ಮಧುಮೇಹ, ಕಿಡ್ನಿ, ಅತಿಸಾರ ನಿಯಂತ್ರಣಕ್ಕೆ ಜಂಗಲ್ ಜಲೇಬಿ ಹಣ್ಣು ತಿನ್ನಿ

ಆಯುರ್ವೇದ ಎಂಬುದು ಭಾರತದ ಪ್ರಾಚೀನ ಆರೋಗ್ಯ ಶಾಸ್ತ್ರ. ಭಾರತೀಯ ಸಾಂಪ್ರದಾಯಿಕ ಔಷಧ ಪದ್ಧತಿಯ ಬಗ್ಗೆ ನಮ್ಮ ಅಜ್ಜಿಯರು ಮತ್ತು ಮುತ್ತಜ್ಜಿಯರು ನಮಗೆ ರವಾನಿಸಿದ ಶ್ರೀಮಂತ ಇತಿಹಾಸವನ್ನು ನಾವು ಬಹುತೇಕ ಮರೆತಿದ್ದೇವೆ. ಹಿಂದಿನ ಕಾಲದ ಔಷಧೀಯ ಸಸ್ಯಗಳ ಬಳಕೆ ಅಥವಾ ಗಿಡಮೂಲಿಕೆಗಳ ಗುಣಪಡಿಸುವ ಗುಣಗಳನ್ನು ತಿಳಿದುಕೊಳ್ಳುವುದಾದರೆ ಅದರಲ್ಲೊಂದು ಹೆಚ್ಚಿನ ಪೌಷ್ಟಿಕಾಂಶದ ಮತ್ತು ಔಷಧೀಯ ಮೌಲ್ಯವುಳ್ಳ ಸಸ್ಯವೆಂದರೆ ಪಿಥೆಸೆಲ್ಲೋಬಿಯಂ ಡ್ಯೂಲ್ಸ್. ಈ ಗಿಡದಿಂದ ಸಿಗುವ ಹಣ್ಣನ್ನು ‘ಜಂಗಲ್ ಜಲೇಬಿ’ ಎಂದು ಕರೆಯುತ್ತಾರೆ.

ಈ ಹಣ್ಣುಗಳನ್ನು ಭಾರತ, ಆಸ್ಟ್ರೇಲಿಯಾ, ದಕ್ಷಿಣ ಆಫ್ರಿಕಾ ಮತ್ತು ಏಷ್ಯಾದ ಇತರ ಭಾಗಗಳಲ್ಲಿ ವ್ಯಾಪಕವಾಗಿ ಬೆಳೆಯಲಾಗುತ್ತದೆ. ಇವು ಬೇಸಿಗೆಯಲ್ಲಿ ಮುಳ್ಳಿನ ಎತ್ತರದ ಮರಗಳ ಮೇಲೆ ಬಿಡುತ್ತವೆ. ಇವುಗಳಿಗೆ ಮದ್ರಾಸ್ ಥೋರ್ನ್ ಫ್ರೂಟ್ ಎಂದು ಸಹ ಕರೆಯಲಾಗುತ್ತದೆ. ಈ ಹಣ್ಣಿನ ಒಳಗೆ ಕೆಂಪು ಮತ್ತು ಬಿಳಿ ಮಾಂಸ ಮತ್ತು ಕಪ್ಪು ಬೀಜಗಳಿರುತ್ತವೆ. ಇದನ್ನು ಸಾಮಾನ್ಯವಾಗಿ ಬೆಟ್ಟದ ಹುಣಸೆಹಣ್ಣು ಎಂದು ಕೂಡ ಕರೆಯಲಾಗುತ್ತದೆ.

ಇದನ್ನೂ ಓದಿ: ಟೊಮ್ಯಾಟೋ ಜ್ಯೂಸ್ ಸೇವಿಸುವುದರಿಂದ ಆಗುವ ಅಡ್ಡ ಪರಿಣಾಮಗಳೇನು?

ಜಂಗಲ್ ಜಲೇಬಿ ಹಣ್ಣು ಕಾರ್ಬೋಹೈಡ್ರೇಟ್‌, ಕೊಬ್ಬು, ಪ್ರೋಟೀನ್‌, ಫೈಬರ್‌, ಕ್ಯಾಲ್ಸಿಯಂ, ಪೊಟ್ಯಾಸಿಯಮ್, ರಂಜಕ ಮತ್ತು ಕಬ್ಬಿಣದಂತಹ ಖನಿಜಗಳನ್ನು ಹೊಂದಿರುವ ಅಪರೂಪದ ಹಣ್ಣು. ಈ ಹಣ್ಣಿನಲ್ಲಿ ಸಪೋನಿನ್‌ಗಳು, ಫ್ಲೇವನಾಯ್ಡ್‌ಗಳು ಮತ್ತು ಫೀನಾಲ್‌ಗಳಂತಹ ಫೈಟೊಕೆಮಿಕಲ್‌ಗಳೂ ಇವೆ.

ಜಂಗಲ್ ಜಲೇಬಿ

ಜಂಗಲ್ ಜಲೇಬಿ ಮರವು ನಿತ್ಯಹರಿದ್ವರ್ಣವಾಗಿದ್ದು, 20 ಮೀಟರ್ ಎತ್ತರದವರೆಗೆ ಬೆಳೆಯುತ್ತದೆ. ಈ ಹಣ್ಣು ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ಕಡಿಮೆ ಮಾಡುವ ಗುಣಗಳನ್ನು ಹೊಂದಿದೆ. ಇದು ಉತ್ಕರ್ಷಣ ನಿರೋಧಕ ಗುಣಗಳನ್ನು ಹೊಂದಿದೆ. ಇದು ಹುಣ್ಣುಗಳನ್ನು ಗುಣಪಡಿಸುವ ಗುಣಗಳನ್ನು ಹೊಂದಿದೆ. ಜಂಗಲ್ ಜಿಲೇಬಿ ಮೂತ್ರಪಿಂಡದ ಸಮಸ್ಯೆಗಳಿಗೆ ಪರಿಹಾರ ನೀಡುತ್ತದೆ.

ಇದನ್ನೂ ಓದಿ: Blueberries Benefits: ಸೂಪರ್ ಫ್ರೂಟ್ ಬ್ಲೂಬೆರಿ ಹಣ್ಣುಗಳ ಬಗ್ಗೆ ನಿಮಗೆಷ್ಟು ಗೊತ್ತು?

ಈ ಹಣ್ಣು ಉರಿಯೂತವನ್ನು ಕಡಿಮೆ ಮಾಡುವ ಗುಣಗಳನ್ನು ಹೊಂದಿದೆ. ಇದು ಬ್ಯಾಕ್ಟೀರಿಯಾ ಮತ್ತು ಶಿಲೀಂಧ್ರಗಳ ಬೆಳವಣಿಗೆಯನ್ನು ತಡೆಯುವ ಗುಣವನ್ನು ಹೊಂದಿದೆ. ಇದು ಅತಿಸಾರವನ್ನು ನಿರ್ವಹಿಸುವ ಸಾಮರ್ಥ್ಯವನ್ನು ಹೊಂದಿದೆ. ಹಾಗೇ, ಹಲ್ಲುಗಳನ್ನು ಕೂಡ ಬಲಪಡಿಸುತ್ತದೆ.

ಜಂಗಲ್ ಜಿಲೇಬಿಯಲ್ಲಿನ ಹೆಚ್ಚು ಪ್ರಮಾಣದ ಆಹಾರದ ನಾರುಗಳು ಕಡುಬಯಕೆಗಳನ್ನು ನಿಯಂತ್ರಿಸಲು ಮತ್ತು ಹಸಿವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಜಂಗಲ್ ಜಲೇಬಿ ಕಾಳುಗಳು ಫ್ಲೇವನಾಯ್ಡ್‌ಗಳು ಮತ್ತು ಕ್ವೆರ್ಸೆಟಿನ್‌ನಂತಹ ಶಕ್ತಿಯುತವಾದ ಉತ್ಕರ್ಷಣ ನಿರೋಧಕಗಳ ಉಗ್ರಾಣವಾಗಿದೆ. ಹೊಟ್ಟೆ ಮತ್ತು ಕರುಳಿನಲ್ಲಿರುವ ಹಾನಿಕಾರಕ ಸ್ವತಂತ್ರ ರಾಡಿಕಲ್‌ಗಳು ಮತ್ತು ಜೀವಾಣುಗಳನ್ನು ತೊಡೆದುಹಾಕಲು ಇದು ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸುತ್ತದೆ.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ