‘ಯಾಕೆ ಬೆತ್ತಲೆಯಾಗಿ ತಿರುಗುತ್ತೀಯಾ’ ಅಂತ ಫ್ರೆಂಡ್ಸ್​ ಕೇಳಿದ್ರು, ಬಾಯ್​ಫ್ರೆಂಡ್​ ಬಿಟ್ಟುಹೋದ; ನಟಿ ನಿಯಾ ಬೇಸರದ ಕಥೆ

ಸೆಲೆಬ್ರಿಟಿ ಆಗುವುದು ಸುಲಭವಲ್ಲ. ಜನರಿಂದ ಅನೇಕ ಟೀಕೆಗಳನ್ನು ಎದುರಿಸಬೇಕಾಗುತ್ತದೆ. ವೃತ್ತಿಜೀವನದ ಕಾರಣಕ್ಕಾಗಿ ಆತ್ಮೀಯರಿಂದಲೇ ನಿಂದನೆಗೆ ಒಳಗಾಗಬೇಕಾದ ಸಂದರ್ಭವೂ ಬರಬಹುದು. ಆ ಎಲ್ಲ ಘಟ್ಟಗಳನ್ನು ದಾಟಿಕೊಂಡು ಬಂದಿದ್ದಾರೆ ನಟಿ ನಿಯಾ ಶರ್ಮಾ. ಹಿಂದಿ ಕಿರುತೆರೆಯಲ್ಲಿ ಫೇಮಸ್​ ಆಗಿರುವ ನಿಯಾ ಶರ್ಮಾ (Nia Sharma) ಅವರು ಈ ಬಗ್ಗೆ ಬಾಯಿ ಬಿಟ್ಟಿದ್ದಾರೆ. ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಅವರು ಈ ಕುರಿತು ಮಾತನಾಡಿದ್ದಾರೆ. ತಮ್ಮ ಬಟ್ಟೆಯ ಕಾರಣದಿಂದ ಫ್ರೆಂಡ್ಸ್​ ಹೇಗೆಲ್ಲ ಲೇವಡಿ ಮಾಡುತ್ತಿದ್ದರು, ಮಾಜಿ ಬಾಯ್​ಫ್ರೆಂಡ್​ ಯಾವ ರೀತಿ ಕಿರಿಕಿರಿ ಮಾಡುತ್ತಿದ್ದ ಎಂಬುದನ್ನೆಲ್ಲ ಅವರು ವಿವರಿಸಿದ್ದಾರೆ.

ನಿಯಾ ಶರ್ಮಾ ಅವರ ಸೋಶಿಯಲ್​ ಮೀಡಿಯಾ ಖಾತೆಯನ್ನು ಗಮನಿಸಿದರೆ ಅವರ ಫ್ಯಾಷನ್​ ಸೆನ್ಸ್​ ಹೇಗಿದೆ ಎಂಬುದು ತಿಳಿಯುತ್ತದೆ. ಸಿಕ್ಕಾಪಟ್ಟೆ ಬೋಲ್ಡ್​ ಅವತಾರದಲ್ಲಿ ಅವರು ಗಮನ ಸೆಳೆಯುತ್ತಾರೆ. ಅದರಿಂದ ಅವರಿಗೆ ದೊಡ್ಡ ಮಟ್ಟದ ಅಭಿಮಾನಿ ಬಳಗ ಸೃಷ್ಟಿ ಆಗಿದೆ. ಇನ್​ಸ್ಟಾಗ್ರಾಮ್​ನಲ್ಲಿ 69 ಲಕ್ಷಕ್ಕೂ ಹೆಚ್ಚು ಜನರು ಅವರನ್ನು ಫಾಲೋ ಮಾಡುತ್ತಿದ್ದಾರೆ. ಆದರೆ ಅವರ ಆಪ್ತ ಸ್ನೇಹಿತರಿಗೆ ನಿಯಾ ಧರಿಸುತ್ತಿದ್ದ ಬಟ್ಟೆಗಳ ಬಗ್ಗೆ ಅಸಮಾಧಾನ ಇತ್ತು.

ಅನೇಕ ಸಮಾರಂಭಗಳಿಗೆ ತೆರಳುವಾಗ ನಿಯಾ ಅವರು ಬೋಲ್ಡ್​ ಆಗಿ ಡ್ರೆಸ್​ ಮಾಡಿಕೊಂಡು ಹೋಗುತ್ತಿದ್ದರು. ಅದನ್ನು ಕಂಡು ಅವರ ಸ್ನೇಹಿತರೆಲ್ಲ ಲೇವಡಿ ಮಾಡಿದ್ದರು. ‘ಪ್ರಶಸ್ತಿ ಪ್ರದಾನ ಸಮಾರಂಭಗಳಲ್ಲಿ ನೀನು ಬೆತ್ತಲೆಯಾಗಿ ತಿರುಗಾಡುವುದು ಯಾಕೆ’ ಎಂದು ಸ್ನೇಹಿತರು ನೇರವಾಗಿಯೇ ಕೇಳಿದ್ದರು. ಆ ಮಾತಿನಿಂದ ನಿಯಾಗೆ ಸಖತ್​ ಬೇಸರ ಆಗಿತ್ತು. ಆ ಘಟನೆಯನ್ನು ನಿಯಾ ನೆನಪಿಸಿಕೊಂಡಿದ್ದಾರೆ.

ನಿಯಾ ಅವರು ಸೋಶಿಯಲ್​ ಮೀಡಿಯಾದಲ್ಲಿ ಬೋಲ್ಡ್​ ಫೋಟೋಗಳನ್ನು ಪೋಸ್ಟ್​ ಮಾಡುತ್ತಾರೆ. ಅದರಿಂದ ಅವರ ಬಾಯ್​ಫ್ರೆಂಡ್​ಗೆ ಕಿರಿಕಿರಿ ಆಗುತ್ತಿತ್ತಂತೆ. ‘ನನ್ನ ಸೋಶಿಯಲ್​ ಮೀಡಿಯಾ ಇಮೇಜ್​ ಬಗ್ಗೆ ಅವರಿಗೆ ತಕರಾರು ಇತ್ತು. ಅದು ಯಾಕೆಂಬುದೇ ನನಗೆ ಅರ್ಥವಾಗಲಿಲ್ಲ. ನಿಜಜೀವನ ಬೇರೆ, ಸೋಶಿಯಲ್​ ಮೀಡಿಯಾ ಬೇರೆ. ಅದರಿಂದ ನಿಮ್ಮಿಬ್ಬರ ಸಂಬಂಧಕ್ಕೆ ಯಾಕೆ ತೊಂದರೆ ಆಗುತ್ತದೆ ಎಂಬುದು ನನ್ನ ಪ್ರಶ್ನೆ. ಸೋಶಿಯಲ್​ ಮೀಡಿಯಾನೇ ನಿಜವಾದ ಜೀವನ ಅಲ್ಲ. ಅದನ್ನು ಅಲ್ಲೇ ಬಿಟ್ಟುಬಿಡಬೇಕು’ ಎಂದು ನಿಯಾ ಶರ್ಮಾ ಹೇಳಿದ್ದಾರೆ.

2010ರಿಂದಲೂ ನಟನೆಯಲ್ಲಿ ಸಕ್ರಿಯವಾಗಿರುವ ನಿಯಾ ಶರ್ಮಾ ಅವರು ಅನೇಕ ಧಾರಾವಾಹಿಗಳಲ್ಲಿ ಅಭಿನಯಿಸಿದ್ದಾರೆ. ಕೆಲವು ವೆಬ್​ ಸಿರೀಸ್​ಗಳಲ್ಲೂ ನಟಿಸಿದ್ದಾರೆ. ಅನೇಕ ಮ್ಯೂಸಿಕ್​ ವಿಡಿಯೋಗಳಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ.

ಇದನ್ನೂ ಓದಿ:

ಮತ್ತೆ ಬೋಲ್ಡ್​ ಅವತಾರ ತಾಳಿದ ರಚಿತಾ ರಾಮ್​; ಪಡ್ಡೆ ಹುಡುಗರ ಮನಸ್ಸು ಕದ್ದ ರಚ್ಚು

Samantha: ‘ಪುಷ್ಪ’ ಐಟಮ್​ ಸಾಂಗ್​ನಲ್ಲಿ ಸಮಂತಾ ಹಾಟ್​ ಲುಕ್​ ನೋಡಿ ಫ್ಯಾನ್ಸ್​ ಫಿದಾ