Beatroot: ಈ ಆರೋಗ್ಯ ಸಮಸ್ಯೆ ಹೊಂದಿರುವವರು ಬೀಟ್ರೂಟ್ ಸೇವಿಸಬಾರದು ಎನ್ನುತ್ತಾರೆ ತಜ್ಞರು!

ಅನೇಕರು ಬೀಟ್ರೂಟ್​​ನ್ನು ಅತ್ಯಂತ ಪೋಷಕಾಂಶ ಆಹಾರ ಪದಾರ್ಥಗಳಲ್ಲಿ ಒಂದು ಎಂದು ಪರಿಗಣಿಸುತ್ತಾರೆ. ಕೆಲವರಿಗೆ ಬೀಟ್ರೂಟ್ ಇಷ್ಟವಾಗುವುದಿಲ್ಲ. ಆದರೆ ಬೀಟ್ ರೂಟ್​ನ (Beatroot) ಉಪಯೋಗಗಳು ತಿಳಿದವರು ಅದನ್ನು ಮಾರುಕಟ್ಟೆಯಿಂದ ತರಲಾರದೆ ಇರರು. ಬೀಟ್​ರೂಟ್​ನ್ನು ಪಲ್ಯ ಹೊರತುಪಡಿಸಿ, ಜ್ಯೂಸ್ ಆಗಿ ಕೂಡ ಸೇವಿಸಬಹುದಾಗಿದೆ. ಬೀಟ್​ರೂಟ್​ನಲ್ಲಿ ವಿಟಮಿನ್ ಬಿ6, ಫೋಲೇಟ್, ಪೊಟ್ಯಾಶಿಯಂ, ಫೈಬರ್ ಮತ್ತು ಆ್ಯಂಟಿಆಕ್ಸಿಡೆಂಟ್​ಗಳು ಸಮೃದ್ಧವಾಗಿವೆ. ಆದರೆ ಬೀಟ್​ರೂಟ್​ನ ಹಲವಾರು ಆರೋಗ್ಯ ಪ್ರಯೋಜನಗಳ ಹೊರತಾಗಿಯೂ ಕೆಲವು ಅನಾನುಕೂಲತೆಗಳೂ ಇವೆ. ಕೆಲವು ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿರುವವರು ಬೀಟ್​ರೂಟ್ ತಿನ್ನಬಾರದು ಎಂದು ಆರೋಗ್ಯ ತಜ್ಞರು ಸಲಹೆ ನೀಡುತ್ತಾರೆ. ಹಾಗಾದರೆ ಯಾರೆಲ್ಲ ಬೀಟ್​ರೂಟ್ ತಿನ್ನಬಾರದು ಎಂದು ತಿಳಿಯೋಣ.

ಅಲರ್ಜಿ:

ಬೀಟ್​ರೂಟ್ ಅನೇಕ ಆರೋಗ್ಯ ಪ್ರಯೋಜನಗಳನ್ನು ಹೊಂದಿದ್ದರೂ, ಕೆಲವರು ಇದನ್ನು ಸೇವಿಸಿದ ನಂತರ ಕೆಲವು ಅಡ್ಡ ಪರಿಣಾಮಗಳಾಗಬಹುದು. ಅಲರ್ಜಿ ಇರುವವರು ಬೀಟ್ರೂಟ್​ನ್ನು ಸೇವಿಸುವುದರಿಂದ ಚರ್ಮದ ದದ್ದುಗಳು ಮತ್ತು ಅಲರ್ಜಿಗಳು ಉಲ್ಬಣಗೊಳ್ಳಬಹುದು. ಅಲರ್ಜಿ ಪೀಡಿತರು ಬೀಟ್ರೂಟ್​ನ್ನು ಸೇವಿಸಬಾರದು.

ಮೂತ್ರಪಿಂಡದಲ್ಲಿ ಕಲ್ಲು:

ಆಕ್ಸಲೇಟ್ ಹೊಂದಿರುವ ಜನರು ಮೂತ್ರಪಿಂಡದ ಕಲ್ಲುಗಳಿಗೆ ಗುರಿಯಾಗುತ್ತಾರೆ. ಕಿಡ್ನಿ ಸ್ಟೋನ್ ಸಮಸ್ಯೆ ಇರುವವರಿಗೆ ಬೀಟ್ ರೂಟ್ ತಿನ್ನುವುದು ಅಪಾಯಕಾರಿ ಎಂದು ತಜ್ಞರು ಹೇಳುತ್ತಾರೆ. ಬೀಟ್ರೂಟ್ ವಾಸ್ತವವಾಗಿ ಹೆಚ್ಚಿನ ಆಕ್ಸಲೇಟ್​ನ್ನು ಹೊಂದಿರುತ್ತದೆ. ಈ ಕಾರಣದಿಂದಾಗಿ, ಮೂತ್ರಪಿಂಡದ ಕಲ್ಲುಗಳ ಸಮಸ್ಯೆಯು ಹೆಚ್ಚು ಗಂಭೀರವಾಗುತ್ತದೆ. ಮೂತ್ರಪಿಂಡದ ಕಲ್ಲುಗಳಿಂದ ಬಳಲುತ್ತಿದ್ದರೆ ಬೀಟ್ರೂಟ್ ತಿನ್ನುವುದನ್ನು ತಪ್ಪಿಸಬಹುದು. ಇಲ್ಲವಾದರೆ ಸೀಮಿತವಾಗಿ ಸೇವಿಸುವುದು ಉತ್ತಮ.

ಸಕ್ಕರೆ ಕಾಯಿಲೆ:

ಬೀಟ್ರೂಟ್ ಸೇವಿಸುವುದರಿಂದ ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಹೆಚ್ಚಿಸಬಹುದು. ಬೀಟ್ರೂಟ್​ನ್ನು ಈಗಾಗಲೇ ಅಧಿಕ ರಕ್ತದ ಸಕ್ಕರೆ ಹೊಂದಿರುವವರು ತಿನ್ನಬಾರದು. ಬೀಟ್ರೂಟ್ ಹೆಚ್ಚಿನ ಗ್ಲೈಸೆಮಿಕ್ ಹೊಂದಿದೆ. ಈ ಕಾರಣಕ್ಕಾಗಿ, ಅಧಿಕ ರಕ್ತದ ಸಕ್ಕರೆ ಹೊಂದಿರುವ ಜನರು ಬೀಟ್ರೂಟ್ ಸೇವಿಸಬಾರದು.

ಯಕೃತ್ತಿನ ಸಮಸ್ಯೆ:

ಬೀಟ್ರೂಟ್ನ ಅತಿಯಾದ ಸೇವನೆಯು ಯಕೃತ್ತಿನ ಸಮಸ್ಯೆಗಳಿಗೆ ಕಾರಣವಾಗಬಹುದು ಎಂದು ಹಲವಾರು ಅಧ್ಯಯನಗಳು ತೋರಿಸಿವೆ. ಬೀಟ್ರೂಟ್ ತಾಮ್ರ, ಕಬ್ಬಿಣ, ರಂಜಕ, ಮೆಗ್ನೀಸಿಯಮ್​ನ್ನು ಹೊಂದಿರುತ್ತದೆ. ಯಕೃತ್ತಿನಲ್ಲಿ ಈ ಖನಿಜಗಳು ಹೆಚ್ಚಿನ ಪ್ರಮಾಣದಲ್ಲಿ ಸಂಗ್ರಹವಾಗುವುದರಿಂದ ಅವು ತೀವ್ರವಾಗಿ ಹಾನಿಗೊಳಗಾಗಿಸುತ್ತವೆ. ಅತಿಯಾಗಿ ಬೀಟ್ರೂಟ್ ತಿನ್ನುವುದರಿಂದ ದೇಹದಲ್ಲಿ ಕ್ಯಾಲ್ಸಿಯಂ ಕಡಿಮೆಯಾಗುತ್ತದೆ. ಇದು ಮೂಳೆಯ ಸಮಸ್ಯೆಯನ್ನು ಹೆಚ್ಚಿಸುತ್ತದೆ.

ಮತ್ತಷ್ಟು ಆರೋಗ್ಯ ಲೇಖನಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.