ಬಿಗ್ ಬಾಸ್: ಅಂದು ಕಿತಾಪತಿ ಹೆಂಗಸರು, ಇಂದು ಕಿತಾಪತಿ ಗಂಡಸರು

‘ಬಿಗ್ ಬಾಸ್ ಕನ್ನಡ ಸೀಸನ್ 12’ರಲ್ಲಿ ಹೆಚ್ಚು ಚರ್ಚೆಯಾದ ವಿಷಯ ಎಂದರೆ ಕಿತಾಪತಿ ಹೆಂಗಸರು. ಈ ಟೈಟಲ್ ಕೊಟ್ಟಿದ್ದು ಗಿಲ್ಲಿ. ಈ ಟೈಟಲ್ ತೆಗೆದುಕೊಂಡಿದ್ದು ಅಶ್ವಿನಿ ಗೌಡ ಹಾಗೂ ಜಾನ್ವಿ. ಇಬ್ಬರೂ ನಡೆದುಕೊಳ್ಳುತ್ತಿದ್ದ ರೀತಿ ಆ ರೀತಿ ಇತ್ತು. ಈ ವರ್ಷ ವೀಕ್ಷಕರಿಗೆ ಕಿತಾಪತಿ ಗಂಡಸರು ಕಾಣಿಸುತ್ತಾ ಇದ್ದಾರೆ. ಇದು ಚರ್ಚೆಯ ಕೇಂದ್ರ ಬಿಂದು ಆಗಿದೆ. ಆ ಜೋಡಿ ಬೇರೆ ಯಾವುದೂ ಅಲ್ಲ ಗಗನ್ ಹಾಗೂ ತಾಂಡವ್ ರಾಮ್.

ಜಾನ್ವಿ ಹಾಗೂ ಅಶ್ವಿನಿ ಜೋಡಿ ಸದಾ ಚರ್ಚೆಯಲ್ಲಿರುತ್ತಿತ್ತು. ಇದಕ್ಕೆ ಕಾರಣ ಅವರು ಮಾಡುವ ಕೆಲಸಗಳು. ಸದಾ ಬೇರೆಯವರ ಬಗ್ಗೆ ಚರ್ಚೆ ಮಾಡುತ್ತಾ, ಯಾರನ್ನು ಹೊರಕ್ಕೆ ಕಳುಹಿಸಬೇಕು ಎಂಬುದನ್ನೆಲ್ಲ ಚರ್ಚೆ ಮಾಡುತ್ತಿದ್ದರು. ಇನ್ನು, ರಕ್ಷಿತಾ ಶೆಟ್ಟಿ ಬಗ್ಗೆ ಸುಖಾಸುಮ್ಮನೆ ಇಲ್ಲ ಸಲ್ಲದನ್ನು ಹೇಳಿ ತೊಂದರೆ ಮೈಮೇಲೆ ಎಳೆದುಕೊಂಡಿದ್ದರು. ಈ ಕಾರಣಕ್ಕೆ ಗಿಲ್ಲಿ ಅವರು ಇಬ್ಬರನ್ನೂ ‘ಕಿತಾಪತಿ ಹೆಂಗಸರು’ ಎಂದು ಕರೆದಿದ್ದರು.

ಈ ಬಾರಿ ಗಗನ್ ಹಾಗೂ ತಾಂಡವ್ ಜೋಡಿ ‘ಕಿತಾಪತಿ ಗಂಡಸರ’ ರೀತಿಯೇ ಅಭಿಮಾನಿಗಳಿಗೆ ಕಾಣುತ್ತಿದೆ. ಸದಾ ಒಬ್ಬಲ್ಲಾ ಒಬ್ಬರ ಬಗ್ಗೆ ಕೆಟ್ಟದನ್ನು ಮಾತನಾಡುತ್ತಾ ಕೂರೋದು ತಾಂಡವ್ ಹಾಗೂ ಗಗನ್ ಕೆಲಸವಾಗಿ ಬಿಟ್ಟಿದೆ. ‘ಸಂಗೀತಾ ಬಾಯಿಬಡ್ಕಿ’ ಎಂದು ತಾಂಡವ್ ವಿವರಿಸುತ್ತಾ ಇದ್ದರು. ಇನ್ನೂ ಅನೇಕರ ಬಗ್ಗೆ ಇದೇ ರೀತಿಯ ವ್ಯಕ್ತಿತ್ವ ವಿವರಣೆ ಕೊಟ್ಟಿದ್ದಾರೆ.ಇದು ಚರ್ಚೆಗೆ ಕಾರಣ ಆಗಿದೆ. ಅನೇಕರು ಇವರನ್ನು ‘ಕಿತಾಪತಿ ಗಂಡಸರು’ ಎಂದು ಕರೆದಿದ್ದಾರೆ.

ಇದನ್ನೂ ಓದಿ: ಬಿಗ್ ಬಾಸ್ ಮನೆಯಲ್ಲಿ ಈ ವಾರ ನಾಮಿನೇಟ್ ಆದವರ ಪಟ್ಟಿ ಇದು 

ಈ ಬಾರಿ ಸೀಸನ್​​ ಅಲ್ಲಿ ಮೊದಲ ವಾರವೇ ಗಗನ್ ಹಾಗೂ ತಾಂಡವ್ ರಾಮ್ ಹಲವು ತಪ್ಪುಗಳನ್ನು ಮಾಡಿದ್ದಾರೆ. ಇಬ್ಬರೂ ಸೇರಿ ಸಾಕಷ್ಟು ನಿಯಮ ಉಲ್ಲಂಘನೆ ಮಾಡಿದ್ದಾರೆ. ವೀಕೆಂಡ್​​ನಲ್ಲಿ ಈ ವಿಷಯ ಚರ್ಚೆ ಆಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಾ ಇದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 7:07 am, Sat, 12 September 26