ನನ್ನ ಜೀವನದಲ್ಲಿ ಎಂದಿಗೂ ಹೀಗೆ ಆಗಿರಲಿಲ್ಲ ಎಂದು ಎಲ್ಲರ ಎದುರು ಕಣ್ಣೀರು ಹಾಕಿದ ಶಿಲ್ಪಾ ಶೆಟ್ಟಿ

ಶಿಲ್ಪಾ ಶೆಟ್ಟಿಗೆ (Shilpa Shetty) ಇತ್ತೀಚೆಗೆ ಸಾಕಷ್ಟು ಮುಜುಗರ ಆಗುವಂತಹ ಘಟನೆ ನಡೆದಿತ್ತು. ಪತಿ ರಾಜ್​ ಕುಂದ್ರಾ (Raj Kundra) ಅವರು ಅಶ್ಲೀಲ ಸಿನಿಮಾ ನಿರ್ಮಾಣ ಪ್ರಕರಣದಲ್ಲಿ ಅರೆಸ್ಟ್​​ ಆಗಿದ್ದರು. ಇದೇ ಸಂದರ್ಭದಲ್ಲಿ ಶಿಲ್ಪಾ ಸಹೋದರಿ ಶಮಿತಾ ಶೆಟ್ಟಿ (Shamita Shetty) ‘ಬಿಗ್​ ಬಾಸ್​ ಒಟಿಟಿ’ಗೆ (Bigg Boss OTT) ತೆರಳಿದ್ದರು. ಅದಾದ ಕೆಲವೇ ವಾರಗಳ ಬಳಿಕ ಅವರು ‘ಹಿಂದಿ ಬಿಗ್​ ಬಾಸ್​ 15’ (Bigg Boss 15) ಸೇರಿದ್ದಾರೆ. ಹೀಗಾಗಿ, ಶಮಿತಾ ಜತೆ ಶಿಲ್ಪಾಗೆ ಹೆಚ್ಚು ಸಮಯ ಕಳೆಯೋಕೆ ಸಾಧ್ಯವಾಗಿಲ್ಲ. ಈ ವಿಚಾರವನ್ನು ನೆನೆದು ಶಿಲ್ಪಾ ಕಣ್ಣೀರು ಹಾಕಿದ್ದಾರೆ. ಜೀವನದಲ್ಲಿ ಯವಾಗಲೂ ಈ ರೀತಿ ಆಗಿರಲಿಲ್ಲ ಎಂದು ಭಾವುಕ ನುಡಿಗಳನ್ನು ನುಡಿದಿದ್ದಾರೆ.

‘ಬಿಗ್​ ಬಾಸ್​ 15’ ಪೂರ್ಣಗೊಳ್ಳುವ ಹಂತಕ್ಕೆ ಬಂದಿದೆ. ಇರುವ ಕೆಲವೇ ಸ್ಪರ್ಧಿಗಳ ಮಧ್ಯೆ ಟಫ್​ ಕಾಂಪಿಟೇಷನ್​ ನಡೆಯುತ್ತಿದೆ. ಯಾರು ಗೆಲ್ಲಬಹುದು ಎನ್ನುವ ಕುತೂಹಲವೂ ಮನೆ ಮಾಡಿದೆ. ಈ ಮಧ್ಯೆ, ಬಿಗ್​ ಬಾಸ್​ ಮನೆಯಲ್ಲಿ ಶಮಿತಾಗೆ ಶಿಲ್ಪಾ ವಿಡಿಯೋ ಕಾಲ್​ ಮಾಡಿದ್ದಾರೆ. ಇದರ ಪ್ರೋಮೋವನ್ನು ಕಲರ್ಸ್​ ವಾಹಿನಿ ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದೆ. ಈ ವಿಡಿಯೋ ಸಾಕಷ್ಟು ವೈರಲ್​ ಆಗುತ್ತಿದೆ. ಅಕ್ಕ-ತಂಗಿ ನಡುವಿನ ಬಾಂಧವ್ಯ ಕಂಡು ಅಭಿಮಾನಿಗಳು ಖುಷಿಪಟ್ಟಿದ್ದಾರೆ.

ವೀಕೆಂಡ್​ನಲ್ಲಿ ಈ ಘಟನೆ ನಡೆದಿದೆ. ಸಲ್ಮಾನ್​ ಖಾನ್​ ವೇದಿಕೆ ಮೇಲೆ, ‘ನಿಮಗೆ ಈಗ ಒಂದು ಕರೆ ಬರುತ್ತದೆ’ ಎಂದರು. ಸ್ಕ್ರೀನ್​ ಮೇಲೆ ಶಿಲ್ಪಾ ಶೆಟ್ಟಿ ಮುಖ ಕಾಣುತ್ತಿದ್ದಂತೆ ಶಮಿತಾ ಭಾವುಕರಾದರು. ಶಮಿತಾ ಬಗ್ಗೆ ಶಿಲ್ಪಾ ಮೆಚ್ಚುಗೆಯ ಮಾತುಗಳನ್ನು ಆಡುತ್ತಾ ಕಣ್ಣೀರು ಹಾಕಿದರು.

‘ನನ್ನ ಬದುಕಿನಲ್ಲಿ ಈ ರೀತಿ ಯಾವಾಗಲೂ ಆಗಿರಲಿಲ್ಲ. ಇಷ್ಟು ಸಮಯಗಳ ಕಾಲ, ಇಷ್ಟೊಂದು ದೂರ ನಾವು ಎಂದಿಗೂ ಇದ್ದ ಉದಾಹರಣೆಯೇ ಇಲ್ಲ. ಹಲವು ತಿಂಗಳಿಂದ ನಾನು ಅವಳನ್ನು ನೋಡಿಲ್ಲ. ನಾನು ಕಂಟ್ರೋಲ್​ ಮಾಡಿಕೊಳ್ಳುತ್ತಿದ್ದೇನೆ. ನಾವಿಬ್ಬರೂ ಒಬ್ಬರಿಗೊಬ್ಬರು ಸ್ಟ್ರೆಂತ್​ ಆಗಿರಬೇಕು. ನನ್ನ ಪಾಲಿಗೆ ಶಮಿತಾ ವಿನ್ನರ್​. ಶಮಿತಾ ಶೆಟ್ಟಿ ಸಹೋದರಿ ಎಂದು ಹೇಳಿಕೊಳ್ಳೋಕೆ ನನಗೆ ತುಂಬಾ ಗರ್ವ ಇದೆ’ ಎಂದಿದ್ದಾರೆ ಶಿಲ್ಪಾ.

‘ಬಿಗ್​ ಬಾಸ್​ 15’ ಆರಂಭವಾಗಿ ಹಲವು ವಾರಗಳು ಪೂರ್ಣಗೊಂಡಿದೆ. ಇನ್ನು ಕೆಲವೇ ವಾರಗಳಲ್ಲಿ ಬಿಗ್​ ಬಾಸ್ ಪೂರ್ಣಗೊಳ್ಳಲಿದೆ ಎನ್ನಲಾಗುತ್ತಿದೆ. ಯಾರು ವಿನ್ನರ್​ ಆಗಲಿದ್ದಾರೆ ಎನ್ನುವ ಕುತೂಹಲ ವೀಕ್ಷಕರಲ್ಲಿ ಮೂಡಿದೆ.

ಇದನ್ನೂ ಓದಿ: Shilpa Shetty: ಜಿಮ್​ನಲ್ಲಿ ಬೆವರಿಳಿಸಿದ ಶಿಲ್ಪಾ ಶೆಟ್ಟಿ; ಹೇಗಿದೆ ನೋಡಿ ವರ್ಕೌಟ್​ ವಿಡಿಯೋ

ಶಿಲ್ಪಾ ಶೆಟ್ಟಿ-ರಾಜ್​ ಕುಂದ್ರಾ ದಾಂಪತ್ಯಕ್ಕೆ 12 ವರ್ಷದ ಸಂಭ್ರಮ; ಸುಖ ಸಂಸಾರದ ಗುಟ್ಟು ಬಿಚ್ಚಿಟ್ಟ ನಟಿ