ಬೆಂಗಳೂರಿನಲ್ಲಿ ಡಿಸೆಂಬರ್ 5ರಂದು ಯುವನ್ ಶಂಕರ್ ರಾಜಾ ಮ್ಯೂಸಿಕ್ ಹಬ್ಬ

2026ರ ವರ್ಷ ಕಳೆಯುತ್ತಿದೆ. 2027ರ ಸ್ವಾಗತಕ್ಕೆ ಬೆಂಗಳೂರು ಸಜ್ಜಾಗುತ್ತಿದೆ. ಹೊಸ ವರ್ಷದತ್ತ ಹೊರಳಿಕೊಳ್ಳುವ ಕಡೆಯ ಕ್ಷಣಗಳಲ್ಲಿ ಬೆಂಗಳೂರಿನಲ್ಲಿ ಮಾಧುರ್ಯದಿಂದ ಮನಸ್ಸು ಮುದಗೊಳ್ಳುವಂಥ ಸಂಗೀತ ಕಾರ್ಯಕ್ರಮಕ್ಕೆ ವೇದಿಕೆ ಸಿದ್ಧಗೊಂಡಿದೆ. ಈಗಾಗಲೇ ಸಾಕಷ್ಟು ಮ್ಯೂಸಿಕ್ ಈವೆಂಟುಗಳ ಮೂಲಕ ಗಮನ ಸೆಳೆದಿರುವ, ಬೆಂಗಳೂರು ಮೂಲದ ನಾಯ್ಸ್ ಎಂಟರ್‌ಟೈನ್‌ಮೆಂಟ್ ಸಂಸ್ಥೆ ಈಗ ಯುವನ್ ಶಂಕರ್ ರಾಜಾ ಜೊತೆಗೆ ಬೃಹತ್ ಸಂಗೀತ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದೆ.

ಈ ಕಾರ್ಯಕ್ರಮದಲ್ಲಿ ದಕ್ಷಿಣ ಭಾರತದ ಪ್ರಸಿದ್ಧ ಸಂಗೀತ ನಿರ್ದೇಶಕ, ಗೀತರಚನೆಕಾರ, ಗಾಯಕ ಯುವನ್ ಶಂಕರ್ ರಾಜಾ ಅವರ ಗಾಯನವಿರಲಿದೆ. ಈ ಬಗ್ಗೆ ಸುದ್ದಿಗೋಷ್ಠಿ ಮೂಲಕ ಯುವನ್ ಶಂಕರ್ ರಾಜಾ ಹಾಗೂ ನಾಯ್ಸ್ ಸಂಸ್ಥೆಯವರು ಒಂದಷ್ಟು ಮಾಹಿತಿಗಳನ್ನು ಹಂಚಿಕೊಂಡಿದ್ದಾರೆ. ಯುವನ್ ಶಂಕರ್ ರಾಜಾ ಅವರು 4 ಗಂಟೆಗಳ ಕಾಲ ನಡೆಯಲಿರುವ ನಾಯ್ಸ್ ಎಂಟರ್‌ಟೈನ್‌ಮೆಂಟ್ ಮ್ಯೂಸಿಕ್ ಕಾನ್ಸರ್ಟ್‌ನ ರೂಪುರೇಷೆಗಳನ್ನು ತೆರೆದಿಟ್ಟರು.

‘ಬೆಂಗಳೂರು ನನ್ನ ಪಾಲಿಗೆ ಪ್ರಿಯವಾದ ಊರು. ಇಲ್ಲಿ ನಡೆಯುತ್ತಿರುವ ಈ ಮ್ಯೂಸಿಕ್ ಕಾನ್ಸರ್ಟ್‌ನಲ್ಲಿ ಪಾಲ್ಗೊಳ್ಳಲು ಸಂತಸವಾಗುತ್ತಿದೆ. ಈ ಸಂಗೀತ ಕಾರ್ಯಕ್ರಮ ವಿಭಿನ್ನವಾದ ಸಂಗೀತ ಸಂಯೋಜನೆ, ವೇದಿಕೆ, ಗಾಯಕರು, ತಾಂತ್ರಿಕ ವರ್ಗದಿಂದ ಕಳೆಗಟ್ಟಲಿದೆ’ ಎಂದು ಯುವನ್ ಶಂಕರ್ ರಾಜಾ ಅವರು ಹೇಳಿದರು. ಈ ಸುದ್ದಿಗೋಷ್ಠಿಯಲ್ಲಿ ನಾಯ್ಸ್ ಎಂಟರ್ಟೈನ್ಮೆಂಟ್​ನ ಸಿಇಒ ವಿಕಾಸ್ ಹಾಗೂ ಸಿಒಒ ಅಪರ್ಣಾ ಭಾಗಿಯಾಗಿದ್ದರು.

ಇದನ್ನು ಓದಿ: ಬೆಂಗಳೂರು: ಖ್ಯಾತ ಗಾಯಕನ ಸಂಗೀತ ಕಾರ್ಯಕ್ರಮಕ್ಕೆ ಪೊಲೀಸರಿಂದ ತಡೆ

ಈ ವೇಳೆ ಸಂಸ್ಥೆಯ ಸಿಎಫ್​ಒ ಸುರೇಶ್ ಗೌಡ ಅವರು ಮಾತನಾಡಿ, ‘ಇದೊಂದು ಬೆಂಗಳೂರು ಮೂಲದ ಸಂಸ್ಥೆ. ಈಗಾಗಲೇ ನಮ್ಮ ಸಂಸ್ಥೆಯ ಕಡೆಯಿಂದ ವಿಜಯ್ ಪ್ರಕಾಶ್, ಶಾನ್, ರಾಜೇಶ್ ಕೃಷ್ಣನ್ ಮುಂತಾದ ಪ್ರಸಿದ್ಧ ಗಾಯಕರ ಲೈವ್ ಮ್ಯೂಸಿಕ್ ಕಾನ್ಸರ್ಟ್​ಗಳನ್ನು ಯಶಸ್ವಿಯಾಗಿ ನಡೆಸಿದ್ದೇವೆ. ಈ ಕಾರ್ಯಕ್ರಮ ಡಿಸೆಂಬರ್ 5ರಂದು ಬೆಂಗಳೂರಿನ ನೈಸ್ ಗ್ರೌಂಡ್‌ನಲ್ಲಿ ನಡೆಯಲಿದೆ’ ಎಂದು ಹೇಳಿದರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.