ಅತಿಸಾರವನ್ನು ತಡೆಯುವ ಸುಲಭ ವಿಧಾನಗಳು ಇಲ್ಲಿವೆ

ಅತಿಸಾರ ಅಥವಾ ಭೇದಿ ಪ್ರತಿಯೊಬ್ಬರನ್ನೂ ಆಗಾಗ ಕಾಡುವ ಆರೋಗ್ಯ ಸಮಸ್ಯೆ. ಒಂದೇ ದಿನದಲ್ಲಿ 3 ಅಥವಾ ಅದಕ್ಕಿಂತ ಹೆಚ್ಚು ಬಾರಿ ಸಡಿಲವಾಗಿ ಮಲವಿಸರ್ಜನೆ ಆದರೆ ಅದನ್ನು ಅತಿಸಾರ ಎಂದು ಪರಿಗಣಿಸಲಾಗುತ್ತದೆ. ಈ ಭೇದಿ ಸಮಸ್ಯೆ ಸಾಮಾನ್ಯವಾಗಿ ಒಂದದೆರಡು ದಿನಗಳಲ್ಲಿ ತನ್ನಷ್ಟಕ್ಕೆ ತಾನೇ ವಾಸಿಯಾಗುತ್ತದೆ. ಆಹಾರದ ವ್ಯತ್ಯಾಸದಿಂದ ಭೇದಿ ಉಂಟಾಗುವ ಸಾಧ್ಯತೆಗಳು ಹೆಚ್ಚು. 2 ದಿನವಾದರೂ ಈ ಸಮಸ್ಯೆ ಬಗೆಹರಿಯದಿದ್ದರೆ ವೈದ್ಯರನ್ನು ಕಾಣಬೇಕು. ಆದರೂ ಕೆಲವು ಮನೆಮದ್ದುಗಳನ್ನು ಬಳಸುವ ಮೂಲಕ ಅತಿಸಾರವನ್ನು ನಿಯಂತ್ರಿಸಬಹುದು.

ಅತಿಸಾರಕ್ಕೆ ಕಾರಣಗಳು:

– ಜ್ವರ, ನೊರೊವೈರಸ್ ಅಥವಾ ರೋಟವೈರಸ್​ನಂತಹ ವೈರಸ್​ಗಳು.

– ಬ್ಯಾಕ್ಟೀರಿಯಾ ಅಥವಾ ಕಲುಷಿತವಾಗಿರುವ ಆಹಾರ, ನೀರು.

– ಮೆಗ್ನೀಸಿಯಮ್ ಹೊಂದಿರುವ ಪ್ರತಿಜೀವಕಗಳು, ಕ್ಯಾನ್ಸರ್ ಔಷಧಿಗಳು ಮತ್ತು ಆಂಟಾಸಿಡ್​ಗಳಂತಹ ಔಷಧಗಳು.

– ಕ್ರೋನ್ಸ್ ಕಾಯಿಲೆಯಂತಹ ಹೊಟ್ಟೆ, ಸಣ್ಣ ಕರುಳು ಅಥವಾ ದೊಡ್ಡ ಕರುಳಿನ ರೋಗಗಳು.

– ಆಹಾರ ಅಸಹಿಷ್ಣುತೆಗಳು.

– ಆಹಾರದ ಕಳಪೆ ಹೀರಿಕೊಳ್ಳುವಿಕೆ.

– ಜೀರ್ಣಾಂಗ ವ್ಯವಸ್ಥೆಗೆ ಅಡ್ಡಿಪಡಿಸುವ ಆಹಾರವನ್ನು ತಿನ್ನುವುದು.

ಇದನ್ನೂ ಓದಿ: ಫಂಗಲ್ ಇನ್​ಫೆಕ್ಷನ್ ಹೇಗೆ ಹರಡುತ್ತದೆ? ಇದನ್ನು ನಿಯಂತ್ರಿಸುವುದು ಹೇಗೆ?

ಅತಿಸಾರಕ್ಕೆ ಕೆಲವು ಮನೆಮದ್ದುಗಳು ಹೀಗಿವೆ:

1. ಸೇಬು, ತುಪ್ಪ, ಏಲಕ್ಕಿ ಮತ್ತು ಜಾಯಿಕಾಯಿ:

ತುಪ್ಪ, ಏಲಕ್ಕಿ ಮತ್ತು ಜಾಯಿಕಾಯಿಯೊಂದಿಗೆ ಸೇಬನ್ನು ಬೇಯಿಸಿ ಮತ್ತು ಈ ಮಿಶ್ರಣವನ್ನು ಸೇವಿಸಿ.

2. ಬಾಳೆಹಣ್ಣು, ತುಪ್ಪ, ಏಲಕ್ಕಿ ಮತ್ತು ಜಾಯಿಕಾಯಿ:

ಒಂದು ಅಥವಾ 2 ಬಾಳೆಹಣ್ಣನ್ನು ತುಪ್ಪದೊಂದಿಗೆ ಬೆರೆಸಿ, 1 ಚಿಟಿಕೆ ಏಲಕ್ಕಿ ಮತ್ತು ಜಾಯಿಕಾಯಿಯನ್ನು ಬೆರೆಸಿಕೊಂಡು ತಿನ್ನಿ.

3. ಅನ್ನ, ಮೊಸರು ಮತ್ತು ತುಪ್ಪ:

ಬಿಸಿ ಅನ್ನವನ್ನು ಮೊಸರಿನೊಂದಿಗೆ ಅಥವಾ ತುಪ್ಪದೊಂದಿಗೆ ತಿನ್ನುವುದರಿಂದ ಭೇದಿಯನ್ನು ನಿಯಂತ್ರಿಸಬಹುದು.

4. ಮೊಸರು, ಶುಂಠಿ ಮತ್ತು ನೀರು:

ತುರಿದ ಹಸಿ ಶುಂಠಿಯೊಂದಿಗೆ ನೀರು ಮತ್ತು ಮೊಸರನ್ನು ಮಿಶ್ರಣ ಮಾಡುವುದರಿಂದ ಭೇದಿ ಕಡಿಮೆಯಾಗುತ್ತದೆ.

ಇದನ್ನೂ ಓದಿ: Lychee Side Effects: ಅತಿಯಾಗಿ ಲಿಚಿ ಹಣ್ಣು ತಿಂದರೆ ಏನಾಗುತ್ತೆ?

5. ಶುಂಠಿ, ಸಕ್ಕರೆ ಮತ್ತು ಬೆಚ್ಚಗಿನ ನೀರು:

ಶುಂಠಿಯ ಪುಡಿ ಮತ್ತು ಸಕ್ಕರೆಯನ್ನು ಬೆಚ್ಚಗಿನ ನೀರಿನೊಂದಿಗೆ ಸೇವಿಸುವುದರಿಂದ ಭೇದಿಯನ್ನು ತಡೆಗಟ್ಟಲು ಸಹಾಯಕ.

6. ತುಪ್ಪ, ಜಾಯಿಕಾಯಿ, ಶುಂಠಿ ಮತ್ತು ಸಕ್ಕರೆ:

ತುಪ್ಪ, ಜಾಯಿಕಾಯಿ, ಶುಂಠಿ ಪುಡಿ ಮತ್ತು ಸಕ್ಕರೆಯ ಮಿಶ್ರಣವನ್ನು ದಿನಕ್ಕೆ 2ರಿಂದ 3 ಬಾರಿ 2-3 ದಿನಗಳವರೆಗೆ ಸೇವಿಸಬಹುದು.

7. ಸೋಂಪು ಮತ್ತು ಶುಂಠಿ ಪುಡಿ:

ಸೋಂಪಿನ ಪೌಡರ್ ಮತ್ತು ಶುಂಠಿ ಪುಡಿಯ ಮಿಶ್ರಣವನ್ನು ದಿನಕ್ಕೆ 2ರಿಂದ 3 ಬಾರಿ ಜಗಿಯುವುದು.

8. ಕಪ್ಪು ಚಹಾ, ನಿಂಬೆ ರಸ ಮತ್ತು ಏಲಕ್ಕಿ ಅಥವಾ ಜಾಯಿಕಾಯಿ:

1 ಚಿಟಿಕೆ ನಿಂಬೆ ರಸ ಮತ್ತು 1 ಚಿಟಿಕೆ ಏಲಕ್ಕಿ ಅಥವಾ ಜಾಯಿಕಾಯಿಯೊಂದಿಗೆ ಒಂದು ಕಪ್ ಬಿಸಿಯಾದ ಕಪ್ಪು ಚಹಾವನ್ನು ಕುಡಿಯಿರಿ.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ