Holi 2023: ಹೋಳಿ ದಹನ ಪೂಜೆ ಸಂದರ್ಭದಲ್ಲಿ ಏನು ಮಾಡಬಹುದು, ಏನು ಮಾಡಬಾರದು? ಹೋಳಿ ಪೂಜೆ ಮಾಡುವ 5 ಹಂತಗಳನ್ನು ತಿಳಿಯಿರಿ
Holi ka Dahan Puja: ಹೋಳಿ ದಹನ ಪೂಜೆಯು ವಿವಿಧ ಪೌರಾಣಿಕ ಕಥೆಗಳೊಂದಿಗೆ ತಳಕು ಹಾಕಿಕೊಂಡಿದೆ. ಹೋಳಿಯ ಪ್ರಮುಖ ಆಚರಣೆಗಳಲ್ಲಿ ಒಂದು ಹೋಳಿ ಕಾ ದಹನ್ ಪೂಜೆ, ಇದನ್ನು ಹೋಳಿಯ ಹಿಂದಿನ ರಾತ್ರಿ ಮಾಡಲಾಗುತ್ತದೆ.
Updated on: Mar 07, 2023 | 2:40 PM
ಹೋಳಿ ಕಾ ದಹನ್ ಪೂಜೆ 2023: ಹೋಳಿಯು (Holi 2023) ಭಾರತದಾದ್ಯಂತ ಅತ್ಯಂತ ಉತ್ಸಾಹ ಮತ್ತು ಸಂತೋಷದಿಂದ ಆಚರಿಸಲಾಗುವ ಹಬ್ಬವಾಗಿದೆ. ಇದು ಕೆಟ್ಟದ್ದರ ಮೇಲೆ ಒಳ್ಳೆಯದು ವಿಜಯ ಸಾಧಿಸುವುದನ್ನು ಸೂಚಿಸುತ್ತದೆ. ಇದು ವಿವಿಧ ಪೌರಾಣಿಕ ಕಥೆಗಳೊಂದಿಗೆ (Spiritual) ತಳಕು ಹಾಕಿಕೊಂಡಿದೆ. ಹೋಳಿಯ ಪ್ರಮುಖ ಆಚರಣೆಗಳಲ್ಲಿ ಒಂದು ಹೋಳಿ ಕಾ ದಹನ್ ಪೂಜೆ (Holi ka Dahan Puja), ಇದನ್ನು ಹೋಳಿಯ ಹಿಂದಿನ ರಾತ್ರಿ ಮಾಡಲಾಗುತ್ತದೆ. ಜ್ಯೋತಿಷಿ ಪಂಡಿತ್ ಜಗನ್ನಾಥ ಗುರೂಜಿ ಹೇಳುವಂತೆ “ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಉತ್ತಮ ಫಲಿತಾಂಶವನ್ನು ಖಚಿತಪಡಿಸಿಕೊಳ್ಳಲು ಹೋಲಿಕಾ ಪೂಜೆಯ ಸಮಯದಲ್ಲಿ ಅನುಸರಿಸಬೇಕಾದ ಮಾಡಬೇಕಾದ ಮತ್ತು ಮಾಡಬಾರದ ಸಂಗತಿಗಳಿವೆ. ಈ ಹಬ್ಬದ ಸಂದರ್ಭವನ್ನು ಆನಂದಿಸುವಾಗ ನೀವು ನೆನಪಿಡಬೇಕಾದ ಈ ಸಂಗತಿಗಳನ್ನು ಒತ್ತಿಹೇಳೋಣ (Festival).
ಹೋಳಿ ಕಾ ದಹನ್ ಪೂಜೆ 2023: ಏನು ಮಾಡಬಹುದು?
ತುಪ್ಪದ ದೀಪವನ್ನು ಬೆಳಗಿಸಿ: ತುಪ್ಪದ ದೀಪವನ್ನು ಬೆಳಗಿಸಿ ಮತ್ತು ಅದನ್ನು ನಿಮ್ಮ ಮನೆಯ ಉತ್ತರ ಮೂಲೆಯಲ್ಲಿ ಇರಿಸುವ ಮೂಲಕ ನಿಮ್ಮ ಮನೆಗೆ ಧನಾತ್ಮಕ ಮತ್ತು ಶಾಂತಿಯನ್ನು ಆಕರ್ಷಿಸಬಹುದು.
ಅಗ್ನಿಗೆ ಪವಿತ್ರ ವಸ್ತುಗಳನ್ನು ಅರ್ಪಿಸಿ: ಹಸುವಿನ ಸಗಣಿಯಿಂದ ಮಾಡಿದ ಬೆರಣಿಗಳು, ಸಾಸಿವೆ ಎಣ್ಣೆ, ಎಳ್ಳು, ಸಕ್ಕರೆ, ಗೋಧಿ ಧಾನ್ಯಗಳು, ಅಕ್ಷತೆ ಮತ್ತು ಕೊಬ್ಬರಿ ಗಿಟುಕನ್ನು ಪವಿತ್ರ ಅಗ್ನಿಗೆ ಅರ್ಪಿಸಿ. ಈ ಆಚರಣೆಯು ಮನೆಗೆ ಅದೃಷ್ಟ ಮತ್ತು ಸಮೃದ್ಧಿಯನ್ನು ತರುತ್ತದೆ ಎಂದು ನಂಬಲಾಗಿದೆ.
ಪರಿಕ್ರಮ ಮಾಡುವಾಗ ನೀರನ್ನು ಅರ್ಪಿಸಿ: ಬೆಂಕಿಯ ಸುತ್ತಲೂ ನಡೆಯುವ ಪರಿಕ್ರಮದ ಸಮಯದಲ್ಲಿ, ಬೆಂಕಿಗೆ ನೀರನ್ನು ಅರ್ಪಿಸಿ. ಈ ಅಭ್ಯಾಸವು ಶುದ್ಧೀಕರಣವನ್ನು ಸಂಕೇತಿಸುತ್ತದೆ ಮತ್ತು ದೇವತೆಗಳಿಂದ ಆಶೀರ್ವಾದವನ್ನು ತರುತ್ತದೆ ಎಂದು ನಂಬಲಾಗಿದೆ.
ಅರಿಶಿನ ಮತ್ತು ಎಳ್ಳಿನ ಎಣ್ಣೆಯನ್ನು ಹಾಕಿ: ಹೋಳಿ ಕಾ ದಹನದ ಸಂದರ್ಭದಲ್ಲಿ ಹಗಲಿನ ಸಮಯದಲ್ಲಿ, ನಿಮ್ಮ ದೇಹಕ್ಕೆ ಅರಿಶಿನ ಮತ್ತು ಎಳ್ಳು ಎಣ್ಣೆಯ ಮಿಶ್ರಣವನ್ನು ಹಚ್ಚಿ. ಸ್ವಲ್ಪ ಸಮಯದ ನಂತರ, ಅರಿಶಿನವನ್ನು ಮೈಗೆ ತಿಕ್ಕಿ. ನಂತರ, ಹೋಳಿ ಕಾ ಅಗ್ನಿಗೆ ತುರಿದ ಅರಿಶಿನವನ್ನು ಅರ್ಪಿಸಿ. ಈ ಅಭ್ಯಾಸವು ಉತ್ತಮ ಆರೋಗ್ಯವನ್ನು ತರುತ್ತದೆ ಮತ್ತು ನಕಾರಾತ್ಮಕ ಶಕ್ತಿಗಳನ್ನು ನಿವಾರಿಸುತ್ತದೆ ಎಂದು ನಂಬಲಾಗಿದೆ.
ದೀಪೋತ್ಸವದ ಬಳಿಕ ಬೂದಿಯನ್ನು ಸಂಗ್ರಹಿಸಿ: ದೃಕ್ ಪಂಚಾಂಗದ ಪ್ರಕಾರ ಹೋಳಿ ಕಾ ದಹನ್ ದೀಪೋತ್ಸವದಿಂದ ಬೂದಿಯನ್ನು ಸಂಗ್ರಹಿಸಿ ದೇಹದ ಮೇಲೆ ಹಚ್ಚಬೇಕು. ಇದು ದೇಹ ಮತ್ತು ಆತ್ಮವನ್ನು ಶುದ್ಧೀಕರಿಸುತ್ತದೆ ಎಂದು ನಂಬಲಾಗಿದೆ. ಏಕೆಂದರೆ ಅದು ಧಾರ್ಮಿಕತೆಯ ಸಂಕೇತ ಎಂದು ಪರಿಗಣಿಸಲಾಗಿದೆ.
ಹೋಲಿಕಾ ದಹನ್ ಪೂಜೆ 2023: ಏನು ಮಾಡಬಾರದು
ಬೇರೆಯವರಿಂದ ಆಹಾರ ಅಥವಾ ನೀರನ್ನು ಸೇವಿಸಬೇಡಿ: ಈ ದಿನ, ಮನೆಯ ಹೊರಗಿನವರು ನೀಡುವ ಆಹಾರ ಅಥವಾ ನೀರನ್ನು ಸೇವಿಸುವುದನ್ನು ತಪ್ಪಿಸುವುದು ಒಳ್ಳೆಯದು. ಈ ಅಭ್ಯಾಸವು ನಕಾರಾತ್ಮಕ ಶಕ್ತಿಗಳನ್ನು ದೂರವಿಡುತ್ತದೆ ಮತ್ತು ದುಷ್ಟಶಕ್ತಿಗಳಿಂದ ತನ್ನನ್ನು ರಕ್ಷಿಸುತ್ತದೆ ಎಂಬುದು ನಂಬಿಕೆ.
ಅಮೂಲ್ಯ ವಸ್ತುಗಳನ್ನು ಅಥವಾ ಹಣವನ್ನು ಸಾಲವಾಗಿ ನೀಡಬೇಡಿ: ಹೋಲಿ ಕಾ ದಹನ ಸಂದರ್ಭದಲ್ಲಿ ಇತರರಿಗೆ ಅಮೂಲ್ಯ ವಸ್ತುಗಳನ್ನು ಅಥವಾ ಹಣವನ್ನು ಸಾಲವಾಗಿ ನೀಡಬಾರದು ಎಂಬ ವಾಡಿಕೆಯಿದೆ. ಈ ಅಭ್ಯಾಸವು ಹಣಕಾಸಿನ ನಷ್ಟವನ್ನು ತಪ್ಪಿಸುತ್ತದೆ ಮತ್ತು ಯಾವುದೇ ನಕಾರಾತ್ಮಕ ಪ್ರಭಾವದಿಂದ ತನ್ನನ್ನು ರಕ್ಷಿಸಿಕೊಳ್ಳುತ್ತದೆ ಎಂದು ಹಿರಿಯರು ಹೇಳುತ್ತಾರೆ.
ನಿಮ್ಮ ಕೂದಲನ್ನು ಶುಷ್ಕವಾಗಿಟ್ಟುಕೊಳ್ಳಬೇಡಿ ಮತ್ತು ಹರಡದಂತೆ ಇಟ್ಟುಕೊಳ್ಳಬೇಡಿ: ಯಾರೇ ಆಗಲಿ ತಮ್ಮ ಕೂದಲನ್ನು ಒಣಗಿಸಿಕೊಂಡು ಮತ್ತು ಹರಡಿಟ್ಟುಕೊಳ್ಳುವುದನ್ನು ತಪ್ಪಿಸಬೇಕು. ಬದಲಾಗಿ, ಕೂದಲಿಗೆ ಎಣ್ಣೆ ಹಚ್ಚಿ ಮತ್ತು ತಲೆಗೂದಲನ್ನು ಬಾಚಿಕೊಳ್ಳಬೇಕು. ಈ ಅಭ್ಯಾಸದಿಂದ ನಕಾರಾತ್ಮಕ ಶಕ್ತಿಯನ್ನು ದೂರವಿಡಬಹುದು ಮತ್ತು ಅದು ಅದೃಷ್ಟ ಸಹ ತರುತ್ತದೆ ಎಂದು ನಂಬಲಾಗಿದೆ.
ಹಳದಿ ಅಥವಾ ಕಪ್ಪು ಬಣ್ಣದ ಬಟ್ಟೆಗಳನ್ನು ಧರಿಸಬೇಡಿ: ಹೋಲಿ ಕಾ ದಹನದ ಆಚರಣೆಗಳನ್ನು ಮಾಡುವಾಗ ಹಳದಿ/ಕಪ್ಪು ಬಣ್ಣದ ಬಟ್ಟೆ ಧರಿಸುವುದನ್ನು ತಪ್ಪಿಸಬೇಕು. ಈ ಅಭ್ಯಾಸವು ನಕಾರಾತ್ಮಕ ಶಕ್ತಿಗಳನ್ನು ದೂರವಿಡುತ್ತದೆ ಮತ್ತು ದುಷ್ಟಶಕ್ತಿಗಳಿಂದ ತನ್ನನ್ನು ರಕ್ಷಿಸುತ್ತದೆ ಎಂಬುದು ನಂಬಿಕೆ.
ರಸ್ತೆಯಲ್ಲಿ ಬಿದ್ದಿರುವ ವಸ್ತುಗಳನ್ನು ಮುಟ್ಟಬೇಡಿ: ಹೋಲಿ ಕಾ ದಹನದ ರಾತ್ರಿ, ರಸ್ತೆಯ ಮೇಲೆ ಬಿಸಾಡಿರುವ ಯಾವುದೇ ವಸ್ತುಗಳನ್ನು ಮುಟ್ಟದಿರುವುದು ಒಳ್ಳೆಯದು. ಏಕೆಂದರೆ ಅವುಗಳು ದುಷ್ಟಶಕ್ತಿಗಳ ಆವಾಸ ಸ್ಥಾನವಾಗಿ ದುಷ್ಪರಿಣಾಮ ಬೀರಬಹುದು. ರಸ್ತೆಯಲ್ಲಿ ಬಿದ್ದಿರುವ ಯಾವುದೇ ವಸ್ತುಗಳನ್ನು ಮುಟ್ಟದಿರುವುದರಿಂದ ಅದು ತನ್ನ ಮೇಲೆ ಬೀರುವ ಯಾವುದೇ ನಕಾರಾತ್ಮಕ ಪ್ರಭಾವವನ್ನು ತಪ್ಪಿಸಬಹುದಾಗಿದೆ ಎಂದು ನಂಬಲಾಗಿದೆ. ಹಾಗಾಗಿ ಈ ಹೋಳಿಯನ್ನು ಗೌರವ, ಪ್ರೀತಿ ಮತ್ತು ಸಂತೋಷದಿಂದ ಆಚರಿಸೋಣ.
