಿಕ್ಕದೆಯೋ ಆ ಐದು ಮಂದಿ ಸೇರಿ ಒಬ್ಬರನ್ನು ಮನೆಯಿಂದ ಹೊರಗೆ ಕಳಿಸಬಹುದು ಎಂದು ಬಿಗ್​​ಬಾಸ್ ಹೇಳಿದರು. ಅದರಂತೆ ಐದು ಮಂದಿ ಒಕ್ಕೂರಲಿನಿಂದ ಸಂಜನಾರನ್ನು ಮನೆಯಿಂದ ಹೊರಗೆ ಕಳಿಸುವ ನಿರ್ಣಯ ತೆಗೆದುಕೊಂಡರು. ಇದು ಕೆಲವರಿಗೆ ಶಾಕ್ ನೀಡಿದರೆ ಇನ್ನು ಕೆಲವರಿಗೆ ಖುಷಿ ನೀಡಿತು.

ಆದರೆ ಬಿಗ್​​ಬಾಸ್ ಇಲ್ಲೊಂದು ಟ್ವಿಸ್ಟ್ ನೀಡಿದರು. ಸಂಜನಾರನ್ನು ಮುಖ್ಯ ದ್ವಾರದಿಂದ ಹೊರಗೆ ಹೋಗುವಂತೆ ಹೇಳಿದ ಬಿಗ್​​ಬಾಸ್, ಸಂಜನಾ ಗೇಟಿನಿಂದ ಹೊರಗೆ ಬರುತ್ತಿದ್ದಂತೆ ಅವರನ್ನು ಸೀಕ್ರೆಟ್ ರೂಂಗೆ ಹಾಕಿದರು. ಅಲ್ಲಿಂದಲೇ ಸಂಜನಾ, ಬಿಗ್​​ಬಾಸ್ ಮನೆಯಲ್ಲಿ ನಡೆಯುತ್ತಿರುವ ಎಲ್ಲ ಚಲನವಲನಗಳನ್ನು ನೋಡುವಂತೆ ಮಾಡಿದ್ದಾರೆ. ಈಗ ಸಂಜನಾ, ಬಿಗ್​​ಬಾಸ್ ಮನೆಯಲ್ಲಿ ಯಾರು ತಮ್ಮ ಪರವಾಗಿ. ಯಾರು ತಮ್ಮ ವಿರೋಧವಾಗಿ ಮಾತನಾಡುತ್ತಿದ್ದಾರೆ ಎಂಬುದನ್ನು ನೋಡುತ್ತಿದ್ದು, ಮತ್ತೆ ಮನೆ ಒಳಗೆ ಹೋದ ಬಳಿಕ ಅವರ ಆಟ ಭಿನ್ನವಾಗಿ ಇರಲಿದೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ