Bloating: ಹೊಟ್ಟೆ ಉಬ್ಬರಕ್ಕೆ ಈ 5 ಆಹಾರಗಳು ಕಾರಣ; ಇವುಗಳನ್ನು ಮಿತವಾಗಿ ಸೇವಿಸಿ

ಹೆಚ್ಚುವರಿ ಗ್ಯಾಸ್ (Acidity) ಮತ್ತು ಕಿಬ್ಬೊಟ್ಟೆಯ ಅಸ್ವಸ್ಥತೆಯೊಂದಿಗೆ ನೀವು ಎಂದಾದರೂ ಅಹಿತಕರ ಉಬ್ಬರಿಕೆಗೆ (Stomach Bloating) ಭಾವನೆಯನ್ನು ಅನುಭವಿಸಿದ್ದೀರಾ? ನಮ್ಮ ಆಹಾರ ಪದ್ಧತಿಯು (Eating Habits) ಆರೋಗ್ಯಕರ ಮನೆಯಲ್ಲಿ ತಯಾರಿಸಿದ ಊಟಕ್ಕಿಂತ ಬೀದಿ ಆಹಾರ ಮೇಲೆ ಒಲವು ತೋರುವುದರಿಂದ ಈ ರೀತಿಯ ಸಮಸ್ಯೆಗಳು ಸಾಮಾನ್ಯವಾಗಿವೆ. ನಿಮ್ಮ ಅಸ್ವಸ್ಥತೆಯ ಕಾರಣವು ನೀವು ಸೇವಿಸಿದ ಊಟಕ್ಕೆ ಸಂಬಂಧಿಸಿದೆ ಎಂದು ನಿಮಗೆ ತಿಳಿದಿದೆಯೇ, ಅದು ಇನ್ನೂ ಜೀರ್ಣವಾಗದೆ ನಿಮ್ಮ ಹೊಟ್ಟೆಯಲ್ಲಿ ಕುಳಿತಿರಬಹುದು? ಒಳ್ಳೆಯ ಸುದ್ದಿ ಎಂದರೆ ಹೊಟ್ಟೆ ಉಬ್ಬರ ಮತ್ತು ಗ್ಯಾಸ್ ಸಾಮಾನ್ಯವಾಗಿ ಗಂಭೀರ ಆರೋಗ್ಯ ಸಮಸ್ಯೆಯ ಸಂಕೇತವಲ್ಲ ಮತ್ತು ನಿಮ್ಮ ಆಹಾರದಲ್ಲಿ ಕೆಲವು ಸರಳ ಬದಲಾವಣೆಗಳೊಂದಿಗೆ ನಿರ್ವಹಿಸಬಹುದು.

ಯಾವ ಆಹಾರಗಳು ನಿಮ್ಮ ಹೊಟ್ಟೆ ಉಬ್ಬರ ಮತ್ತು ಗ್ಯಾಸ್ ಉಂಟುಮಾಡಬಹುದು ಎಂಬುದನ್ನು ಗುರುತಿಸಲು ನಿಮಗೆ ಸಹಾಯ ಮಾಡಲು, ನಾವು ಸಾಮಾನ್ಯ ಪಟ್ಟಿಯನ್ನು ಒಟ್ಟುಗೂಡಿಸಿದ್ದೇವೆ.

ಹೊಟ್ಟೆ ಉಬ್ಬರಿಕೆ ಸಮಸ್ಯೆ ಇರುವವರು ತಪ್ಪಿಸಬೇಕಾದ 5 ಆಹಾರಗಳು:

• ಕಾಳು ಮತ್ತು ಬೇಳೆ:

ಕಾಳು ಮತ್ತು ದ್ವಿದಳ ಧಾನ್ಯಗಳಾದ ಕಿಡ್ನಿ ಬೀನ್ಸ್ (ರಾಜ್ಮಾ), ಕಡಲೆ, ಇತ್ಯಾದಿಗಳು ಫೈಬರ್‌ನಲ್ಲಿ ಹೆಚ್ಚಿನ ಪ್ರಮಾಣದಲ್ಲಿರುತ್ತವೆ, ಇದು ನಮ್ಮ ಕರುಳಿನ ಆರೋಗ್ಯಕ್ಕೆ ಸಂಪೂರ್ಣವಾಗಿ ಪ್ರಯೋಜನಕಾರಿಯಾಗಿದೆ. ಇವುಗಳನ್ನು ದಿನನಿತ್ಯ ಸೇವಿಸುವುದರಿಂದ ಹೊಟ್ಟೆ ಉಬ್ಬರ ಮತ್ತು ಗ್ಯಾಸ್ ಉಂಟಾಗುತ್ತದೆ, ಏಕೆಂದರೆ ಇದು ಜೀರ್ಣಿಸಿಕೊಳ್ಳಲು ಕಷ್ಟವಾಗುತ್ತದೆ. ಇದನ್ನು ತಪ್ಪಿಸಲು, ಅಡುಗೆ ಮಾಡುವ ಮೊದಲು ಕಾಳುಗಳನ್ನು ಒಂದು ರಾತ್ರಿ ನೆನೆಸಿಡಿ.

• ಕೋಸುಗಳು:

ರಾತ್ರಿಯಲ್ಲಿ ಕೋಸುಗಡ್ಡೆ, ಹೂಕೋಸು ಮತ್ತು ಎಲೆಕೋಸು ಮುಂತಾದ ತರಕಾರಿಗಳನ್ನು ಸೇವಿಸಬೇಡಿ ಎಂದು ನಿಮ್ಮ ತಾಯಿ ಹೇಳುವುದನ್ನು ಕೇಳಿದ್ದೀರಾ? ಏಕೆಂದರೆ ಕೆಲವು ತರಕಾರಿಗಳು ಅನಿಲವನ್ನು ಸೃಷ್ಟಿಸುತ್ತವೆ ಮತ್ತು ಹೊಟ್ಟೆ ಉಬ್ಬರಕ್ಕೆ ಕಾರಣವಾಗುತ್ತವೆ. ಆದರೆ, ಇವುಗಳನ್ನು ಮದ್ಯಾನ ಊಟಕ್ಕೆ ತಿಂದರೆ ಹೆಚ್ಚು ಪ್ರಯೋಜನವಾಗುತ್ತದೆ.

• ಡೈರಿ ಉತ್ಪನ್ನಗಳು:

ಚೀಸ್ ಮತ್ತು ಹಾಲಿನಂತಹ ಡೈರಿ ಉತ್ಪನ್ನಗಳು ಲ್ಯಾಕ್ಟೋಸ್ ಅನ್ನು ಜೀರ್ಣಿಸಿಕೊಳ್ಳಲು ಸಾಧ್ಯವಾಗದವರಿಗೆ ಸಮಸ್ಯೆಯಾಗಬಹುದು. ಲ್ಯಾಕ್ಟೋಸ್ ಅಸಹಿಷ್ಣುತೆ ಇರುವರು, ಗ್ಯಾಸ್ ತಪ್ಪಿಸಲು ಹಾಲು ಆಧಾರಿತ ಉತ್ಪನ್ನಗಳನ್ನು ತ್ಯಜಿಸುವುದು ಬಹಳ ಮುಖ್ಯ.

• ಕಾರ್ಬೊನೇಟೆಡ್ ಪಾನೀಯಗಳು:

ಭಾರೀ ಊಟದ ನಂತರ ಕಾರ್ಬೊನೇಟೆಡ್ ಪಾನೀಯಗಳನ್ನು ಸೇವಿಸುವುದರಿಂದ ಆಹಾರವನ್ನು ಉತ್ತಮವಾಗಿ ಜೀರ್ಣಿಸಿಕೊಳ್ಳಲು ಸಹಾಯ ಮಾಡುತ್ತದೆ ಎಂಬು ಮಾತುಗಳನ್ನು ನೀವು ಕೇಳಿರಬಹುದು. ಆದರೆ ಸೋಡಾ ಪಾನೀಯಗಳು ಹೆಚ್ಚಿನ ಪ್ರಮಾಣದ ಅನಿಲವನ್ನು ಹೊಂದಿರುತ್ತವೆ ಮತ್ತು ಹೊಟ್ಟೆಯಲ್ಲಿ ಒತ್ತಡವನ್ನು ಹೆಚ್ಚಿಸಬಹುದು ಮತ್ತು ಉಬ್ಬುವಿಕೆಗೆ ಕಾರಣವಾಗಬಹುದು.

ಇದನ್ನೂ ಓದಿ: ಗರ್ಭಾವಸ್ಥೆಯಲ್ಲಿ ಮಹಿಳೆಯರು ಸೇವಿಸಬೇಕಾದ ಅಗತ್ಯ ಪೋಷಕಾಂಶ ಆಹಾರಗಳು ಯಾವುವು? ಇಲ್ಲಿದೆ ತಜ್ಞರ ಸಲಹೆ 

• ಕೊಬ್ಬಿನ ಆಹಾರ:

ನಿಯಮಿತವಾಗಿ ಕೊಬ್ಬಿನ ಆಹಾರಗಳನ್ನು ತಿನ್ನುವುದು ಸಹ ಉಬ್ಬರಿಕೆಗೆ ಕಾರಣವಾಗಬಹುದು. ಅವು ನಮ್ಮ ದೇಹದಲ್ಲಿ ಜೀರ್ಣವಾಗಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತವೆ. ವಾಸ್ತವವಾಗಿ, ಬಾದಾಮಿ ಮತ್ತು ಬೆನ್ನು ಹಣ್ಣಿನಂತಹ ಆರೋಗ್ಯಕರ ಆಹಾರಗಳು, ದೊಡ್ಡ ಪ್ರಮಾಣದಲ್ಲಿ ಸೇವಿಸಿದರೆ, ಜೀರ್ಣಕ್ರಿಯೆಯನ್ನು ನಿಧಾನಗೊಳಿಸಬಹುದು ಮತ್ತು ಉಬ್ಬರಿಕೆಯನ್ನು ಉಂಟುಮಾಡಬಹುದು. ಹುರಿದ ಆಹಾರಗಳು, ಸಂಸ್ಕರಿಸಿದ ಚಿಪ್ಸ್ ಮತ್ತು ಪೇಸ್ಟ್ರಿಗಳಂತಹ ಜಿಡ್ಡಿನ ಆಹಾರಗಳು ಗ್ಯಾಸ್ ಮತ್ತು ಉಬ್ಬರಿಕೆಯನ್ನು ಉಂಟು ಮಾಡಬಹುದಾದ ಆಹಾರ ಮೂಲಗಳಾಗಿವೆ. ಆದ್ದರಿಂದ, ಅಹಿತಕರ ಭಾವನೆಯನ್ನು ತಪ್ಪಿಸಲು ನೀವು ಏನು ತಿನ್ನುತ್ತೀರಿ ಮತ್ತು ಎಷ್ಟು ತಿನ್ನುತ್ತೀರಿ ಎಂಬುದರ ಬಗ್ಗೆ ಗಮನ ಹರಿಸುವುದು ಮುಖ್ಯ.