ಆಪ್ತರಲ್ಲೇ ಕಿತ್ತಾಟ; ಬಿಗ್ ಬಾಸ್ ಮನೆಯಲ್ಲಿ ಮಂಜು Vs ಮೋಕ್ಷಿತಾ

ಉಗ್ರಂ ಮಂಜು ಅವರು ಬಿಗ್ ಬಾಸ್ ಮನೆಯಲ್ಲಿ ತಾವು ಹೇಳಿದ್ದೇ ರೂಲ್ಸ್ ಎಂಬ ರೀತಿಯಲ್ಲಿ ಆಡುತ್ತಿದ್ದಾರೆ. ಅವರ ಆಟಕ್ಕೆ ಎಲ್ಲ ಕಡೆಗಳಿಂದ ಟೀಕೆ ವ್ಯಕ್ತವಾಗಿದೆ. ಅಕ್ಟೋಬರ್ 29ರ ಎಪಿಸೋಡ್​ನಲ್ಲಿ ನಡೆದ ಕ್ಯಾಪ್ಟನ್ಸಿ ಟಾಸ್ಕ್​ನಲ್ಲೂ ಅವರು ಕೆಟ್ಟ ಆಟ ಆಡಿ ಔಟ್ ಆಗಿದ್ದಾರೆ. ನ್ಯಾಯಯುತವಾಗಿ ಆಡಿದ ಹನುಮಂತ ಅವರು ಕ್ಯಾಪ್ಟನ್ ಆಗಿದ್ದಾರೆ. ಅವರಿಗೆ ಎಲ್ಲ ಕಡೆಗಳಿಂದ ಮೆಚ್ಚುಗೆ ಸಿಗುತ್ತಿದೆ. ಈ ಮಧ್ಯೆ ಮಂಜು ಹಾಗೂ ಮೋಕ್ಷಿತಾ ಮಧ್ಯೆ ಕಿತ್ತಾಟ ಶುರುವಾಗಿದೆ.

ಕ್ಯಾಪ್ಟನ್ ಆಗಲು ಒಂದು ಟಾಸ್ಕ್ ನೀಡಲಾಗಿತ್ತು. ಇದರ ಅನುಸಾರ ಒಂದು ಬಲೆ ಆಕಾರದ ವೇದಿಕೆ ಸಿದ್ಧಪಡಿಸಲಾಗಿತ್ತು. ಒಳಗೆ ಬಾಕ್ಸ್​​ನಲ್ಲಿ ವಿವಿಧ ಸ್ಪರ್ಧಿಯ ಫೋಟೋ ಇಡಲಾಗಿತ್ತು. ಪ್ರತಿ ಸ್ಪರ್ಧಿ ಬೇರೆಯವರ ಫೋಟೋನ ಹೊರಕ್ಕೆ ತರಬೇಕು. ಅಂತಿಮವಾಗಿ ಯಾರ ಫೋಟೋ ಇರುತ್ತದೆಯೋ ಅವರು ಆಟದಿಂದ ಹೊರಕ್ಕೆ ಇರುತ್ತಾರೆ.

ಈ ವೇಳೆ ಮಂಜು ಒಂದು ಪ್ಲ್ಯಾನ್ ಮಾಡಿದರು. ತಮ್ಮ ಗ್ಯಾಂಗ್​ನ ಎಲ್ಲರನ್ನೂ ಸೇರಿಸಿದರು. ಈ ವೇಳೆ ಗ್ಯಾಂಗ್​ನವರ ಬಳಿ ಒಪ್ಪಂದವನ್ನೂ ಮಾಡಿಕೊಂಡರು. ತಮ್ಮ ಗುಂಪಿನವರನ್ನು ಬಿಟ್ಟು ಬೇರೆಯವರನ್ನು ಆಯ್ಕೆ ಮಾಡಬೇಕು ಎಂದು ಅವರು ಡೀಲ್ ಮಾಡಿಕೊಂಡರು. ಆ ಬಳಿಕ ಆಟದಲ್ಲಿ ಎಲ್ಲರ ವಿರುದ್ಧ ಅವರು ತಿರುಗಿ ಬಿದ್ದರು. ಉಸ್ತುವಾರಿ ಹೇಳಿದ ಮಾತನ್ನು ಮೀರಿ ನಡೆದುಕೊಂಡರು. ಅವರು ಉದ್ದೇಶ ಪೂರ್ವಕವಾಗಿ ಪೌಲ್ ಕೂಡ ಮಾಡಿದರು. ಹೀಗಾಗಿ ಅವರನ್ನು ಆಟದಿಂದ ಹೊರಕ್ಕೆ ಇಡಲಾಯಿತು.

ಈ ವೇಳೆ ಮಂಜುಗೆ ಕ್ಲೋಸ್ ಎನಿಸಿಕೊಂಡಿರುವ ಮೋಕ್ಷಿತಾ ಅವರು ಬುದ್ಧಿವಾದ ಹೇಳಲು ಬಂದರು. ಇದರಿಂದ ಸಿಟ್ಟಿಗೆದ್ದ ಮಂಜು, ‘ನಿಮಗೆ ಸಂಬಂಧವೇ ಇಲ್ಲ ಈ ವಿಚಾರ. ದಯವಿಟ್ಟು ಈ ವಿಚಾರಕ್ಕೆ ಬರಬೇಡ’ ಎಂದು ಆವಾಜ್ ಹಾಕಿದರು. ಆ  ಬಳಿಕ ಇಬ್ಬರ ಮಧ್ಯೆ ಮಾತಿನ ಚಕಮಕಿ ನಡೆದಿದೆ.

ಇದನ್ನೂ ಓದಿ: ಪಕ್ಕಾ ಪ್ಲ್ಯಾನ್ ಮಾಡಿ ಎಲ್ಲರನ್ನೂ ಹೊಡೆದ ಹನುಮಂತ; ತಂತ್ರಕ್ಕೆ ಎಲ್ಲರೂ ಶಾಕ್

ಇತ್ತ ಹನುಮಂತ ಯಾವುದೇ ಒಪ್ಪಂದ ಮಾಡಿಕೊಳ್ಳದೆ ತಮ್ಮ ಪಾಡಿಗೆ ತಾವು ಆಡುತ್ತಾ ಬಂದರು. ಕೊನೆಯಲ್ಲಿ ಅವರು ಕ್ಯಾಪ್ಟನ್ ಆದರು. ಉಸ್ತುವಾರಿ ವಹಿಸಿಕೊಂಡಿದ್ದ ತ್ರಿವಿಕ್ರಂ ಕೂಡ ಇದೇ ಮಾತನ್ನು ಹೇಳಿದರು. ‘ನ್ಯಾಯಯುತವಾಗಿ ಆಡಿದ ವ್ಯಕ್ತಿ ಅಲ್ಲಿದ್ದಾನೆ (ಕ್ಯಾಪ್ಟನ್​ ರೂಂನಲ್ಲಿ)’ ಎಂದರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.