‘ನಾನು ದೊಡ್ಡವನಾದ್ಮೇಲೆ ರಾಮ್ ಚರಣ್, ಜ್ಯೂ. ಎನ್ಟಿಆರ್ ರೀತಿ ಡ್ಯಾನ್ಸ್ ಮಾಡ್ತೀನಿ’: ಸಲ್ಮಾನ್ ಖಾನ್
RRR Movie: ‘ಆರ್ಆರ್ಆರ್’ ಚಿತ್ರದ ‘ನಾಟು ನಾಟು..’ ಹಾಡು ಸಖತ್ ಫೇಮಸ್ ಆಗಿದೆ. ಆ ಹಾಡಿಗೆ ಡ್ಯಾನ್ಸ್ ಮಾಡಲು ಹೋಗಿ ಸಲ್ಮಾನ್ ಖಾನ್ ಸುಸ್ತಾದರು!
ನಟ ಸಲ್ಮಾನ್ ಖಾನ್ (Salman Khan) ಅವರಿಗೆ ದೇಶಾದ್ಯಂತ ಅಭಿಮಾನಿಗಳಿದ್ದಾರೆ. ಅವರ ಸಿನಿಮಾಗಳು ದಕ್ಷಿಣ ಭಾರತದಲ್ಲೂ ಸೂಪರ್ ಹಿಟ್ ಆಗುತ್ತವೆ. ಅದೇ ರೀತಿ ದಕ್ಷಿಣ ಭಾರತ ಚಿತ್ರರಂಗದ ಅನೇಕರು ಸಲ್ಲು ಜತೆ ಸ್ನೇಹ ಹೊಂದಿದ್ದಾರೆ. ಬಿಡುಗಡೆಗೆ ಸಜ್ಜಾಗಿರುವ ‘ಆರ್ಆರ್ಆರ್’ ಸಿನಿಮಾ (RRR Movie) ತಂಡದವರು ಈಗ ಪ್ರಚಾರಕ್ಕಾಗಿ ಸಲ್ಮಾನ್ ಖಾನ್ ನೆರವು ಪಡೆದಿದ್ದಾರೆ. ಸಲ್ಲು ನಡೆಸಿಕೊಡುವ ‘ಹಿಂದಿ ಬಿಗ್ ಬಾಸ್’ (Bigg Boss) ಕಾರ್ಯಕ್ರಮಕ್ಕೆ ‘ಆರ್ಆರ್ಆರ್’ ತಂಡ ಹೋಗಿದೆ. ವೇದಿಕೆ ಮೇಲೆ ರಾಮ್ ಚರಣ್ (Ram Charan) ಮತ್ತು ಜ್ಯೂ. ಎನ್ಟಿಆರ್ (Jr NTR) ಅವರ ಡ್ಯಾನ್ಸ್ ವೈಖರಿ ಕಂಡು ಸಲ್ಮಾನ್ ಖಾನ್ ಬೆರಗಾಗಿದ್ದಾರೆ. ಈ ಕಾರ್ಯಕ್ರಮದಲ್ಲಿ ನಿರ್ದೇಶಕ ರಾಜಮೌಳಿ ಮತ್ತು ನಟಿ ಆಲಿಯಾ ಭಟ್ ಕೂಡ ಇದ್ದರು.
ಸಲ್ಮಾನ್ ಖಾನ್ ಇದ್ದಲ್ಲಿ ತಮಾಷೆ, ಮೋಜು-ಮಸ್ತಿ ಇದ್ದೇ ಇರುತ್ತದೆ. ಯಾವುದೇ ವೇದಿಕೆಯಲ್ಲೂ ಅವರು ಲವಲವಿಕೆಯಿಂದ ಇರುತ್ತಾರೆ. ‘ಆರ್ಆರ್ಆರ್’ ಚಿತ್ರದ ಪ್ರಚಾರಕ್ಕಾಗಿ ಬಿಗ್ ಬಾಸ್ ಕಾರ್ಯಕ್ರಮಕ್ಕೆ ಬಂದಿದ್ದ ಸ್ಟಾರ್ ನಟರ ಜೊತೆ ಸಲ್ಲು ಆತ್ಮೀಯವಾಗಿ ನಡೆದುಕೊಂಡರು. ಈ ಚಿತ್ರದ ‘ನಾಟು ನಾಟು..’ ಹಾಡು ಸಖತ್ ಫೇಮಸ್ ಆಗಿದೆ. ಆ ಹಾಡಿಗೆ ಡ್ಯಾನ್ಸ್ ಮಾಡಲು ಹೋಗಿ ಸಲ್ಲು ಸುಸ್ತಾದರು!
ಈ ಹಾಡಿನಲ್ಲಿ ರಾಮ್ ಚರಣ್ ಮತ್ತು ಜ್ಯೂ. ಎನ್ಟಿಆರ್ ಅವರು ಸಖತ್ತಾಗಿ ಡ್ಯಾನ್ಸ್ ಮಾಡಿದ್ದಾರೆ. ಅದೇ ರೀತಿ ಕುಣಿಯುವಂತೆ ಸಲ್ಲುಗೆ ಹೇಳಲಾಯಿತು. ಆದರೆ ಆ ಸ್ಟೆಪ್ ಹಾಕಲು ಅವರು ತುಂಬ ಕಷ್ಟಪಟ್ಟರು. ‘ನಾನು ದೊಡ್ಡವನಾದ ಮೇಲೆ ಜ್ಯೂ. ಎನ್ಟಿಆರ್ ಮತ್ತು ರಾಮ್ ಚರಣ್ ರೀತಿ ಡ್ಯಾನ್ಸ್ ಮಾಡುತ್ತೇನೆ’ ಎಂದು ಅವರು ತಮಾಷೆ ಮಾಡಿದರು. ಇಂಥ ಅನೇಕ ಫನ್ನಿ ಕ್ಷಣಗಳಿಗೆ ಈ ಕಾರ್ಯಕ್ರಮ ಸಾಕ್ಷಿ ಆಗಿತ್ತು.
ಜ.7ರಂದು ‘ಆರ್ಆರ್ಆರ್’ ಸಿನಿಮಾ ಅದ್ದೂರಿಯಾಗಿ ವಿಶ್ವಾದ್ಯಾಂತ ಬಿಡುಗಡೆ ಆಗುತ್ತಿದೆ. ಕನ್ನಡ, ಹಿಂದಿ, ಮಲಯಾಳಂ ಮತ್ತು ತಮಿಳಿಗೂ ಡಬ್ ಆಗಿ ತೆರೆಕಾಣುತ್ತಿದೆ. ಈಗಾಗಲೇ ಟ್ರೇಲರ್ ಮತ್ತು ಹಾಡುಗಳು ಜನಮೆಚ್ಚುಗೆ ಗಳಿಸಿವೆ. ಎಲ್ಲಿ ಸಾಧ್ಯವೋ ಆ ಎಲ್ಲ ಕಡೆಗಳಲ್ಲಿ ಚಿತ್ರತಂಡ ಪ್ರಚಾರ ಮಾಡುತ್ತಿದೆ. ಈಗ ಹಿಂದಿ ಬಿಗ್ ಬಾಸ್ ವೇದಿಕೆಗೂ ತೆರಳಿ ಪ್ರಚಾರ ಮಾಡಲಾಗಿದೆ.
ಇದೇ ಕಾರ್ಯಕ್ರಮದಲ್ಲಿ ಒಂದು ಚಿಕ್ಕ ದೃಶ್ಯಕ್ಕೆ ರಾಜಮೌಳಿ ನಿರ್ದೇಶನ ಮಾಡಿದರು. ಅದರಲ್ಲಿ ಸಲ್ಲು ಹೀರೋ ಆಗಿ ನಟಿಸಿದರೆ ರಾಮ್ ಚರಣ್ ಮತ್ತು ಜ್ಯೂ. ಎನ್ಟಿಆರ್ ವಿಲನ್ ಆಗಿದ್ದರು. ಒಟ್ಟಾರೆ ಈ ಎಪಿಸೋಡ್ ಕಂಡು ಪ್ರೇಕ್ಷಕರು ಎಂಜಾಯ್ ಮಾಡಿದ್ದಾರೆ. ಡಿ.27ರಂದು ಸಲ್ಮಾನ್ ಖಾನ್ ಬರ್ತ್ಡೇ. ಮುಂಚಿತವಾಗಿಯೇ ಬಿಗ್ ಬಾಸ್ ಸೆಟ್ನಲ್ಲಿ ‘ಆರ್ಆರ್ಆರ್’ ತಂಡದವರು ಸಲ್ಲು ಹುಟ್ಟುಹಬ್ಬ ಆಚರಿಸಿದರು.
ಇದನ್ನೂ ಓದಿ:
ಹೀಗೂ ದುಡ್ಡು ಮಾಡಬಹುದು ಅಂತ ತೋರಿಸಿದ್ದೇ ಸಲ್ಮಾನ್ ಖಾನ್; ಅನಿಲ್ ಕಪೂರ್ ಹೇಳಿದ ಅಚ್ಚರಿ ವಿಷಯ
ಹಾಲಿವುಡ್ ಆಫರ್ ಬಗ್ಗೆ ಅಚ್ಚರಿಯ ಪ್ರತಿಕ್ರಿಯೆ ನೀಡಿದ ‘ಆರ್ಆರ್ಆರ್’ ನಿರ್ದೇಶಕ ರಾಜಮೌಳಿ