‘ಧುರಂಧರ್ 2’ ಬಳಿಕ ಮತ್ತೊಂದು ಗೆಲುವು ಕಂಡ ಯಾಮಿ ಗೌತಮ್

ಯಾಮಿ ಗೌತಮ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಬಹುನಿರೀಕ್ಷಿತ ‘ನಯಿ ನವೇಲಿ’ ಸಿನಿಮಾ ತೆರೆಕಂಡಿದೆ. ಸಾಂಪ್ರದಾಯಿಕ ಜಾನಪದ ಕಥೆ ಆಧರಿಸಿದ ಈ ಫ್ಯಾಂಟಸಿ ಹಾರರ್ ಕಾಮಿಡಿ ಚಿತ್ರಕ್ಕೆ ಪ್ರೇಕ್ಷಕರಿಂದ ಉತ್ತಮ ಮೆಚ್ಚುಗೆ ವ್ಯಕ್ತವಾಗಿದೆ. ನಾಯಕಿಯ ಅಭಿನಯವು ಸಿನಿಮಾದ ವಿಶೇಷ ಆಕರ್ಷಣೆಯಾಗಿದೆ. ಈ ಚಿತ್ರ ನೋಡಿದವರು ಪಾಸಿಟಿವ್ ಆಗಿ ಪ್ರತಿಕ್ರಿಯಿಸಿದ್ದಾರೆ. ಅಂದಹಾಗೆ, ‘ಧುರಂಧರ್ 2’ ಚಿತ್ರದಲ್ಲಿ ಯಾಮಿ ಅತಿಥಿ ಪಾತ್ರ ಮಾಡಿದ್ದರು.

ಚಿತ್ರದಲ್ಲಿ ಯಾಮಿ ಗೌತಮ್ ಅವರು ಮೋಹಿನಿ ಎಂಬ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಹೊಸ ಸೊಸೆಯೊಬ್ಬಳ ಆಗಮನದಿಂದ ಅವಸ್ಥಿ ಕುಟುಂಬದ ಜೀವನದಲ್ಲಿ ನಡೆಯುವ ರಹಸ್ಯ ಹಾಗೂ ಅತಿಮಾನುಷ ಘಟನೆಗಳೇ ಕಥೆಯ ಹೂರಣವಾಗಿದೆ. ಹಾರರ್ ಜೊತೆಗೆ ಕೌಟುಂಬಿಕ ಭಾವನೆಗಳು ಮೇಳೈಸಿವೆ.

ನಾಯಕಿ ಯಾಮಿ ಗೌತಮ್ ಅವರ ನಟನೆಯೇ ಸಿನಿಮಾದ ನಿಜವಾದ ಬಲವಾಗಿದೆ. ತೆರೆಯ ಮೇಲೆ ಅವರ ಪ್ರಭಾವಶಾಲಿ ಅಭಿನಯ ಎಲ್ಲರ ಗಮನ ಸೆಳೆಯುತ್ತದೆ. ಭಾರತೀಯ ಚಿತ್ರರಂಗದಲ್ಲಿ ಅವರ ನಟನಾ ಕೌಶಲಕ್ಕೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ.

Big Day For Addinath M Kothare! National Award winner spotted at the special screening of his upcoming Bollywood film Nayyi Navelli in the city today. Superstar in the making♥️✨

@adinathkothare https://t.co/7wUTZwxguS

— Tansingh Lama (@rajlama10) October 16, 2026

ಬಾಲಾಜಿ ಮೋಹನ್ ನಿರ್ದೇಶನದ ಈ ಚಿತ್ರಕ್ಕೆ ಹಿಮಾನ್ಶು ಶರ್ಮಾ ಹಾಗೂ ದಿವ್ಯ ನಿಧಿ ಶರ್ಮಾ ಕಥೆ ಬರೆದಿದ್ದಾರೆ. ಆನಂದ್ ಎಲ್ ರೈ ನಿರ್ಮಾಣ ಮಾಡಿರುವ ಈ ಸಿನಿಮಾಗೆ ಜಿ.ವಿ. ಪ್ರಕಾಶ್ ಕುಮಾರ್ ಸಂಗೀತ ನೀಡಿದ್ದಾರೆ. ಇದು ಹಲವು ದಿಗ್ಗಜರ ಸಿನಿಮಾಗಳೊಂದಿಗೆ ಬಾಕ್ಸಾಫೀಸ್‌ನಲ್ಲಿ ಪೈಪೋಟಿ ನಡೆಸುತ್ತಿದೆ.

ಇದನ್ನೂ ಓದಿ: ‘ಧುರಂಧರ್’ ನಿರ್ದೇಶಕನ ಪತ್ನಿ ಯಾಮಿ ಗೌತಮ್​ಗೆ ರಾಷ್ಟ್ರ ಪ್ರಶಸ್ತಿ: ಖುಷಿ ಹಂಚಿಕೊಂಡ ನಟಿ

ಸಿನಿಮಾದಲ್ಲಿ ಅದ್ದಿನಾಥ್ ಕೊಠಾರೆ, ಅನುರಾಗ್ ಠಾಕೂರ್ ಸೇರಿದಂತೆ ದೊಡ್ಡ ತಾರಾಗಣವಿದೆ. ನವರಾತ್ರಿ ಹಬ್ಬದ ಸಂದರ್ಭದಲ್ಲೇ ಬಿಡುಗಡೆಯಾಗಿರುವುದು ಚಿತ್ರದ ವಿಶೇಷತೆಗೆ ಮತ್ತಷ್ಟು ಮೆರುಗು ನೀಡಿದೆ. ಕೌಟುಂಬಿಕ ಮನರಂಜನೆ ಬಯಸುವವರಿಗೆ ಇದು ಉತ್ತಮ ಚಿತ್ರವಾಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 5:03 pm, Fri, 16 October 26